أســــــــرار البيــوت "حكايات من رحم المُجتمع" مُكتمله وقريباً الجزء الثاني

البارت الخامس

«5»
#أسرار البيوت
#حكايات من رحم المجتمع

"تمر الأيام وتبقي القلوب مُعلقة بمن كانوا أصل الحكاية "
بعد مرور شهر علي الجميع ان تختلف الحياة كثيراً عند البعض وثابته عند البعض الأخر ولكن جميعهم إشتركوا بحزن عميق ينخر القلب ويُصيب الروح بالجمود،بدأ الشتاء يتسرب في الأجواء والبرود تختلط بنسيم الصباح وعبق ضجيج الشارع الذي يتزايد مع إقتراب سطوع الشمس.
في المدرسه .
بسمه..يابنتي فكي أم التكشيرة دي دا مش حل أصلا.
ديما..يلا نلحق الطابور وبعدين نتكلم .
بسمه..والله محدش هيشلني غيرك ،وإصدمت برجل،متفتح يا أعمي.
الرجل..افندم.
بسمه..بغيظ بقولك فتح يا أعم ليه البعيد أطرش .
الرجل..لا أنتي غبيه.
بسمه..أنا غبيه ياحمار.
ديما..تحاول تدارك الأمر والذعر يحتل وجهها،واسرعت للإعتذار خلاص يابسمه،اسفه يابشمهندس.
الرجل بإبتسامه  تملاء وجهه ،ولا يمهمك يا انسه يكفي إعتذارك يانسه عن قله ذوق وبقرف أشار لبسمه دي.
بسمه..لا أنت ممصمم أفتح دماغك
ديما..الله يخربيتك اسكتي ،اتفضل حضرتك أنا اسفه نيابه عنها.
بسمه..أنتي بتعتذرى علي ايه.
ديما..امشي وجرتها خلفها ،يابنتي اتهدي مش هتسكتي غير برفدك من المدرسه.
بسمه..ببلاها ليه يعني.
ديما..اانتي ديما شايطه كده ،افرض كان قريب مدرس ويستقصدنا ،اهدي ويلا.
بسمه..أوف وتحركت امامها .
__
شقه حسان.
نوال..ياعثمان ياعثمااان .
عثمان..يخرج من غرفته وأثر النوم جليّ علي وجهه ،وتحرك بإتجاه غرفه نرمين ولكنه توقف قبل أن يدخل ،وبصياح اطلعي ياماما مش هعرف ادخل.
نوال..اتنيل ادخل الشملوله خرجت من بدرى.
عثمان..دخل الغرفه وجد نرمين علي السرير وجهها شاحب ودموعها تتساقط،ونوال تشتعل غيظا ،في ايه ياماما.
نوال..في كل حاجه الست أختك مش راضيه تروح المدرسة ،وعلي طول في السرير والسنه هضيع عليها.
عثمان..تحرك ليقبل رأسها ،سيبيني معاها شويه واعمليلي فنجان قهوه من إيدك الحلوه.
نوال..بضجر طيب .،وتحركت للخروج من الغرفه.
عثمان..تحرك خلف والدته ليُغلق  باب الغرفه ،وبعدها توجه لسرير نرمين كانت غرفه بلون الوردي مع بعض الرسومات لأشكال دزني ودولاب مكون من درفتين وجواره حقيبه كبيره خمن انها لديما،ومراه متوسطه الحجم ،ومكتب صغير في الركن بجوار الشباك ،وسرير صغير لفرد واحد كان الفراش متكور علي بعضه ونرمين جالسه فوقه والحزن والشحوب يكسوا وجهها ،جلس بجوارها ومسك يدها ،وبعدهالك ياحبيبتي.
نرمين..ببكاء مش قادره أكمل ياعثمان حاسه كل حاجه حوليا ملهاش طعم قلبي بيوجعني اووي لم الاذن يخلص وميرجعش   انا بتمني يكون دا كابوس واصحي منو.،وشرعت في بكاء يقطع نياط القلب.
