إمراة في عصمه صعيدي «قيد التعديل»

الفصل السادس..

"دنيا لبست بنطلون ضيق باللون الجينز و تي شيرت باللون الاسود بنص كم و كوتشي ابيض و عملت شعرها ديل حصان"..
ديما:انا بكره الدنيا دي..اه اصحي ليه انا الساعة خمسة..
اسماء:متتكلميش و روحي لفتحية تقولك هتعملي ايه...
ديما:طنط فتحية المفروض اعمل ايه؟؟
فتحية:انتي و دنيا و دعاء و فيروز و سارة تنضفوا كل البيت و الجنينة...
ديما:و الله حرام البيت واسع اوي...
تسنيم:ديما يلا...
دعاء:تعالوا تعالوا..
دنيا:طب نأكل طب...
جملات:تعالوا يا حبايبي..
البنات قعدت تأكل و بعدين بدأت تقوم تنضف البيت..
دعاء:ايه يا سارة ما تقومي اعملي معانا...
ديما(بصريخ):يا غبي...
جاسر(بخضة):في ايه؟؟
ديما:بكرهك بهدلت الحتة اللي انا مسحتها...
جاسر(ببرود):مكنش قصدي..
فيروز:يا ابيه سارة مش عايزة تقوم تعمل معانا..
سارة:لا ابدا كنت بس مريحة علشان تعبانة..
ديما:اتفضل امسحها بقي..
جاسر:افندم؟
ديما:امسح اللي وسخته..
جاسر:انسي..و انتي يا سارة قومي اشتغلي معاهم..
سارة(بحب):حاضر..
ديما:طب و ربي لاربيك يا جاسر..
جاسر(ببرود):مستني اشوف ردة فعلك يا طفلة..
جاسر سابها و مشي..و ديما رمت المكنسة و المساحة من ايديها...
ديما:شخص غليظ حقير حيوان مش متربي..
فتحية(بحدة):انا شايفة مسخرة هنا..و انتي يا سارة اطلعي نضفي الجنينة مع دنيا بره...
ديما:يا طنط ابنك الرزل بهدل اللي انا مسحته...
فتحية(بحدة):خلاص نضفوه تاني..
تسنيم:بنات يلا انجزوا...حد يروح يحلب الجاموسة...
عبير:يلا يا ديما..
ديما(بصدمة):نعم!!!!!
عبير:يلا يا ديما...
فتحية:هي متعرفش خلي سارة..
عبير:تتعلم..
ديما:خلاص هروح...فين؟؟
سارة:تعالي اوريكي..
سارة ودت ديما مكان الزريبة و بصت ليها بشماتة..
سارة:باي باي يا بسكوتة...
سارة سابت ديما و مشيت و ديما فضلت واقفة مكانها بتفكر...
دنيا:ناولني البتاعة دي...
دنيا(بزعيق):يا زفت انجز...
خالد:افندم!!
دنيا(باحراج):ايه ده هو انت؟؟؟اسفة كنت اقصد العامل لاني مبحبش حد يطنشني..
خالد:طيب..عايزة ايه؟؟
دنيا:مقص الشجر..
خالد:بتعرفي؟؟
دنيا:اه...
خالد:بس في عامل مخصص لكدة..
دنيا:لا انا قولتله انا هعمل..
خالد:خدي..
دنيا بدأت تظبط الشجر باحتراف و خالد معجب بيها..و طريقة تصرفها....
خالد:براڤو عليكي..
دنيا:شكرا..
.............................................
-في الزريية عند ديما..
ديما:ما انا مفهمتش حاجة من النت...اعمل ايه؟؟
ديما:انا شوفتها في التلفزيون...
ديما حاولت تقرب من الجاموسة و هي خلاص هترجع..
ديما:لا لا مستحيل..
ديما:بس لازم اعمل كدة..
ديما:لا انا هموت لا...
ديما:يا ربي اعمل ايه ده ايه القرف ده؟؟
ديما و هي ماشية اتكعبلت و صرخت جامد و قعدت تعيط...و كان جاسر قريب من المكان اللي هي فيه..
جاسر دخل بسرعة علي الصوت و اول ما دخل مقدرش يتمالك نفسه من الضحك...
جاسر(بضحك):و ربي لازم اصورك و اذلك بالصورة دي...
ديما(بعياط):بتضحك عليا عيل رزل...
ديما(بعياط):ريحتي بقت مقرفة....عاااااااااااااااا..
جاسر(بضحك):ده عطر يا بنتي..
ديما(بصريخ):هتفضل تتفرج عليا كتير قومني..
جاسر:طب ما تقومي نفسك..
ديما:عااااااااااااااااااااااااااااا
جاسر:خلاص خلاص...
جاسر قرب من ديما و مسك ايديها..
جاسر(بضحك):لا حقيقي بقيتي جموسة...
ديما ضربته علي صدره كتير و هي بتعيط...
ديما(بعياط):حرام عليك...ربنا يسامحك...
جاسر:طيب تعالي اروحك...
ديما:لا لازم امسح القرف اللي علي رجلي ده...
