ﻗﻤﻊ ﺍﻟﻤﺸﺎﻋﺮ .... ﺍﻟﺒﺎﺭﺕ ﺍﻟﺴﺎﺩﺱ ﻭﺍﻟﺜﻼﺛﻮﻥ
ﻟﻠﻜﺎﺗﺒﺔ ﺯﻫﺮﺍﺀ ( ﺭﻭﺯﺍﻳﻪ ) ...
ﻭﺃﺫﺍ ﺃﻟﺘﻘﺖْ ﻋَﻴﻦُ ﺍﻟﺨَﻠﻴﻞ ﺧَﻠﻴﻠِﻬﺎ ،
ﻭﺳﻂَ ﺍﻟﺤُﺸﻮﺩ ﻟﻴﺲ ﻟﻠﻨﻄﻖ ﺛَﻤﻦ ،
ﺗﻜـﻔﻲ ﺗﻌـﺎﺑﻴﺮُ ﺍﻟـﻮﺟﻮﻩِ ﻛـﺄﻧﻬﺎ
ﺃﻧﻬﺎﺭُ ﺷﻮﻕٍ ﻓﺎﺽَ ﻣِﻦ ﻓﺮﻁِ ﺍﻟﺸﺠﻦ ..
...
ﺑﺸﺎﺭ .. ﺍﺣﺠﻲ ﻟﻴﺶ ﺍﻧﻔﺰﻋﺘﻲ ﻟﻬﺪﺭﺟﻪ ﺍﻧﻲ ﻣﻐﺸﻮﺵ ﺑﻴﺞ ﻭﺍﺩﺍﻓﻌﻠﺞ ﻭﺍﻃﻠﻌﻴﻦ ﻫﻴﺞ ﻣﺴﻮﻳﻪ ﺣﺎﺟﻴﻨﻲ ﻗﺒﺲ ﻗﺒﻞ ﻻ ﺍﺟﺮﻡ ﺑﻴﺞ !!
ﻗﺒﺲ .. ﺑﺎﻭﻋﺘﻠﻪ ﺑﺲ ﻧﻴﺮﺍﻥ ﺍﻟﺪﻧﻴﺎ ﻛﻠﻬﻪ ﻣﺠﺘﻤﻌﻪ ﺑﻌﻴﻨﻲ ﻛﻮﻩ ﻻﺯﻣﻪ ﺍﻋﺼﺎﺑﻲ ﺑﻼﻭﻝ ﻛﻠﻲ ﻣﻨﻴﻠﻚ ﻫﺎﻻﻭﺭﺍﻕ ﻫﺎﻱ؟؟
ﺑﺸﺎﺭ .. ﻭﻳﻬﻤﺞ ﻣﻨﻴﻦ؟؟ ﺍﺣﺠﻲ ﻗﺒﺲ ﻭﺟﺮﻧﻲ ﺣﻴﻞ ﻣﻦ ﺍﻳﺪﻱ ﺻﺎﺭﺕ ﻋﻴﻨﻲ ﺑﻌﻴﻨﻲ ﺍﺑﺪ ﻣﺎﺧﻔﺖ ﻭﻣﺎﺍﻫﺘﺰ ﺷﻲ ﺑﺪﺍﺧﻠﻲ ﻣﺪﺍﻣﻨﻲ ﻣﺎﻏﻠﻄﺎﻧﻪ ﺟﻨﺖ ﺍﺣﺠﻲ ﻭﺍﺑﺎﻭﻉ ﺑﻌﻴﻮﻧﻪ ﺻﺎﻳﺮﺍﺕ ﺣﻤﺮ ﻣﻦ ﺍﻟﻌﺼﺒﻴﻪ ﻭﻟﺰﻣﺔ ﺍﻳﺪﻩ ﻋﺒﺎﻟﻚ ﻗﻄﻌﻪ ﺟﻤﺮ ﻭﻣﻌﻠﻜﻪ ﺍﻳﺪﻱ ﺑﻴﻬﻪ
ﻗﺒﺲ .. ﺍﻭﻝ ﻭﺭﻗﻪ ﻋﻘﺪ ﺯﻭﺍﺟﻲ ﻭﻣﺎ ﺍﻋﺮﻑ ﻣﻨﻴﻦ ﺟﺒﺘﻪ ﻭﺷﻨﻮ ﺍﻟﻤﻨﺎﺳﺒﻪ ﻭﻋﺒﺎﻟﻚ ﺍﻭﻝ ﻭﺣﺪﻩ ﺗﻄﻠﻚ !! ﻭﺍﻟﻮﺭﻗﻪ ﺍﻟﺜﺎﻧﻴﻪ ﺟﻴﺐ ﺍﻟﺘﻬﻤﻨﻲ ﻫﻴﺞ ﺗﻬﻤﻪ ﻣﺎﺍﺳﻤﺢ ﻟﻜﺎﻥ ﻣﻦ ﻳﻜﻮﻥ ﻭﻻ ﺣﺘﻪ ﺍﻟﻚ ﺗﺸﻚ ﺑﺸﺮﻓﻲ
ﺟﺮﻳﺖ ﺍﻳﺪﻩ ﺣﻴﻞ ﻣﻦ ﻋﻨﺪﻩ ﻭﻣﺎﺗﺮﻛﻬﻪ ﺿﻐﻂ ﺍﻗﻮﻩ ﻉ ﺯﻧﺪﻱ ﺣﺘﻪ ﺗﺄﺫﻳﺖ ﻭﺭﻓﻌﻨﻲ ﻟﻴﻔﻮﻙ ﺍﺣﺲ ﻛﺘﻔﻲ ﺭﺍﺡ ﻳﻨﺨﻠﻊ ﺑﺲ ﻣﺎﻛﻠﺖ ﺍﺍﺥ ﺍﻟﻮﺟﻊ ﺍﻟﺒﻜﻠﺒﻲ ﺍﻛﺒﺮ ﻭﻻﻧﺰﻟﺖ ﻋﻴﻨﻲ ﻣﻦ ﻋﻴﻨﻪ ﻭﻻﺭﺟﻔﺖ ﺑﺎﻟﺤﺠﻲ
ﺑﺸﺎﺭ .. ﺍﻧﻲ ﺍﺷﻚ ﺑﺸﺮﻓﺞ؟؟ ﺍﻧﺘﻲ ﻋﺮﺿﻲ ﻭﺭﻗﻪ ﻣﺨﺘﻮﻣﻪ ﻭﻣﻜﺘﻮﺏ ﺑﻴﻬﻪ ﻓﺤﺺ ﻋﺬﺭﻳﻪ ﻗﺒﻞ ﺷﻬﺮﻳﻦ ﻣﻦ ﺯﻭﺍﺟﺞ ﻭﺑﻌﺪﻫﻪ ﺗﺰﻭﺟﺘﻲ ﺯﻭﺍﺝ ﻛﺴﻴﻒ ﻭﺑﺪﻭﻥ ﻣﻬﺮ ﺷﻔﺴﺮﻫﻪ ﻫﺎﺍﻱ؟؟ ﻻﺗﺨﺘﺒﺮﻳﻦ ﺻﺒﺮﻱ ﻻﻥ ﻻﺯﻡ ﻧﻔﺴﻲ ﻛﻮﻩ ﻋﻨﺞ ﻭﺍﻟﻠﻪ ﻳﺎﻗﺒﺲ ﻭﺣﻖ ﻣﺤﻤﺪ ﺍﺫﺍ ﻻﺳﺎﻣﺢ ﺍﻟﻠﻪ ﻭﻃﻠﻊ ﺍﻛﻮ ﺷﻲ ﺍﺩﻓﻨﺞ ﻳﻢ ﺍﻣﺞ ﻭﺍﻧﻌﻞ ﺍﺑﻮ ﺣﺒﺞ ﺍﺣﺠﻲ ﺑﺴﺮﻋﻪ !!!
ﻗﺒﺲ .. ﻋﻮﻑ ﺍﻳﺪﻱ ﻛﺘﻠﻚ ﻋﻮﻓﻬﻪ ﻭﺗﻼﻭﻳﺖ ﻭﻳﺎﺍﺍ ﻭﺩﻓﻌﺘﻪ ﻣﻦ ﺻﺪﺭﻩ ﺗﺮﻛﻬﻪ !! ﺣﺮﺍﻣﺎﺕ ﻗﺒﻠﺖ ﺑﻴﻚ ﻭﺣﺮﺍﻣﺎﺕ ﺍﻛﻮﻝ ﻋﻠﻴﻚ ﺗﺴﻨﺪﻧﻲ ﻭﺍﻧﺖ ﻣﻦ ﻭﺭﻗﻪ ﺍﺟﻴﺖ ﺗﺸﻜﻚ ﺑﻴﻪ ﻭﺑﻌﻴﻨﻲ ﺩﻛﻮﻟﻬﻪ ﻭﺍﻋﺮﻓﻚ ﻣﺎﻣﺼﺪﻛﻨﻲ
ﺑﺸﺎﺭ .. ﻻﺗﻠﻐﻴﻦ !! ﻛﻞ ﻫﺬﺍ ﻭﻣﺎ ﺳﺎﻧﺪﺝ ﻫﺎﻱ ﻭﻛﻔﺘﻲ ﻛﺪﺍﻣﺞ ﻭﺍﻧﻲ ﻻﺯﻡ ﺍﻋﺼﺎﺑﻲ ﻋﻨﺞ ﺷﻨﻮ ﻫﺎﻱ؟؟ ﻟﻮ ﺍﻛﻌﺪ ﺍﺗﺨﺎﻳﻞ ﻫﻴﺞ ﻣﻮﻗﻒ ﺟﺎﻥ ﺗﺨﺎﻳﻠﺖ ﺍﺿﺮﺏ ﻭﺍﺳﺐ ﻭﻓﻮﻛﺎﻫﻪ ﻣﺎﺍﻫﺘﺰﺕ ﻣﻦ ﻋﻨﺪﺝ ﺷﻌﺮﻩ ﻭﺑﻌﺪﺝ ﻣﺎﺑﺮﺭﺗﻲ !!
ﺷﻮﻓﻲ ﻗﺒﺲ ﻣﺎﺗﻔﺮﻕ ﻋﻨﺪﻱ ﻻﻥ ﻣﻦ ﺍﻻﺳﺎﺱ ﻣﻄﻠﻘﻪ ﻳﻌﻨﻲ ﻫﻴﺞ ﻫﻴﺞ ﻣﺎﺭﺍﺡ ﻳﺒﻴﻦ ﻋﻨﺪﻱ ﺍﻧﺘﻲ ﺑﻨﻴﻪ ﻗﺒﻞ ﻋﺰﻳﺰ ﻭﺭﺍ ﻋﺰﻳﺰ !! ﺑﺲ ﺍﺧﺘﺼﺮﻟﺞ ﺍﻟﻄﺮﻳﻖ ﻣﻨﺎ ﻫﻢ ﺍﺭﻳﺤﺞ ﻭﻫﻢ ﺍﻧﻲ ﺍﺭﺗﺎﺡ ﻭﻛﻞ ﻭﺍﺣﺪ ﻳﺮﻭﺡ ﺑﻄﺮﻳﻖ ﻭﻣﺪﺍﻡ ﺍﻧﺘﻲ ﺑﻨﺖ ﻋﻤﻲ ﻭﻭﺍﺟﺐ ﻋﻠﻴﻪ ﺍﺗﻌﺎﻣﻞ ﻭﻳﺎﺝ ﺑﻌﺎﺩﺍﺗﻨﻪ !!
ﻓﺒﺲ .. ﺻﺪﻙ ﻣﺎﺗﺴﺘﺤﻲ ﻭﺍﻟﻠﻪ ﻣﺎﺗﺴﺘﺤﻲ ﻭﻣﺎﻋﻨﺪﻙ ﺫﺭﻩ ﺍﺣﺘﺮﺍﻡ ﺗﺒﻴﻊ ﺣﺐ ﻭﻣﺜﺎﻟﻴﺎﺕ ﺑﺮﺍﺳﻲ ﻭﺍﻛﻮﻝ ﺍﺍﺍﻱ ﺻﺪﻙ ﻳﺤﺒﻨﻲ ﻭﺩﻛﻠﻲ ﻗﺒﻞ ﻋﺰﻳﺰ ﻭﺑﻌﺪ ﻋﺰﻳﺰ ﻣﺎﺗﻔﺮﻕ ﺷﻜﺎﻟﻮﻟﻚ ﻋﻠﻴﻪ ﺍﻧﻲ ﻭﺣﺪﻩ ﺳﺎﻗﻄﻪ ؟؟ ﺗﺸﻚ ﺑﻴﻪ ﻫﻴﺞ ﺷﻚ ﻭﺗﻮﻛﻒ ﺑﻮﺟﻬﻲ ﻭﺩﻛﻮﻟﻬﻪ ﻭﻣﺎﺗﻬﺘﺰ
ﻋﻠﻴﺖ ﺻﻮﺗﻲ ﻭﻛﻤﺖ ﺍﺣﺠﻲ ﺣﺠﻲ ﻟﺴﻪ ﻣﺎﺍﺗﺬﻛﺮﻩ ﺷﻨﻮ ﺑﺲ ﻣﺠﺮﺩ ﺍﺭﻳﺪ ﺍﺑﺮﺩ ﻧﺎﺭﻱ ﻭﺍﻧﻲ ﺍﻓﻜﺮ ﺑﺲ ﺷﻠﻮﻥ ﻳﻜﺪﺭ ﻳﺸﻚ ﺑﻴﻪ ﻭﻫﻮ ﻳﺤﺒﻨﻲ ﺭﻓﻌﺖ ﺍﺻﺒﻌﻲ ﺑﺘﻬﺪﻳﺪ ﻛﺪﺍﻣﻪ ﻭﺍﻧﻲ ﻣﻨﻔﻌﻠﻪ ﺍﻳﺪﻱ ﺭﻋﺸﺖ ﻭﻫﻮ ﻳﺬﻛﺮﻧﻲ ﻣﻨﻴﻦ ﺍﺟﻴﺖ ﻭﺷﻨﻮ ﺍﻟﻤﺎﺿﻲ ﻭﺍﻟﺒﻴﺌﻪ ﺍﻟﻌﺸﺖ ﺑﻴﻬﻪ ﻭﺷﻨﻮ ﺧﺎﻻﺗﻲ ﻭﺑﻨﺎﺗﻬﻦ ﻛﻤﺖ ﻣﺎ ﺍﺳﻴﻄﺮ ﻋﻠﻰ ﺣﺮﻛﻪ ﺍﻳﺪﻱ ﻭﻻﺍﻛﺪﺭ ﺍﺗﺤﻜﻢ ﺑﺮﻋﺸﻪ ﺍﻋﺼﺎﺑﻲ ﻣﻦ ﻭﺍﺣﺪ ﻳﻌﻴﺮﻧﻲ ﺑﻬﻴﺞ ﻣﻮﺿﻮﻉ ﺍﺗﻤﻨﻰ ﻳﻀﺮﺑﻮﻧﻲ ﻭﻳﻄﻠﻌﻮﻥ ﺩﻣﻲ ﻭﻻ ﺗﺼﻴﺒﻨﻲ ﻫﺎﻱ ﺍﻟﺤﺎﻟﻪ !!
