أكاديمية يوغموندل2 🌟الحارسات المقدسات🌟|مكتملة

7

🌟الجزء الثاني من الرواية الخيالية🌟
🎃🏰أكاديمية يوغموندل🎃🏰
بعنوان: ✨❄️الحارسات المقدسات❄️✨
للكاتبة✒️:Victoria kaelin
💜📖الجزء 61💜📖
عند لقمان لي كان جالس فواحد المقهى حتى حس بداك الاحساس من جديد و هاد المرة بقوة..شد صدرو و بدا تيكح..
لقمان:اش هادشي لي تيوقع ليا؟؟ هادشي ماشي عادي ضروري خصني نشوف ياسين
ناض خلص و شد الطريق...
نرجعو لسكينة لي باقة سادة عليها فبيتها تتخمم حتى قررات انه ضروري هادشي توصلو لصحاباتها لاحت عليها جاكيت ديال لكوير فالكحل مشات حلات الشرجم ديال بيتها وقفات على الحافة ديالو و تشقلبات فالسما جاية فالأرض واقفة على رجليها و شدات طريقها لشي مكان تقدر تجمع فيه صحاباتها فنفس يالاه ضارت مع الدورة و هي تساطح مع لقمان غير شافتو و هي تعجب..:اش تدير هنا يا؟؟
لقمان:ههه خفت نكذب و نقول صدفة ههه
سكينة معندهاش لگانة لضحكو:شوف ممسالياش دابا (دازتو)
لقمان حسها مقلقة و شدها:مالكي؟؟ واش واقعة شي حاجة فاادار؟؟
سكينة حييدات يدو مخنزرة:مكاين والو بقا بعيد هاد الساعة
لقمان:كنت تنتاصل بياسين متيجاوبش يتصحابلي عندكوم ولكن تنفهم بلي مكاينش ممكن يكون غارق فالخدمة
سكينة:اوكي انا غادة بسلامة
لقمان:تسناي ياكما بغيتي نوصلك طموبيلتي مپاركيها غير مع الدورة
سكينة:لا بغيت نتمشا بوحدي هاد الساعة على كل شكرا
مشات سكينة مخلية لقمان تيفكر فمال هاد المخلوقة فقرر انه يتبعها مادام ملقاش ياسين دابا الا و غتكون عندو شي فائدة من ختو..مشا لقمان ضربها بجرية:هيييي وا خت يااااسين وااا مولاات كيتيي وااا الحااارسة
سكينة سمعاتو و هي ضور لقاتو جاي تيجري لعندها واش هدا متيستسلمش؟؟
سكينة وقفات و عوجات عينيها تتسوط:اش كاين ا سي بوجنحين؟؟
لقمان:شوفي بغيت ندوي معاك فواحد الحاجة
سكينة: و شنو هاد الحاجة بالسلامة؟؟
لقمان:تنحس بالشر قريب
سكينة:تاني؟؟؟
لقمان:هاد المرة اكثر من قبل
سكينة:معرفتش اش غنقول ليك هادشي جدة لي غتعاون فيه اما انا بحالي بحالك
لقمان:تقدري نرجعو لعندها و ندويو معاها؟؟ مجاتش نمشي عندها و بوحدها فالدار
سكينة:منقدرش دابا غادية عند الدريات
لقمان:واخا نتي تعرفي المهم ملي تشوفيها علميها بلي قلتو
سكينة:واخا
لقمان مشا دخل لطونوبيلتو و هي كملات طريقها..
عند بيان لي عاد بدات تتفيق وجهها كولو حمر و عينيها منفوخين بالبكا معقلاتش امتى داها النعاس لبارح..فلتحت كانت الهام جالسة فطاولة الفطور لي بردات ساعات باش تسناتها تهبط و هي تقرر طلع عندها بنفسها طلعات الهام و تعمدات مدقش فالباب باش تعرف شنو لي معطلها حتى تتلقاها مرمية فوق السرير بحال شي جثة عينيها لي تيرمشو فقط هنا الهام تخلعات مشات دغيا تتحرك فيها بخوف:بيااان بنتييي بنتيييي بياااان
بيان فزگو تاني عينيها بالدموع فاش سمعات صوت مها ديك الساعة بداو تيتسمعو شهقاتها لي تيهزو فجسمها بحال الى تتخنق تما فين الهام غيخرج ليها العقل:ليللللللللللى عييطي على الإسعاااااااف بنتي تضيييع منيييي....
🌟الجزء الثاني من الرواية الخيالية🌟
🎃🏰أكاديمية يوغموندل🎃🏰
بعنوان: ✨❄️الحارسات المقدسات❄️✨
للكاتبة✒️:Victoria kaelin
💜📖الجزء 62💜📖
من جهة اخرى زهرة باقة فدار بنت خالتها لي متتجي حتال الفجر و تتجي كلها تتعطعط بالشيشة و الشراب و تبقا تنعس حتال المغرب بحال شي خفاش عاد تقاد و تخرج تاني تما زهرة رغم انها بهلولة و الريح لي جا يديها الا انه اخلاقها متتسمحش ليها تبقا فوضع هكا هي متترضعش صبعها و عارفة السواعدة و ميجي منهوم قرات بزاف د القصص فالفايس على بنات و قصصهوم معاهوم و دابا تتشوف مثال حي قدامها و لي هي بنت خالتها لمياء ناضت زهرة حيدات حوايجها لي تسلفات من عندها و حطاتهوم فالماكينة و شعلات عليها و لبسات حوايجها لي جات بيهوم النهار الأول هزات تيليفونها و خرجات سادة عليها بشوية لتفيق ديك الساعة خدمات قوة التخفي و الطيران دقة وحدة و قررات تمشي عند وحدة من البنات...
عند أميمة لي كانت تطوي فشي حوايجها و تتقاد الماريو ديالها و أوميرا جالسة فوق سريرها تتشوف فيها:مزال مكملتي
أميمة:لا باقي بقاو ليا غير هادو و نسالي
أوميرا:امم و مغتشوفيش صحاباتك اليوم؟
أميمة:ضروري خصنا غير شي بلان
أوميرا:اش بان ليكوم تاكلو فشي بلاصة ولا تخرجو لبحر؟؟
أميمة:حتى نشوف معاهوم
أوميرا:مزال مبديتي تتحسي بطاقة النور داخلك؟
أميمة:فالحقيقة لا
أوميرا:مع الوقت غتقدري تكتاسبيها
أميمة:تنتمنا هادشي
أوميرا:انا دابا غنمشي نخليك
أميمة:واخا انا نيت غنهبط دابا نشوف ماما ياكما محتاجة شي حاجة...
