الفصل الاول
فرح : ماما...انا نازله
سناء : لما توصلي كلميني
فرح : ماشي....آه صحيح
سناء : ايه؟؟
فرح : هتعملي اكل ايه النهارده؟؟
سناء : همك علي بطنك.....هعمل محشي
فرح : لأ ده انا منزلش بقي
سناء : يلا عشان متتأخريش
فرح : ماشي...سلام
...............................................................................
في المدرسه الثانويه...
فرح : ازيك
ساره : كويسه...بقولك..هي حنان قالتلك حاجه؟؟
فرح : حاجه زي ايه؟؟
ساره : أصلها امبارح كتبتلي علي الواتس انها هتخسرني كل اللي اعرفهم
فرح : يا بنتي فكك منها....ده لعب عيال
ساره : عندك حق
فرح و هي تفتخر مع ابتسامه : انا طول عمري عندي حق
ساره : فصيله
و تعالي صوت الضحك بينهما
جنه : ايه ده؟!....انتوا بتضحكوا من غيري؟؟
فرح : لأ طبعا....احنا نقدر
جنه : طب يلا......المستر مستنينا في المعمل
..................................................................................
في المنزل...
فرح و هي تشم الرائحه : انا جعانه موووت....المحشي ريحته فظيعه.... فاضله قد ايه؟؟
سناء : خمس دقايق
سامح : هو انتي اصلا بتاكلي....ده انا باكل عشر أضعاف اكلك
فرح : اما انت عيل رخم صحيح
سامح بصوته الطفولي : انا مش رخم
فرح : اومال ايه؟؟
سناء : بس انتوا الاتنين..... و تعالي يا كبيره يا عاقله خدي مني الاطباق
فرح : انا بيتحفل عليا....ماشي يا ماما.....هاتي
................................................................................
بعد انتهاء الغداء...
فرح : بابا....بم ان حضرتك مدرس كيميا يعني
ابراهيم : كملي
فرح : ممكن تشرحلي المعادله دي؟؟
ابراهيم : تعالي كده وريني....آه يا ستي
و بدأ في شرح المعادله
فرح : شكرا يا بابا....ربنا يخليك ليا
ابراهيم : آه صحيح......بكره هنروح النادي نغير جو شويه
فرح : بجد ....... اما اشوف هلبس ايه بكره
فرح : ماما....يا مامااا
سناء : عايزه ايه؟؟
فرح : البلوزه الزرقا فين؟؟
سناء : هتلاقيها متعلقه عندك
فرح : مش موجوده
سناء : و لو جيت و جبتهالك
فرح : تعالي....مش هتلاقيها صدقيني
سناء : اومال ايه اللي متعلق ده؟؟
فرح بإندهاش : م.....مكنش في حاجه صدقيني....ده ازاي ده؟؟...سحر الامهات صحيح
..................................................................................
بعد اسبوع...
فرح : انا فاضلي اسبوعين علي الامتحانات..... و بعد الامتحانات.....هكون في تالته ثانوي... انا خايفه موووت بمجرد التفكير في الموضوع ده
سناء : متخافيش.....سنه زي اي سنه انتي عديتي عليها...... و كمان ازاي تخافي و حضن ماما موجود
فرح و هي تضحك : طبعا طبعا
اول يوم امتحانات...
فرح : ادعيلي يا ماما ...... و انت كمان ادعيلي
سامح : ليه.....رايحه تحاربي
فرح : ادخل نام.....مش ناقصه رخامه علي الصبح
سناء : هدعيلك يا روحي
فرح : ممكن حنان الام
سناء : تعالي يا قلبي
سناء و هي تحتضن فرح : متتوتريش........ و اهدي
فرح : ماشي يا ماما....سلام
.................................................................................
بعد انتهاء الامتحانات و ظهور النتيجه...
فرح : الحقوا
سامح و ابراهيم و سناء في وقت واحد : ايه؟؟!!
فرح : انا طلعت من الاوائل
ابراهيم : عقبال السنه الجايه
سناء : مبروك يا حبيبتي.....طلاما السنه دي تفوقتي فيها.....فهتلاقي تالته ثانوي دي هايفه
فرح : ماما.... عايزاني أطلع ايه؟؟
سناء : عايزاكي تطلعي دكتوره قد الدنيا
فرح : ان شاء الله هحققلك حلمك
.................................................................................
اليوم التالي...
سناء : يا فرح.....فرح
فرح : نعم يا ماما
سناء : تعالي ساعديني في المطبخ شويه
فرح : مطبخ ايه يا ماما دلوقتي
سناء : يعني بعد خمس ست سنين كده....لما يجيلك ابن الحلال....هقوله مبتعرفش تطبخ
فرح : بصي انا في ايه و انتي في ايه...... ماما انا تالته ثانوي....يعني المفروض دلوقتي اسجل في دروس و سناتر.......مش اطبخ
سناء : طب خلاص.....ربنا معاكي
.................................................................................
بعد اسبوع...
ابراهيم : فرح فين؟؟
سناء : قاعده بتذاكر من صباحيه ربنا
ابراهيم : يا فرح... فرح
فرح : نعم يا بابا
ابراهيم : احنا هننزل نجيب حاجات بالعربيه.... ايه رأيك تيجي معانا انتي و اخوكي؟
سامح : انا هاجي
فرح : لو انا هفصل عن المذاكره.....فالنوم احسنلي صراحه
ابراهيم : البسي بس.....غيري جو شويه
فرح : مش قادره...همووت و انام
ابراهيم : طب خلاص تصبحي على خير...مش هنتأخر
...................................................................................
بعد ساعه...
فرح تستيقظ و تمسك بهاتفها
فرح : ايه كل المكالمات دي......دي خالتوا!!....... الو......ايه؟؟!!
استنوا الفصل الثاني....ايه رأيكم؟؟
YOU ARE READING
صراع فتاه
Romanceكانت تعيش حياة سعيده مع اصدقائها و عائلتها و لكن.....في لحظة كل شئ تحول الي حزن و خسرت كل شئ تملكه.... فهل ستستطيع ان تكمل طريقها ام العكس؟؟