ﻣﻦ ﻛﺪﻣﺎ ﻣﻨﻔﻌﻠﻪ ﻣﺎﺍﻋﺮﻑ ﺷﺨﺮﺑﻄﺖ ﺑﺎﻟﺤﺠﻲ ﺑﺲ ﺍﺻﺒﻌﻪ ﺍﺷﺮ ﺑﻲ ﺑﺘﻬﺪﻳﺪ ﻭﻭﺍﻛﻔﻪ ﺍﺣﺎﺳﺒﻪ ﻉ ﺷﻜﻪ ﺑﺸﺮﻓﻲ ﻣﺎ ﺍﺣﺲ ﻏﻴﺮ ﻳﻠﺰﻣﻨﻲ ﻣﻦ ﺍﺻﺒﻌﻲ ﺣﻴﻞ ﺣﺴﻴﺖ ﻃﻚ ﺑﻴﺪﻩ ﻭﺟﺮﻧﻲ ﻋﻠﻲ ﻭﻟﺰﻡ ﻓﻜﻲ ﻛﻠﻤﺎ ﻳﻀﻐﻂ ﺍﻛﺜﺮ ﺗﺸﻮﻍ ﺭﻭﺣﻲ ﻭﺭﻏﻢ ﻛﻞ ﻫﺬﺍ ﻣﺎﻭﻛﻌﺖ ﺩﻣﻌﻪ ﻣﻦ ﻋﻨﺪﻱ ﺑﻬﻴﺞ ﻣﻮﺍﻗﻒ ﺍﺗﻤﻨﻰ ﻟﻮﺗﻨﻘﺬﻧﻲ ﺩﻣﻮﻋﻲ ﻭﻻ ﺍﺑﻴﻦ ﺑﻬﺎﻟﺼﻼﻓﻪ ﻛﺪﺍﻡ ﻫﻴﺞ ﻋﺼﺒﻴﻪ !!
ﺑﻬﺎﻻﺛﻨﺎﺀ ﺍﻧﻔﺘﺢ ﺍﻟﺒﺎﺏ ﺍﻣﻪ ﺑﺲ ﺷﺎﻓﺘﻪ ﺻﺎﺣﺖ ﺑﺸﺎﺍﺍﺍﺭ ﻋﻮﻓﻬﻪ ﻋﻮﻑ ﺍﻟﺒﻨﻴﻪ ﺷﻮ ﻭﺧﺮ ﻋﻨﻬﻪ ﻭﺟﺮﺗﻨﻲ ﻣﻦ ﻋﻨﺪﻩ ﺣﺘﻪ ﺍﺭﺗﺪﻳﺖ ﻟﻴﻮﺭﺍ ﺭﺩﺕ ﺍﻭﻛﻊ
ﺍﻡ ﺑﺸﺎﺭ .. ﺗﺤﺠﻲ ﺻﺪﻙ؟؟ ﺑﺄﻱ ﺣﻖ ﺗﻤﺪ ﺍﻳﺪﻙ ﻋﻠﻴﻬﻪ ﻟﻮ ﺍﺳﺘﻘﻮﻳﺖ ﻋﻠﻴﻬﻪ ﻻﻥ ﻣﺎﻋﺪﻫﻪ ﺍﺣﺪ؟؟
ﺑﺸﺎﺭ .. ﺍﻃﻠﻌﻲ ﻳﻤﻪ ﺑﺮﻭﺡ ﺍﻫﻠﺞ ﻭﻻﺗﺪﺧﻠﻴﻦ ﺑﻴﻨﺎﺗﻨﻪ ﺍﻃﻠﻌﻲ ﺧﻠﻲ ﺍﻓﺘﻬﻢ ﻣﻨﻬﻪ ﻫﺎﻟﺮﻋﻨﻪ ﻫﺎﻱ !!
ﺍﻡ ﺑﺸﺎﺭ .. ﺣﺪﺩﺩﻙ ﺑﺸﺎﺭ !! ﻭﺣﻖ ﺍﻟﻠﻪ ﻭﺭﻭﺡ ﺍﺑﻮﻳﻪ ﺍﻏﻀﺐ ﻋﻠﻴﻚ ﻟﻴﻮﻡ ﺍﻟﺪﻳﻦ ﻭﻣﺎﺍﻛﻮﻝ ﻋﻨﺪﻱ ﻭﻟﺪ ﻭﺧﺮ ﻋﻨﻬﻪ ﺷﺘﺮﻳﺪ ﻣﻦ ﻋﺪﻫﻪ ﻫﺎﻟﻴﺘﻴﻤﻪ ﻫﺎﻱ ﺍﻛﻮ ﻣﺸﻜﻠﻪ ﺗﻨﺤﻞ ﺑﺎﻟﺘﻔﺎﻫﻢ ﻣﻮﻫﻴﺞ
ﺑﺸﺎﺭ .. ﺧﻠﺖ ﺗﻔﺎﻫﻢ ﻫﻲ ﺧﻠﺖ ﺣﺠﻲ !! ﺟﺎﻥ ﻣﻦ ﻋﺼﺒﻴﺘﻪ ﻳﺮﻳﺪ ﺍﺑﺪﻩ ﻳﻠﺰﻣﻨﻲ ﻳﻜﻄﻌﻨﻲ ﻭﺻﻞ ﻳﺮﻓﻊ ﺍﻳﺪﻩ ﻋﻠﻴﻪ ﻳﺮﻳﺪ ﻳﻀﺮﺑﻨﻲ ﻭﻟﻮﻳﻨﺰﻟﻬﻪ ﻣﻦ ﺫﺍﺗﻬﻪ ﻟﻮ ﺗﻮﻛﻒ ﺍﻣﻪ ﺑﻮﺟﻬﻪ ﺍﺧﺮ ﺷﻲ ﺿﺮﺏ ﻣﺮﺍﻳﻪ ﺍﻟﻜﻨﺘﻮﺭ ﺣﻴﻞ ﺧﻠﻴﺖ ﺍﻳﺪﻱ ﻉ ﺍﺫﺍﻧﻲ ﻭﻛﻌﺪﺕ ﺑﺎﻟﻜﺎﻉ ﻭﺍﻣﻪ ﻛﺎﻣﺘﻠﻪ ﺗﻬﺪﻱ ﺑﻲ ﻭﻃﻠﻌﺘﻪ ﺑﺮﺍ ﻭﺍﺳﻤﻌﻪ ﻳﻜﻠﻬﻪ ﻻﺗﺪﺧﻠﻴﻦ ﻋﻮﻓﻴﻨﻲ ﺍﻧﻲ ﻭﻳﺎﻫﻪ !!!
ﻗﺒﺲ ... ﻛﻌﺪﺕ ﺑﺎﻟﻜﺎﻉ ﻭﺳﺎﺩﻩ ﺍﺫﺍﻧﻲ ﻭﺻﻮﺗﻪ ﻳﺮﺩﺩ ﺑﺮﺍﺳﻲ ﺍﻧﻲ ﻳﻨﻀﺤﻚ ﻋﻠﻴﻪ ﻭﻳﻄﻠﻊ ﻋﺰﻳﺰ ﻣﺴﺘﺮ ﻋﻠﻴﺞ ﻭﻗﺒﻠﻪ ﺿﺎﺣﻜﻴﻦ ﻋﻠﻴﺞ ﻭﺿﻐﻄﻪ ﺍﻳﺪﻩ ﻉ ﻓﻜﻲ ﻭﺯﻧﺪﻱ ﺍﺣﺲ ﻣﻜﺎﻧﻬﻪ ﻧﻤﻞ !!
ﺍﻡ ﺑﺸﺎﺭ .. ﺭﺟﻌﺖ ﻟﻠﻐﺮﻓﻪ ﺑﻌﺪ ﻣﺎﻫﺪﺗﻪ ﻭﻃﻠﻊ ﻭﺍﻋﺮﻓﻪ ﻣﺎﻳﻬﺪﺃ ﻭﻻﻳﺒﺮﺩ ﻭﻫﺎﻱ ﺍﻟﻌﺼﺒﻴﻪ ﺑﻌﺪﻫﻪ ﺑﺎﻭﻟﻪ ﻭﻻﺯﻡ ﺍﻋﺼﺎﺑﻪ ﻭﺑﻌﺪﻩ ﻣﺎﺍﻧﻔﺠﺮ
ﺗﻌﺎﻟﻲ ﻳﺎﺑﻨﺒﺘﻲ ﺍﺩﻋﻲ ﻋﻠﻲ ﻭﺍﻛﻮﻝ ﻛﺴﺮ ﺑﺎﻳﺪﻩ ﺷﻠﻮﻥ ﻣﺄﺫﻱ ﻓﻜﺞ ﻭﺣﻀﻨﺘﻨﻲ ﻭﺍﻧﻲ ﻻ ﺍﺑﺠﻲ ﻭﻻ ﺍﺣﺠﻲ ﺑﺲ ﺍﺣﺲ ﻋﻘﻠﻲ ﺑﺪﻩ ﻳﺘﻼﺷﻪ ﻣﺎﻛﻮ ﻓﻜﺮﻩ ﺑﺮﺍﺳﻲ ﻏﻴﺮ ﺑﺲ ﺩﻭﺍﺋﺮ ﺑﻴﺾ ﺗﻜﺒﺮ ﻭﺗﺼﻐﺮ ﻫﻲ ﻣﺴﺘﺤﻮﺫﻩ ﻉ ﻋﻘﻠﻲ ﺍﺭﻳﺪ ﺍﺣﺠﻲ ﺍﺭﻳﺪ ﺍﻛﻠﻬﻢ ﺍﻧﻲ ﺑﺮﻳﺌﻪ ﺍﻧﻲ ﺑﻌﺪﻧﻪ ﺑﻨﺖ ﺑﻴﺖ ﺑﺲ ﺍﻟﺴﺎﻧﻲ ﻣﺜﻞ ﻛﻞ ﻣﺮﻩ ﺍﻧﻌﻜﺪ ﻭﻛﻞ ﻫﻤﻲ ﻭﻛﻞ ﺗﻔﻜﻴﺮﻱ ﻳﺼﺐ ﻉ ﺭﻋﺸﻪ ﺍﻳﺪﻱ ﺷﻠﻮﻥ ﺍﻭﻛﻔﻬﻪ !!!
ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ ﻭﺑﺪﺕ ﺗﻘﺮﻩ ﺍﻳﺎﺕ ﻉ ﺭﺍﺳﻲ ﻭﺭﺍﺳﻲ ﻉ ﺻﺪﺭﻫﻪ ﺍﺣﺲ ﻧﻔﺴﻲ ﺑﺪﻳﺖ ﺍﻫﺪﺀ ﺑﺲ ﺍﻳﺪﻱ ﻣﺎﻫﺪﺃﺕ ﻭﻻ ﻋﻘﻠﻲ ﻛﺪﺭ ﻳﺴﻴﻄﺮ ﻋﻠﻰ ﻭﺿﻌﻪ ﺑﺲ ﻛﻠﺒﻲ ﺍﺣﺴﻪ ﺧﻤﺪ ﻭﻋﺒﺎﻟﻚ ﺗﻌﺐ ﻣﻦ ﺍﻟﺠﻮﻟﻪ ﺍﻟﺠﺎﻥ ﺑﻴﻬﻪ !!
ﺍﻡ ﺑﺸﺎﺭ .. ﻫﺪﻱ ﺣﺎﻟﺞ ﺣﺒﻴﺒﻪ ﻻﺗﺨﺎﻓﻴﻦ ﺍﻧﻲ ﺍﻣﺞ ﻭﺍﻟﻠﻪ ﺍﻭﻛﻒ ﺑﻮﺟﻬﻪ ﻟﻮ ﻣﻮ ﺑﺸﺎﺭ ﺑﺲ ﻓﻬﻤﻴﻨﻲ ﺷﻜﻮ؟؟ ﺍﺣﺠﻴﻠﻲ ﻻﺗﻈﻠﻴﻦ ﺳﺎﻛﺘﻪ ﻣﺎﺍﻗﺒﻞ ﻳﻤﺪ ﺍﻳﺪﻩ ﻋﻠﻴﺞ ﺑﺎﻱ ﺳﺒﺐ ؟؟ ﻗﺒﺲ ﻳﻮﻡ ﺗﺴﻤﻌﻴﻨﻲ ﻭﺗﻠﻌﺐ ﺑﺨﺼﻼﺕ ﺷﻌﺮﻱ ﻭﺍﻧﻲ ﻣﻐﻤﻀﻪ ﻋﻴﻮﻧﻲ !!
ﺍﻧﻔﺘﺢ ﺍﻟﺒﺎﺏ ﻭﻓﺎﺗﻦ ﻓﺎﺩﻳﻪ ﻭﺷﺠﻦ ﻭﻫﻦ ﻣﺴﺘﻐﺮﺑﺎﺕ ﻭﻳﺴﺄﻟﻦ ﻣﺎﻣﺎ ﺷﻜﻮ ﺷﺒﻲ ﺑﺸﺎﺭ ﺣﺘﻪ ﻃﻠﻊ ﻳﺴﻮﻕ ﺳﺮﻋﻪ ﻻﻳﺴﻮﻱ ﺣﺎﺩﺙ ﻭﺷﺒﻴﻬﻪ ﻗﺒﺲ !!
ﺍﻡ ﺑﺸﺎﺭ .. ﺭﻭﺣﻦ ﻣﻨﺎ ﻭﺍﺫﺍ ﺳﺎﻟﺖ ﺍﻟﺤﺠﻴﻪ ﻛﻮﻝ ﺗﻌﺎﺭﻙ ﻭﻳﻪ ﺍﻣﻲ ﻻﺗﺠﻴﺒﻦ ﻃﺎﺭﻱ ﻗﺒﺲ ﻣﺎﻋﻮﺯﻧﻪ ﺷﻤﺎﺗﻪ !!
