My Ex-Husband Is My New Boss

Chapter 89

"Wala naman pero hindi man lang siya tumawag para kumustahin ang anak niya?"

Umiling siya at umupo sa sofa. "Ganyan na 'yan noon pa man. Kapag ako lang ang kasama akala mo NBI kung makapagbantay pero kapag ibang tao kasama para siyang anghel."

"Angel ni Lucifer," bulong ko.

"May sinasabi ka, wife?" nakangising tanong niya. Inirapan ko siya na tinawanan niya. Sa loob ng isang linggo ay para kaming bumalik sa dati. Ang pinagka-iba lang ay hindi na hubby ang tawag ko sa kanya.

"Puntahan mo ang mga anak mo at gisingin," utos ko. Sinaluduhan niya ako.

"Yes, Commander!!" anito na kinatawa ko. Alam na kung kanino nagmana si Aura.

Katherine's P.O.V.

"KUNG ayaw mo pala bakit mo binigay sa kanila si Jaime?" tanong ni Daisy.

Nginitian ko siya. "Why not? Huling beses na niyang makakasama ang anak niya." Inabot ko ang wine glass at uminom.

It's been one week since iwan ko si Jaime kay Jake. Isang linggo ko silang hindi ginugulo dahil gusto ko silang bigyan ng quality time. Dahil kung hindi ako sasaya, hindi rin sila sasaya. Mag-iiwan ng matinding sakit sa kanila ang gagawin ko.

Kumunot ang noo niya, "anong ibig mong sabihing huling beses? Ilalayo mo si Jaime? Pupunta kayong ibang bansa?"

Naiirita ko siyang tiningnan. "Pwede ba! Huwag kang magtatanong basta 'yon na 'yon! Ano bang ginagawa mo dito?!"

"Pinuntahan ko lang naman ang pamangkin ko pero wala naman siya dito. Nasaan ang maids? Ang dumi-dumi ng bahay mo!"

"Una sa lahat wala kang pake sa ginagawa ko tungkol sa anak ko. Second wala kang pake sa bahay na 'to," inis kong sabi at nagsalin ng red wine sa wine glass ko.

"Sa 'yo, Ate, wala, pero sa pamangkin ko meron," aniya. Umirap ako.

"Leave." Inirapan niya ako at padabog na umalis. Sumandal ako sa upuan at kinuha ang phone ko. I dialled his number.

"Hello?"

"Yes, baby? Nakabalik ka na?"

"Oo."

Ngumiti ako. "Okay. Come here to my house kasi may kasalanan ka sa 'kin,"

"Anong kasalanan?"

Binaba ko ang wineglass bago nagsalita. "Ikaw ang dahilan kung bakit nagkita sina Alex at Jake! Hindi mo sinunod ang gusto ko!"

"I don't know what your talking about, Katherine. Kababalik ko lang ng bansa, wag kang mang-inis!" iritado nitong sabi bago binaba ang tawag. Gigil kong tinabig ang mga nasa lamesa.

"Magbabayad ka! Hindi mo dapat ako kinakalaban!" mariin kong bulong. Kinuha ko ang bag ko at lumabas ng bahay.

****

NAPADPAD ako sa squatters area . . . kung saan kami tumira bago ako nagsumikap para sa 'min ni Daisy. Nandidiri akong tumingin sa paligid. Puro putik at kalat. Umaalingasaw ang masangsang na amoy.

Kumatok ako sa pinto ng barong-barong ng taong kaylangan ko. Ilang sandali bago 'to nagbukas. Isang babae ang sumalubong sa 'kin.

"Ano pong kaylangan nila?" tanong nito.

"Nasaan si Raul?"

"Ano pong kaylangan mo sa Tatay ko?"

"Camilla, sino 'yang kausap mo, anak?" Tumingin ako sa loob ng bahay ng marinig ang boses nito. Lumabas mula sa isang silid ang lalaki. Nginisihan ko siya at tinaasan ng kilay.