عند لارا كانت فدارهوم جابدة تيليفونها و تتشوف فسطوري لي داير منير فلواتساب ديالو لدابا مزال مسيفطات ليه شوية قالت الملل قاتلها اجي نطلعها عليه صونات عليه و بدات نمرتو تتصوني...
منير:الو شكون معايا
لارا:وايلي نسيتيني انا شكون
منير:معرفتكش قولي شكون؟
لارا:كليانة عندك
منير:ااه قولي هكاك و شنو حب الخاطر اختي؟
لارا:غير بغيت سلعة جديدة الى جات على خاطرك
منير:اكيد دوزي نهار الجمعة هاد النهار فاش تنجيبوها
لارا:واخا شكراا(قطعات)
لوكريتيا من موراها:و اش ستفدتي دابا؟؟
لارا قفزاتها:افف بقاي تديري الحس
لوكريتيا:جاوبيني
لارا:والو المهم سمعت صوتو
لوكريتيا:اوف منك على كل داز اتصال بيني و بين بيلان قالت ليا بلي داو بيا لسبيطار
لارا ناضت بالخلعة:كيفاااش؟؟
لوكريتيا:ااه ستعمليالانتقال الاآني و زيدي صحاباتك وصلنا ليهوم الخبار كل وحدة فطريقها دابا لسبيطار
لارا بتوتر:ولكن معارفاش السبيطار لي مشاو ليه
لوكريتيا:انا عارفة تبعيني(اختفت)
اختفت لارا بدورها و كلها ذعر من الجهة الأخرى البنات كل وحدة شاقة طريقها بسرعة باش توصل على بيان فالمستشفى واش غادي تحسن حالتها؟؟ و واش غتقاد علاقتها؟؟ و شغيوقع الى وصلات لخبار ل لؤي؟؟
🌟الجزء الثاني من الرواية الخيالية🌟
🎃🏰أكاديمية يوغموندل🎃🏰
بعنوان: ✨❄️الحارسات المقدسات❄️✨
للكاتبة✒️: Victoria kaelin
💜📖الجزء 63💜📖
🏥فالمستشفى🏥
كانت بيان فغرفة من غرف المستشفى بعدما شافها الطبيب و عطاها مهدئ...
الهام:شنو بيها بنتي ا دكتور؟؟
الطبيب:متخافيش ا لالة غير حالتها النفسية لي سائت شوية دابا فاش عطيتها المهدئ غادي ترتاح و تفيق بتحسن واش تتاخد شي دوا ديال الأعصاب ولا شي حاجة؟؟
الهام:كانت واحد المدة تتشرب دوا ديال الاكتئاب ولكن قطعاتو شحال هادي
الطبيب:ااه اذن متخاف والو خاصها غير الراحة و صافي الله يجيب الشفاء لالة
الهام:امين شكرا
الطبيب مشا و الهام جلسات فقاعة الانتظار تتسنا حتى يسمحو ليها تدخل عندها و هوما يوقفو عليها الرباعة دقة وحدة...
سكينة تتلهث:خ خاالتي فين بيان؟؟
زهرة:واش بيخير؟ ؟؟
أميمة:اش قالوو ليها؟؟؟
لارا:اش عندهاا اخاالتي؟؟
شيماء:ياكماا شي حاجة خطييرة؟؟؟
الهام بحزن:عاد هضرت مع الطبيب قال ليا معندنا مناش نخافو خصها غير شوية الراحة و صافي
البنات عاد قدرو يرتاحو جلسو حداها...
سكينة:الحمد الله و الله حتى تخلعنا عليها
أميمة:ااه جينا بأقصى سرعة ممكنة
الهام عاد سرات معاها:اجي علاه شكون قالها ليكوم بعدا؟؟
البنات بلعو ريقهوم و وحدة تتبرق عينيها فلوخرا حتى عتقات سكينة الموقف..
سكينة:ا ام اا الخداامة اااه ااه الخداامة ديالكووم حي حييت صونيت على بيان مجاوبااتش و و  كاانت عطاتني لفيكس ديالكوم للاحتياط و قالت ليا ك كلشي و انا نعييط على البنات
الهام جاها هادشي منطقي:ا ااه شكرا عذبتو راسكوم
شيماء:لا لا اويلي ا خالتي اشمن عذاب
لارا:بيان راه وحدة منا راها ختنا
أميمة:حنا كلنا بحال بحال وحدة تتكمل لوخرا
زهرة:مسكينة الله لي عالم باش تتحس
الهام تأثرات بهضرتهوم و مقدراتش تحبس دموعها جبدات كلينيكس دغيا تتمسح فنيفها الحمر:عمرني تصورت فحياتي غيكونو عند بنتي ناس تيبغيوها تيحتارموها تيخافو عليها بحالكوم عمرني غندم حيت بدلت ليها المدرسة و عمرني غندم حيت عرفاتني عليكوم
سكينة:الله ياخالتي مسحي دموعك حرام مرأة فعمرك تبكي هكا غيبقا فينا الحال بيان حنا دايرينها فعينينا و عارفين حالتها النفسية و تنسايسو معاها حتى تولي الأفضل
شيماء:مادام لقات راحتها معانا الا و غتحسن بلا متحس
الهام تتمسح دموعها:الله يخلي ليكوم معزيز عليكوم ا حبيباتي ربي عالم قداش فرحتو قلبي
الممرضة جات:مدام الضاوي
الهام ناضت دغيا:نعام
الممرضة:تفضلي معايا تشوفي الانسة
الهام:واخا يالاه ا البنات
الممرضة:تنعتتذر ا مدام بوحدك لي مسموح ليك تدخلي
سكينة:ولكن...
