"Pangarap"
HINDI KO BA ALAM KUNG BAKIT GANITO
PARATING NALILITO ISIP AT PUSO
SA BAWAT ARAW NA DUMADAAN SA MUNDO
PATULOY AKONG NAHUHULOG SAYO
HINDI KO RIN ALAM KUNG ANONG RASON,
RASON PARA IKA'Y MAHALIN NG SOBRA
KASI HINDI KO AKALAING HANGGANG NGAYON
IKAW ANG HAHANAPIN TUWING UMAGA
SIMULA PA ATING PAGKABATA
IKAW NA TALAGA ANG PINANGARAP
HUMANGA SA IYONG MGA MATA
NA PUMUPUNGAW SA PAGTINGIN SA ULAP
BAWAT SULYAP SA IYONG MUKHA
SAYA SAKIN AY UMAAPAW
HINDI PINAPANSIN ANG MGA KUTYA
NA ANG NAKALAAN SAKIN AY DI IKAW
MASYADO KANG MATAAS
MALA LANGIT KUNG IISIPIN
AKO NAMA'Y LUPA
MASYADONG MABABA PARA MAPANSIN
IKA'Y NAPAKAGANDA
MAY MALA PORSELANANG KUTIS
SAMANTALANG AKO'Y DUKHA
NA PURO NA LAMANG HINAGPIS
NGUNIT HINDI ITO NAGING HADLANG
PARA IKA'Y AKING PANGARAPIN
AKO'Y NAGSUMIKAP MAG-ARAL
UPANG NG IBA'Y MAPANSIN
GINAWA KONG ARAW ANG GABI
MATAPOS LANG ANG DAPAT
UPANG SA UMAGA'Y MAKAPAG-ARAL
AT MAABOT ANG MGA PANGARAP
MGA PANGARAP NA IKAW ANG PANGUNAHING RASON
PANGARAP NA IKAW ANG BUMUO
MGA PANGARAP NA NAIS MAKAMIT
MAKAMIT PARA LAMANG SA IYO
MINSAN NGA'Y NAGTATAKA
ANO BA ANG PROBLEMA NG TADHANA
BAKIT KA PINANGANAK NA MAYAMAN
AKO'Y PINANGANAK NA DUKHA
DI ALINTANA ANG PAG APAK
NILA SA AKIN PAGKATAO
PINILIT MAABOT ANG PANGARAP
KAHIT INAASAHANG MABIGO
LUMIPAS ANG PANAHON
MARAMI NANG NAGBAGO
MGA PANGARAP NA BINUO
NGAYON AY NAGKATOTOO
HINDI KO MAN INASAHAN
NA GANITO ANG MANGYAYARI
ANG MGA PANGARAP NA IMPOSIBLE
NGAYON AY NAKAKAMIT
MULI AKONG BUMALIK
SA PINAGMULAN NG LAHAT
MGA ALA ALA'Y NAGBALIK
MGA KAHAPONG NAGDAAN
GINUNITA KO ANG LAHAT
BAWAT SEGUNDO NG PAGKABATA
MGA ALA ALANG BINUO
NGAYON AY NAITATALA
MATAGAL NA NGA ANG PANAHON
NGUNIT DI KO NAKALIMUTAN
ANG PANGUNAHING DAHILAN
NG AKING PAGSUSUMIKAP
MARAMING KUMALAT NA SABI SABI
KESYO GANITO, KESYO GANYAN
LAHAT NG BAGAY AY NAGBAGO
NGUNIT IKAW PA RIN ANG MAHAL
KAYA HINANAP KITA
HINANAP NG HINANAP
BAWAT SULOK NG LUGAR
AKO'Y NAGHAGILAP
ANG LALAKING NAWALA
NG MATAGAL NA MATAGAL
NGAYON AY NAGBABALIK
UPANG HANAPIN ANG MAHAL
NAGKAROON NG IMPORMASYON
KUNG SAAN KA NAKATIRA
NAG UTOS SA ALALAY
UPANG ITO'Y MAKIPUMPIRMA
SINABI SAKIN NA OO
TAMA ANG HINALA
ANG MAHAL NA MATAGAL NAWALAY
NGAYON AY MAAARING MAKITA
NAKUHA NA MGA GUSTO
BAHAY, PERA AT NEGOSYO
NGUNIT ANG MAKITA SYA
ITO ANG KUKUMPLETO
KUKUMPLETO SA PANGARAP
NA AKING NAIS MAKAMTAN
LAHAT AY NAKAMIT
IKAW NALANG ANG KULANG
KAYA DALI DALI
PINUNTAHAN KITA
AKO AY NATUWA
PERO AKO'Y NABIGLA
MERON AKONG DINATNAN
NGUNIT ITO AY MASAKIT
ITO AY HINDI IKAW
NGUNIT ISANG BATANG MUNTI
TINANONG KO SIYA "SINO KA?"
AT HINDI SIYA TUMUGON
NGUNIT SIYA PALA AY ANAK
NG MINAMAHAL KO NOON
AKO'Y NAGTAKA
ASAN KA NA AKING SINTA
HINDI KITA MAKITA
PAKIUSAP HALIKA
AT BIGLANG MAY NAG SALITA
ISANG KAIBIGAN KONG MATALIK
AT ANG SABI NIYA'Y "KAIBIGAN"
MAHAL MO'Y DI NA MAGBABALIK
AKO'Y NAGTAKA SA SINABI NIYA
TILA MALABO AT HINDI MAIPINTA
NGUNIT SA HULI AKO'Y LUMUHA
DAHIL DI NA PALA TAYO MAGKIKITA
IKAW PALA'Y NAGHIRAP
NAWALAN KA NG YAMAN
LAHAT NG KAIBIGAN
IKA'Y TINALIKURAN
HINAYAAN KANG MAGUTOM
HINAYAAN KANG MAUHAW
IKA'Y NAGKASAKIT
AT IKA'Y PUMANAW
HINDI KO MATANGGAP
BAKIT NAGKAGANITO
NAGSIKAP AKO NG TODO
PERO NAWALA ANG PANGARAP KO
BAKIT KA HINAYAAN
AT AKO'Y LUMISAN
SANA'Y NANATILI
UPANG IKA'Y PAGMASDAN
MUNDO KO'Y GUMUHO
SA AKING NALAMAN
PARANG KANDILANG NAUPOS
AT HINDI NAGTAGAL
NGAYO'Y PUNO NG PAGSISISI
AT HINDI NAKAMTAN
ANG NAG-IISANG PANGARAP
NA AKING INAASAM