ﻓﺎﺩﻳﻪ .. ﻭﻫﻮ ﻋﻠﻴﻤﻦ ﻫﻴﺞ ﺳﻮﻩ ﺑﻴﻬﻪ ﺷﻴﺮﻳﺪ ﻣﻦ ﻋﺪﻫﻪ !!
ﺍﻡ ﺑﺸﺎﺭ .. ﻻﺗﺘﺪﺧﻠﻦ ﻭﺍﻃﻠﻌﻦ ﻣﻨﺎ ﺭﻭﺣﻦ ﻛﻤﻠﻦ ﺍﻟﻌﺸﻪ ﻭﻻﻋﻴﻨﺠﻦ ﺷﺎﻓﺖ ﻭﻻ ﺍﺫﻧﺠﻦ ﺳﻤﻌﺖ ﻳﻠﻪ ﻛﻮﻣﻦ ﺑﺴﺮﻋﻪ !!
ﻓﺎﺩﻳﻪ .. ﻉ ﻛﻴﻔﺞ ﻣﺎﻣﺎ ﺗﺤﺴﺴﻴﻨﻪ ﺑﻨﺎﺕ ﺟﻴﺮﺍﻧﻪ ﺍﻡ ﺑﻬﺎﺀ ﻫﻲ ﻫﻢ ﺍﺧﺘﻨﻪ ﻭﻧﺤﺒﻬﻪ ﻏﻴﺮ ﻧﻌﺮﻑ ﺷﺒﻴﻬﻪ ! ؟
ﺍﻡ ﺑﺸﺎﺭ .. ﻓﺎﺩﻳﻪ ﻻﺗﻠﺤﻴﻦ ﻛﻮﻣﻲ ﺍﻟﻠﻪ ﻳﺮﺿﻰ ﻋﻠﻴﺞ ﺧﺎﺑﺮﻱ ﻋﻤﺘﺞ ﺑﺸﺮﻯ ﻛﻠﻴﻠﻬﻪ ﻫﺴﻪ ﺗﺠﻲ ﻫﺬﺍ ﺑﺸﺎﺭ ﻣﺎﻳﺤﺠﻲ ﻭﺭﺍﺡ ﻳﻈﻞ ﻳﺎﻛﻞ ﺑﺮﻭﺣﻪ ﻋﺎﺩ ﻫﻲ ﺗﻜﺪﺭﻟﻪ ﺻﺪﻳﻘﺘﻪ ﺑﻠﻜﻲ ﺗﻬﺪﻱ !!
ﻓﺎﺩﻳﻪ .. ﻣﺎﺷﻲ ﻣﺎﻣﺎ ﻭﺍﻧﺘﻲ ﻗﺒﺲ ﺍﻧﻲ ﺍﻛﻮﻝ ﻋﻠﻴﺞ ﻗﻮﻳﻪ ﻣﺎﺍﺗﻮﻗﻊ ﻫﻴﺞ ﻳﺄﺫﻳﺞ ﺑﺸﺎﺭ ﺗﺮﻯ ﻫﻮ ﻋﺼﺒﻲ ﺍﺗﺬﻛﺮﻱ ﺷﻜﺪ ﺣﻨﻴﻦ ﻣﻦ ﻳﺠﻲ ﻳﻐﻄﻴﺞ ﻳﻮﻣﻴﻪ !!
ﺍﻡ ﺑﺸﺎﺭ .. ﻛﻮﻣﻲ ﻭﻟﺞ ﻻ ﺍﺑﺘﻠﻲ ﺑﻴﺞ
ﻓﺎﺩﻳﻪ .. ﻛﻤﺖ ﺑﺲ ﺍﺣﺠﻲ ﻫﺬﺍ ﺍﻟﺴﻄﺮ ﺣﺒﺎﺑﻪ ﻣﺎﻣﺎ !!
ﺍﻡ ﺑﺸﺎﺭ .. ﻓﺎﺍﺍﺍﺍﺍﺍﺍﺍﺍﺩﻳﻪ
ﻓﺎﺩﻳﻪ .. ﺍﻟﻌﻔﻮ ﻣﺎﻣﺎ ﻃﻠﻌﺖ ﺑﺲ ﺷﻠﻮﻥ ﻻﺯﻡ ﺍﻋﺮﻑ !! ﻃﻠﻌﺖ ﻭﻫﻲ ﺍﺩﺭﺩﻡ
ﺍﻡ ﺑﺸﺎﺭ .. ﺷﻮ ﻳﻮﻡ ﺍﻛﻌﺪﻱ ﻭﺧﻠﺘﻨﻲ ﻛﺪﺍﻣﻬﻪ ﺍﺳﻤﻌﻴﻨﻲ ﻳﺎﺑﻨﺘﻲ ﺑﺸﺎﺭ ﻣﺎﻳﺸﺒﻬﻨﻪ ﺍﺑﺪ ﻭﺍﺑﻨﻲ ﻭﺍﻋﺮﻓﻪ ﺍﺫﺍ ﻣﺎﺍﻟﺸﻲ ﻗﻮﻱ ﻭﻣﺄﺫﻱ ﻣﺎﻳﻤﺪ ﺍﻳﺪﻩ ﻭﺷﻮﻓﻲ ﺷﻠﻮﻥ ﺟﺮﺡ ﺍﻳﺪﻩ ﻭﻛﺴﺮ ﻭﺍﺫﻩ ﻧﻔﺴﻪ ﺑﺲ ﺣﺘﻪ ﻻﻳﺄﺫﻳﺞ ﻭﻳﺘﺤﻜﻢ ﺑﻌﺼﺒﻴﺘﻪ ﻭﻻﺯﻡ ﺍﻟﺸﻲ ﺍﻟﻤﺄﺫﻱ ﻳﻨﺤﻞ ﺑﺎﻟﺘﻔﺎﻫﻢ ﻣﻮﺑﻬﻴﺞ ﺣﺎﻟﻪ
ﻗﺒﺲ .. ﺧﺎﻟﻪ ﺍﺑﻨﺞ ﺍﺫﺍﻧﻲ ﺩﻣﺮﻧﻲ ﻛﻠﻤﺎ ﺣﺠﻪ ﻭﻋﻴﺮﻧﻲ ﺑﺎﻫﻠﻲ ﺍﻧﻲ ﻣﻮﻣﺜﻠﻬﻦ ﺍﻧﻲ ﺟﺒﺖ ﻋﻤﺮﻱ ﻛﻠﻪ ﺍﻛﻞ ﻣﺎﺷﺒﻌﺎﻧﻪ ﺑﺲ ﺣﺘﻪ ﻻ ﻳﺪﻧﺲ ﺷﺮﻓﻲ ﻭﺍﺳﻤﻊ ﻭﺍﺣﺪ ﻳﻌﻴﺮﻧﻲ ﻟﻴﺶ ﺧﻄﺒﻨﻲ ﺍﺫﺍ ﺣﺎﺳﺒﻨﻲ ﻣﻦ ﻫﺬﻧﻲ ﺍﻟﻤﻮﺧﻮﺵ ..
ﺍﻡ ﺑﺸﺎﺭ .. ﺣﺸﺎﺝ ﺑﻨﺘﻲ ﻫﻮ ﻋﺼﺒﻲ ﻭﻣﺎﻳﻌﺮﻑ ﺷﻴﺤﺠﻲ ﻣﻦ ﻳﺒﺮﺩ ﻳﻨﺘﺒﻪ ﻉ ﻧﻔﺴﻪ ﻭﻳﺘﻨﺪﻡ ﻭﺗﺸﻮﻓﻴﻦ ﺣﻨﻴﺘﻪ ﻭﺻﺪﻛﻲ ﻟﻮ ﻣﺎ ﺍﻟﻤﻮﺿﻮﻉ ﻣﺄﺫﻱ ﻣﺎ ﺣﺠﻪ ﻫﻴﺞ ﻣﻮ ﺍﺩﺍﻓﻌﻠﻪ ﺑﺲ ﺍﻧﻲ ﺍﻣﻪ ﻭﺍﻋﺮﻓﻪ
ﻗﺒﺲ .. ﺭﺍﺡ ﺍﺣﺠﻴﻠﺞ ﻻﻥ ﻣﺎﻛﺪﺭﺕ ﺍﺣﺠﻲ ﺍﻟﻪ ﻣﺪﺭﻱ ﺷﺼﺎﺭ ﺑﻴﻪ ﻭﻣﺎﻛﺪﺭﺕ ﺍﻓﻬﻤﻪ ﺧﺎﻟﻪ ﻣﺪﺭﻱ ﻣﻨﻮ ﺟﺎﻱ ﻭﻣﻨﻄﻲ ﻋﻘﺪ ﺯﻭﺍﺟﻲ ﻣﻦ ﻋﺰﻳﺰ ﻭﻗﺒﻞ ﺷﻬﺮﻳﻦ ﻫﻢ ﺍﻛﻮ ﻋﻘﺪ ﻣﺪﺭﻱ ﻣﻨﻴﻦ ﻣﻜﺘﻮﺏ ﺑﻲ ﻗﺒﻞ ﺯﻭﺍﺟﻲ ﻋﻮﺩ ﺍﻧﻲ ﻣﺘﻌﺮﺿﻪ ﻟﻔﺤﺺ ﻋﺬﺭﻳﻪ ﻭﻃﺎﻟﻌﻪ ﻣﻮﺑﻨﻴﻪ ﻭﻫﻮ ﻣﻔﻜﺮ ﺯﻭﺍﺟﻲ ﻣﻦ ﻋﺰﻳﺰ ﻟﻠﺴﺘﺮ ﻻﻥ ﻣﺎﻃﻠﺒﺖ ﻣﻬﺮ
ﺍﻡ ﺑﺸﺎﺭ .. ﺿﺮﺑﺖ ﺻﺪﺭﻫﻪ ﺣﻴﻞ ﻳﺎﺩﺍﺩﻩ ﻋﺰﺍﺍ ﺍﻟﻌﺰﺍﻧﻲ ﻣﻨﻴﻦ ﻫﺎﻟﺤﺠﻲ ﻭﺻﺪﻙ ﻣﺘﻌﺮﺿﻪ ﻟﻬﻴﺞ؟؟
ﻗﺒﺲ .. ﺩﻧﻜﺖ ﻭﺣﺠﻴﺖ ﺣﻘﻜﻢ ﻫﻴﺞ ﺗﻔﻜﺮﻭﻥ ﺑﻴﻪ ﻻﻥ ﺍﻧﻲ ﻣﻦ ﺑﻴﺌﻪ ﻭﺳﺨﻪ ﺑﺲ ﻣﻮﻣﻌﻨﺎﺗﻬﻪ ﺍﻧﻲ ﻣﺜﻠﻬﻢ ﺍﺷﺘﻐﻠﺖ ﺧﺪﺍﻣﻪ ﻭﺍﻧﻲ ﻣﺮﺍﻫﻘﻪ ﻭﻣﺎﻛﻮ ﻭﺍﺣﺪ ﻣﺎﻋﺮﺽ ﻋﻠﻴﻪ ﺍﻟﺰﻭﺍﺝ ﻭﻣﺎ ﺍﻧﻄﻴﺖ ﻧﻔﺴﻲ ﺟﻨﺖ ﺍﻓﻜﺮ ﺑﻴﻮﻡ ﺍﺭﺟﻌﻠﻜﻢ ﻭﺍﺛﺒﺘﻠﻜﻢ ﺍﻧﻲ ﻣﻮﻣﺜﻞ ﺧﺎﻻﺗﻲ
ﺧﺎﻟﻪ ﺍﻧﻲ ﻣﺘﺰﻭﺟﻪ ﻣﻦ ﻋﺰﻳﺰ ﺑﺲ ﻉ ﺍﻟﻮﺭﻕ ﻻ ﻣﺘﻘﺮﺑﻠﻲ ﻭﻻ ﻻﺯﻡ ﺷﻌﺮﻩ ﻣﻦ ﻋﻨﺪﻱ !!!
ﺍﻡ ﺑﺸﺎﺭ ... ﺷﻨﻮﻭﻭﻭﻭ !! ؟؟ ﻉ ﻛﻴﻔﺞ ﻗﺒﺲ ﺷﺘﺤﺠﻴﻦ ﺷﻨﻮ ﻭﺭﻗﻪ ﺷﻨﻮ ﻉ ﻭﺭﻕ ﺭﺣﻤﻪ ﻻﻫﻠﺞ ﻓﻬﻤﻴﻨﻲ !!
ﻗﺒﺲ .. ﻣﺜﻞ ﻣﺎﻛﺘﻠﺞ ﺧﺎﻟﻪ ﻭﺑﺪﻳﺖ ﺍﺣﺠﻴﻠﻬﻪ ﻛﻞ ﺍﻟﺘﻔﺎﺻﻴﻞ ﺍﻧﻲ ﺍﺳﻮﻟﻒ . ﻭﻫﻲ ﺩﻣﻮﻋﻬﻪ ﺗﺠﺮﻱ ﺍﺧﺮ ﺷﻲ ﺣﻀﻨﺘﻨﻲ ﻭﻫﻲ ﺩﻛﻮﻝ ﻓﺪﻭﺍﺗﻚ ﺭﺑﻲ ﻭﻟﺞ ﻗﺒﺲ ﺍﻧﺘﻲ ﺑﻨﻴﻪ ﺻﺤﻴﺢ ﺍﻟﺴﻤﻌﺘﻪ ﻟﻮ ﺍﺫﺍﻧﻲ ﺗﺠﺬﺏ؟؟
ﻗﺒﺲ .. ﻻ ﺧﺎﻟﻪ ﺻﺤﻴﺢ ﺑﺲ ﺍﻧﻔﻌﻠﺖ ﻭﻣﺎﻛﺪﺭﺕ ﺍﻭﺿﺢ ﻟﺒﺸﺎﺭ
ﺍﻡ ﺑﺸﺎﺭ .. ﻏﻠﻂ ﺍﻛﺒﺮ ﻏﻠﻂ ﻳﻮﻡ ﺍﻟﻤﻔﺮﻭﺽ ﻣﻦ ﺍﻭﻝ ﻳﻮﻡ ﺣﺎﺟﺎﺝ ﺩﻛﻠﻴﻠﻪ ﻟﻴﺶ ﻫﻴﺞ ﻣﻌﺬﺑﺘﻪ ﻭﻣﺨﻠﻴﺘﻪ ﻳﺎﻛﻞ ﺑﺮﻭﺣﻪ ﺑﺸﻚ ﻭﻳﻔﻜﺮ ﺑﺎﻟﻤﺎﺿﻲ ﺗﻌﺮﻓﻴﻦ ﻫﺎﻱ ﺷﻜﺒﺮﻫﻪ ﻋﻨﺪﻩ ﻭﻫﻮ ﻫﻴﺞ ﻳﻘﺮﻩ ﻭﺍﻟﻠﻪ ﻣﺪﺭﻱ ﺷﻠﻮﻥ ﻟﺰﻡ ﻧﻔﺴﻪ ﻭﻣﺎ ﺿﺮﺑﺞ !!