الهام:ولكن هادو صحاباتها
الممرضة:هادو هوما القوانين
أميمة فخاطرها:(واخا انا لي غنوريك القوانين دابا)سمحي لينا ا الأخت
الممرضة شافت فأميمة و هما ستغلات الوضع و تحكمات فيها..
أميمة:واش يمكن لينا ندخلو دابا؟
الممرضة حركات راسها:ا اه انسة
الهام باستغراب:ياك عاد قلتي لا اش واقع؟؟
الممرضة مشات بلا حتاشي كلمة...
الهام متعجبة:معرفت مالها
البنات حابسين الضحكة..
زهرة:غير غتكون ممسالياش و صافي
لارا:غير زيدي ا خالتي غتكون تتسنانا دابا
مشات معاهوم الهام و هي مستغربة كيفاش فلمح البصر تبدلات الممرضة...
🌟الجزء الثاني من الرواية الخيالية🌟
🎃🏰أكاديمية يوغموندل🎃🏰
بعنوان: ✨❄️الحارسات المقدسات❄️✨
للكاتبة✒️:Victoria kaelin
💜📖الجزء 64💜📖
نرجعو ل فيلا ديال الهام كانت الخدامة تتجمع فالغرفة ديال بيان حتى تتسمع تيليفونها تيصوني هزات راسها تتقلب فين محطوط تبعات الصونيط حتى لقاتو تحت الوسادة ديالها شافت المتصل كان لؤي بعد تردد منها قررات تجاوبو..
لؤي:الو حياتي صباح الخير
الخادمة:احمم موسيو ماشي مادموزيل بيان هادي
لؤي تقاد فالجلسة:كيفاش؟و شكون معايا؟؟
الخادمة:انا الخدامة ديالهوم
لؤي:و فين كاينة بيان دابا؟؟
الخادمة:مادموزيل بيان ديك الساعة داوها لسبيطار لقاتها مدام الهام منهارة فسريرها
لؤي ناض:كيفاش؟؟؟ مالها؟؟
الخادمة:معرفتش ا موسيو مزادكل مقالت لينا المدام والو على حالتها
لؤي هز سوارت طونوبيلتو:عطيني العنوان ديال السبيطار دابا
الخادمة عطاتو العنوان و قطع عليها خرج دغيا و شعل طونوبيلتو و فنفس الوقت فصراع مع نفسو علاش خاف عليها لهاد الدرجة؟؟...
عند ياسين لي سالا خدمتو و خرج باش ياكل شي حاجة طل على تيليفونو لقاه عامر بليزابيل ديال لقمان و هو يستغرب فا قرر انه يتاصل بيه..
لقمان ليكان جالس مكونيكطي حتى طلع ليه اتصال ياسين جاوبو فالبلاصة...
لقمان:وا فينك اصاحبي شحال تنصوني
ياسين:واقيلة ا سي لقمان نسيتي بلي تنخدم فهاد لوقيتة
لقمان:واش مكايناش زعمة شي استراحة اودي لي تقدر تجاوبني فيها
ياسين:لا كان اليوم عامر عندي اش كاين ياك لباس؟
لقمان:خصنا نشوفو جداك و نجمعو الحارسات الشر تيقرب
ياسين:باش عرفتي نتا؟؟
لقمان:حسيت بيه هاد المرة اكتر من الأول
ياسين:واخا شوف ناكل ليا شي حاجة و دوز ل القهوة باش نمشيو مجموعين صافي
لقمان:واخا الى وصلتي صوني عليا
ياسين:واخا(قطع)
حط لقمان تيليفونو و بقا غادي جاي تيفكر الى كان الشر قريب مني هاكدا فين غيكون على هاد الحساب يا ترى؟؟
عند البنات لي كانو مضورين بيان و حدا راسها كانت الهام شادة يديها تطبطب عليها:الحمد الله ملي حليتي عويناتك ابنتي
بيان شافت فالبنات:شك شكون قالها ليكوم هي ياك
سكينة:احممم اه الخدامة
شيماء:كيف بقيتي دابا شوية
بيان:ش شوية تنحس بعظامي مهلوكين عليا
أميمة:ياكما بغيتي شي حاجة نجيبوها؟؟
بيان:لا شكرا
زهرة:مجبنا لا دانون ولا حليب المرة الجاية ان شاء الله
بيان:بغيتي تصفا ليا تاني على هاد الحساب
لارا:راه هاد الهبيلة متتعرفش تهضر
سكينة:الله يجيب الشفاء ا بيان
بيان:امين طلبي ليا الشفاء ديال هدا(حطات يديها على قلبها)
البنات مفهموش قصدها اما الهام حسات بالضغط فديك اللحظة بحال الى حشات ليها الهضرة بلي نتي سبب هادشي كامل فقررات تستئذن بالزربة مخبية دموعها هنا البنات قربو من بيان كتر...
سكينة:اش واقع اتا مالك فهاد الحالة؟؟
لارا:لؤي يااك كلشي بسبابو
أميمة:باينة ماماك متقبلاتش الفكرة بحالنا و من حقها بطبيعة الحال
زهرة:واش هو السبب؟؟
شيماء:وبااينة
بيان سدات عينيها بانزعاج:صافي سكتو بليز..
🌟الجزء الثاني من الرواية الخيالية🌟
🎃🏰أكاديمية يوغموندل🎃🏰
بعنوان: ✨❄️الحارسات المقدسات❄️✨
للكاتبة✒️:Victoria kaelin
💜📖الجزء 65💜📖
سكينة:وا سمعيينااا
فجأة تسمع الدقان فالباب و هو يتحل الباب كان لؤي هاز فيديه بوكي ديال الورد كبير البنات غير شافوه و هوما يتبدلو..
