#ليتني_استطيع_فعلها
//// بقلم زينب ماجد ////
الحلقة_15
حسيت باب الكراج انطبكت ، صحت:- يممممة
ركضت وراها للباب، باوعت لابسه العباية و ماشية:- عزا العزاني راح الرجال
بقيت افرك بأدية ، بالله شلون وياها الناس هنا كلش محافظين و اقل زلة ع المرة تنطبع مو امي التتبغدد بعبايتها بمشية بغدادية وين تمشي عدهمعود مال اصبر و انتظر لما تجي و مصخمة وجهي لا والله ما اتحزل اروح البس عباتي و اجيب و استر على رويحتي لشرفلي
جريت الحجاب لفيته و حطيت العباية على راسي، نصيت النار، شلت اثار على متني و رحت
طلعت الفرع مالتنا ، ردت اعبر الشارع و الكا امي واكفة اباب المحل و بيدها قوطية، و كبالها عدل بيت سيد حسين
رحت الها كبل :- يمه تريدين تشهريني انت خافي على سمعتي رحمة لأبوج
ميعاد:- وهاي انت لاحكتني خايفة اخرب سمعتج، يا من طاح حظج اشفتيني ولج لا تخافين اني امج اعرف اتصرف، بس اكلج هو هذا بيت سيد حسين ؟
-يمة شرايدة منهم ؟
-جاي اسألج جاوبي ليش تعلعلين گلبي
-اي هذا ليش السؤال ؟
-مو شفت ابنهم ابو لحية الاجانا فات بهذا البيت
-وانت تراقبينه يمة
-لا اراقبه شنو شعدي وياه، رحت اشتريلي قوطية بيبسي الجو حارو نط كلبي ومحد اكو كلت امشي رجيلاتي
-درجعي يمة لخاطر ربج هنا مو مثل بغداد، المرة صعبة طلعتها
-وشسويت ركصت بالشارع، ماخذه طريقي وراجعه شحده اليفك حلكة غير اشك حلكه بالقندرة
امشي امشي للبيتدنمشي و گبل لا نوصل لباب بيت السادة، طلع السيد حسين و ابنه جعفر وياه ، رفع راسه السيد و شاف امي ، كال :- يا هلا اليوم والدتج منورتنا
امي لفت نفسها بالعباية و دنكت راسها و حجت :- ينور ايامك حجي هلا بيك عيوني
سيد حسين:- تفضلوا نضيفكم
ديار:- مشكور سيد الأكل ع النار
ميعاد :- والله بنفسي اتعرف على الحجية واسلم عليها واشكرها ديار هواي تحجيلي بس ان شاءالله غير وكت بلكي اذا هاي بالليل نمر عليها و نسلم
السيد:- هلا بيكم بويه بكل وكت
ترخصنا منا و فتنا للفرع مالتنا، و امي تكول :- فدوة شلون زلم لا شالو راسهم ولا باوعو ، بس اكلج يمه شو ما جنهم مليانين حالتهم وسط
-عدهم املاك خير من الله ابو الحجي جان بزاز معروف بكربله بس هم ما يعتنون بالمظاهر ناس بسيطين
YOU ARE READING
ليتني أستطيع فعلها
Romanceقصة واقعية لفتاة مشوهة تقع في عشق رجل ليس لها حق فيه، يكون فارس خيالها الحالم، ليحدث ما ليس في الحسبان (ليتني استطيع فعلها)