عثمان..تحرك قليلا ليضمها بين ذراعيه ،واخذ يربت علي كتفها ،من رحمه ربنا بينا النسيان ،عارف إن صعب اوي علينا بس دي أعمار وقضاء ربنا لازم نتقبلوا برضا
نرمين..صعب اوي ياعثمان أنا عاوزه بابا.
عثمان..حاول حجر دموعه بين أجفانه ،كلنا محتاجين بابا بس دا أجل إحنا لازم نرضي وندعيلوا بالرحمه هو ديما معانا ،روحوا ديما في البيت وهو عايش جواكي صح هنبقي محرومين نشوفوا بس هو جوانا .
نرمين..ياعثمان أنا.
عثمان..ياقلب عثمان كل حاجه هتفضل موجوده  زي ما بابا كان موجود وأنا جمبك اهوا يلا ياحبيبتي قومي صلي كده ،ومن بكره تنزلي مدرستك.
نرمين..بعبوس
عثمان..الدنيا مبتقفش ولازم نكمل ،وندعيلوا .
نرمين..شدت من إحتضانه ودفنت رأسها بين اذرعه.
"عندما يطرق الفُراق باب قلوبنا ،نخشي الحياة بدونك فكيف لك الرحيل والحياة تكمن بين إبتسامتك"
عثمان..قبل رأسها ،وفرت دمعه من عينه لم يستطع التحكم بها.
نوال..دخلت الغرفه تحمل بيدها فنجان قهوه ،عثمان اتفضل ياحبيبي اتاخرت.
عثمان..حاضر وتحرك ليأخذ الفنجان ويذهب الي غرفته كي يستعد لعمله.
__
في غرفه عثمان
عثمان.دخل غرفته بملامح جامده ودموع متحجره وضع القهوه علي مكتبه بجوار الشباك وظل ينظر صوب المسجد ،وروحه تحترق .
"عندما يتوجب عليك الصمود من أجل أحبتك ،ونيران قلبك تشتعل كمرجال ،فأنت تحتاج لأيد تربت علي قلبك.."
نوال..طرقت الباب ولكن لامجبب ،فتحت الباب ودخلت بحثت بعينها عنه ووجدته بجوار الشباك كعادته منذو كان طفل عندما يحزن ويغضب من أحدهم يتوجه لنافذه وينظر للمسجد ينتظر خروج والده كي يشكي له لوعته.
عثمان..فاق علي يد تربت علي كتفه.
نوال..مالك ياحبيبي.
عثمان..ها ولا حاجه ياماما أنا اتأخرت يدوب أجهز نفسي وتحرك للحمام ولكنه توقف.
نوال..لازم نتكلم في وجود ديما.
عثمان..تاني يا ماما قلتلك مش هتخرج من البيت.
نوال..بتحداني ياعثمان.
عثمان..تحرك صوب نوال العفو ياماما. وقبل يدها .
نوال..امال أنت عاوز الناس تاكل وشي ،والشملوله موجوده وفي راجل في البيت.
عثمان..لما ارجع عن إذنك.
__
بيت عاصم
إيمان..تخرج من المطبخ تحمل كوب النسكافيه الخاص بعاصم وتضعه علي المائده وتتحرك للإختباء في أحدي غرف المنزل ولكنها توقفت علي يد عاصم .
عاصم..بوجه مُكفر ومنظر مشعث وبعدين يا إيمان.
إيمان..دون أن تنظر له تعلم جيدا لو رأت عينه ستذهب تبكي بين أحضانه ،وبجمود ول قبلين .
عاصم..هتفضلي تهربي مني لحد أمتي .
إيمان..تبلع غضه في حلقها ،أهرب منك ليه أنا عندي شغل بخلصوا .
