- وين گعدت ؟
يلا گوم وراك دوامرفع راسه و گال
- من وراچ ما خليتيني انام
اشرت على نفسي و گلت
- اني ؟؟
ضحك و گال
- اي انتي
- يلا لعد ما طول اني ما خليتك تنام
بعد اروح انام يم الجهالگعد على حيله و گال بابتسامة
- الحگچ و انام بحظنچ
- و الجهال مو عيب منهم ؟
- عادي اطردهم للغرفة هنا
هزيت راسي بقلة حيله و اني ابتسم
منين ما اگول شي يلوفها عليه..- يلا حبيبي گوم حتى احظر الريوگ على ما تسبح
- على ما تسبح ؟؟
هزيت راسي ب اي من تسأل
و هو گام و گال- يعني فوگ ما تگولين يا حبيبي تعال اسبحك
هيچ تگولين على ما تسبح- أسامة راح تتأخر على الشغل
- بس من ارجع انتي تسبحيني
گمت اضحك اني اتوجهه للكنتور طلعت اله ملابس و خليتهن على الچربايه
و طلعت من الغرفة و گلت- هسا تعال و الله كريم
طلعت و اني ابتسم على حچيه
ضربت على گصتي لأن نسيت سارة جوه ف رجعت من فتت لگيته يريد يطلع من الغرفة
ابتسم بمكر و گال- هاا غيرتي قرارچ ؟
- لا..بس سارة نسيتها
رفع تك حاجب و گال
- طبعاً تنسينها و تفكيرچ كله عند ابوها
طلع و اني رحت ل سارة و شلتها من سريرها الصغير
بدلت الها ملابسها
و طلعت للمطبخ بس قبلها خليتها بغرفة الگعده بالگاعحظرت الريوگ و سمعت أسامة يگول جيبي الريوگ هنا
اخذته بالصينيه و رحت لغرفة الگعده..لگيته مخلي سارة بحظنه و هو يلاعب بيها
تريگنا و كملنا ريوگ و هو طلع للشغل و هو يگول اذا محتاجه شي خابرينيمن طلع رحت گعدت الاولاد و حسوني وياهم
من شافني ضحك حسيته صدگ فرحان بجيته هنا
جريت حسرة و گلت ان شاء الله يجي اليوم الي تبقى بي عندي و ما تفارقني..مع انو اعرف لا هو و لا اهلي يگدرون على فراق احد
مرات من يطول عندي يگول اروح لماما
يعني على امي..خليت الهم الريوگ و گمت رتبت الغرفة
و من رجعت لگيتهم مكملين
التهيت بالشغل و تركت سارة عدهم..و خطية رغم يحبون يتوكحون و يضوجوني الا انو اختهم مخليهنا بعيونهم
ف ما أخاف عليها لو يبقى بالي عدها من هي يمهم..كملت كل شغلي و العصر اجت ماما و بابا..
و گعدنا بالحديقة و شوية و اجا أسامة..خليت چاي و كيك و الاطفال يلعبون طوبة عند الباب
و كل شوية أسامة يروح يشوف خوما بيهم شي
أنت تقرأ
| هفوات الحياة | ' باللهجة العراقية '
Romanceقصة حقيقيه ⭕ مـثل روجـات البحر تقذفني دنيـاي . قصة عن طفله.. تحملت مسؤوليه و اوجاع اكبر من عمرها ابتـدأت 30/3/2020 انتـهت22/6/2020
البارت السابع عشر
ابدأ من البداية