لؤي مشا ديريكت عند بيان و حط البوكي فوق طاولة حداها و مشا شد يديها:بياان حبيبتيي شنو وقع لييك؟؟
سكينة مقدراتش ضبط راسها:سول راسك
لؤي ضار شاف فيها:نعام ا انسة عابد معايا؟
سكينة:و شكون من غيرك هنا تتسولها مالها الجواب عندك
لارا:و مكملها ب حبيبتي
لؤي:اهااه و حتى نتي ا الانسة المريني باغيين ضوروني هنا ولا نسيتو انا شكون ولا
شيماء:اه أستاذ نسا راسو و مكانو و قرر يعيش قصة حب فاشلة مع بنت بريئة معارفة والو تنظن نتا لي نسيتي راسك كيفاش عطاتك راسك تفوت حدودك
لؤي:تنظن بلي مكاينش قانون تيمنع الأستاذ يكون مع تلميذتو يحبها يبغيها يخطبها يتصاحب معاها ولا حتى يتزوجها
زهرة:اه مكاينش ولكن علاش بيان بالظبط علاش القسم كامل عامر بنات و حتى الأفواج الأخرى علاش بياان
لؤي:حيت ببساطة هي لي ختارها قلبي حتى هادي نشرحها ليكوم؟؟
سكينة:شوف ا أستاذ بيان هادشي لي وقع ليها بسبابك
لؤي بدا تيفقد اعصابو:اش تتخربقي جمعي فمك و لزمي حدودك ولا غنخرج ليك على حياتك سمعتي
بيان:صافي سكتوو صاافي واش متنبانش ليكوم هناا صاافي البنات خرجوو بغيت ندوي معاه بوحدنا
سكينة:ولكن الى دار ليك شي حاجة...
بيان:سكينة بلييز
سكينة شافت فلبنات:واخا على خاطرك
خرجو البنات من الغرفة و سدو الباب..
لؤي قرب منها و شد ليها فيديها:حياتي و عمري سمحي ليا على هادشي لي شفتي دابا ولكن بالفعل صحاباتك تتستفز هضرتهوم بزاف
بيان هربات يديها بشوية حابسة دموعها:لؤي
لؤي متعجب:مالكي؟؟
بيان هزات يديه و كمشات فيها شي حاجة هو سرحها لقا الخاتم ديالو...
بيان:للأسف ممكتابينش لبعض ا لؤي😢(طاحت دمعة)
لؤي: ك كيفاش؟؟ اش تتقولي؟؟؟ واش متتبغينيش؟؟؟ واش درت ليك شي حاجة؟؟؟
بيان:ماما مبغاتش😢
لؤي:و علاش؟؟مغيخصك حتاشي خير معايا!
بيان:قالت ليا انا باقة صغيرة على الزواج و مغنكونش قادة عليه
لؤي:هادشي ماشي شي مشكل هادي مجرد خطوبة و فتحت بيها باب الثقة بيناتنا و نتعارفو كنَتر و نزيدو نتعمقو فعلاقتنا نتي هي البنت الوحيدة لي دق ليها قلبي و اكيد غنكون حتى انا هكاك بالنسبة ليك ولا علاش هاد الدموع و الحزن كاملو(دوز صباعو تحت عينيها)
بيان شهقات:منكرش بلي تتعجبني و كنت ناوية نكون معاك ولكن الأم ديالي رضاها و موفقتها اهم عندي
لؤي شد يديها بجوج بين يديه:شوفي بيان انا مزربانش حتى وكان تقدري تقنعيها ولكن متنهيش هاد العلاقة
بيان:مغنقدرش نقنعها حيت خدات قرارها
لؤي:شوفي سمعيني مزيان انا مغنتخلاش عليك سمعتي الى هي خايفة عليك ماشي مشكل متفهمها شوفي غادي نكونو مع بعض حتى تكوني مستعدة ل الزواج صافي
بيان شافت فيه بعيونها البريئة:زعمة غتسناني حتى نكون مستعدة؟؟
لؤي:اكييد غنتسناك تنواعدك بهادشي
بيان:بصاح تتواعدني؟؟
لؤي مبتاسم:وعد مني كوني هانية غير بتاسمي ليا
بيان مسحات دموعها و بتاسمات فوجهو تيبان ليها بحال الملاك المنقذ ديالها ولكن هل وراء ابتسامته ملاك ام شيطان؟؟
عند فطومة لي كانت متكية فوق سريرها من بعد قررات تشوف حفيدتها شنو تدير و تدوي معاها فاش تهدنات قدرات تستوعب انه حفيدتها فمرحلة الطيش و حتى هي فعمرها كانت هكاك يعني علاش تصعب الأمور هاكا؟؟ مشات دقات فالغرفة ملقاتهاش..فطومة:اففف نقزات تاني القردة من الشرجم...
لمحات الكتاب ديالها بدا تيشعل فيه الضو ستغربات مشات هزاتو حلاتو و هي تصدم لقات خريطة المدينة و فخارج حدود المدينة كانت بقعة حمراء على داك المكان..
فطومة:شهادشي هناا غير الخلاوات و الجبولا (حققات اكثر و هي تصدم) ياكما الكتاب بغا يوصلنا لفين كاين الشر!!!
🌟الجزء الثاني من الرواية الخيالية🌟
🎃🏰أكاديمية يوغموندل🎃🏰
بعنوان: ✨❄️الحارسات المقدسات❄️✨
للكاتبة✒️:Victoria kaelin
💜📖الجزء 66💜📖
لؤي شد يديها باسهوم و باس جبهتها تيستنشق ريحة شعرها بنيفو:متخافيش انا غنبقا جنبك
بيان مسكينة غطير من الفرحة و فنفس الوقت غارقة فالحشمة بسبب القبلات ديالو لأول مرة تلقاها من شي رجل...
لؤي جبد ليها حنكها بشوية:نتي الحبيبة ديالي خصكي تفهمي هادشي واش يتصحاب ليك غنتخلا عليك بهاد السهولة؟
بيان:معارفاش ا لؤي ماما لي شوشاتني و صافي
لؤي:شوفي نساي دابا ماماك انا عطيتك وعد نتي قولي ليها دابا غير صافي ديري ليها خاطرها و فنفس الوقت علاقتنا تبقا مستمرة صافي
بيان:واخا صافي
لؤي:مزيان هكا نبغي حبيبتي قولي ليا ياكما نجيب ليك شي حاجة؟؟
بيان:لا شكرا
لؤي:مقالوش ليك امتى تخرجي؟؟
بيان:غالبا هاد العشية تسيبان ليا حيت غير عيا و صافي ماشي شي حاجة
لؤي:واخا حبيبة غنخليك دابا تنتمنى تحسن حالتك
بيان:ان شاء الله شكرا بزاف
لؤي:متشكريينيش هدا واجبي نخليك
خرج لؤي من عند بيان لقا البنات غاديين جايين بتوتر غير شافوه و هوما يخنزرو و حتى هو ماشي من العاگيزين خنزر فيهوم و زاد...جات الهام و باينة من عينيها بلي كانت تتبكي و حاولات تخبي هادي ورا ابتسامتها:اابنات شتديرو هنا؟
سكينة:والو اخالتي غير خليناها على راحتها شوية
لارا:تنتسناوك باش نقولو ليك بسلامة غيكونو مالين الدار تيتسناونا
الهام:اه عندكوم الحق تعطلتو هنا شكرا بزاف
شيماء:هدا واجبنا و الا حنا علاش صديقات بيان
أميمة:زيدو نقولو بسلامة لبيان
دخلو لبنات عندها و سلمو عليها و خرجو مخليينها مع امها...