عاصم..شغل ايه يا إيمان  الصبح مش بشوفك الأكل ع السفره وانتي مش موجوده ،وكل أما اجي بدرى بليل تكوني نايمه ،شغل ايه دا .
إيمان..بنبره تحاول أن تكون ثابته ،شغل البيت كتير و..
عاصم..شغل ايه يا ايمان امال لو عندك عيال هتعملي ايه مش هشوفك ول،ولكنه تدارك نفسه عندما رأي دموعها تتساقط.،وبلوم لذاته إيمان أنا اسف.
ايمان..اخذت نفس عميق ،لو عندي بقي ونفضت يده وتحركت لداخل .
عاصم..ضرب المائده بيده وتحرك للخارج يُصارع كل شئ حتي انفاسه "عندما يبتعد عنك من تُحب ترى الفراغ يمتلك روحك "
__
في.بيت قاسم
قاسم..يتحرك خلف سناء ،يامي ريحيني.
سناء..ربنا يريح قلبك وبالك.
قاسم..يا امي ريحيني انتي ونروح لدكتور.
سناء..وضعت الطعام علي المائده وجلست علي الكرسي ،قلت مش هروح لدكتور.
قاسم..يا أمي عشان نطمن عليكي.
سناء..انا أهو قدامك زي الفل .
قاسم..يارب ديما بصحه بس برضوا نطمن علي الصداع بتاع كل يوم.
سناء..عاوزني أروح لدكتور.
قاسم..ايوه طبعا.
سناء..خلاص تقولي كنت زعلان ليه .
قاسم..منا قولتلك زعلان علي الشيخ حسان .
سناء..أنت بتضحك علي صحابك ،أنا أمك ياابن بطني وعارفك زي أيدي .
قاسم..عاوزه ايه يايامي.
سناء..تلوك الطعام اعرف في ايه يا ابن سلامه.
قاسم..مفيش يا أمي.
سناء..براحتك بس بلاش تلف كتير بعينك يا ابن بطني .
قاسم..كأن أحدهم سكب دلو ماء علي رأسه،واخذ يسعل.
سناء..ههههههههههه ،أشرب ويلا علي شغلك .
قاسم..تحرك للخروج ولكنه توقف.
سناء..غض البصر بيكون إلي القلب رايدوا يا ابن سلامه.
___
أمام بيت قاسم
قاسم..كان يغلق الباب ويحدث نفسه اه منك ياسناء.،طب هي عرفت هي مين .
عبدالرحمن..مالك بتكلم نفسك ليه.
قاسم..عبدالرحمن
عبدالرحمن..ايه ياعم متفاجي ليه .
قاسم..ها مفيش ،كنت فين كده علي الصبح وإيه الاكياس دي.
عبدالرحمن..كان يحمل اكياس تحتوي علي خضار وحلوي،مفيش أمي بتمارس قواها عليا ونجمه.كمان.
قاسم..ههههههههههه ماشي.
عبدالرحمن..عندما رأي عاصم ينزل يحدث نفسه ومكفر الوجه ،اشار بعينه لعاصم مالوا دا.
قاسم..مالك ياعاصم .
عاصم..عبدالرحمن.
عبدالرحمن..ايه ياعم انت وهو كلكم بتتفاجوا بيا.
عاصم..وايه الاكياس دي.
عبدالرحمن..خضار للبيت ،مالك علي الصبح بتكلم نفسك ليه.
عاصم..مفيش أنا ماشي اتأخرت.
قاسم..وانا كمان ماشي.
__
في بيت عبدالله
عبدالرحمن..دخل البيت وجده صامتاً وبصوت عالي يا ماما.
نجاه..تخرج من المطبخ هش وطي صوتك مصدقت نامت.
عبدالرحمن..نامت أمال مصحياني من بدرى ليه انزل اجبلها .
نجمه.. من داخل غرفتها تستيقظ علي صوت عبدالرحمن متذمراً ،بصياح أنا صاحيه في الشكولاته .
