حكاوي ست الحسن💙🌍

_ انتي جيتي ازاي و...
ملحقتش اكمل كلام واتكلمت هي
_ تولع الحلفه ويولع يوسف ومرات عمي ودليا انا عندي مين اغلي منك يا حسناء
_ حضنتها
_ بس قوليلي هتتجوزي احمد بجد
_ شفتي القدر
_ قدر ايه يا شيخي اتلهي انتي عبيطه يا حسناء احمد دا عنده كم بنات بتحبه وبتكتب فيه اشعار انتي عاميه يخربيته دا الواد بينقط حلاوه جنتل او خلين اقولها بالغتك
احمد راجل ترمي هموم الدنيا عليه وهيفضل ساندك
دا بترمي تحت رجله بنات بنات يعني وانت فاهمه
وتقوليلي قدر
_ هقول لابراهيم علي فكره
_ ياختي اتوكسي مش لما نعمل الخطوبه الاول يعني انتي تصحي من النوم علي خطوبتك وتاني يوم كتب كتابك دا ايه الجوازه المتسهله دي
وانا بقالي اربع شهور مقري فتحتي مش عارفه اتخطب
_ قري بقا قري عايزاك تنبري فيها يا امال ماهو اصل انا ناقصه
_ هكلم امي اقولها اني بايته معاكي وياله قومي البس خلينا منزل نجيب فستان ورانا تحضيرات بالهبل
_ احيه دانا مش بالي
_ قومي يا حسناء الله يكرمك متخلنيش اقل ادبي عليكي والست الولاده ملهاش ذنب اشتمها وهي كبيره في السن كدا
_ بس يا مهزقه هلبس واجي
_ وانا هقوم اشوف امك طابخه ايه علي ما تخلصي
_ ضحكت علي طفاستها امال بتاكل معايا وزياده ومبتتخنش هي بتطول بس
نزلنا جبنا فستان لكتب الكتاب كان ابيض سبيط بس دخل قلبي وامال صممت اعمل شعري مش فاهمه ليه مع اني محجبه بس ماشي
باتت معايا قضينا اليوم ضحك وهزار بس قبل ما ننام كنت بفكر هو انا ليه مش خايفه ولا متوتره ولا مضايقه بالعكس مرتاحه
وغالبا مبسوطه
_ حسناء يا حس حس حسناااااااء
_ قومت من صوتها
بت قومي روحي انتي بايته هنا ليه غوري من وشي
_ بقينا الضهر يا بطه بلدي انتي وكتب الكتاب بعد العصر ولسه مجهزتيش حسبي الله ونعم الوكيل فيكي
_ قومت من السرير وبصتلها بغيظ روحي يا شيخهمنكلله
_ هههههه اغسلي وصلي بسرعه علشان تجهزي
لووووووووووولو
_ فرحانه من قلبي لروح قلبي
حضنتها وانا حاسه بايدي بترتجف ومتلجه
_ انا بقيت علي اسمه يا امال خلاص
_ يا شيخه انتي تطولي
الباب خبط وامال فتحتله وطلعت وهو دخل
_ ايه القمر دا بس
_ كان بيسلم عليا
باس ايدي وابتسم مبروك يا بلوتي
_ ابتسمت علشان عارفه انه كالعاده بيخفف عني بطريقته
_ ايوا كدا الكتكوت حجي ميخافش وانا جمبه
_________________
فات شهرين وهو معايا غالبا اصح قرار خدته في حياتي اني وافقت علي احمد
عرفت اني حبيته لما بقيت بشوف مين عمله لاف علي صوره ومين عمل كومنت
عرفت اني حبيته لما بقيت اضايق لو هزر مع اي بنت غيري حتي لو امال مش غيرانه من امال والله بس هو بتاعي انا
عرفت اني حبيته لما بقيت اتوتر وانا بتكلم معاه وباصه في عيونه اول مره اعرف ان عيونه بندقي وامل مره اعرف انها احلا من حياتي
نفسي اقوله قد ايه قلبي بيحبه بس مش عارفه
كنت بكتب الفقره بتاعت البرنامج وانا سرحانه فيه
_ عمرو ها يا حسناء خلصتي
_ لسه ياعمرو مش عارفه بصراحه اظبط الفكره لسه
_ صوته علي يعني ايه مش عارفه. انتي عارفه فاضل ساعه ونص علي البرنامج لو مش ععرفه تشتغلي اعد في البيت
_ صرخت لما احمد ضربه صوتك دا ترفعه في بيتكم انما مرات احمد الجارحي متبصلهاش بس بعينك
مسك ايدي وخدني علي مكتبه مسح دموعي بايده
_ حقك عليا انا متعطيش بقا
_ والله يا احمد ما ليا ذنب دا اصلا شغله هو دا مش تخصصي هو جه فجاه وقالي حضريه وانا اول مره اعمل دا
_ شششش اهدي ولا يهمك تعالي معايا
_ خدني ونزلنا من الاذاعه خالص
انت رايح فين يااحمد البرانامج
_ يولع
_ خدني واعدنا علي البحر في نفس المكان جبلي ايس كريم توت واعد يهزر معايا زي عادته
ضحكته حلوه دا اللي ينفع يتقال فيه
"""
إنني أرَى الجميع كأغانٍ لا فائدة منها سِوى سماعها لوقتٍ قصير ثم المَلل منها وتركها.. أو كقصائد قد تُقرأ ثم تُنسى روعتها.. أما عنكَ فأنتَ الوحيد الذي يراكَ فُؤادي كبسملة من القرآن، والذي كُلما لُحت أمامهُ اطمئن ."""