خرجو البنات قدام السبيطار...
سكينة:شيماء أميمة غتشركو معايا طاكسي نتي ا لارا فقنت اخور يعني طاكسي بوحدك و زهرة لي بقات بوحدها  و دارهوم قريبة لينا حنا و المشكلة طاكسي متتهزش فوق 3
زهرة مشات شدات ف لارا:غنمشي مع لارا غير سيرو نتوما
شيماء:علاه مغاداش لداركوم؟؟
زهرة:قصة طويلة ا لبنات 3 ايام هادي باش هربت منها
البنات تصدمو:كيفااااش؟؟ هربتي؟؟؟ و 3 اياااام؟؟
زهرة بحزن:عييت ا البنات و الله نفس الكاسيطة طول عمري
سكينة:ولكن فين كنتي هاد 3 ايام على هاد الحساب؟
زهرة:عند واحد بنت خالتي ضاربين عليها العائلة حيت خارجة الطريق
أميمة:و يا صوبيصة علاش مشيتي عندها كون لصقات فيك شي مونتيف علاه اش تنديرو هنا كنتي تجي عند وحدة فينا
زهرة:مبغيتش نبرزطكوم معايا و خلاص
لارا:مكاين حتاشي تبرزيط اصاحبتي و حاجة خرى واش ناوية تبقاي هاربة حياتك كاملة؟؟ راه عائلتك هاديك
زهرة:قولي خدامتهوم اوكان
سكينة:شوفي زهرة سيري دابا مع لارا من بعد غنلقا ليك الحل ل مشكلتك
زهرة:مشكلتي معندهاش حل ا سكينة صبرت حتى ضبرت و هانا دايعة
شيماء:تيقي فسكينة بلاناتها تيخرجو فالضو نتي سيري رتاحي عند لارا و غدا يصبح و يفتح
أميمة:هانتي و حلينا مشكل الطاكسيات
سكينة:اه... (بدا تيصوني تيليفونها)
شيماء:شكون؟
سكينة:جدة هادي ففف نسيت كاع علاش بغيت نجي نشوفكوم حتى شفتها عاد تفكرت تلفاتنا بيان المهم اطظ نجاوب(جاوبات) الو
فطومة:شووفي اجي داابااا دابااا و جيبي معاك صحاباتك الأمر مهم راني صونيت على ياسين يجيب صاحبو حتى هو
سكينة خلعاتها:اش واقع ياك لباس؟؟
فطومة:لقيت بلاصة الشر خصنا نستاعدو اليوم بالليل غيكون الهجوم عليهوم
سكينة:كيفااااش؟؟؟ اليوووم نيييت و بالليل؟؟؟
🌟الجزء الثاني من الرواية الخيالية🌟
🎃🏰أكاديمية يوغموندل🎃🏰
بعنوان: ✨❄️الحارسات المقدسات❄️✨
للكاتبة✒️:Victoria kaelin
💜📖الجزء 67💜📖
فطومة:اييه فينما كنتي اجي دابااا دابااا
سكينة:واخااا (قطعات)
لارا:مادام يووغجوونص قربو نستعملو القوة شوية
شيماء:غتستعملي الانتقال الآني علينا كاملين؟
لارا:اكيد حگرتيني ولا
شيماء:مجرد سؤال ازمر
سكينة:احسن حاجة حيت بعد ليقالتو جدة معنديش الصبر نتسنا فشي طاكسي تجي
لارا فرقعات صبعها و ختافاو مخليين غير الريح فنفس الوقت تلاحو قدام فطومة لي كانت جالسة فغرفة سكينة و هي تنوض متعجبة..
فطومة:افف نسيت بلي معاك ساحرة اجيو جلسو بينما يجيو لخرين
فجأة تسمع سرسار ناضت فطومة حلات لقات ياسين لونو مخطوف و لقمان موراه تيضحك....
فطومة:اش واقع هنايا
ياسين دخل تلاح فالأرض متكي لبنات خرجو شداتهوم الضحكة..
لقمان:ههه قلتي لينا اجيو دابا داكشي علاش ستعملت قوتي فلبلاصة خرجت جناحاتي و هزيتو و جيت🤣
سكينة شادة وجهها:يا الغبي غيكون داخ
لقمان:يا الغبية قالت ليا جداك على الشر جيت طاير
فطومة:اجيو نجلسو فالصالون عندنا هضرة كتيييرة
دخلو كاملين جلسو فالصالون و فطومة وسطهوم هازة كتاب سكينة لي هو كنزها المقدس و حلاتو قدامهوم بانت ديك الخريطة و خلاتهوم حالين فمهوم...
سكينة:وااو من امتى فيه هاد الخريطة المضوية؟؟
فطومة:بانت ليا ليوم فاش مشيت لبيتك نشوفك
أميمة:هي هاد النقطة الحمرة هي بلاصة الشر؟؟
شيماء:ولكن هاد المنطقة خارج المدينة و مهجورة
لارا:و علاه فين غيعيش ليك الشر متلا؟؟ راه تما هو الوسط الأمثل ليه
زهرة:و قضية نهجمو ليوم بالليل؟؟
سكينة:هاد القضية بالضبط انا مموافقاش عليها ابدا!
لقمان:علااش؟؟ هادي الفرصة ديالنااا بغينا نتعشاو بيهوم قبل ميفطرو بينا!!