نجاه..بلوم عجبك كده أهي صحيت ،وهتعوز حد يقعد معاها وأنا ورايا شغل كتير.
نجمه..بتذمر يا بودي فين الشكولاته.
عبدالرحمن..من خارج الغرفه هرحولها بدل ما تاكلنا ،وأنا هقعد معاها.دخل غرفة نجمه كانت بلون السماء وفي ركن شمس تشرق ودلاب وسرير أبيض الون ،اتفضلي ياستي أمتي بقا تخفي ونخلص.
نجمه..اخذت الشكولاتها وسارعت بفتحها تأكلها بنهم شديد وتلذذ واضح،وتتكلم وهي تلوك الشوكولاته عارف يابودي ياريت رجلي اتجبست من زمان دا الواحد مرتاح ياجدع.
عبدالرحمن ..كان. يتأملها  وعينه تقطر حباً جلس بجوارها ومسك أذنها عارفه لو قولتي بودي تاني هعمل فيكي أيه.
نجمه..بصياح يامااااااما .
نجاه..تأتي مسرعه علي صياح نجمه وبصوت عال بطلوا شغل عيال وتوجه كلامها لعبدالرحمن حرام عليك أنت السبب .
نجمه..بإستفزاز كده يابودي تزعل ماما .
نجاه..بس يازفته والله لو سمعت صوت حد فيكم ل...
عبدالرحمن..خلاص ياست نبع الحنان المفروض تربي المفعوصه دي.
نجاه..بضيق أنت بتتريق يازفت.
عبدالرحمن..بقي شحط زي كلها كام يوم ويفتح عياده يتقالوا وحاول تقليد صوت نحمه يا بودي .
نجمه..ههههههههههه ههههههههههه ،لا بجد مش قادره عيد تاني.
عبدالرحمن ..بغيظ هتنضربي.
نجاه..بااااااس أمال سبتوا ايه للعيال.
عبدالله..أتي يستند علي عكازه في ايه صوتكم جايب آخر الشارع.
نجاه..تعالي ياحج شوف المصايب دول هيجننوني.
عبدالله..مالك يازفت أنت وهي ؟
نجمه..يإستعطاف زعلان ياحج عشان بدلعوا الحق عليا برفع معنوياتوا وهو داخل ع الثلاثين وهو ياحبه عيني عايش تقشف عاطفي.
عبدالرحمن..كانت عيناه ستخرج من الذهول وفمه مفتوح ببلاها.
عبدالله..ههههههههه ههههههههههه.
نجاه..انت جاي تضحك .،وإنتي يامقصوفه الرقبه متزعلهوش تاتي.،خلاص يابودي متزعلش.
عبدالرحمن..ممممم بتذمر حتي أنتي ياماما ؛وأنتي يا اخره صبرى ملكيش دعوه بعواطفي.،والله عال وضرب كف علي الأخر وتحرك للخارج.
نجاه..بلوم كده ينفع ياحج تزعلوه.
عبدالله..زعل ايه نجمتي بتناكفوا
تابع«5»
نجاه..يابرودك انا ماشيه بدل ما اطق منكم .
عبدالله..تحرك ليجلس بجوار نجمه ،عامله ايه ياحبيبتي.
نجمه..تمام الحمدلله.
عبدالله..هتروحي لدكتور أمتي  ؟
نجمه..بليل مع بودي.
__
عوده للمدرسه كان الجميع يقف في الطابور وفي نهايه الصف تقف ديما وبسمه.وفجاءة تنصدم بمن تقدمه المديره.
المديرة..صباح الخير يابنات أحب أعرفك بمستر سليم  مدرس اللغه العربيه الجديد للمرحله الثانويه.
سليم..«شاب في أواخر   العقد الثاني بجسد فاره الطول وعين سوداء كالليل وشعر طويل وذقن مشذبه بعنايه بالغه  »بنبره رجوليه صباح الخير
ديما..يخربيتك روحنا في داهيه.
