TRUST ME

🍅ONE🍅

"Ka hre tak tak ka tih chu!!!!" Ka ti hrawk a, ka beidawng lek lek tawh, ka thrianthra berin ka thusawi a awih duh miah lo hi ka hua.

"Hey... Insum deuh teh.... Mi zawng zawngin min en a nia" jimin chuan  a rawn ti sar sar a,

"Ka thusawi I awih duh hleinem"

"Awle, ka awih lo tih ka sawi miah lo, thra em? Chuan... Eng chiah maw I tawn a?"

"Umm... Nizan ka haw kha I hria ang nga, ka in luhna step a ka chhawh lai takin current a rawn thim hmak a... Chuan.... Hmanhmawh deuh in ka kal a.... Chuan... Ui dum lian tawk ka hmu a.... Ih.. ... Chuan ka phone light in ka en a... Chuan... Faifuk raih thawm ka hre leh a.... AAA.... Vawi 3 lai mawle....chuan....ui chu hmanhmawh deuhin a tlan bo nghal a" ka sawi zawng ringawt pawhin ka la khur thei....

"Awle.... In bengdai la.... thil mak tak anih chu...." Khabe tuai neuh neuh pahin Jimin chuan a rawn ti leh sup a.

"Chu mai ala ni hlei nem.... Current thim lai vel kha kan in chungte ka zawhin a thim awm an hre ve tlat lo........" hlau thawng fe chuan ka ti leh a.

"Him.... Ka ring thiam ta chiah e... Tu misual emaw chuan rawk che an tum tih a chiang reng.... Nangmah chauha I awm hi thra lo ka tihna a rei tawh hrim hrim..... Zanin a trangin kan in lamah lo awm tawh mai rawh" min ngaihtuah hmel zet chuan a rawn ti leh a.

Dik tak chuan kei pawh ka awm a nuam chiah lo.... Ka in han rawk duh ta se, eng thil hlu mah neih ka nei lo... Ka in tak ngial pawh ka luah hawh a ni a, rohlu bik eng mah ka nei lo.... Ka hna chiah hi ka neih hlu awm chhun a ni.... Chu pawh kan Boss in sual a chhuah thut chuan ban thut theih ka la ni leh nghal.

"Ka thusawi chu I lo hria em?" Ka hma a ban vei zauh zauh pahin Jimin chuan mak tih hmel deuh in min lo en kar a. Ka lo ngaihtuah tui hret a ni.

"Ahh... Maw..? Eh... I a mi.... I chhungte pawh an zahawm, bakah mahni chauh a awm te chu nuam ka tih thrin zia I hriat kha" tih pahin a ngaih tih thrat nan ka nui zui sak a. Dik tak chuan ka ngaih chu a thra zan lo.

"Ni bawk si... I thra tak zet ang maw?" a tih chuan ka lo bu nghauh a, ka nui lui leh sak a. A chhung te a hlauh zia chu hriat puitu ka ni ve tlat. Anu leh pa an strick zia mai chu rapthlak zawk.

Kum ka tlin tirh a trangin kei mah in ka awm hrang tawh. Chu pawh ka nu ka huat vang liau liau in. Ka pa duh tak, min duat em em tu leh tlakchham ka neih hlau zetin car accident a min boral san a tranga thla hnih pawh a liam hma in ka nu chuan pasal a nei nghal. Ka nuin pasal a nei chu ka haw em em pawh a ni hran lo. Mahse, a la rei lo lulai deuh hret a ni.

Chu mai pawh chu duh tawk lo in ka pa in a hlawh a trang a pawisa a khawl ve zawng zawng chu a pasal neih nan a hmang zo vek. Nasa ka tih zia chu... Kha ta trang khan hmeichhia hi ka hua, ka ten a ni mah zawk.

Ka nu chu mil thei lo in in ka chhuahsan hmak a, ka pa in ka in enkawl ve na tura ka bank account a a pawisa khawl ruk chu ka nuin a lo hriat pui lo hlauha, chu mi rinchhan chuan ka nu leh a chhungte chu ka kalsan hmiah. Vanlai a tla an tih ang hi ka nih tak ber chu.

A tir ah chuan in zim te ka luah ve a, hna ka zawng nghal a, vanneih thlak takin English leh Japanese trawng hi ka thiam ve hle a, ka tet lai a trangin ka zir ve nasa thrin. Chu bakah ka pianpui trawng, Korean chu ka thiam bel hle bawk. Painting lam hi ka tui a, keima tawkah ka thiam ve thawkhat bawk.

Chu vang pawh chu a niang, ka tui na leh ka thawh awm chi tak, advertisement company lar tak pakhat ah ka thawk ve hlauh a, nuam pawh ka ti hle, hlawh pawh ka hmu thra thawkhat. Ka inluah ka sawn nghal hmiah a, keima luah tur rau rau chuan a zahpui awm loh hle.