كيف هجرتني (نهوة غضب) مكتمله

الحلقه السادسه عشر

اماني ..ايي ابقه بهل عناد واروح وهم

غضب..راح جبريني اقفل عليج باب وابقيج هنا واني اروح وحدي تغيرين لبس هذا يابه اذا ماكض كل ملابس هيج واحركهن هم ميشفه كلبي

تخوصرتله وكتله ليش تغار مني ومن لبسي وبعدين ماا معليه اروح يعني اروح ماحس له كام وجر شعري بيده وكال لاجبريني امد ايدي عليج كتله يي وانته كلشي ايدك وضرب عادي كال بعلي لوما حامل جان سويت عرفت شسوي كتله وخر ايدك غضب كمت اصيح وخرررر ايدددك غضب

ماحس له كعدني بالكاع وكال عاندي بعد كتله توخر ايدك لواخربلك هاي تسريحتك لواكفه كال بالله شسوين مديت ايدي وجريت شعره وخربت شعره بيدي كتله ليش هيج ليش حلال عليك وحرام عليه(طبعا بوكتهه مادري ابجي لواضحك هوة لازم شعري واني احجي واخرب بشعره 😂😂😂😂بس تخيلو موقف شون من تلزمين شعر اختج ودكلج هديني يله اهدج هيج تماما 😂😂😂😂)وخرت ايدي منه واني اضحك كال شبيج تخبلتي صار عصبي وشالني عل جربايه بقوة وعض شفتي بقيت اضحك كتله يله والله راح ابدل ولبس شي مثل متريده وداعتك بس عوفني وماحس له اجاني راجدي خليت ايدي عله خدي وكتله ليش قرب عل ثاني وعلي هاي اذا نعادت بعد اشوفج عقاب مشايفته والله وكومي بدلي يله كتله خلص راح ابدل وانام وروح انته خلص صيح وكال كومي يله كمت طلعت فستان اسود وبي كرستال ابيض بدلت وعدلت شعري وخليت شال بهمال وجريت جنطه وكتله يله كال هسه احلا وباس خدي وكال ضحكي يله عدل حجابي زين سوا ولزمني من ايدي وباسهه كال يله يلخبله خربتيلي شعري ضحكت وهوة ضحك وطلعنه وصلنه يم بيت عمي جان واكفين ولد عمي يم باب وهوة صيح من سياره كلهم جوة يله كلهه فاتت جوة

غضب..واكفين بره عبالك عدنه عرض ازياء شون تفوتين وهمه وجماعتهم بلباب كتله غير خطوبه حجه بنتره اسكتي انتي نزل فتح باب سياره ولزمني من ايدي فتنه من باب يجي عل مطبخ جانن عماتي كلهن واكفات يم مطبخ سلم عليهن وبنات عمتي هم بقن يباوعن علي خنزرتله وقربت يما كتله تكدر تروح هسه ضحك وطلع فتت جوا سلمت وشفت لعروسه كاعده وسووهه بيت عمي لان هيه بنت خالته وقريبه علينه سلمت عليهه وباركتلهه وبقيت احجي وياهه وشفت ماما ومرت اخويه سلمت عليهن وبقينه نحجي شويه وعلكت بلغاني وماما متخليني اركص تخاف عليه ومن اسمع اغاني جيبو ليصبروني ماركص😂وحدي اكوم اهز خافلت ماما وكمت اركص

طفنه واجت مرت عمي كالت يله سيد اجه كومنهه وكلهه وكفت يم باب واني بقيت كاعده يم امي وعلكت هلاهل وكولشي تم ورجعت عروس واني طكيتهه بهلهوله وربي دقايق بقيت اهلهل جريتهه جره وحده وماما كالت لاضغطين عل نفسج اماني ضحكت وكالن اجه عريس كلهن لبسن شالات لبسهه ذهب وباركتله وسمعت جهازي يتصل شفته غضب متصل مرتين دز رساله طلعي بسرعه يله سلمت عل الكل وطلعت كتله ليش موراح يبقون كلهم ليش نرجع لزمني من ايدي وصعد بسياره كال اششش كلشي خلص طنكرت علي ونزلنه هوة كال صعدي رتاحي يله وكتله وانته وين رايح كال راجع علمود ولد زحمه يله صعدي رتاحي اخاف عليج حبيبي ضحك وطلع بقيت ادردم علي رحت سبحت وطلعت تمددت رتاحيت وبقيت عل جهاز ولليل يله اجه غضب كتله تونست زين نشاء الله

يي وتعبان هم اريد اسبح

كتله ليش معفتني هناك وجان اجيت وياك هسه تقرب يمي وكال اخاف عليج ادري بيج متكعدين راحه درت وجهي منه باس خدي وضحك راح يسبح نزلت كلهه رجعت اخذت فواكه وصعدت كتله شوكت اروح لدكتوره اريد اراجع كال موهسه احاجي امي وترحين وياهه لان هسه همه ميدرون اني حااااامل

كتله لازم اروح الدكتورة كال اي اكول امي وروحي وياهه كتله لا وي امي وهيه هم صديقتهه كال ليش لازم بس امج تفهم

لاامك هم تفهم تره كلي نزلي وهسه اجي وراج نزلت وهوة نزل وكفت يما وكال اسمعوني جبتلكم خبر يفرح وام غضب كالت اي وليدي احجي ضحك هوة وكال اماني حامل وبسرعه نتر ابو  وكال شنو من شوكت وشنو ضامي علينه

غضب..لابس المهم كنالكم

ابو غضب..اخو مريتك

غضب.. وافتحر يله شعدك احجي عل اقل باركلي وانتي ياامي شبيج هم هيج

اماني..عمو هسه انته متتخبل عل عمه وتخاف عليهه هم يكلولك اخو مريتك راد يضربني وغضب وكف كدامه كله دير بالك بويه

أم غضب...بقن بس الكحاب يصيحن

غضب..يمةةةةة بدال متفرحيلي هيج تحجون بس مع الاسف عليكم

اماني..بس هاي كحبه طالعه من عرجكم وعليكم طالعه هاي كحبه موغريبه صح؟

تقرب يمي غضب احجه وصاك عل أسنانه اصعدي فوك كتله ماا ماصعد كال كتلج اصعدي

حجيت بصوت ونقهرت كلش وكتلهم اصلن انتو شنو تحجون هيج بدل متفرحون لنه هيج تحجون لوبس مصالح وصعدت للغرفه بقيت اسب بيهم لوما غضب وياي وهوة واكفلي بكلشي فلا ابقه دقيقه وحده بالبيت حقراء يحبون بس نفسهم ( الله يساعدكم فعلاً صعب هل الشي )