بسمه..جمدي قلبك ول يقدر يعمل حاجه .
ديما. ربنا يستر .
__
في بيت هدي
هدي..يلا بابسمله هتتأخري.
بسملة..تخرج من غرفتها تحمل حقيبتها ولكنها تعبث بها ،حاضر يا ماما .
هدي..هتتأخرى يابسملة.
بسملة..المفروض هخلص علي 8 والموصلات بقا .
هدي..حاولي متتأخريش مش عاوزين مشاكل مع ابوكي.
بسمله..حاضر ماما هو أنا ينفع ارحلوا.
هدي.. حاولت إغتصاب إبتسامه أكيد دا ابوكي.
بسملة..ماما أنا اسفه بس.
هدي..مفيش اسف يلا علي محضراتك.،وتحركت لغرفتها تلملم شتاات نفسها دخلت الغرفه وكأنها تخطوا علي نيران مشتعله كانت الغرفه مظلمه سوي من شعاع شمس خافت يتسرب من الشبابك لينعكس علي لون الغرفه  كانت الغرفه تحتوي علي سرير وثير ودولاب ضخم ومراءة بعرض الحائط  بلون كريمي مع ركن قصي يحتوي علي كرسيان كان اقربهما إلي قلبها ولكنهم حاليا اصبح كجثمان علي قلبها اتجهت الي هاتفها ليصدع صوت الست بصوت.يخطف القلوب ."فكروني"والدموع وجدت الطريق الي وجنتيها .
___
شقه حمدان..
غزال..من الداخل.كانت تلوك علكه في فمها ،أيوه مين متسربعه ليه يالي بتخبط،وفتحت الباب وببرود اهلا.
بسملة..شعرت بالإحراج من هيئتها التي بلكاد تخفي جسدها ،ومن طريقه كلامها ،حاولت جلي صوتها. بابا موجود.
غزال..ايوة ،عاوزه في أية،وكانت تضع يدها علي الباب والاخر علي خصرها .
بسملة...كنت عاوزه في حاجه .
غزال..بتهكم في حاجه وفتحت الباب اقعدي هصحيهولك ،وتحركت الي داخل الغرفه  وبصوت عال نسبياً أنت يا راجل .
حمدان..كان في ثبات عميق ،مممم .
غزال..جلست بجوار السرير انت ياراجل .
حمدان..مممم عاوزه ايه.
غزال..هعوز ايه منك بالا وكسه،الشملوله مستنياك بره.،وقال ايه عاوزه بابا في حاجه،قوم شوفها عاوزه ايه .
حمدان..تحرك للخارج بتثاقل من أثر النوم ،وخرج لصاله وجدها تنظر إلي كل شئ بذهول،خير يابسملة .
بسملة..صُعقت من شكل والدها وتوقفت الكلامات في حلقها فقد كان «صبغ شعره للون الأسود مع بعض خصلات بلون أحمر خافت وحلق ذقنه »بببببابا.
حمدان.. جلس علي الكرسي خير باسملة.
بسملة..ها.مفيش كنت بطمن عليك عن إذنك وتحركت للخارج،والدنيا تعصف بها .
__
عودة للمدرسه .
كان الجميع قد إستقر في فصل وبداء المدرسين بذهاب الي فصولهم .وقد وقع التنسيق بين سليم وعاصم علي توزيع الفصول حيث وقع إختيار فصل نجمه ونرمين ،وفصل ديما وبسمه علي سليم.
سليم..صباح الخير.
الفتيات..صباح النور .
سليم..انا مستر سليم هشرح ليكم منهج اللغه العربيه .وبدأ وصول همسات الفتيات عنه فقد كان يملك جاذبيه خاطفه للأنظار بملامحه المصريه البحته وكان هذا يُزيد شعور الرضا بداخله .
ديما..بهمس شكلها سنه .
بسمه..اسكتي .