جاسر:ده لوحة فنية يا ديما حرام تمسحيه..
-ديما زقته و ضربته تاني علي صدره و هي بتزقه هما الاتنين اتزحلقوا تاني و جاسر مسك ديما من خصرها وقع هو علي ضهره و هي فوقه...
سارة:الله الله...
ديما:شوفتي ايه اللي حصل ليا؟؟
جاسر قوم ديما بسرعة من عليه و قومها و قام وقف..
سارة:لا شوفت اللي انتي بتحاولي تعمليه..
ديما:انا عملت ايه؟؟انا وقعت و اتزحلقت...
سارة:و الله..
ديما:في ايه انا عملتلك حاجة؟؟
سارة ضربتها قلم علي وشها..جاسر اتصدم..
ديما(بصدمة):انتي ازاي تمدي ايدك عليا؟؟
سارة:زي ما انتي بتمدي ايدك علي ممتلكاتي..
جاسر:سارة ديما خلاص محصلش حاجة..
ديما:فعلا لسة محصلش حاجة بس هيحصل..
ديما ضربت سارة قلم و زقتها علي الارض هي كمان اتبهدلت...ديما سابتهم و مشيت...
جاسر:انتي كويسة؟؟
سارة:بنت ال.....
جاسر:سارة انتي اللي غلطانة و فهمتي غلط...
سارة(بدموع):انت مبقتش تحبني..
جاسر:متقوليش كدة..هي وقعت و انا كنت بمسكها روحنا وقعنا بس...
جاسر و سارة رجعوا علي البيت....
تسنيم(بصدمة):ايه ده يا ديما؟؟
دنيا(بضحك):مش شايفة انه فضلات الجموسة و لا البقرة...
دعاء(بضحك):لا لا بموت مش قادرة حد يلحقني..
فتحية(بحدة):انتوا لسة مخلصتوش..
و بعدين بصت علي ديما اتصدمت من منظرها..
فتحية:هو انتي بدل ما تجيبي لبن من الجموسة جبتي فضلاتها...
فيروز(بضحك):معلش تعيشي و تتعودي...
ديما(بصوت عالي نسبيا):اخرسوا محدش يتكلم..
خالد:فين.....
خالد لسة هيكمل كلامه شاف ديما اتصدم من منظرها..
خالد:مين اللي عمل فيكي كدة؟؟
دنيا(بضحك):واضحة الجموسة...
خالد(بصدمة):و ايه اللي عمل كدة في جاسر و سارة..
كانوا جاسر و سارة لسة داخلين من باب البيت و الكل شافوهم الكل قعد يضحك...
جاسر:بطلوا زرافة...اختك السبب..
عبير:يا تري السنيورة حلبت الجموسة؟؟
عبير(بصدمة):ايه اللي غرقكوا انتوا التلاتة كدة؟؟
ديما:انا طالعة اغير مش طايقة نفسي...
دنيا:اكيد يا روحي دي فضلات..
ديما:و ربي لانفخك لما افوق..
ديما طلعت جري خدت دوش و جاسر و سارة عملوا زيها...و بعدين نزلوا...
حسن:حد يفهمني ايه اللي دعاء قالته ده؟؟
ديما:مفيش يا عمو طنط عبير قالت اروح احلب الجموسة وانا معرفش فجبت الطريقة من علي النت و حاولت بس اتزحلقت و لقيت جاسر دخل كان بيقومني اتزحلق و سارة كانت جاية تشوفني بس مخدتش بالها و اتزحلقت...
حسن:خلاص حصل خير..
ديما:اخبارك يا بابا؟؟
محسن:بخير يا حبيبتي..
حسن:طب كل حاجة جهزت؟؟
فتحية:ايوه يا حاج الجنينة و البيت اتنضفوا و الاكل جهز ناقص بس الرجالة تيجي..
حسن:تمام...
حسن:فين الزفت علاء؟؟
عبير:نايم يا حاج..
حسن(بعصبية):صحيه يا ام علاء راجل اسم بس...
عبير:حاضر يا حاج..
عبير طلعت لعلاء اوضته...
عبير:انت يا زفت يا زفت..
علاء(بنوم):خير؟
عبير:قوم انجز...
علاء:ليه؟؟
عبير:علشان خاطر عمك مش قولتلك لازم تبقي انت الكل في الكل يا حيوان انت..
علاء:طب ما انا بعمل كدة..
عبير:ازاي يا زفت؟؟
علاء(بخبث):ديما..
عبير:اه يا خسارة تربيتي فيك...
علاء:اصبري بس...
عبير:ايه؟؟
علاء(بخبث):عم محسن معاه فلوس علي قلبه في القاهرة و شركات و عنده هنا ورث بعد ما يموت مين هيورث بنته انا لو اتجوزت بنته هاخد كل ده..
علاء(بخبث):يبقي انا اضحك علي البت بكلمتين و اتجوزها و اخد كل فلوسها...
و فجأة الباب اتفتح...
............................................
يتبع::🌍💜..
بحبكوا🌍💜..
يارب الرواية تنال إعجابكم ان شاء الله😘🖤🖤..
.............................