لا تملك قلبي

بارت 8

دان:حضنتها حيل ..بعد فتره حسيت جسمها ثگل
باوعت عليها لگيتها نايمه عرفت انها ما نايمه كل
الليل اااه يا رين ..شلتها عن الگاع وحطيتها
ع فراشي ونمت بسدها ...

نعود بالزمن الى الوراء ..
بسمه:وصلت البيت لگيت رائد واگف ع باب عرفته
ينتضرني ..
رائد:هلا وغلا چان ضليتي انوب بعد وگت ..
بسمه:شگد اكرها شلون واگف الي يسمعه يگول
زوجي ... شگد يتعنفص .. مشيت باتجاها حتى ..
ادخل عالبيت بس منعني من الدخول ..
رائد:حطيت ايدي گدامها وگلت وين رايحه ..
بسمه:رائد واخر ....يوووه دائمآ تنزع فرحتي ..
رائد:عگدت حواجبي وباوعت عليها وگلت هي
فرحه ..
بسمه:بابا انت شعليك شگد حشري ..من گلت هاي
الكلمات ماحس غير وجهي انفر ...
رائد:تلفت اعصابي ... وماحسيت غير وني ضاربها
  راشدي ..
بسمه:من قوت الراشدي وگعت بالگاع ومعد اتحمل
  گمت ابچي احس وجهي نار ..
  رائد:بسمه والله مو قصدي ..حطيت ايدي ع وجه
  ماحس غير شي عضني من ايدي ..
  بسمه:من گمت ابچي حط ايدا ع وجهي شلون
  چذاب عساس فطنان ل مشاعري ... هههه بس
  انتقمت منه عضيته من ايده عباله بس هوا ..
  يؤذيني ..گمت بسرعه وسمعته يتهدد كل عاده
  دخلت جوه ولگيت بابا واگف بالهول وچان وجها
  حزين ..
  ماگدر اروح علي حتى مايشوف وجهي مورم ..
  رحت ع غرفتي ...بدلت ورحت ع فراشي حتى انام
بس ما جاني النوم ...بديت اگلب بالفيس ..
لگيت صفحت سيف بس اکيد خليت نفسي ثگيله
وما دزيتله طلب صداقه حتى ما انحط بموقف ..
لا احسد عليه ...نمت وسمعت تلفوني دگ گعدت.
باوعت ع ساعه 1:00 باوعت ع تلفون رقم غريب
گلت خلي يوالي كتمت صوت التلفون وحطيته
  جوا المخده...ورجعت نمت ..گعدت الصبح لگيت
تلفوني متروس رسائل من سيف والله ضحكت من
  كل گلبي ...كاتب بسمه اني سيف هذا رقمي
وكلهآ كاتب بسمه بسمه هههههه ولا يمل كاتب
30رساله يچوز ضل يكتب حتى غفا ع تلفون
رحت بدلت حتى اروح ع كليه ...
  اليوم لبست ملابس لونهآ احمر يعبر عن فرحتي ..
  اجه الخط ورحت صعدت رحنا عالبيت رين..
  بس طلعت عمه سمر گالت طلعت من الصبح بس
  ما تعرف وين ..رحنا ع كليه ..وصلنا واني نزلت
  ع سريع بس من نزلت انصدمت ..وگلت منير ..
  امت جيت ..
  منير:شبيچ مصدومه عبالك شايفه ابليس ..
  بسمه:اي والله انته ابليس.. گلت مو عساس شهر
  اشو بسرعه رجعت ..
  منير:وانتي شعليچ اني بكيفي..
  بسمه:گتله تنجاز ومشيت وعفته وگالي رين وينها
  گتله ليش تسأل ع رين..
  منير:هيچ...تعجبت ماكو معاچ فگلت اسأل خاف
  بيها شي..
  بسمه:لا كلشي مابيها يالله اني رايحه..
  منير:روحي ...وگلت من راحت ما تفيدين عابت
  رين:گعد وباوعت ع دان نايم يمي وضوء الشمس
  ع وجهه حطيت ايدي گدام وجهه حتى احجب
  ضوء الشمس عنه ...بديت اتمعن بملامحه ..
  شعر بي اخصل شگر يخبل ..ورموشه اطوال
  ملامحه حيل ناعمه وعنده غمازه حيل مبينه ..
  صحيت ع نفسي وخجلت من سوالفي ..
  باوعت ع ساعه ب9:00 شهگت بصوت عالي
  دان گعد وگضب ايدي وگال شبيچ ...
  گلت ما رحت ع كليه ...گام يضحك بصوت عالي
  ويگول والله خبله عبالي شوف صارلچ ..
  رين:گتله دان كافي ضحك گمت بسرعه من الفراش
  وچنت حيل جوعانه لين من البارحه ما ماگله ..
  وگلت دان گوم سويلي اگل ...
  دان:اني اسويلچ اگل لچ صدگ تحچين..
  رين:عگدت حواجبي وباوعت بطارف عيني وگلت
  لعد چذب ..كمت اسحب بي من ايديه يالله
  دان كوم والله راح يغمه علي من الجوع ...
  دان:اي يالله كمت ..دان رحت ع مطبخ بس اني
  كلشي ما اعرف اسوي ...تباوعت من الباب ع رين
  چانت ملتهيه طلعت من يمها ع سريع ورحت خارج
  الغرفه نزلت جوا طلبت اگل ورجعت ع غرفه
  رين:هااا دان وين چنت ..
  دان:ليش شكو
  رين:ماما خابرت تريدني ع سريع ..
  دان:شنو مو انتي جوعانه ..وگالت عود بالبيت اگل
  گلتلها لعد خلي اوصلچ وگالت لا ماريد ضل انته
  حتى تريگ ..گلت رين اوصلچ يعني اوصلچ...
  رين:هااا لعد يالله بسرعه...
  رين:نزلت جوا انتظر دان ......اجه دان ورحنه ..
 
  مشي لين ما يحتاج سيارة تاخذنه بيتي گريب
  من الفندق..وصلت البيت دخلت جوه اني ودان..
  وباوعت ع امي وجها ما يتفسر ..
 
رين:هاااا عافيتي شبيچ اشو وجهج ما يتفسر ..
امي:همزين دان معاچ تعالوا اگعدوا اريدكم بموضوع
گعدو وگلت عرفت انو انتو تحبون بعض مو..
دان:اي ليش
امي:احسن شي اترك رين لين انتو مو البعض ..
دان:ليش شنو السبب ..
امي:اسأل ابوك وناب انته خاطب وخطيبتك ..
مبينه لاعبه بعقل عمامك ..
دان:ادري بس اريد اعرف السبب ..
امي:دان رين مو لكه تركها ..
رين:من سمعت حچي امي گمت ع غرفتي لين معد
  اتحمل ...
  ***********************************
   يتبع

شكرآ لكل من يصوت ع قصتي ..
  اسفه ع تأخير ...وبس باااي حبايبي 😘
  العدد1258