فطومة:ماشي نتي لي تتقرري سمعتي
سكينة تعصبات:متخلينيش نقول شي حاجة طييح من مقامك عندي نتي درتي غلطة و غلطة كبيرة بزاااف فحقي بل فحقنا كاملين ضحكتي علينا و كذبتي عليناا و العالم الله اش مخبية مزال علاااش خبيتي علينااا بوابة عالم يوغمووندل
البقية مصدومين...ك كيفاش؟؟؟
فطومة:صلحي هضرتك و حتارمي نفسك و عرفي معامن تدوي هادشي كاملو على قبل مصلحتك
سكينة:اشمن مصلحة ااا كون مكتاشفتو بنفسي ااا كون باقة حالة فمي تنتسناك تعاودي ليا فحكاياتك
فطومة:عندي اسبابي الخاصة
سكينة:نتي معارفاش شنو درتي يتصحابليك تتحميني فنتي غالطة ممحتاجاش لحماية حد
لقمان:ص صبرو صبروو قلتي بوابة عالم يوغموندل؟؟ ق قصدك يوغموندل ياك؟؟
ياسين:البلاصة لي فيها الأكاديمية ياك؟؟
سكينة:ااييه داك العاالم كااامل لي من صغرناا و تشاارجينا بمعلوماات عليه صدق كاااين و فين فصندووق فبيتهاا و مشيت ليهه هي فاش ساقت الخبار جراتني و جمعاتها معايا و لامتني حيت تدخلت فخصوصياتها مشافتش راسها ضحكات علينا
فطومة:شوفي الشر غيتمحا و مغنخليش البرهوشة تاع بوك تغغيير هادشي سنيييين و انا هازة هاد الحمل الثقيل على كتافي سمعتي مغاديشش تحسي بيااا
سكينة:كيفاش غنحس بيك و نتي مخبية شلا حوايج مهمة كيفاش غنحس بيك و نتي ممعاوداش على شنو لي وقع ليك؟؟ باش غنعرف انا باش نحس بيك!!!
فطومة:حيت ببساطة نتي بشرية و انا لا
سكينة بدهشة:كيفاش بشرية و نتي لا؟؟؟
فطومة فهاد اللحظة قلبها بدا تيضرب بالجهد و بداو عينيها تيغرغرو:ا ا انا ا انا تزاديت فمملكة يوغموندل...
هنا الكل فحالة صعقة ك كيفاش؟؟؟؟؟؟؟؟ 😱😱😱😱
🌟الجزء الثاني من الرواية الخيالية🌟
🎃🏰أكاديمية يوغموندل🎃🏰
بعنوان: ✨❄️الحارسات المقدسات❄️✨
للكاتبة✒️:Victoria kaelin
💜📖الجزء 68💜📖
سكينة شادة يديها:ك كنت ستنتجت هادشي و ولكن كيفاش هادشي عفاك اجدة نبووس يديك و رجليك متكذبيش علياااا عاودييي لياااا انا حفيييدتك الوحيدة
فطومة طلعات راسها شافت فيها:للأسف ماشي بوحدك لي حفيدتي الوحيدة (شافت فياسين) و حتى نتا ا ياسين
سكينة طلقات منها:شنو؟
فطومة:عندي حفايد خرين من غيركوم فمملكة يوغموندل
البنات غير تيسمعو و صدمة مورا صدمة صاقلين فبلايصهوم نفس شي مع لقمان...
ياسين:اش هادشي تتقولي ا جدة اش هاد الحماااق؟؟؟
سكينة:كي درتيي ليهااا متقوليش ليااا عندك ولاد من غير ماااماا عندك ولاااد من غير بنتك الوحيييدة!!!!! (دمعو عينيها) متقوليهاااااش ا جدة😢
فطومة نزلو دموعها مزييرة على شنايفها:للأسف عندي
هنا كلشي خرج عينيه من اش قالت...
سكينة حطات يديها على فمها و دموعها تيطيحو قطرة قطرة:كيفااش عطاااتك خاااطرك تديرييي هادشيييي كيفاااش علاااش كذبتييي
فطومة:ماشي لخااطري
ياسين:جدة اش وقع؟؟؟ شنو هو الماااااضي دياااالك قووولي غادي نتسطااااو!!!!!
فطومة حطات يديها على قلبها سنيين و سنييين باش كتمات الماضي ديالها و دفناتو مع المرحوم ديال راجلها ولكن الجرح تحل و بدا تيبان تاني حتى قالت نسات ولكن حتال فين غتوصل؟؟ كلشي تفضح دابا معندها غير تعاود و تخرج لي فداخلها لي كان مكتوم كاع هاد الزمن لي فات و لي بغا يوقع يوقع...
فطومة:عقلتو فاش اول مرة دويتو مع ارواحكوم و كانت كيتي فاش قلت ليها بلي انا نصف قطة برية و بلي وحدة من جداتي
تزوجات ب بشري
سكينة:ااه عقلت متقوليش ليا...
فطومة:كذبت داك النهار مكانتش وحدة من جداتي كنت انا القطة البرية لي تزوجات ب بشري
سكينة مصدومة و الكل كذلك:ي يعني نتي ماشي بنادم فالأصل؟؟؟
فطومة:لا انا قطة برية بحال كيتي عشت فعالمها كيفما عاشت و كيفما عاشو المخلوقات الأخرى تما كنت قطة برية شابة مفعمة بالحيوية كنت من قبيلة مولاص اسمي الحقيقي هو تموطف مولاص الاسم لي سمعتي السكان تيعييطو ليا بيه.. كنت طالبة فأكاديمية يوغموندل و عشت فيها احلى ايامي كان كل شبر فيها كل مكان تيحمل ذكريات و بقايا الحارسات المقدسات كنت طالبة مجدة و ذكية لأقصى الحدود كان هوسي و عشقي هي مادة الفلك درست جميع كتبها و مخطوطاتها و كان حلمي نكتاشف شي عالم غير عالمي مع الوقت ولا الهوس و البحث تيزيد و يزيد حتال واحد النهار كتاشفت فواحد الكتاب سحري انه كاين عالم من غير عالمي تعجبت و هاد الكتاب كان من الكتب الخاصة بعائلة مارغي كانت سلفاتو ليا السليلة ديال لوكريتيا لي كانت فعمري اسمها روزان مارغي كانت ضريفة و كانت صديقتي المقربة هي لي جابتو و بديت تندير عليه البحوث كتاشفت بلي خصني ندير شي نوع ديال الطقوس و نستعمل شي مكونات خصني نقلب عليهوم ستعنت بالمساعدة ديالها و قدرت نوفر المكونات اللازمة و درت الطقوس ديك الساعة حسيت براسي تهزيت فالسما و سبحت فالفضاء العائم و تلاحيت فبعد اخر مخلية من مورايا عالمي...
