مرحبا 🌸
(عيون الريم)
للكاتبه هاجر المياحي ✍️
ريم
السلام عليكم اني ريم عمري ١٩ سنه من سكنت الجنوب عايشه وي امي وابويه عندي اخوه ثنين محمد وامير كبار بس مامزوجين رافضين الفكرة نهائي لسبب مجهول النه او نكول بالنسبه الي ههه
اخواتي رباب الجبيره مزوجه وعدهه خمس جهال ورؤى اختي الثانيه هم مزوجه وعدهه تلاثه وروان مزوجه وعدهه ثنين بنات تؤم ورنا مخطوبه لابن عمي حسن
واني اخر العنقود أبويه سمانه كولنه بحرف راء بس محمد اخويه اسمه متميز بالبيت بعدين راح تتعرفون علئ حمودي المهم
امي ربت بيت عدهه الكلمه اليكولهه ابويه هيه صح لاتجادل ولاتناقش كلمته مثل حد سيف عدهه حتى بزواج خواتي ماتدخل تكول هوه ابوكم يعرف صح الكم بختصار ماتوكف ويانه بأي قرار مصيري يخص حياتنا تاركه كلشي للوالد اذا قال انتهت عدها بعد
ابوي شخصيته قويه مايعرف كلمة لا يعني اذا واحد بينه اعترض على شي معناتهه عم على نفسه كلمته وحده مايثنيهه اذا كال اي اي واذا لالا صعب كلش واني اكثر وحده جاي اتاذه من بين اخواتي
طبعي مااكدر اسكت عن الحق حتى هوه ابويه مرات يكول عليه لسان اوتجاوز ومرات لا يسمع مني بس لقبي الوحيد عنده من اول مااجيت لدنيا غزالتي جنت مدلله ما عندي كل الي اريده ادلل على ابويه او واحد من اخوتي يجيبو الي
بابا زوج اخواتي كولهن على اختياره يعني ولا وحده بيهن شفته كعد وياهه فهمهه انو جايين عليهه ناس يسأل من يمه وينطيهه بدون ميعرف هيه شنو تريد قابله لا يعني، موافقتهن عنده تحصيل حاصل
بس جان يختارلهن رجال من صدوك والحمد الله كولهن مرتاحات بحياتهن من جهت ازواجهن متعلقات بيهم ومتعلقين بيهن رغم مشاكل العيال وماكو بيت بلعراق مابي مشاكل حياتنه جانت ماشيه عادي الى ان بيوم بوقتها جنت بصف الخامس علمي بيوم خلصنه إمتحانات ورجعت للبيت لكيت عمي عباس هوه وابنه ومرته يمنه يابه فددد غثه ماينطاقون يحمضون على الكلب شو من دخلت اجاني أمير طايررر ولزم ايدي من يم العكس
أمير بنفعال. وووووووين جنتي ولججج هااا
ريم بهدوء. هاي شبيك غير بلمدرسه يعني وين رحت
أمير.يامدرسه هاي شوفي ساعه بتلاثه ونص خاتوووونه
ريم اباوع بيت عمي شتغل الهمس بينهم جريت نفس، ورديت علي. أمير شسالفه غير جان عدنه إمتحانات ثنين سوه ودوامنه ضهري واني بلغت ماما ومحمد من وصلني كال مااكدر اجي ارجعي وي صديقاتج
أبوي.كافي أمير سد سالفه وانتي روحي دخلي جوه يلا
عمي.اوكف ابو محمد خل ناخذ رايهه للبنيه
أبوي.تاخذ رأي منو
عمي.ريم غير تعاي بويه احنه اجينه اليوم نخطبخ لعلي ابني شتكولين أبوج يماطل بسالفه صارله شكثر ولهذا اليوم اريد جواب منج بنتي
YOU ARE READING
عيون الريم
Romanceعيناك سحروني بل صعقوني ماذلك السحر الذي بين عينيك لماذا تشديني اليكي كل مارايتك عيناك سحر لاكن عذرا فاتنتي فاانا لم اعد اثق باي انثى ولابقلبي حتى فبتعدي قدر المستطاع عني لااريد ايذاءك ولا ايذاء نفسي مره ثانيه .