ﺷﻠﻮﻥ ﺗﺴﻜﺘﻴﻦ ﻋﻦ ﻫﻴﺞ ﻣﻮﺿﻮﻉ ﻣﻬﻢ ﺍﻧﻲ ﻳﻤﺞ ﻟﻮﺟﺎﻳﻪ ﺣﺎﺟﻴﺘﻠﻲ ﻭﺍﻧﻲ ﺍﻓﻬﻤﻪ ﺑﺲ ﻓﻬﻤﻴﻨﻲ ﺷﻠﻮﻥ ﺗﺴﻜﺘﻴﻦ ﻭﻣﺘﺤﻤﻠﻪ ﺍﻟﺸﻚ ﻭﺍﻟﻘﻬﺮ ﻋﻠﻴﻤﻦ ﻭﺍﻧﺘﻲ ﺍﻧﻈﻒ ﻭﺍﺷﺮﻑ ﻭﺣﺪﻩ ﺷﺎﻓﻬﻪ ﺑﺤﻴﺎﺗﻪ !!
ﺯﻳﻦ ﻟﻮ ﺑﻴﻮﻡ ﺍﻟﻌﺮﺱ ﻭﻋﺮﻑ ﻣﻮﺭﺍﺡ ﻳﻀﻮﺝ ﻭﺗﺮﻭﺡ ﻣﻦ ﻋﻨﺪﺝ ﻓﺮﺣﻪ ﻫﺎﻱ ﺍﻟﻠﻴﻠﻪ ﻻﻥ ﺭﺍﺡ ﻳﻜﻠﺞ ﻟﻴﺶ ﻋﻔﺘﻴﻨﻲ ﺍﺗﻌﺬﺏ ﺑﻨﺎﺭ ﺍﻟﻐﻴﺮﻩ ﻭﺍﻟﺸﻚ ﻭﺍﻟﺘﻔﻜﻴﺮ ﻣﺎﻣﻘﺒﻮﻝ ﻣﻦ ﻋﻨﺪﺝ ﻫﺬﺍ ﺍﻟﺘﺼﺮﻑ !!
ﻗﺒﺲ .. ﻻﺗﻠﻮﻣﻴﻨﻲ ﻣﺎﺍﺩﺭﻱ ﺑﻌﺪ ﻟﺰﻣﺖ ﺍﻳﺪﻱ ﺍﻟﺘﺮﺟﻒ ﻭﻫﻲ ﺍﻃﺒﻄﺐ ﻋﻠﻴﻬﻪ ﺍﻧﻔﺘﺢ ﺍﻟﺒﺎﺏ ﻋﻤﻪ ﺑﺸﺮﻯ ﻋﺜﺮﺕ ﺑﺎﻟﺒﺎﺏ ﺭﺍﺩﺕ ﺗﻮﻛﻊ !!
ﺑﺸﺮﻯ .. ﻳﻮﻭﻭ ﻟﻮ ﻭﺍﻛﻌﻪ ﻭﻣﻜﺴﻮﺭﻩ ﺷﻤﺤﺼﻠﻪ ﻣﻦ ﻋﺪﻛﻢ ﺟﺒﺘﻮﻧﻲ ﺍﺭﻛﺾ ﺑﻬﺎﻟﻤﻐﺮﺏ ﺷﻜﻮ ﻭﻟﺠﻦ ﻭﺣﺪﻩ ﻭﺟﻬﻪ ﻳﺒﺸﺮ ﺑﺨﻴﺮ ﻭﻭﺣﺪﻩ ﻣﻌﺒﺴﻪ ﻭﻋﻴﺒﺖ ﺑﺤﻠﻜﻬﻪ
ﺍﻡ ﺑﺸﺎﺭ .. ﺗﻌﺎﻟﻲ ﺑﺸﺮﻯ ﺍﻛﻌﺪﻱ ﻭﺍﺳﻤﻌﻲ ﻭﺑﺸﺎﺭ ﻋﻠﻴﺞ ﻻﻥ ﺻﺎﻳﺮ ﻧﺎﺭ ﻣﺎﻳﺘﻔﺎﻫﻢ ﻭﺣﺘﻪ ﻣﺎﻗﺒﻞ ﺍﺣﺎﺟﻲ ﻭﻃﻠﻊ ﻭﻣﺎﺍﺩﺭﻱ ﺑﻲ ﻭﻳﻦ !!
ﺑﺸﺮﻯ .. ﻏﻴﺮ ﺗﺤﺠﻦ ﻣﻮﺷﻠﻌﺘﻦ ﮔﻠﺒﻲ ﺷﻜﻮ ﺷﺼﺎﻳﺮ؟؟
ﺍﻡ ﺑﺸﺎﺭ .. ﺭﺍﺡ ﺍﺣﺠﻴﻠﺞ ﺍﻧﻲ ﻭﺳﻮﻟﻔﺘﻠﻬﻪ ﺍﻟﺴﺎﻟﻔﻪ ﻛﻠﻬﻪ ﻭﺭﻓﻌﺖ ﺭﺍﺳﻬﻪ ﺑﻴﺪﻫﻪ ﺷﻮﻓﻲ ﻓﻜﻬﻪ ﺷﻠﻮﻥ ﻣﺘﺎﺫﻱ ﻭﺍﻳﺪﻩ ﺷﻠﻮﻥ ﻃﺎﺑﻌﻪ ﻭﺍﻳﺪﻫﻪ ﺗﺮﺟﻒ ﻣﻦ ﻃﻠﻊ ﻟﺴﻪ !!
ﺑﺸﺮﻯ .. ﺍﻛﻠﺠﻦ ﺍﻧﺘﻦ ﻣﺴﻮﻳﺎﺕ ﺑﻴﻪ ﺍﻟﻜﺎﻣﻴﺮﺍ ﺍﻟﺨﻔﻴﻪ ﻫﺎﻱ ﺍﻡ ﻋﻴﻮﻥ ﺻﺎﺭﻟﻬﻪ ﺳﻨﻪ ﻳﻤﻨﻪ ﻭﻣﺎﺣﺠﺖ ﻫﻴﺞ ﻣﻮﺿﻮﻉ ﻭﺗﻨﺘﻈﺮ ﺗﺴﻮﻳﻠﻪ ﻣﻔﺎﺟﺌﻪ ﺑﻠﻴﻠﻪ ﻋﺮﺳﻪ ؟؟؟
ﺳﻮﺩﻩ ﺑﻮﺟﻬﺞ ﻭﻟﺞ ﻏﺒﺮﻩ ﺛﻮﻟﻪ ﺍﻟﻒ ﻣﺮﻩ ﻛﺘﻠﺞ ﻻﺗﻀﻤﻴﻦ ﻋﻠﻲ ﻭﻛﺘﻠﺞ ﺷﻜﺎﻙ ﺑﺨﺼﻮﺹ ﺍﻟﻤﺎﺿﻲ ﻣﺎﻟﺘﺞ ﻭﻻﻥ ﻳﺤﺒﺞ ﺍﺗﺠﺎﻭﺯ ﻣﻮﺿﻮﻉ ﻃﻼﻛﺞ ﻭﻗﺮﺭ ﻳﺮﺗﺒﻂ ﺑﻴﺞ ﻭﺍﻧﺘﻲ ﻳﻮﻣﻴﻪ ﻣﺨﻠﺼﺘﻬﻪ ﺑﻮﺱ ﻭﺣﻀﻦ ﻭﻣﺎﻛﺎﻳﻠﺘﻠﻪ ﻭﻟﺴﻪ ﻣﺎﻳﺪﺭﻱ؟؟
ﺍﻡ ﺑﺸﺎﺭ .. ﻫﺴﻪ ﺣﺠﻴﺘﻠﺞ ﺣﺘﻪ ﺗﻠﻮﻣﻴﻬﻪ ﺻﺎﺭ ﺑﻌﺪ ﻭﻣﺎﺣﺠﺖ ﻭﻣﺪﺭﻱ ﻣﻨﻮ ﺟﺎﻳﺒﻠﻪ ﻫﻴﺞ ﺑﻠﻮﻩ ﻣﺰﻭﺭﻩ ﻫﻴﺞ ﺍﻟﻨﺎﺱ ﻣﺎﺗﺨﺎﻑ ﺭﺑﻬﻪ
ﺑﺸﺮﻯ .. ﺗﺘﻮﻗﻌﻲ ﺍﺫﺍ ﻋﺮﻑ ﺑﻘﺒﺲ ﻳﺴﻜﺖ؟؟ ﺷﺒﻴﺞ ﻣﺎﺗﻌﺮﻓﻴﻦ ﺍﺑﻨﺞ ﻭﺑﻌﺪﻳﻦ ﻫﻮ ﺭﺟﺎﻝ ﻳﺸﻮﻑ ﻭﺭﻗﻪ ﺍﺛﺒﺎﺕ ﻓﺤﺺ ﻛﺪﺍﻣﻪ ﺗﺎﻛﺪ ﻫﻲ ﻣﻮﺑﻨﺖ ﻟﻮ ﻳﺼﺪﻙ ﺣﺠﻴﻬﻪ؟؟
ﺍﻡ ﺑﺸﺎﺭ .. ﻧﺎﺧﺬﻫﻪ ﻟﻠﻔﺤﺺ ﺣﺘﻪ ﻳﺘﺎﻛﺪ ؟؟
ﺑﺸﺮﻯ .. ﻟﻌﺪ ﻋﺒﺎﻟﺞ ﺭﺍﺡ . ﻳﺴﻜﺖ ﺍﺳﻤﻌﻲ ﻗﺒﺲ ﻫﺎﻱ ﺍﻟﺴﺎﻟﻔﻪ ﻣﺎﺗﻨﺒﻠﻊ ﻟﻮ ﺗﺜﺒﺘﻴﻠﻪ ﺍﻧﺘﻲ ﺑﻌﺪﺝ ﺑﻨﻴﻪ ﻭﻧﻜﻮﻝ ﻟﻜﻞ ﺍﻫﻠﻨﻪ ﻭﻳﻔﺮﺡ ﺑﻌﺮﺳﻪ ﻭﺑﻴﻮﻣﻬﻪ ﺗﺮﻓﻌﻴﻦ ﺭﺍﺳﻪ ﻟﻮ ﻣﻨﺎ ﻭﻛﻞ ﻭﺍﺣﺪ ﻳﺮﻭﺡ ﺑﺠﻬﻪ ﻭﺍﻧﻲ ﺍﻛﻠﺞ ﺑﺸﺎﺭ ﻣﺎﻳﺘﻘﺒﻠﺞ ﻟﻮ ﺗﺼﻴﺮ ﺭﻭﺣﻪ ﺑﻴﺞ ﺍﺫﺍ ﻣﺎﺗﺜﺒﺘﻴﻦ ﺻﺤﻪ ﻛﻼﻣﺞ !!
ﻗﺒﺲ .. ﺗﺮﻳﺪﻭﻧﻲ ﺍﻓﺤﺺ ﻣﺎﻣﺼﺪﻛﻴﻨﻲ !!
ﺑﺸﺮﻯ .. ﺍﻧﺘﻲ ﺑﻨﻴﺘﻨﻪ ﻭﻫﺎﻱ ﺍﻧﻲ ﻭﺍﻣﻪ ﻧﺒﻮﺳﺞ ﻣﻦ ﺭﺍﺳﺞ ﻭﺑﺎﺳﺘﻨﻲ ﺑﺲ ﻫﻮ ﺭﺟﺎﻝ ﺗﺘﻮﻗﻌﻲ ﻳﻘﺘﻨﻊ ﺑﻌﺪ ﻫﺎﻟﻮﺭﻗﻪ ﺧﻠﻲ ﻧﻔﺴﺞ ﺑﻤﻜﺎﻧﻪ ﺗﺼﺪﻛﻴﻦ ﺍﻟﺤﺠﻲ ﻟﻮ ﺩﻟﻴﻞ ﺑﻐﺾ ﺍﻟﻨﻈﺮ ﻋﻦ ﺍﻟﻮﺭﻗﻪ ﻣﻦ ﺍﺟﺖ ﻣﺰﻭﺭﻩ ﻣﺎﻣﺰﻭﺭﻩ ﺗﻬﻤﻪ ﺍﻟﺞ ﺑﺲ ﺍﻧﻲ ﺍﻧﺼﺤﺞ ﻻﻥ ﺑﺸﺎﺭ ﺍﻋﺮﻓﻪ ﻭﺍﻧﻲ ﻭﻳﺎ ﻣﺘﻘﺎﺭﺑﻴﻦ ﺑﺎﻟﻌﻤﺮ ﻣﺎﻳﻔﻮﺕ ﻫﺎﻱ ﺍﻟﺴﺎﻟﻔﻪ ﻭﻳﺪﻭﺱ ﻉ ﻛﻠﺒﻪ ﻭﻣﺎﻳﺮﺣﻤﻪ ﺍﻻ ﻳﺘﺎﻛﺪ ﻭﻻﻋﺒﺎﻟﺞ ﻳﻈﻞ ﺑﺤﺠﻲ ﺍﻟﻨﺴﻮﺍﻥ ﻳﺮﻳﺪ ﺩﻟﻴﻞ ﻭﺟﺮﺑﺘﻲ ﻭﺷﻔﺘﻲ ﻣﻦ ﻳﺎﻧﻮﻉ ﻳﻮﺍﺟﻪ ﻭﻳﻤﺸﻲ ﺑﺪﻟﻴﻞ
ﻭﺻﺪﻛﻲ ﻳﺎﻗﺒﺲ ﻟﻮ ﻭﺣﺪﻩ ﺟﺎﻳﻪ ﻭﺣﺎﺟﻴﺘﻠﻪ ﻫﻴﺞ ﺗﻬﻤﻪ ﻋﻠﻴﺞ ﺟﺎﻥ ﺷﻜﻬﻪ ﺑﻨﺺ ﻭﻣﺎ ﺍﻧﻄﻪ ﺑﻴﺞ ﺑﺲ ﺍﻟﺪﻟﻴﻞ ﻫﻮ ﺍﻟﻜﺴﺮﻩ ﺗﺬﻛﺮﻳﻦ ﺳﺎﻟﻔﻪ ﺍﻟﺨﻄﻮﻁ ﻭﺟﺎﻥ ﻣﺎﺛﺎﻕ ﺑﻴﺞ ﻭﺑﻌﺪﺝ ﺟﺪﻳﺪﻩ ﻭﺷﻠﻮﻥ ﻭﻛﻔﻠﺞ ﻻﻥ ﻫﻮ ﻋﻨﺪﻩ ﻣﺒﺪﺃ ﺟﻴﺐ ﺩﻟﻴﻠﻚ ﻭﺍﺻﺪﻛﻚ
ﺍﻡ ﺑﺸﺎﺭ .. ﻫﺎﻫﻲ ﻫﺴﻪ ﻳﺠﻲ ﻭﻧﺤﺎﺟﻲ ﻭﻣﻦ ﺑﺎﺟﺮ ﻧﺎﺧﺬﻫﻪ ﻟﻠﻔﺤﺺ ﺍﺳﺘﻐﻔﺮ ﺍﻟﻠﻪ ﻭﺍﺗﻮﺏ ﺍﻟﻴﻪ ﺍﻟﻠﻪ ﻣﻜﺘﻮﺑﻠﻲ ﺍﻓﺤﺺ ﺑﺒﻨﺎﺗﻲ ﺫﺍﻙ ﺍﻟﻴﻮﻡ ﺷﺠﻦ ﻭﺍﻟﻴﻮﻡ ﻗﺒﺲ ﺍﻟﺤﻤﺪﻟﻠﻪ ﻉ ﻧﻌﻤﻪ ﺍﻟﺴﺘﺮ !!