ديما..اهدي ولمي عفاريتك دا لو حطك في دماغوا هتبقي ليله.
بسمه..يحط مين ياهبله وحتي لو وقف علي شعر رأسو ميقدرش يعملي حاجه انا ثانوية ياهبله ميتحكمش في اي حاجه.
ديما..يخربيت جبروتك .
سليم..أنتي يا انسه وأشار لبسمه .
بسمه..بهمس ابتدينا،نعم.
سليم..أظن دي حصه مش مكان لرغي والدردشه  وبصوت عال دا لفت نظر ليكم جميعا الحصة تحترموها ،والي مش عاجبها تتفضل بره ،اتفضلي .
بسمه..جلست وهي تشتعل غيظا ان ماوريتك.
ديما..بس بقا اهدي.
سليم..تحرك للمقعد الجالسة عليه بسمه وديما وأشار لها بره ولو اتكررت تاني مفيش دخول ليا لأخر السنه .
بسمه..تحركت تجمع اشيائها ببرود وعندما مرت من جانبه  هننطرد من الجنه واكملت للخارج.وشياطين الإنس والجن تتقافز أمامها.
__
عوده لسناء.
سناء..ايوه جايه اهو وفتحت الباب بشهقه مالك يابنتي.
إيمان...كانت تبكي بشده وعينها منتفخه .
سناء..ادخلي ياحبيتي وساعدتها علي الجلوس وتحركت للمطبخ تعد لها كوب من الليمون ،دقائق ومدتها مالك ياحبيبتي.
إيمان..تبكي دون رد.
سناء ..جلست بجوارها اشربي العصير واهدي كده ومدت لها الكوب.
إيمان..اخذت  الكوب وظلت تحضنه بيدها ودموعها تنزل دون صوت.
سناء..مالك بس ياحبيبتي عاصم زعلك عمل إيه ؟
إيمان..عايرني إني مخلفتش.
سناء..بذهول عاصم لا دا اتجنن رسمي وانتي عملتي ايه؟
إيمان..معملتش أنا مبكلموش من شهر .
سناء..ليه يابنتي كده.
إيمان..عشان بحبو.وزاد بكاءها.
سناء..عليه العوض ومنو العوض ،هو انا كل لما اقول كلمه تعيطي فهميني.
إيمان..يوم وافاة الشيخ حسان كان جاي زعلان وكنا متخانقين وانا قلتلوا اتجوز وسبتوا.
سناء..سبتوا أزاي.
إيمان..مبقتش بكلموا ول حتي بيشفني اعمل نايمه أول ما يدخل البيت ولما يكون صاحي احبس نفسي في اوضة.
سناء ..ليه كل دا واية موضوع الجواز دا.
إيمان..سمعت مره بيكلم مامتوا وهي عاوزه يتجوز.
سناء..وانتي زي الهبله تجرى تخليه يتجوز ،أنتي هبله ول بتستعبطي وبعدين جوزك جاي زعلان تكملي عليه بنكدك ،وتكملي بهجرك أنتي عارفه ان الملايكه بتلعنك من شهر عشان جوزك بينام زعلان ،أمال حب ايه الي كان قرفني بيه.
إيمان..ياخالتي.
سناء..داهيه توكسك ،والله أنا لو منوا اتجوز واغيظك بعد الي عملتيه.
إيمان..أنتي في صفي ول صفوا يا خالتي.
سناء..لا انتي ول هو تصدقي بالله.
إيمان..لا اله الا الله.
سناء..انتو لتنين محتاجين تنضربوا .
إيمان..جري ايه يا خالتي.
سناء..قومي من وشي بدل ما اولع فيكي قطع الحب وسنينوا أنا هلاقيها منك ول منو ولا من الاهبل .
إيمان..مين الاهبل.
سناء..وانتي مالك قومي.
إيمان..ايه ياخالتي .
___
#بقلم
رانيا صلاح
__
شير وا الروايه لصحابكم، وأب كتير 😍