_ فوقت من توهتي في ضحكته علي صوت تليفونه
_ الو
_.....
_ مش هعمل حلقه جديده النهارده
_.....
_ اسال ليدر الاعداد بتاعكم لما تشغلو ناس محترمه بتعرف تشوف شغلها كلموني اجي اعمل البرنامج
وقفل
_ ليه كدا ياحمد
_ دموع الكتكوت حجي غالية متروحش هدر ابدا
_ ابتسمت بحب علي جبر ربنا بقلبي
هتيجي معايا خطوبه امال بليل
_ وانا اقدر ما اجيش
_ اتلم
_ وانا قولت حاجه
_ ايوا وبطل تهزر كتير مع البنات علشان مزعلكش
_ انا هزرت يا بنتي دي امال
_ وهي امال مش بنات
_ بصلي باهتمام بتغيري
_ اتلغبط واتخضيت من قربه انا هقوم بقا علشان اجهز نفسي اشوفك بليل
روحنا دخلت اوضتي وانا حاطه ايدي علي قلبي هتعمل فيا ايه يا احمد حرام عليك
لبست فستان اسود فيه نجوم بحبه نزلت بسرعه علشان بقالي ساعه لطعاه في الشارع
_ صدقي انا مشفتش تربيه اني مستنيكي اص....
_ اسفه والله حقك عليا
بصلي بطريقه خلتني اتوتر اكتر يابني بقا منك لله
اهلا انتي هتيجي الخطوبه كدا انتي عايزاهم يطلبوا ايدك مني فين دبلتك يا حسناء
_ رفعت ايدي اليمين اهي
_ خلعها من ايدي وحسيت بقلبي اتخلع معاها بس ردلي روحي لما مسك ايدي الشمال ولبسهالي
_ عايزك رافعه ايدك كدا لكل اللي يقابلك فاهمني
_ ابتسمت ماشي يا سيدي بس يلا امال هتعلقنا
_ روحنا القاعه المكان كان حلو دوشه طبعا ورقص وازعاج بس كله يهون علشان ست امال
سلمت عليها وفضلت جمها شويه واحمد كان بيسلم علي ابراهيم
_ امال احمد مجاس يسلم عليا ليه
_ بت انتي اتلمي لالمك
_ اهو دا اللي انتي فالحه فيه كتك خيبه ياختي روحي اعترفيله انك بتحبيه هتنقطيني
_ والله يا امال ببقا عايزه اقولها كل مره مش بعرف
_ حسناء امشي يا حسناء عند احمد انا النهارده عروسه ومش عايزه اتشل يوم خطوبتي
ضحكت ونزلت ادور علي احمد
_ قابلته يوسف !!
مع اني عارفه انه ابن عم امل وطبيعي يكون موجود بس انا مفكرتش اصلا في الموضوع دا انا نسيت يوسف من زمان نسيته بكل الوجع اللي سببه ليا
_ ازيك يا حسناء
_ ابتسمت بتكلف كويسه
_ حسناء انا اسف علي كل حاجه مرت زمان والله انا...
_ خلاص يا يوسف الحودته خلصت رفعت ايدي ليه وكملت وست الحسن اخدها الشاطر احمد انا بحب جوزي ربنا يسعدك مع مراتك بعد اذنك
_ طلقتها
_ رديت عليه بلامباله وتكلف ربنا يبعتلك اللي تعوضك
اول مره احسه تقيل علي قلبي كدا مشيت من قدامه وانا بدور علي احمد حابه في اللحظه دي اقوله اد ايه بحبه كنت برفع التليفون اكلمك فلقيت حد بيحط ايدي علي كتفي
لفيت بسرعه لما افتكرته احمد
_ طنط ام يوسف ....
_ ازيك يا ست الحسن
_ قلبي كان لسه شايل منها مش علشان يوسف يوسف انتهي من جويا من زمان بس علشان كرامتي اللي كانت بتتعمد تجرحها زمان وعلي ست الحسن اللي كانت بتتريق لما يوسف يناديني بيها
_ مبروك لامال يا طنط
_ عقبالك يا حسناء
_ ضحكت وانا فخوره وبرفعلها ايدي اوريها دبله احمد وكانه كان حاسس اني هقابل ناس كتير هحتاج اوريهم الدبله
_ مكتوب كتابي يا طنط
_ صوتها حزن وعنيها دمعت سامحيني يا بنتي انا عارفه. اني غلط في حقك زمان سامحيني انتي علي الاقل يمكن يجي وقت وابني يسامحني
_ليه بتقولي كدا
فتحت تليفونها وورتني اخر بوست يوسف مشيره