ﻗﺒﺲ .. ﻓﻜﺮﻩ ﺍﻟﻔﺤﺺ !! ﻭﻓﻜﺮﻩ ﺑﺸﺎﺭ ﻳﺘﻮﻗﻊ ﺍﻧﻲ ﻣﻮ ﺧﻮﺵ ﻭﺟﺎﻥ ﺍﻟﻤﺎﺿﻲ ﻣﺎﻟﺘﻲ ﻗﺬﺭ ﻭﻓﻀﻞ ﻣﻦ ﻋﺰﻳﺰ ﺳﺘﺮ ﻋﻠﻴﻪ !! ﻭﺍﻟﺤﺎﻟﻪ ﺍﻟﻬﺴﺘﻴﺮﻳﻪ ﺍﻟﻲ ﺍﻧﻲ ﺑﻴﻬﻪ ﻭﺍﺣﺲ ﺩﻣﺎﻏﻲ ﺭﺍﺡ ﻳﻮﻛﻒ ﺑﺲ ﻣﻦ ﺍﻟﺪﻭﺍﺋﺮ ﺍﻟﺴﻮﺩﻩ ﻭﺍﻟﺒﻴﻀﻪ ﺑﺮﺍﺳﻲ ﺣﺘﻪ ﻋﻴﻮﻧﻲ ﻛﺎﻣﺖ ﺗﻐﻮﺵ ﻭﺍﺣﺲ ﺍﻟﺮﻋﺸﻪ ﻛﺎﻣﺖ ﺗﺴﺮﻱ ﺑﻜﻞ ﺟﺴﻤﻲ ﻫﺎﻱ ﺍﻟﺤﺎﻟﻪ ﺟﻨﺖ ﺍﻣﺮ ﺑﻴﻬﻪ ﻣﻦ ﺟﻨﺖ ﺻﻐﻴﺮﻩ ﻭﺍﻇﻞ ﻳﻮﻣﻴﻦ ﺗﺤﺖ ﺍﻟﻤﻬﺪﺋﺎﺕ ﻭﺍﻻﺑﺮ ﺣﺘﻪ ﻭﺻﻠﺖ ﻣﺮﺣﻠﻪ ﺑﺪﻭﻥ ﺷﻌﻮﺭ ﻭﺯﻳﻨﺖ ﻧﺺ ﺷﻌﺮﻱ ﺑﻤﻜﻴﻨﻪ ﺑﺎﺑﺎ ﻭﺧﺮﺑﺖ ﺷﻌﺮﻱ !!!
ﺷﺠﻦ .. ﻣﺪﺭﻱ ﺷﺼﺎﻳﺮ ﻣﺎﻣﺎ ﻭﻋﻤﻪ ﺑﺸﺮﻯ ﻣﺎﻃﻠﻌﻦ ﻣﻦ ﺍﻟﻐﺮﻓﻪ ﻭﺑﻴﺒﻲ ﺑﺲ ﺗﺴﺎﻝ ﻭﻧﻜﻠﻬﻪ ﻣﺎﻛﻮ ﺷﻲ ﻧﻌﺮﻓﻬﻪ ﻣﺎﺗﻀﻢ ﺍﻟﺴﺎﻟﻔﻪ ﻭﺗﺒﻮﻙ ﻟﺴﺎﻧﻬﻪ ﻋﻤﻪ ﺑﺴﻤﻪ ﻭﺗﺤﺠﻴﻠﻬﻪ ﻓﺎﺩﻳﻪ ﺳﻮﺕ ﻋﺸﻪ ﻭﺍﻧﻲ ﻃﻠﻌﺖ ﺻﻠﻴﺖ ﺑﺎﻟﺤﺪﻳﻘﻪ ﻭﻋﻤﺮ ﻭﺑﺸﺎﺭ ﻣﺎﻛﻮ ﻭﺣﺘﻪ ﺑﺎﺑﺎ ﺑﻌﺪﻩ ﻣﺎﺟﺎﻱ
ﻛﻤﻠﺖ ﺻﻼﺗﻲ ﻭﻛﻌﺪﺕ ﺍﺳﺒﺢ ﺑﺎﻟﺴﺒﺤﻪ ﺍﻧﺪﻙ ﺍﻟﺒﺎﺏ ﺻﺤﺖ ﻣﻨﻮﻭﻭ ! ؟؟ ﻣﺤﺪ ﺭﺩ ﻋﻠﻴﻪ ﻛﻤﺖ ﻉ ﺍﻟﻌﻜﺎﺯﻩ ﻭﺻﺮﺕ ﻭﺭﺍ ﺍﻟﺒﺎﺏ ﻛﻠﺖ ﻣﻨﻮﻭﻭ؟؟
ﺍﺟﺎﻧﻲ ﺻﻮﺗﻪ ﺍﺍﺍﻱ ﺍﻋﺮﻓﻪ ﺭﻑ ﻛﻠﺒﻲ ﻗﺒﻞ ﻛﻠﺸﻲ ﻗﺒﻞ ﻣﺎ ﺍﺫﺍﻧﻲ ﺗﺴﻤﻊ ﻛﻠﻤﻪ ﺍﻧﻲ !! ﻧﺒﺾ ﻛﻠﺒﻲ ﻧﺒﻀﺎﺕ ﺳﺮﻳﻌﻪ ﻭﻣﺜﻞ ﺍﻟﻴﺮﻳﺪ ﻳﻄﻠﻊ ﻳﺘﻠﻜﺎ ﺍﺧﺬﺕ ﻧﻔﺲ ﻭﻣﺨﻠﻴﻪ ﺍﻳﺪﻱ ﻉ ﺻﺪﺭﻱ ﺑﺲ ﺍﻟﺒﺎﺏ ﺣﺎﺟﺰ ﺑﻴﻨﺎﺗﻨﻪ !!
ﻏﻴﺚ .. ﺷﺠﻦ ﺷﻠﻮﻧﺞ؟؟
ﺷﺠﻦ .. ﻫﻮﻛﺎﻝ ﺷﺠﻦ ﻟﻮ ﺭﺟﻠﻲ ﺍﻟﺼﺎﺣﻴﻪ ﺣﺴﻴﺘﻬﻪ ﺍﺭﺗﺨﺖ ﻭﻟﺰﻣﺖ ﺍﻟﺤﺎﻳﻂ ﻻ ﺍﻭﻛﻊ ﻋﻴﻦ ﻋﻠﻰ ﺑﺎﺏ ﺍﻟﻤﻄﺒﺦ ﻻ ﺍﺣﺪ ﻳﻄﻠﻊ ﻭﺍﺫﻧﻲ ﻳﻢ ﺍﻟﺒﺎﺏ ﺍﺭﻳﺪ ﺍﺳﻤﻊ ﺻﻮﺗﻪ ﺑﻌﺪ ﺑﻜﻠﺒﻲ ﺍﻛﻮﻝ ﻳﺎﺭﻭﺡ ﺷﺠﻦ ﻭﻋﻤﺮﻫﻪ ﺷﻜﺪ ﻣﺸﺘﺎﻗﻪ ﻟﻬﺎﻱ ﺍﻟﺒﺤﻪ ﺍﻟﺒﺼﻮﺗﻚ
ﺯﻳﻨﻪ ﺍﻧﺖ ﺷﻠﻮﻧﻚ؟؟ ﺟﻨﺖ ﺍﺣﺎﺟﻲ ﻣﻦ ﻭﺭﺍ ﺍﻟﺒﺎﺏ؟؟
ﻏﻴﺚ .. ﺑﻌﺪﺝ ﻣﺎﻛﻮ ﻟﻮﻥ؟؟ ﺻﺤﺘﺞ ﺷﻠﻮﻧﻬﻪ؟؟
ﺷﺠﻦ .. ﺍﻟﺤﻤﺪﻟﻠﻪ
ﻏﻴﺚ .. ﺑﺸﺎﺭ ﻣﻮﺟﻮﺩ؟؟
ﺷﺠﻦ .. ﺟﺎﻭﺑﺖ ﺑﺎﺳﺘﻐﺮﺍﺏ ﻻﺍﺍﺍ ؟؟
ﻏﻴﺚ .. ﺍﺫﺍ ﺍﺟﻪ ﺧﻠﻲ ﻳﺨﺎﺑﺮﻧﻲ ﻋﻨﺪﻱ ﺷﻐﻠﻪ ﻭﻳﺎﺍﺍ ﻳﻠﻪ ﻣﻊ ﺍﻟﺴﻼﻣﻪ
ﺷﺠﻦ .. ﺍﺳﻤﻊ ﺧﻄﻮﺍﺗﻪ ﺍﺑﺘﻌﺪﺕ ﻣﻦ ﺍﻟﺒﺎﺏ ﻭﺍﺧﺬ ﺭﻭﺣﻲ ﻭﻳﺎ ﺿﺮﺑﺖ ﺧﻔﻴﻒ ﻉ ﺻﺪﺭﻱ ﺍﺭﻳﺪ ﮔﻠﺒﻲ ﻳﻬﺪﺃ !! ﺑﺲ ﻣﺎﺳﺎﻟﺘﻨﻪ ﺷﻴﺮﻳﺪ ؟؟ ﻫﻢ ﻣﻮ ﻣﺎﻳﺘﺤﺎﺟﻮﻥ ﺷﻮ ﺟﺎﻱ ﻳﺴﺎﻝ ﻋﻦ ﺑﺸﺎﺭ؟؟
ﻃﺒﻴﺖ ﺟﻮﻩ ﻭﺍﺟﻪ ﺑﺎﺑﺎ ﻭﻋﻤﺮ ﻭﺗﻌﺸﻴﻨﻪ ﻭﻋﻤﻪ ﺑﺸﺮﻯ ﻳﻤﻨﻪ ﻭﺑﺸﺎﺭ ﻣﺎﻛﻮ ﻭﻗﺒﺲ ﻣﺎﻃﻠﻌﺖ ﻣﻦ ﺍﻟﻐﺮﻓﻪ ﻭﻻﻓﻪ ﻧﻔﺴﻬﻪ ﻭﺩﺍﻳﺮﻩ ﻭﺟﻬﻪ ﻉ ﺍﻟﺤﺎﻳﻂ ﺑﻼﻭﻝ ﻋﺒﺎﻟﻲ ﻣﺼﺨﻨﻪ ﺧﻠﻴﺖ ﺍﻳﺪﻱ ﻋﻠﻰ ﻛﺼﺘﻬﻪ ﻣﺎﺑﻴﻬﻪ ﺷﻲ ﺑﺲ ﻟﻴﺶ ﺗﺮﺟﻒ ﻫﻴﺞ؟؟
ﺷﺠﻦ .. ﻗﺒﺲ ﻗﺒﺲ؟؟ ﺷﺘﺤﺴﻴﻦ ﻟﻴﺶ ﻫﻴﺞ ﺗﺮﺟﻔﻴﻦ ﺑﺮﺩﺍﻧﻪ؟؟
ﻗﺒﺲ .. ﻻﺍﺍ ﻣﺎﺑﻴﻪ ﺷﻲ ﺍﻃﻠﻌﻲ ﻋﻮﻓﻴﻨﻲ ﻭﺣﺪﻱ
ﺷﺠﻦ .. ﺑﺮﺍﺣﺘﺞ !!
ﻣﺎ ﺍﻋﺮﻑ ﺷﺒﻴﻬﻪ ﻭﻭﺿﻌﻬﻪ ﻓﺪﻣﺮﻩ ﺻﺎﻳﺮ ﻭﻋﻤﻪ ﺗﻨﺘﻈﺮ ﺑﺸﺎﺭ ﻭﻛﻠﺴﺎﻉ ﺗﺨﺎﺑﺮﻩ ﻭﻣﺎﻳﺠﺎﻭﺏ ﻣﺎﻣﺎ ﻫﻢ ﻣﺪﺭﻱ ﺷﺒﻴﻬﻪ ﺣﺒﺴﺘﻨﻪ ﺍﻧﻲ ﻭﻓﺎﺩﻳﻪ ﺑﻐﺮﻓﻪ ﺑﻴﺒﻲ ﻣﻤﻨﻮﻉ ﺍﻃﻠﻌﻦ ﻭﻟﻬﻦ ﺍﻟﺤﺠﻴﻪ ﻭﻇﻠﻴﻨﻪ ﻛﺎﻋﺪﻳﻦ ﻛﻠﺸﻲ ﻣﺎﻧﺴﻤﻊ ﻭﻻ ﺍﻧﺸﻮﻑ !!
