حب دمرني

البارت الرابع عشر

___________________________

ايات : خليك في السيارة
مهاب : بتنزلي بروحي
ايات : كان احتجت شي نتصل بيك
مهاب : ابتسم...اي تمام
ايات : نزلت وصكرت الباب
مهاب : حط ايديه على وجهه وابتسم

اسيل : خيرها عطلت كملت ضمان حوايجي حتى كان ضميتله الحوش راه كملتهوله
ايات : طقت على الباب
اسيل : واخيرا وناضت فتحت
ايات : اول ما شافت اسيل حضنتها ❤️
اسيل : تبكي استاحشتك يا وخيتي 💔
ايات : هي نطلعو
اسيل : هي خشي قيمي معاي الشناطي
ايات : خشت للحوش خدت مع اسيل الشناطي وامشو للسيارة
مهاب : نزل خلاص حطوهم توا اني نحطهم في الكوفني
ايات : تمام وركبت هي واسيا في السيارة

حسن : طلقتها تتسهوك انت ؟؟
حسين : منتسهوكش نقولك هددتني تقولي تتسهوك
حسن : كيف صار يا راجل
حسين : الي نعرفه انك اطلق حتى انت اية لان اجقر من بعض
حسن : شن تقول انت تبيني نطلق مرتي
حسين : تي اي بوهم النصاب ولا بناته الحقيرات طلقها تفكا منها
حسن : غمض عيونه لي لحضات...مش عارف يا حسين تفكيري متشوش

سالم : مقعمز يقرا في الكتاب سمع الباب يطق صكر الكتاب وناض بيفتح
راضية : قلبها نخزها لي لحظة لوحت الكاشيك من ايدها ولحقت سالم
سالم : فتح الباب ونصدم بي اسيل الي ليه فترة معش شافها
اسيل : مشت حضنت بوها وبدت تبكي...مافيش احن من حضنك يا بابا مافيش احن من هالحوش يا بابا
سالم : عصر ايديه علاها كأنه يعاتب في روحه على الي داره في هالحضن كأنه يوصف في شوقه لي بناته 💔

اية : اتصلت بي حسن
حسن : نعم
اية : تعالى روح بيا
حسن : تمام وتي روحك
اية : واتية اني

اصايل : راقدة في حضن همام زي الملاك ❤️
همام : شوفي حتى الصورة هاذي في تركيا في اول ايام جوازنا قعدة حلوة زي ما انتي...شاف لي اصايل لقاها راقدة باس وقامها لي دار النوم

اية : نزلت لي حوشها بعد ما جاها حسن
حسن : لمي حوايجك
اية : علاش ؟؟
حسن : غدوا ماشي لي تونس الفجر
اية : كم بتقعد وخيرك مقتليش
حسن : المشية جت فجاء
اية : تمام امتى بترفعني لي حوش اهلي ؟؟
حسن : بلا غباء توا امالا الفجر نقعد نكركر فيك
اية : باهي اني مقلت شي وخشت للدار توتي في حوايجها وهي مضايقة من تصرفات حسن البايخة

_________________________

سالم : شبك ايديه في بعض وهو يسمع لي اسيل
اسيل : اي وهدا هو
سالم : شاف لي اسيل باهي علاش حاربتي على خاطره مدام انتي متحبيشي وعلاش اتحملتيه طول فترة زواجكم
اسيل : فكرت لي لحظات وعرفت لو بتقول الي صار مستحيل بوها يقبلها وهي اصلا مليهاش ذنب فقررت تمشي في طريق الكدب...لان كان يهدد فيا بصوري وحتى بعد زواجنا يهدد فيا بي حاجات منقدرش نحكيها يا بابا
راضية : حضنت اسيل وهي تبكي...قداش كنتي متحملة يا بنتي 💔
ايات : الباب يطق اكيد هدا مهاب هي بنوض اني هداكا هو
راضية : تمام
ايات : ناضت فتحت...شن جابك في هالليل
اية : غر خليني نخش وتوا نحكيلك
ايات : لالا اني بنروح مهاب اكيد يستنا فيا
اية : تي توا لاقيته في الباب قالي قولي لي ايات اني روحت خليك مع خواتك اليوم
ايات : ابتسمت على طيبة مهاب ❤️
اية : هي خشي موقفتين في الباب تقول ضيفة
ايات : ضحكت وخشو الزوز
اسيل : خيرك جاية ؟؟
اية : نعم الحوش حوش بونا والناس بيلزونا
اسيل : حيوانة مش هكي 😂
راضية : اي قولي علاش جاية في هالليل استنيتي جيتي الصبح مخليا راجلك بروحه
اية : لالا جت منه هو قالي الفجر ماشي لي تونس بنرفعك لي اهلك والحق فرحت لان استاحشت الحوش مع بعضنا 😔
سالم : ناض من جنبهم ما غير ما يقول ولا كلمة خش لي داره بيرقد
راضية : بنات تعالى نفرشو في الدار الي فيها روشن الكبير
ايات : الروشن هداكا نكرهه بدات في الرمضان ديما منوضني بكري 😂
اسيل : ايامات اصايل كانت ديما تخاف منها هالدار في الليل تقول روشنها كبير ومظلم يخوف 😔
راضية : دموعها نزلو...تصدقو استاحشتها
اية : زعما كيف حالها
ايات : فرشت فراشها جنب امها وخواتها وقعمزت...تصدقو المدة الي فاتت شفت همام
راضية : ناضت من على المخدة...وين ؟؟
ايات : اهدي شفته في المشفى يوم موتت مالك 💔
راضية : وخيرك مخديتيش منه رقم وخيتك
ايات : تي حتى على حالها مقدرتش نسأله اليوم هداكا مكنتش نندري على روحي كل الي نفكر فيه مالك
اسيل : نحس في روحي زي الاطرش في الزفة خيره مالك ؟؟
راضية : شافتلها
اية : اي يا جماعة تصبحو على خير اني نعست راه
ايات : غطت وجها بالبطانية وقعدت تبكي وتتفكر في ايامها مع مالك 💔
اسيل : نخصت اية...شن درت اني درت حاجة خلت ايات تضايق ؟؟
اية : اسكتي غدوا نحكيلك
اسل : تمام تصبحي على خير وغطت روحها وغمضت عيونها ولي اول مرة ترقد في امان بلا تهديد