بسمه: گعدت الصبح الساعه 7رحت تريگت وبعدها
رحت سبحت وبدلت لبست فستان اسودوسويت تسريحه نازگه حطيت ميگاب خفيف وحمره طوخ لونها موراني ...
كملت كل شي صارت الساعه ب10:12 اتصلت ب سيف
حتى يكون عنده علم اني كملت من رد علي چان
صوته طبيعي بس ورا شويه تغير صوته گتله سيف
شبيك گال احبچ صار صوت قوي گلت سيييييفففف
شنو هذا چان الخط مفتوح بس ما يجاوب گلت
سيففف اترجاك رد ما رد عرفت صارله شي مو زين بديت ابچي واصيح سيف جاوب بابا جه وحاول
يفهم شبيه زاد بچي وبديت اشهگ وكل شهگه صيح
بسم سيف ع سريع خابرت دان بس ما رد خابرته 10مرات واخر شي رد گتله سيف وين گال بالمستشفى مسوي حادث وحالته خطره واني هسه بالطريق علي ومن الصدمه اغمى علي وبعد فتره سمعت صوت يمي باوعت ع بابه وماما چانو خايفين علي گمت ابچي وگتله ل بابه
اخذني ع مستشفى گال من هذا سيف گتله بابا
بعدين احچيلك السالفه راح شغل السياره وصعدت
اني وگضيت كل الطريق ابچي وبابه خايف علي وصلنه ع مستشفى الي يشتغل بيها رائد نزلت
من السياره ورحت ارگض ودخلت جوه لگيت دان
گاعد ع مقاعد الانتظار رحت علي وسألته ع سيف
گال بعد كل شي ما نعرف عنه طلع رائد من غرفت
العمليات واني من شفتوو رحت علي وصيحت
بصوت عالي وگلت هسه ارتاحيت من كسرتني
وجرحت گلبي اخذت مني اغلا الناس ..هوا چان
واگف وساكت اجه بابا حاول
يسكتني بس ما رضيت اسكت وحاول دان يسكتني هم ما رضيت اسكت بديت اضرب بي ع صدره واصيح اخذت
مني حبيبي ومن القهر معد احس بشي دارت الدنيا
بيه وگعت ...
رائد :استغرقت العمليه 4ساعات وهسه كملت اني
العلي والباقي ع الله ...
خرجت من غرفت العمليات شفت بسمه جت بتجاهي وبدت اصيح انصدمت وگلت هاي شبيها
اجه عمي راد يسكتها بس ما سكتت وشاب هم راد
يسكتها بس ما سكتت بدت تضرب بيه بكل قهر
وصيح اخذت مني حبيبي عرفت ان سيف...
هوا الشخص الي تحبوو ومن قهرها اغمى عليها
واخذوها حتى يفحصوها واني طلعت برا خابرت
ع حارسي الشخصي وگتله بسمه الي تحبه شسمه
گال سيف بديت اصيح بصوت عالي لگ اني گتلك
تكتله گتلك علموا درس يعني كتله خفيفه مو كتلت
موت سديت الخط وبديت اذكر مواقفه الحلووه
معاي وطيبت قلبه بدت دموعي تنزل معد اسيطر
عليهآ الي قهرني اكثر اني چنت اشجعه حتى
يحارب الدنيا ع مودها ليش هيچ القدر قاسي لي
يحب من كل گلبه يؤذه ولي ما يحب ياخذ كل شي
ااااااخ سيف سامحني ...
رين:گعد الساعه ب 11:00 فتحت الباب ورحت
نزلت جوه وامي من شافتني اجت وحظنتني
چانت خايفه حيل علي بعدت عني وگالت اني راح
اساعدچ انتي ودان لين عرفت انكم جادين بالعلاقه
من سمعت كلام امي غمرتني فرحه عميقه ......
ودائمآ ليس هناك فرحه تدوم ...
اجاني اتصال من دان رديت علي وهنا تكمن
المصيبه گال سيف سوا حادث وحالته خطرا يمكن
نفقده ...گلت شنو حالت بسمه هسه خطيه ..
رحت اركض ع غرفتي بدلت ونزلت ع سريع امي
گالت شنو الصاير گلتلها صديقي مسوي حادث
وحالته خطرا ورحت برا طلبت سيارة اجره ورحت
ع مستشفى وبعد فترا وصلت نزلت اركض....
ودخلت جوه لگيد دان وسألته ع سيف گال ع حاله
گتله وين بسمه گال فقدت الوعي واخذها ابوها ع
غرفه حتى يفحصوو حالتها سألته هي غرفه ودلاني
ورحت دگيت الباب ودخلت لگيت بسمه مسطحه ع
سرير ونايمه ويمها گاعد ابوها سلمت علي ورحت
گعدت يمها وابوها طلع برا ...بعد فترا طويله
بسمه اول ما گعدت گالت سيف شلونه....
حاولت اطمنها انوو زين بس مو صحيح لحد الان
سيف بين الحياة والموت بدت تبچي واني حضنتها
وحاولت اواسيها بس بچيها وشهگاتها دمرتني ...
مر اسبوع كامل وسيف ع حطته وبهاي المده بسمه
ضعفت حيل وبدت توهوس وفاقده الامل نهائيآ..
بدأت الايام تمر بسرعه ...
واصبحت بسمه جسد بلا روح ...واني معد اتمالك
نفسي من شفت بسمه بهاذا الضعف وقلت الإيمان
بالقدر بدت گل عاده تگل سيف راح يموت ....
چانت كلها گاعده بس اني دمي فار ورحت عليها
وضربتها راشدي وبديت اصيح عليها ...وگلت...
بسمه اصحي عاد شنو هذا الضعف لچ سيف هناك
يصارع الموت وانتي بكل يأس تگلين راح يموت وين حبچ
وين صبرچ وين قوتچ لوو صدگ تحبي روحي علي
احچي وياه حاولي شجعينه موو صارلچ ايام بس
گاعده ترى هوا بغيبوبه مو ميت يعني يدري بلي
يحچي وياه بسمه هاي مو انتي الي اعرفها بسمه الي اعرفها قويه وتواجه الحياة بشجاعه ...
بسمه:كلام رين صحاني وراشديها سحبني من اعماق
اليأس ...
رين شكرآ ..راح اكون قويه من اجل سيف هوا اكيد
راح يصحه رحت غسلت وجهي واكلت حتى تردلي
عافيتي ...
دان:رين
رين:هااا
دان:اني راح اروح ع تركيا ..
رين:هااا ليش
دان:امي مريضه
رين:روح بس دربالك ع روحك وسلملي ع خالتي
دان:الله يسلمچ بس يجوز اطول هناك اسبوع
رين:صحيح اسبوع كثير بس مهما يكون هاي امه
گتله الله معاك ...توصل بالسلامه..
دان:يسلمووو
دان:طلعت من المستشفى وخابرت عمي حتى يروح
معاي ..رد وگال اي هسه اجيك..
رحت ع فندق سبحت وبدلت واجه عمي ورحنه ..
منير:عرفت ان سيف مسوي حادث خابرت ع رؤى وگلتلها وگالت دان راح يرجع ع تركيا وگالت راح اروح وياه وانته گل ل رين رؤى راحت ويه
دان ع تركيا وانته تعرف شلون تنكه الخبر ...
مووو هههههه
منير:اكيد هههههه...گلت اچت الفرصه حتى ادمر حبهم ..
يتبع ..
شكرآ ع انتظاري ...المهم احبكم كلكم يا احلى
متابعين..
العدد 1270😘
بارت 10
Start from the beginning