سكينة:اهااه و شنو وقع؟؟؟
فطومة:تما فين بدات قصتي فعالم البشر فاش تلاحيت و تلاحيت ف زمن قديم شوية على دابا تنظن ف الستينات الى مكذبتش و فهاد المدينة لي جاتني عجيبة فالأول بقيت مخبية تنشوف فسكانها مختلفييين بزااف عليا تيشبهو ل السحرة فالبنية و الطول و حتى شكل الوجه ولكن ماشي سحرة هادو اسمهوم بشر لحسن حظي كنت متمكنة من بعد التعويذات لي قريتهوم من قبل فالأكاديمية و قدرت نغيير شكلي لشكل بشري و نساجمت وسط البشر مع المدة كنت تنعس غير فالزنقة و ناكل لي لقيتها مليوحة عمر شي واحد رد ليا البال واش كاينة حتال واحد المرة كنت تنتمشا فالطريق و عينيا على البشر تندرسهوم حتى تنتلاقا بيه اه هو جدك المرحوم موسى كان انسان طييب جمعاتنا الصدفة بنت ليه ماشي بنت المدينة ولكن فالحقيقة ماشي بنت هاد العالم حتى هو كان يتيم لقاوه غير فالشارع و رباوه شي ناس فاش كبر و عرف هرب ليهوم و دابا كاري دار صغيرة و خدام...
موسى:سمحي ليا ا اختي ولكن بنتي ليا بحال الى مجلية
فطومة قفزها:ل ل لا
موسى:بغيتي نشد ليك طاكسي توصلك؟؟
فطومة:ل لاا ش شكراا
موسى:مالك مخلوعة هكا واش تعدا عليك شي واحد؟؟
كنت مخلوعة من قربي لبشري و لكن حتى هو تيبان مخلوق مزيان..
موسى تيشوف فلباسها ليفيه شي طبايع:واش عندك شي عائلة
فطومة:فلحقيقة لا
موسى تفكر راسو و كيف كان حس بحال الى تيتعاود لماضي ديالو قدام عينيه غير مجسد فهاد البنت الشابة لي قدامو:شنو سميتك؟؟
فطومة:ت تمووطف
موسى:كيفاش؟؟؟
فطومة:كيفما سمعتي...
🌟الجزء الثاني من الرواية الخيالية🌟
🎃🏰أكاديمية يوغموندل🎃🏰
بعنوان: ✨❄️الحارسات المقدسات❄️✨
للكاتبة✒️:Victoria kaelin
💜📖الجزء 69💜📖
موسى مع راسو يمكن البنت من كثرة العيا قالت سميتها مقلوبة:ااه قولي فطوومة
فطومة:شنو؟؟
موسى:متشرف بيك ا فطومة انا موسى
.... و تما فين بدات قصة حبنا بعد تعارف داك النهار داني موسى لدارو كضيفة جاب ليا الماكلة و شرا ليا الحوايج نقيت حالتي و بديت تنلبس حوايج البشر النقية مكنتش عارفة الشقا كنت تنشوف التلفزة تنهرب تيتصحاب ليا بحال مراية السحرة لي تيدويو فيها و كذلك مع الألات بحال طراب و كدا كان موسى كل مرة يزيد يتعجب جيتو اكفس من وحدة نازلة من الجبل مع المودة بديت تنحس بشي حاجة من جيهتو عمرني فتحت قلبي ولا عشت الحب من قبل ولكن ميمكنش منفتحوش و رجل بأفعالو و أقوالو بحال موسى فالمحيط ديالي كنت تنحشم فاش نكون حداه و تنتجنب نكتر القرب معاه حتال واحد النهار صدمني بالزواج...
موسى:فطومة مبقا ميتخبا شهرين هادي باش عشتي معايا تنحس بحياتي تبدلات و تزاد فيها طعم خاص تنحسك زيينتيها ليا و مكرهتش نكمل معاك ديني و نوليو شخص واحد و تنواعدك ميخصك حتى خير
... وافقت بالفرحة ديك الساعة و ضربنا لاكط ديالنا و عشنا كأي زوجين غتقولو ليا فين عالم يوغموندل فهاد الكلام غنقول ليكوم نسيتو بمرة من نهار تحطات رجلي هنا معرفتش واشمن الطقوس ولا الحماس ديالي الزايد لي دارها..تزوجت ب موسى و معمرو عرفني واش ماشي بنادم كنت تنتعجب فاش تنشوفو تيصلي ولا تيقرا القرأن سولتو واحد المرة علاش تيدير هكاك و تعجب تما فين عرفني بلي ماشي مسلمة و دخلني للإسلام و علمني شحال من حاجة مكنتش عارفاها على البشر نهار كنت حاملة بأول مولود ليا كان النهار لي غنرجع ل يوغموندل مرة أخرى..باقة عاقلة عليها كانت ليلة ممطرة و الرعد تيضرب كان موسى خدام ديك الساعة حتى لواحد اللحظة تسمع صوت فوذنيا بحال طشاش من بعدها مشات ليا الرؤية و وليت تنشوف غير الضواو حتى تنحس براسي تهزيت و سافرت فالفضاء نفس الاحساس لي حسيتو فاش عاد جيت اول مرة فاش حليت عينيا لقيت روزان قدامي تتبكي بالفرحة و تعنقني و تبوس:تمووطف تموووطف و اخيرااا نجحت و اخييراا رجعتك فين كنتي هاااد الوقت كااامل
كنت مجمدة فبلاصتي و عينيا متيرمشوش كنت بحال الى عايشة شي حلم و فييقاتني منو روزان تما شداتني نوبة بكاء هيستيرية روزان مسكينة مفهمات والو فهمت منها بلي هاد المدة كاملها كانت تتحاول ترجعني ولكن معرفاتش علاش مبغاوش يصدقو الطقوس مرة أخرى دوزت ايام متناكل متنشرب و فدوك الايام بالضبط كتاشفت بلي كاينة حياة وسط كرشي و خصني نوصل بأي طريقة لباه..ولكن روزان رفضات فكرة نرجع بعد اقناع طويل قررات تعاود الطقوس و ترضني لعالم البشر انا و ولدي ولكن فشلات مرة اخرى و السبب مجهول بقيت فعالم يوغموندل و كرشي نهار على نهار تتكبر حتى نهار لي ولدت صدقت والدة 4 ديال التوأم و صدقعو كولهوم من بني جنسي تصدمت بزاف ولو واحد فيهوم صدق بشري بحال موسى من واحد الجهة قلت كان هدا الخيار الصحيح شغيوقع ليه كون شاف وليداتو مشاش ماشي بنادم؟؟ ربيت ولادي و عشت كأي أم فالمملكة و لكن موسى عمرو خرج من عقلي و قلبي حتال واحد النهار جات عندي روزان تتلهث و قالت ليا بلي كتاشفات فجوة فالزمن بين عالم يوغموندل و عالم البشر انا بلا هوايا نضت من بلاصتي..