ﻛﺎﻋﺪﻳﻦ ﺍﻧﻲ ﻭﻓﺎﺩﻳﻪ ﻧﺴﻮﻟﻒ ﻭﻧﻔﺴﺮ ﺷﺒﻴﻬﻪ ﻗﺒﺲ ﻭﻟﻴﺶ ﻫﻴﺞ ﻣﺎﻣﺎ ﺗﺘﺼﺮﻑ ﻭﻣﺎﺗﺮﻳﺪﻧﻪ ﻧﻌﺮﻑ ﺷﻮﻳﻪ ﻭﺍﺟﺖ ﻋﻤﻪ ﺳﻠﻤﺖ ﻉ ﺑﻴﺒﻲ ﻭﻛﺎﻟﺖ ﺭﺍﺡ ﺍﺭﻭﺡ ﻳﻮﺻﻠﻨﻲ ﺑﺸﺎﺭ ﻭﺍﺧﻴﺮﺍ ﺍﻃﻠﻖ ﺳﺮﺍﺣﻨﻪ ﺑﺴﺮﻋﻪ ﻃﻠﻌﻨﻪ ﺭﻛﺾ ﻉ ﻗﺒﺲ !!
ﻉ ﻧﻔﺲ ﻧﻮﻣﺘﻬﻪ ﻭﺑﺲ ﻓﺘﺤﺖ ﺍﻟﻀﻮﻩ ﺻﺎﺣﺖ ﺳﺪﻱ ﺑﺼﻮﺕ ﻋﺎﻟﻲ ﺣﺘﻪ ﻓﺰﺯﺗﻨﻲ ﻫﺎﻱ ﺍﺑﺪ ﻣﻮﻃﺒﻴﻌﻴﻪ ﺍﻟﻴﻮﻡ ﺳﺪﻳﻨﻪ ﺍﻟﻀﻮﻩ ﻭﻃﻠﻌﻨﻪ ﻭﻭﺣﺪﺗﻨﻪ ﺑﺒﺎﻟﻬﻪ ﺍﻟﻒ ﺳﺆﺍﻝ ﻭﺭﺍ ﺳﺎﻋﻪ ﺭﺟﻊ ﺑﺸﺎﺭ ﺗﻠﻜﻴﺘﻪ ﺍﻧﻲ ﻛﺘﻠﻪ ﺍﺟﺎﻙ ﻏﻴﺚ ﻣﺎﺣﺎﺟﺎﻧﻲ ﺑﺲ ﻫﺰ ﺭﺍﺳﻪ ﻭﺻﻌﺪ ﻭﺍﻟﻠﻪ ﻣﺘﺎﺫﻱ ﻭﻣﺪﺭﻱ ﺷﺼﺎﻳﺮ؟؟؟
ﻃﺒﻴﻨﻪ ﻟﻠﻐﺮﻓﻪ ﺍﻧﺮﻳﺪ ﺍﻧﺎﻡ ﺣﺎﻭﻟﺖ ﺷﻜﺪ ﺍﺭﻳﺪ ﺍﺣﺎﺟﻴﻬﻪ ﺑﺲ ﻣﺎ ﺍﻧﻄﺖ ﺍﻱ ﺭﺩﺓ ﻓﻌﻞ ﻭﺍﺻﻼ ﻣﺎ ﺍﻟﺘﻔﺘﺖ ﻭﻣﻜﺮﻓﺼﻪ ﻧﻔﺴﻬﻪ !!
ﻓﺎﺩﻳﻪ .. ﻗﺒﺲ ﻣﺎﻧﻜﺪﺭ ﺍﻧﺎﻡ ﻭﺍﻧﺘﻲ ﻫﻴﺞ ﻛﻮﻣﻲ ﺍﺣﺠﻴﻠﻨﻪ ﺍﺣﻨﻪ ﻣﻮ ﺍﺧﻮﺍﺗﺞ
ﺷﺠﻦ .. ﺍﻱ ﻗﺒﺲ ﻭﺍﻟﻠﻪ ﻣﺎﻧﻜﺪﺭ ﺍﻧﺎﻡ ﻛﻮﻣﻲ ﺳﻮﻟﻔﻴﻨﻪ
ﻓﺎﺩﻳﻪ ... ﺗﺬﻛﺮﻳﻦ ﺫﺍﻙ ﺍﻟﻴﻮﻡ ﺍﻧﻜﺘﻠﻨﻪ ﻛﻠﻨﻪ ﻭﻫﺴﻪ ﺍﺣﻨﻪ ﻣﺴﺘﻌﺪﻳﻦ ﺍﻧﺸﻴﻞ ﺍﻟﻜﺘﻠﻪ ﻭﻳﺎﺝ ﻻﻥ ﻧﻌﺮﻑ ﺍﻟﻜﺘﻠﻊ ﺗﻮﺟﻊ ﻭﺩﺍﻋﺘﺞ ...
ﻗﺒﺲ .. ﻋﻮﻓﻨﻲ ﻭﺣﺪﻱ ﺍﺫﺍ ﺗﺤﺒﻨﻲ ﻋﻮﻓﻨﻲ ﻻﺗﺤﺠﻦ ﺍﻟﻠﻪ ﻋﻠﻴﻜﻢ ﻻﺗﺼﻴﺤﻮﻥ ﻣﺎﺍﺭﻳﺪ ﺍﺳﻤﻊ ﺻﻮﺕ
ﻓﺎﺩﻳﻪ .. ﺑﺮﺍﺣﺘﺞ ﻧﺎﻣﻲ ﺍﺭﺗﺎﺣﻲ ﺑﺲ ﻻﺗﺎﺫﻳﻦ ﻧﻔﺴﺞ ﺗﺮﻯ ﻣﺤﺪ ﻳﻔﻴﺪﺝ
ﺷﺠﻦ .. ﺗﺎﺷﺮﻟﻲ ﻓﺎﺩﻳﻪ ﻛﻮﻣﻲ ﻭﻳﻦ ﺗﺮﻳﺪ ﺑﻴﻪ ﻫﺎﻱ ﺍﻟﺨﺒﻠﻪ ﻛﻤﺖ ﻭﻳﺎﻫﻪ ﻭﺭﺣﻨﻪ ﻟﻼﺳﺘﻘﺒﺎﻝ ﻃﻠﻌﺖ ﻣﻮﺑﺎﻳﻠﻬﻪ ﻣﻦ ﺑﺠﺎﻣﺘﻬﻪ ﻭﺩﻛﺖ ﻉ ﻋﻤﻪ ﺑﺸﺮﻯ !!
ﺑﺸﺮﻯ .. ﺍﻟﻮﻭ ﻫﺎ ﻭﻟﺠﻦ ﺧﻴﺮ ﺧﻮﻣﺎﺻﺎﺭ ﺷﻲ ﺍﻟﺴﺎﻋﻪ ﺏ١٢
ﻓﺎﺩﻳﻪ .. ﻋﻤﻪ ﺍﺣﻨﻪ ﺑﺸﺎﺭﺑﺞ ﺍﻟﻤﺎﻣﺤﻔﻮﻑ ﺍﺣﺠﻴﻠﻨﻪ ﺷﺼﺎﻳﺮ؟؟
ﺑﺸﺮﻯ .. ﻃﻴﺢ ﺍﻟﻠﻪ ﺣﻈﺞ ﺗﺒﻘﻴﻦ ﻣﺎﺑﻴﺞ ﺧﻴﺮ ﻓﺰﺯﺗﻨﻲ ﻋﺒﺎﻟﻲ ﺻﺎﺭ ﺷﻲ ﺍﻧﻌﻞ ﺍﺑﻠﻴﺴﺞ ﺧﻠﻲ ﺍﺟﻲ ﺍﻻ ﺍﺷﻠﻊ ﺷﻌﺮﺍﺗﺞ
ﻓﺎﺩﻳﻪ .. ﺷﻌﻠﻴﻬﻦ ﻭﺣﺪﻩ ﻭﺣﺪﻩ ﺑﺲ ﺍﺣﺠﻴﻠﻲ ﻣﺎ ﺍﻧﺎﻡ ﺍﻟﻴﻮﻡ ﺷﺼﺎﻳﺮ ﻋﻠﻴﺞ ﺍﻟﻠﻪ ﻭﻓﺎﺗﺤﻪ ﺳﺒﻴﻜﺮ
ﻭﺑﺪﺕ ﻋﻤﻪ ﺑﺸﺮﻯ ﺗﺤﺠﻴﻠﻨﻪ ﻭﺍﺣﻨﻪ ﻭﻳﻪ ﻛﻞ ﻛﻠﻤﻪ ﻧﻤﻜﺰ ﺑﻼﺳﺘﻘﺒﺎﻝ ﻳﻤﻜﻦ ﻟﻮ ﺍﺣﺴﺒﻬﻦ ﻋﺸﺮ ﻣﺮﺍﺕ ﺍﺣﻨﻪ ﻧﻮﺻﻞ ﻟﻠﺮﻛﻦ ﻭﻧﺮﺟﻊ ﻭﻣﺎﺍﻟﺤﻚ ﺑﻔﺎﺩﻳﻪ ﺗﺎﻟﻲ ﺫﺑﻴﺖ ﺍﻟﻌﻜﺎﺯﺍﺕ ﻭﻛﻌﺪﺕ ﻭﺟﺮﻳﺘﻬﻪ ﺗﻜﻌﺪ ﺣﺘﻪ ﻧﺴﻤﻊ
ﺑﺸﺮﻯ .. ﻭﻟﺠﻦ ﺳﻮﺩﻩ ﻣﺼﺨﻤﻪ ﺑﺸﺎﺭ ﻣﺘﺎﺫﻱ ﺣﻴﻞ ﻣﺘﺨﺒﻞ ﻋﻠﻴﻬﻪ ﻻﻳﻜﺪﺭ ﻳﺄﺫﻳﻬﻪ ﻭﻻﺣﺘﻪ ﻳﻜﺪﺭ ﻳﻜﻌﺪ ﻭﻳﺎﻫﻪ ﻭﻳﻔﺘﻬﻢ ﺣﺠﻴﺖ ﺍﻧﻲ ﻭﺍﻣﻪ ﻭﻳﺎﺍ ﻭﻓﻬﻤﻨﺎ ﺑﺲ ﺗﺪﺭﻥ ﺑﺎﺧﻮﺟﻦ ﻳﺘﻔﺎﻫﻢ؟؟ ﺍﺻﻼ ﻭﺻﻴﺖ ﻋﻤﺮ ﻛﺘﻠﻪ ﻻﺗﺨﻠﻲ ﻳﺮﻭﺡ ﻭﺣﺪﻩ ﻣﻦ ﺍﻟﻌﺼﺒﻴﻪ ﺣﺘﻪ ﺿﻐﻄﻪ ﻣﺮﺗﻔﻊ ﻧﺤﻠﻒ ﻭﻧﻘﻨﻊ ﻣﺎﻳﻔﻴﺪ ﻭﺣﺘﻪ ﻣﺎﻳﻨﺎﻗﺸﻨﻪ ﺑﺲ ﻳﻜﻮﻝ ﺍﺳﻜﺘﻦ ﻻﺗﺤﺠﻦ ﺑﺎﻟﻤﻮﺿﻮﻉ !!
ﻓﺎﺩﻳﻪ .. ﻭﻫﺴﻪ ﺷﻠﻮﻥ ﻣﺎﻛﻮ ﺣﻞ ﺍﻟﻤﻔﺮﻭﺽ ﻳﻔﺮﺡ؟؟
ﺑﺸﺮﻯ .. ﻣﺎﺩﺭﻱ ﺍﻻﻭﺭﻗﺎﻡ ﻻﻛﻴﻬﻦ ﺑﺴﻴﺎﺭﺗﻪ ﻭﻣﺎﻣﻠﺤﻚ ﻉ ﺍﻟﻮﻟﺪ ﺍﻟﺸﺎﻣﺮﻫﻦ ﻳﻜﻮﻝ ﻋﺒﺎﻟﻚ ﻣﺮﺍﻗﺒﻨﻲ ﺑﻴﻦ ﻣﺎﻧﺰﻟﺖ ﻟﻠﻤﺤﻞ ﺍﺟﻪ ﻳﺮﻛﺾ ﺷﻤﺮﻫﻦ ﻭﺭﺍﺡ ﺑﺪﺭﺍﺟﻪ !! ﻭﺟﺎﻱ ﻳﻤﻮﺕ ﻳﺮﻳﺪ ﻳﻌﺮﻑ ﻣﻨﻮ ﺍﻟﻲ ﺍﻟﻪ ﺍﻳﺪ ﺑﺎﺫﻳﺘﻬﻢ ﺷﻴﺮﻳﺪﻭﻥ ﻣﻦ ﻋﺪﻫﻢ ﻭﻻﺣﻜﻴﻬﻢ ﻉ ﺣﺒﻬﻢ !!
ﻭﻫﺴﻪ ﻛﺘﻠﻪ ﻋﻤﻪ ﺣﺘﻪ ﺗﺮﺿﻪ ﻧﻔﺴﻚ ﻭﻳﺮﻭﺡ ﺍﻟﺸﻚ ﻣﻦ ﻋﻨﺪﻙ ﻧﺎﺧﺬ ﻗﺒﺲ ﻟﻠﻔﺤﺺ ﻧﻔﺤﺼﻬﻪ ﻭﺍﺗﺎﻛﺪ ﺑﺎﻥ ﺍﻟﺒﻨﻴﻪ ﺑﺮﻳﺌﻪ ﻭﺑﺎﻟﻌﺮﺱ ﺗﺜﺒﺘﻠﻚ ﺑﺮﺍﺋﺘﻬﻪ ﻭﺍﻧﺖ ﻫﻢ ﺍﺩﻭﺭ ﻣﻨﻮ ﻫﻴﺞ ﺳﻮﻩ ﺑﻴﻬﻪ ﻭﺩﻣﺮﻫﻪ ﻭﺗﻬﻤﻬﻪ؟؟
ﺷﺠﻦ .. ﻋﻔﺖ ﻓﺎﺩﻳﻪ ﺗﺴﻮﻟﻒ ﻭﻛﻤﺖ ﺷﻨﻮ ﻫﺎﻱ ﺍﻟﻨﺎﺱ ﺫﺋﺎﺏ ﻧﺎﺱ ﺗﻨﻬﺶ ﺑﻨﺎﺱ ﺩﺧﻴﻞ ﺍﻟﻠﻪ ﺷﻨﻮ ﻣﻦ ﻗﺎﺑﻠﻴﻪ ﻋﺪﻫﻢ ﺷﻠﻮﻥ ﻳﻨﺎﻣﻮﻥ ﻭﻫﻢ ﻣﺄﺫﻳﻦ ﺑﺸﺮ ...
ﺛﺎﻧﻲ ﻳﻮﻡ ﻗﺒﺲ ﻣﺎﺩﺍﻭﻣﺖ ﻭﻣﺎﻣﺎ ﻣﻜﺎﺑﻠﺘﻬﻪ ﻭﻛﺎﻋﺪﻩ ﻭﺍﻟﺒﻨﻴﻪ ﻣﺎﻧﻌﺮﻑ ﺷﺒﻴﻬﻪ ﻻﺗﺎﻛﻞ ﻭﻻﺗﺤﺠﻲ ﻭﺍﺻﻼ ﻣﺎﺗﻔﺘﺢ ﻋﻴﻮﻧﻬﻪ ﺗﺮﻳﺪ ﺑﺲ ﻇﻠﻤﻪ ﻣﺎﺗﺮﻳﺪ ﺗﺸﻮﻑ ﺿﻮﻩ ﻭﺑﺸﺎﺭ ﺣﺘﻪ ﻣﺎﺍﺟﻪ ﻋﻠﻴﻬﻪ ﻭﻃﻠﻊ ﻟﻠﺪﻭﺍﻡ ﻣﻦ ﺍﻟﺼﺒﺢ !!
ﻣﺮ ﺍﻟﻴﻮﻡ ﻣﺜﻞ ﻣﺎﻫﻮ ﻭﺍﺻﻼ ﺍﻟﺒﻴﺖ ﻛﺄﺑﻪ ﺑﻠﻴﻞ ﻛﺎﻋﺪﻳﻦ ﺑﺎﻟﻬﻮﻝ ﻭﻧﺰﻝ ﺑﺸﺎﺭ ﻣﻦ ﻏﺮﻓﺘﻪ ﺑﻮﺟﻬﻪ ﻟﻐﺮﻓﺘﻨﻪ ﻇﻠﻴﻨﻪ ﻛﺎﻋﺪﻳﻦ ﺧﻠﻴﻬﻢ ﺑﻠﻜﻲ ﻳﺘﺮﺍﺿﻮﻥ !!
ﻗﺒﺲ .. ﻛﻠﺒﺖ ﺍﻟﺠﻨﻄﻪ ﻉ ﺣﺒﺎﻳﻪ ﻣﺎﻛﻮ ﻣﺎﺩﺭﻱ ﻭﻳﻦ ﺭﺍﺡ ﺷﺮﻳﻂ ﺍﻟﺤﺐ ﺍﺣﺲ ﻧﻔﺴﻲ ﺭﺍﺡ ﺍﺗﺨﺒﻞ ﻣﻮﻓﻜﺮﻩ ﻭﺣﺪﻩ ﺍﻓﻜﺎﺭ ﻫﻮﺳﻪ ﺑﺮﺍﺳﻲ ﻭﻫﻮﺱ ﻭﺍﻻﻟﻢ ﻳﻌﺼﺮ ﺭﻭﺣﻲ ﻭﺑﺲ ﺍﻓﺘﺢ ﻋﻴﻨﻲ ﺍﺩﻭﺥ !!
ﺟﻨﺖ ﻧﺎﻳﻤﻪ ﻭﻣﻨﻄﻴﻪ ﻇﻬﺮﻱ ﻟﻠﺤﺎﻳﻂ ﺳﻤﻌﺖ ﺍﻟﺒﺎﺏ ﺍﻧﻔﺘﺢ ﻭﺍﺟﺘﻨﻲ ﻟﻔﺤﻪ ﺍﻟﻌﻄﺮ ﻣﺎﻟﺘﻪ ﺗﻮﻗﻌﺖ ﺭﺍﺡ ﻳﺘﻘﺮﺏ ﺭﺍﺡ ﻳﻌﺘﺬﺭﻟﻲ؟؟ ﺭﺍﺡ ﻳﺎﺧﺬﻧﻲ ﺑﺤﻀﻨﻪ ﻭﻳﻜﻠﻲ ﺍﻧﻲ ﺍﺳﻒ ﺑﺲ ﻣﺜﻞ ﻣﺎﻃﺐ ﺭﺟﻊ ﻃﻠﻊ ﻫﺎﻟﺸﻲ ﺍﺫﺍﻧﻲ ﺣﻴﻞ
ﺩﻣﺮ ﺍﻋﺼﺎﺑﻲ ﻛﻌﺪﺕ ﻉ ﺣﻴﻠﻲ ﻛﻤﺖ ﺍﺷﻠﻊ ﺑﺸﻌﺮﻱ ﺍﺑﺪﻱ ﺍﻛﻞ ﻟﺤﻤﻲ ﺑﺲ ﺣﺘﻪ ﺍﺭﺗﺎﺡ ﻛﺮﺻﺖ ﻓﺨﺬﻱ ﻭﻣﺎﺣﺴﻴﺖ ﻫﻴﺞ ﺍﺣﺲ ﻧﻔﺴﻲ ﻭﺻﻠﺖ ﻟﻤﺮﺣﻠﻪ ﻣﺎﻛﻤﺖ ﺍﺗﻘﺒﻞ ﺍﻱ ﺷﻲ ﻭﻣﺎﻛﻮ ﺷﻲ ﻳﺨﻔﻒ ﺍﻟﻤﻲ !!
ﻣﺮﻥ ﻳﻮﻣﻴﻦ ﻉ ﻧﻔﺲ ﺍﻟﻮﺿﻊ ﻭﺿﻐﻄﺖ ﻉ ﻧﻔﺴﻲ ﺣﻴﻞ ﻭﻛﻤﺖ ﻣﻦ ﻣﻜﺎﻧﻲ ﻃﻠﻌﺖ ﻟﻠﻤﻄﺒﺦ ﺟﺎﻧﺖ ﺍﻟﺴﺎﻋﻪ ﺏ١١ ﺍﻟﻈﻬﺮ ﻟﻜﻴﺖ ﺍﻡ ﺑﺸﺎﺭ ﺗﻄﺒﺦ ﺑﺲ ﺷﺎﻓﺘﻨﻲ ﻋﺎﻓﺖ ﺍﻟﺒﻴﺪﻫﻪ ﻭﺍﺟﺘﻨﻲ !!
ﺍﻡ ﺑﺸﺎﺭ .. ﻣﺎﺭﺩﺕ ﺍﺿﻐﻂ ﻋﻠﻴﺞ ﺷﻠﻮﻥ ﺻﺮﺗﻲ؟؟
ﻗﺒﺲ .. ﺧﺎﻟﻪ ﺍﺧﺬﻭﻧﻲ ﻟﻠﻔﺤﺺ
ﺍﻡ ﺑﺸﺎﺭ .. ﻟﻴﺶ؟؟
ﻗﺒﺲ .. ﺍﺣﺴﻦ ﺣﺘﻪ ﻳﺘﺎﻛﺪ ﻟﻴﺶ ﻳﻈﻞ ﻳﺎﻛﻞ ﺑﺮﻭﺣﻪ ﻭﻋﺒﺎﻟﻪ ﻋﻨﺪﻱ ﺳﻮﺍﺑﻖ
ﺍﻡ ﺑﺸﺎﺭ .. ﻻ ﺣﺸﺎﺝ ﺑﻨﺘﻲ !! ﺑﺲ ﻫﻮ ﻣﺎﻳﻘﺒﻞ ﻧﺎﺧﺬﺝ؟
ﻗﺒﺲ .. ﺷﻨﻮ ﻣﺎﻳﻘﺒﻞ؟؟
ﺍﻡ ﺑﺸﺎﺭ .. ﺣﺠﻴﺖ ﻭﻳﺎﺍ ﺍﻟﺒﺎﺭﺣﻪ ﻭﻛﺘﻠﻪ ﺑﺎﺟﺮ ﺍﺧﺬﻫﻪ ﻟﻠﻔﺤﺺ ﻣﺎﻗﺒﻞ ﻛﺎﻝ ﻣﻤﻨﻮﻉ ﺗﺎﺧﺬﻳﻬﻪ ؟؟ ﺑﺲ ﻣﺎﺍﺩﺭﻱ ﺷﺠﺎﺍ ﻫﻮ ﻣﺘﺄﺫﻱ ﺍﻛﺜﺮ ﻣﻦ ﻋﻨﺪﺝ ﻭﻣﺎﺟﺎﻱ ﻳﺸﺎﺭﻛﻨﻪ ﺑﺸﻲ !! ﻻﻳﻜﻮﻝ ﻣﺼﺪﻙ ﻭﻻﻳﻜﻮﻝ ﻻﺍ
ﻭﻋﻤﺘﺞ ﺑﺸﺮﻯ ﻫﻢ ﻛﺎﻟﺘﻠﻪ ﻉ ﺍﻟﻔﺤﺺ ﻭﺩﻛﻮﻝ ﺻﺎﺭ ﻋﺼﺒﻲ ﻛﺎﻟﻬﻪ ﻻ ﻣﺎﺗﺮﻭﺡ ﻭﻻﺗﺤﺠﻦ ﺑﻬﺬﺍ ﺍﻟﻤﻮﺿﻮﻉ ﻛﺪﺍﻣﻬﻪ ﺧﻠﻲ ﻳﺮﺗﺎﺡ ﻭﻳﺮﺟﻊ ﻃﺒﻴﻌﻲ !!
ﻗﺒﺲ .. ﻣﺎﻋﺮﻓﺘﻲ ﻣﻨﻮ ﺩﺍﺯﻫﻦ؟؟
ﺍﻡ ﺑﺸﺎﺭ .. ﺑﻴﻮﻣﻬﻪ ﻣﺎﻋﺮﻑ ﺑﺲ ﺍﻟﺒﺎﺭﺣﻪ ﻣﺨﺎﺑﺮﺗﻪ ﺳﺎﺟﺪﻩ ﻛﺎﻳﻠﺘﻠﻪ ﻉ ﺍﻟﺨﻴﺮ ﻟﻜﻴﺘﻬﻪ ﻣﻠﻌﻮﺏ ﺑﻴﻬﻪ ﻟﻮ ﺑﺎﻋﺖ ﺑﻌﻘﻠﻚ ﺣﻼﻭﻩ ﺑﺎﻥ ﻫﻲ ﺑﻌﺪﻫﻪ ﺑﻨﻴﻪ ﻭﻳﻜﻮﻝ ﺑﺴﺮﻋﻪ ﺳﺪﺗﻪ ﻭﺩﺍﻙ ﻉ ﺍﻟﺮﻗﻢ ﻣﻐﻠﻖ ؟ !
ﻫﻮ ﻣﺎﺣﺠﺎﻟﻲ ﺣﺠﻪ ﻟﻌﻤﺘﺞ ﺑﺸﺮﻯ ﻭﻫﻲ ﻛﺎﻟﺘﻠﻲ ﻳﻜﻠﻬﻪ ﺷﺮﻳﺪ ﺍﺳﻮﻱ ﻭﺍﺋﻞ ﺭﺟﺎﻝ ﻭﻟﻌﺒﺖ ﺑﻲ ﻟﻌﺐ ﻫﺎﻱ ﺷﺮﻳﺪ ﺍﺳﻮﻳﻠﻬﻪ ﻭﻫﻲ ﻣﺮﻩ ﺳﺎﻗﻄﻪ !!
ﻗﺒﺲ ﻻﺗﻠﻮﻣﻲ ﺗﺮﻯ ﺑﺸﺎﺭ ﻳﺤﺒﺞ ﻭﻟﻮﻣﺎﻳﺤﺒﺞ ﻣﺎﺷﺎﺭﺩ ﻋﻨﺞ ﺑﺲ ﺣﺘﻪ ﻻ ﻳﺄﺫﻳﺞ ﻛﻮﻥ ﺍﺷﻮﻓﺞ ﺑﺎﻛﻴﺘﺎﺕ ﺍﻟﺠﻜﺎﻳﺮ ﺷﻜﺜﺮﻫﻪ ﻣﻦ ﻛﺪﻣﺎ ﺷﺎﺭﺏ ﺑﻬﺬﻧﻲ ﺍﻟﻴﻮﻣﻴﻦ ﻭﺍﻟﻠﻪ ﺣﺘﻪ ﻛﻠﺒﻲ ﻧﺎﺭ ﻋﻠﻲ ﻧﺰﻟﺘﻬﻦ ﻣﻦ ﻏﺮﻓﺘﻪ ﻃﺎﺭ ﻋﻘﻠﻲ ﻳﻤﻜﻦ ﺍﻟﻠﻴﻞ ﻛﻠﻪ ﻳﺤﺮﻙ ﺑﺮﻭﺣﻪ ﺣﺘﻪ ﻻﻳﺎﺫﻳﺞ ﻣﻮﻃﺒﻌﻪ ﻫﺬﺍ ﺍﺑﺪ ﺟﺎﻥ ﻣﻦ ﻳﻌﺼﺐ ﺑﻨﻔﺲ ﺍﻟﻠﺤﻈﻪ ﻳﺤﻞ ﺍﻟﻤﺸﻜﻠﻪ ﻭﻳﻬﺪﺍ ﺑﺲ ﻭﻳﺎﺝ ﻳﺘﺤﻤﻞ !!!
ﻗﺒﺲ .. ﻛﻤﺖ ﻣﻦ ﻳﻤﻬﻪ ﻭﻣﺎﺷﻔﺘﻪ ﺍﺑﺪ ﻭﺣﺘﻪ ﺻﻮﺗﻪ ﻣﺎﺳﻤﻌﺘﻪ ﺛﺎﻧﻲ ﻳﻮﻡ ﺑﺪﻟﺖ ﻭﺍﺧﺬﺕ ﺟﻨﻄﺘﻲ ﻭﻃﻠﻌﺖ ﺣﺎﺟﺘﻨﻲ ﺍﻡ ﺑﺸﺎﺭ ﺧﺎﻑ ﻣﺎﺍﻟﺞ ﺧﻠﻚ ﻛﺘﻠﻬﻪ ﻻ ﺯﻳﻨﻪ !!