روزان:تمووووطف غتقدري ترجعي لقيت فجوة فالزمن واقيلة السبب فاش مشيتي لداك العالم و فاش رجعتي منو تاني
فطومة:و فين ديك الفجوة؟؟؟
روزان جبدات بلورة لامعة فالأزرق السماوي:هاهيااا مغتبقايش تستعملي الطقوس مرة خرى
فطومة:و وليداتي؟؟ شنو ندير معاهوم؟؟
روزان بتاسمات:متخافيش انا غنديرهوم ولادي غنديهوم يعيشو معايا فالأكاديمية غيكبرو و كلشي و مرة مرة اجي عندهوم سيري عند حب حياتك ا تموطف
فطومة غرغرو عينيها و عنقاتها بالجهد:منساااش خيييرك غتبقاااي ديماا فقلبي
🌟الجزء الثاني من الرواية الخيالية🌟
🎃🏰أكاديمية يوغموندل🎃🏰
بعنوان:✨❄️الحارسات المقدسات✨❄️
للكاتبة✒️:Victoria kaelin
💜📖الجزء 70💜📖
روزان مزييرة عليها و تتشهق:عمرني نسااك حتى انا واعديني تعيشي فسعاادة
فطومة:تنوااعدك😭
تعانقنا انا وياها عناق حار و عنقت وليداااتي مزيااان و رجعت لعالم البشر مرة أخرى و الغريب تلاحيت فدار موسى يعني نفس المكان لي تهزيت منو اخر مرة ببقيت تنشوف فالدار متبدلات فيها حتى حاجة كيفما هي و باقي داك الهدوء فيها مشيت بالزربة تنقلب عليه لقيتو متكي فبيتو غير شافني و هو ينوض مفزوع انا عنقتو بالجهد منفجرة بالدموع و هو تيبعدني منو باستفهام...
سكينة:و شنو وقع من بعد رجعتو لبعض؟؟
فطومة:هو بقا فيه الحال بزاف تصحاب ليه هربت فقررت نعاود ليه كلشي مصدقنيش فلول ولكن فاش تحولت قدامو تييق بعينيه منكرش بلي شفت الخوف فعينيه ولكن فاش رجعت لهيئتي البشرية و بعد تفكير و تفكير تحدا نفسو و بقا معايا و عوضني على كاع لي فات عشنا فسعادة متتوصفش عمرو هاني ولا قلل مني ولا حسسني بالفرق بيناتها و هاد الحب خلا ثمرة تولد و لي هي ليندا كنت خايفة بزاف طلع بحال خوتها ولكن شكوكي مصدقاتش فمحلها طلعات بشرية 100٪ بحال باها و تما فين قدرت نرتاح حيت رغم جنسي الا و قدرت نجب ليه مولود بشري يعيش فوسطو من بعد هادشي بقيت تنزور عالم يوغموندل بديك البلورة لي عطاتني روزان حتال واحد النهار تهرسات ليا ديك الساعة كتاسبت القوة ديالها و وليت نتاقل لبين العالمين بدون طقوس والا بلورة و تما فين ختارعت الصندوق لي حليتي داك النهار حيت خفت من الخطر تبقا ديك الطاقة كاملها فجسمي فقررت نخزنها فالصندوق و ك بوابة بين العالمين..
شيماء:و كملتو حياتكوم عادي؟؟؟
فطومة:كملنا حياتنا بحال اي عائلة سعيدة حتى دا مول الأمانة أمانتو ديك الساعة تكفلت ببنتي ليندا بوحدي عمرني ديتها لعالم يوغموندل حيت بشرية و خفت عليها داكشي علاش غبرت سنين على داك العالم حتى كبرات بنتي و بدات تتمشي لمدرسة ديك الساعة تنستغل فاش تتقرا و تنضلب طليلة على المملكة و خوتها
أميمة:و شنو وقع مع روزان؟؟
لارا:ااه شنو وقع معاها؟؟
فطومة بابتسامة:روزان باقة كيفما هي متبدلاتش هي المديرة ديال الأكاديمية دابا
لقمان:واش نقدرو نتواصلو معاها واش غتعاونا؟؟
سكينة:و الأهم من هادشي واش نقدرو نمشيو كلنا ل يوغموندل؟؟
فطومة تنهدات:منقدرش ندي مخلوقات دخيلة لعالمي خصني نتشاور معاها
زهرة:هي صاحبتك ولا لا غتبغي
فطومة:غنشوف معاها
ياسين:تقدري تمشي ليوم ا جدة؟
فطومة:حتال غدا و نشوف
سكينة:يعني مغنهجموش على الشر دابا؟؟
فطومة:اييه صافي تهنيتي
سكينة:فينما كان الشر غنغلبوه ماشي ليوم حيت خصنا هو الأول نعرفو شكون هو...