ﺻﻌﺪﺕ ﻭﻳﻪ ﺍﺑﻮ ﺣﺴﻴﻦ ﻭﻛﺘﻠﻪ ﻻﺗﺎﺧﺬﻧﻲ ﻟﻠﺸﺮﻛﻪ ﺍﺧﺬﻧﻲ ﻟﺒﻴﺘﻲ ﺍﻟﻘﺪﻳﻢ ﺍﻟﺮﺟﺎﻝ ﻣﺎﺣﺠﻪ ﻭﻛﺎﻝ ﻣﻮ ﺍﺳﺘﺎﺫ ﺑﺸﺎﺭ ﻛﺘﻠﻪ ﻳﺪﺭﻱ !! ﺍﻟﻴﻮﻡ ﻟﻮ ﺍﻧﻲ ﻟﻮ ﺍﻧﺘﻲ ﻳﺎﺳﺎﺟﺪﻩ
ﻛﺘﻠﻪ ﺍﻭﻛﻔﻠﻲ ﺑﺮﺍﺱ ﺍﻟﺸﺎﺭﻉ ﻻﺗﺮﻭﺡ ﻭﻧﺰﻟﺖ ﺑﻨﻔﺲ ﺍﻟﺪﺭﺑﻮﻧﻪ ﺍﻟﻄﻠﻌﺖ ﻣﻨﻬﻪ ﺑﻬﺬﺍﻙ ﺍﻟﻠﻴﻞ ﻭﻛﻠﺖ ﻣﺴﺘﺤﻴﻞ ﺍﻣﺮ ﺑﻴﻬﻪ ﺑﻌﺪ ﺭﺩﻳﺖ ﺍﻣﺸﻲ ﺑﻴﻬﻪ ﺩﻛﻴﺖ ﺍﻟﺒﺎﺏ ﺍﻛﺜﺮ ﻣﻦ ﻣﺮﻩ ﻣﺎﻓﺘﺤﺖ ﺩﻧﻜﺖ ﺭﻓﻌﺖ ﺍﻟﺴﺮﮔﻲ ﻭﻓﺘﺤﺘﻪ ﻭﻃﺒﻴﺖ !!
ﺍﻣﺸﻲ ﺑﺎﻟﻄﺮﻣﻪ ﻣﺎﻟﺘﻬﻪ ﻭﺍﺣﺲ ﺣﺘﻪ ﺍﻟﻬﻮﻩ ﺍﻟﻴﺤﻴﻂ ﺑﻴﺘﻬﻪ ﻣﻮﻧﻈﻴﻒ ﺍﻟﻈﺎﻫﺮ ﺷﺎﻓﺘﻨﻲ ﻭﻃﻠﻌﺖ ﻭﻫﻲ ﻻﺑﺴﻪ ﺍﺳﺘﻐﻔﺮ ﺍﻟﻠﻪ ﺛﻮﺏ ﻗﺼﻴﺮ ﻳﻔﻀﺢ ﻣﺎﻳﺴﺘﺮ ﻣﻦ ﺻﺒﺎﺣﻴﺔ ﺍﻟﻠﻪ !!
ﺳﺎﺟﺪﻩ .. ﻫﻠﻪ ﺑﺴﺖ ﺍﻟﺤﺴﻦ ﺷﻠﻮﻥ ﺟﺎﺑﺖ ﺭﺟﻠﺞ ﻻﺯﻡ ﺍﻟﻤﻬﻨﺪﺱ ﻋﺎﻓﺞ ﻭﺍﺟﻴﺘﻲ ﺍﺩﻭﺭﻳﻦ ﻟﺤﻤﻪ ﻣﻦ ﺟﺪﻳﺪ !! ﺗﺮﻯ ﺧﻠﺼﻨﻪ ﺣﺘﻪ ﻋﺰﻳﺰ ﻭﻣﺎﻧﻨﺪﻟﻪ ﻭﻳﻦ ﻣﻨﻴﻦ ﺍﻧﺠﻴﺒﻠﺞ ؟؟
ﻗﺒﺲ .. ﺷﻜﺪ ﺳﺎﻗﻄﻪ ﺍﻧﺘﻲ ﻭﻛﺢ ... ﻣﺎﺍﻟﻮﻣﺞ ﻻﻥ ﺍﻣﺞ ﻭﺍﺧﻮﺍﺗﺞ ﻛﻠﻜﻢ ﻧﻔﺲ ﺍﻟﺰﺑﺎﻟﻪ ﺑﺲ ﻣﻮﻣﻌﻨﺎﺗﻬﻪ ﻻﺯﻡ ﺷﻜﻮ ﻭﺍﺣﺪ ﻋﺮﻓﺞ ﺍﻃﻤﺴﻴﻦ ﺭﺍﺳﻪ ﺑﺎﻟﺨﻴﺴﻪ ﻣﺎﻟﺘﺞ !!
ﻳﻤﺞ ﺍﻧﻲ ﺑﻜﺎﻋﺞ ﺗﺪﺭﻳﻦ ﺑﻴﻪ ﻳﻮﻡ ﻋﺸﺮﻩ ﺍﻧﻲ ﻃﺎﻟﻌﻪ ﻣﻦ ﻋﻨﺪﺝ ﺷﺘﺮﻳﺪﻳﻦ ﻣﻦ ﻋﻨﺪﻱ ﻭﻫﻴﺞ ﺗﺎﺫﻳﻨﻲ ﺗﺨﺎﺑﺮﻳﻦ ﻳﻮﻣﻴﻪ ﻟﺒﺸﺎﺭ ﻭﺗﻠﻔﻘﻴﻦ ﺣﺠﻲ ﻛﻠﻴﻠﻲ ﺷﺮﺍﻳﺪﻩ ﻓﻬﻤﻴﻨﻲ ﻣﺎﺗﺘﻘﻴﻦ ﺍﻟﻠﻪ ﻉ ﺳﺎﻋﻪ ﻳﺎﺧﺬﺝ ﺷﺘﻘﺎﺑﻠﻲ ﺑﻴﺎ ﻋﻤﻞ ؟؟
ﺳﺎﺟﺪﻩ ... ﻻﺗﻬﻤﻴﻨﻲ ﺗﻌﺎﻟﻲ ﺍﻛﻌﺪﻱ ﻭﺍﻓﻬﻤﺞ ﻛﻠﺸﻲ ﻭﻣﻦ ﺍﺣﺠﻴﻠﺞ ﺭﻭﺣﻲ ﺗﻼﺣﻜﻲ ﺣﻴﺎﺗﺞ ﻻﻳﺨﺮﺑﻮﻫﻪ ﺍﻟﻤﺎﻳﺨﺎﻓﻮﻥ ﻣﻦ ﺍﻟﻠﻪ !!
ﻗﺒﺲ .. ﻃﺒﻴﺖ ﺟﻮﻩ ﻟﻠﻬﻮﻝ ﻣﺤﺪ ﺑﺎﻟﺒﻴﺖ ﻟﻌﺪ ﻋﻠﻴﻤﻦ ﻛﺎﺷﺨﻪ ﻭﻻﺑﺴﻪ ﻋﺒﺎﻟﻲ ﺭﺟﻠﻬﻪ ﺍﻟﻌﺎﺭ ﻫﻨﺎ ﺟﺎﺑﺘﻠﻲ ﻣﻲ ﺍﺷﺮﺏ ﻣﺎﺍﺧﺬﺗﻪ ﻛﺎﻟﺖ ﺍﻭﻛﻔﻲ ﺧﻠﻲ ﺍﺑﺪﻝ ﻭﺭﺍﺣﺖ ﻟﻠﻐﺮﻓﻪ ﺗﺒﺪﻝ ﻭﺍﻧﻲ ﻛﺎﻋﺪﻩ ﻉ ﻧﺎﺭ ﺍﺭﻳﺪ ﺍﻓﺘﻬﻢ ﺷﺘﺮﻳﺪ ﺗﺤﺠﻲ !!!
ﻳﻤﻜﻦ ﻋﺸﺮ ﺩﻗﺎﻳﻖ ﻭﻃﻠﻌﺖ ﻻﺑﺴﻪ ﺩﺷﺪﺍﺷﻪ ﻭﻛﻌﺪﺕ ﻛﺪﺍﻣﻲ ﻛﺘﻠﻬﻪ ﺍﻱ ﺍﺣﺠﻲ ﺳﺎﺟﺪﻩ ﺷﺘﺮﻳﺪﻳﻦ ﻣﻦ ﻋﻨﺪﻱ ﺗﻌﺮﻓﻴﻨﻲ ﻛﻠﺶ ﺯﻳﻦ ﺍﻧﻲ ﻣﺎ ﺍﻧﺘﻤﻲ ﻟﻠﺒﻴﺌﻪ ﻣﺎﻟﺘﺞ ﻭﺍﻓﻀﻞ ﺍﻟﻤﻮﺕ ﻭﻣﺎ ﺍﻧﺘﻤﻴﻠﻬﻪ ﺑﻴﻮﻡ
ﺳﺎﺟﺪﻩ .. ﻻ ﻗﺒﻮﺳﻪ ﺭﺍﺡ ﺗﻨﺘﻤﻴﻦ ﻏﺼﺒﺎ ﻋﻨﺞ ﻭﻟﺞ ﻣﻦ ﺻﻐﺮﺝ ﻭﺍﻧﻲ ﺣﺼﻠﺖ ﻛﻮﻣﻪ ﻓﻠﻮﺱ ﻣﻦ ﻋﻨﺪﺝ ﻭﺗﻀﻴﻌﻴﻬﻦ ﻋﻠﻴﻪ ﺍﺩﻭﺭﻳﻦ ﻛﺮﺍﻣﻪ ﺑﺲ ﻫﺴﻪ ﺍﻧﺘﻲ ﺍﺟﻴﺘﻲ ﺑﺮﺟﻠﻴﺞ ﻣﺎﺍﻟﺞ ﺣﺠﻪ؟؟؟
ﻗﺒﺲ .. ﻛﻤﺖ ﻭﻛﻔﺖ ﻭﺻﺤﺖ ﺷﺘﻘﺼﺪﻳﻦ ﺟﺎﻥ ﺍﻃﻜﻬﻪ ﺿﺤﻜﻪ ﺷﻌﻠﻮﻫﻪ ﻭﻣﺎ ﺍﺣﺲ ﻏﻴﺮ ﺍﺛﻨﻴﻦ ﺯﻟﻢ ﻳﻄﻠﻌﻮﻥ ﻣﻦ ﻏﺮﻓﺘﻬﻪ ﻭﺑﺲ ﺑﺎﻟﻤﻼﺑﺲ ﺍﻟﺪﺍﺧﻠﻴﻪ ﻭﻫﻲ ﻛﺎﻣﺖ ﺗﺮﻳﺪ ﺗﻘﻔﻞ ﺍﻟﺒﺎﺏ ﻭﺍﻧﻲ ﺍﺻﻴﺢ ﺳﺎﺟﺪﻩ ﺗﺨﺒﻠﺘﻲ !!!
ﻳﺘﻘﺮﺑﻮﻥ ﻋﻠﻴﻪ ﻭﺍﻧﻲ ﺍﺩﻭﺭ ﻣﻨﻔﺬ ﺍﻃﻠﻊ ﻣﻦ ﻋﻨﺪﻩ ﻫﻮ ﻫﻮﻝ ﻭﺑﻲ ﺑﺲ ﺑﺎﺏ ﻣﻨﻴﻦ ﺍﻃﻠﻊ ﻭﻭﺍﺣﺪ ﻻﺯﻣﻠﻲ ﺍﻟﺒﺎﺏ ﻭﻭﺍﺣﺪ ﻣﻦ ﺍﻟﺠﻬﻪ ﺍﻟﺜﺎﻧﻴﻪ ﺩﺧﻴﻠﻚ ﺭﺑﻲ ﺍﻧﻲ ﺑﻜﺎﺑﻮﺱ ﺳﺎﻋﺪﻧﻲ ﻳﺎﺍﻟﻬﻲ ....
ﻭﺍﺣﺪ ﻣﻦ ﻋﺪﻫﻢ ﻫﺠﻢ ﻋﻠﻴﻪ ﻟﻮ ﺻﺮﺧﺖ ﺻﻮﺕ ﻛﻠﺖ ﻫﺴﻪ ﺍﺑﻮﺣﺴﻴﻦ ﻳﺴﻤﻌﻨﻲ ﻭﻳﺠﻲ ﻭﻫﻢ ﻳﻀﺤﻜﻮﻥ ﻭﺍﻧﻲ ﺍﻓﺮﻓﺢ ﺑﻨﺼﻬﻢ ...
ﻫﺎﻫﻲ ﺷﺮﻓﻲ ﺍﻟﺠﺒﺘﻪ ﺍﺣﺎﻓﻆ ﻋﻠﻲ ﻛﻞ ﻫﺎﻱ ﺍﻟﺴﻨﻴﻦ ﻭﺍﻟﺒﺎﺭﺣﻪ ﺍﺭﻳﺪ ﺍﺛﺒﺘﻪ ﻟﺒﺸﺎﺭ ﻭﺧﻠﻴﺘﻪ ﻳﻄﻤﻦ ﻭﻣﺎﻗﺒﻞ ﺍﻓﺤﺺ ﻻﻥ ﺛﻖ ﺑﻴﻪ !! ﻭﺑﻌﺪ ﻣﺎ ﺍﻟﻜﻞ ﻋﺮﻑ ﺑﻴﻪ ﻫﺴﻪ ﺭﺍﺡ ﺍﺧﺴﺮﻩ ﻫﻨﺎ ﻭﺍﻃﻠﻊ ﻛﺪﺍﻡ ﺑﺸﺎﺭ ﺟﺬﺍﺑﻪ ﻭﻣﻦ ﺑﻨﺎﺕ ﺍﻟﻠﻴﻞ !!!
ﻣﺜﻞ ﺍﻟﻤﺘﻤﺴﻚ ﺑﻄﺮﻑ ﺣﺒﻞ ﺿﻌﻴﻒ ﻭﻳﺴﺤﺐ ﺑﻴﻪ ﺑﺸﺎﺭ ﺑﺲ ﺣﺘﻪ ﺍﻃﻠﻊ ﻣﻦ ﺍﻟﻤﺴﺘﻨﻘﻊ ﺍﻟﻮﻛﻌﺖ ﺑﻲ !! ﻭﺍﺧﺎﻑ ﺍﻟﺘﻔﺖ ﻭﺍﺑﺎﻭﻉ ﻟﻠﻈﻼﻡ ﺍﻟﺪﺍﻣﺲ ﺟﻮﺍﻱ ﻭﻓﺠﺄﻩ ﻳﻨﻘﻄﻊ ﻫﺬﺍ ﺍﻟﺤﺒﻞ ﻭﻳﺮﻭﺡ ﺑﺸﺎﺭ ﻭﺍﻧﻲ ﺍﻏﻮﺹ ﺑﺎﻟﻈﻼﻡ ﻭﺍﺻﺮﺥ ﻭﻣﺤﺪ ﻳﺴﻤﻌﻨﻲ !!!
ﻳﺘﺒﺒﺒﺒﺒﻊ ... ﻣﺘﺎﺑﻌﻪ ﺷﻴﻘﻪ
