خدلتني

الحياة الوردية

الكاتبة: Hafsa El. 💔خذلتني💔
ظننتك مختلف عن الآخرين
ظننتك ملك من السماء
حتى أيقظتني من حلمي الوردي
وأريتني حقيقتك المؤلمة
هل حقا أنت هكذا؟
هل حقا خذلتني؟
أظن أنني أضعت عقلي عند وقوعي في حبك الزائف
*************
في أحد الأحياء عادية ديال الطبقة المتوسطة فمدينة مراكش كنسمعو صوت الموسيقى مجهدة من أحد المنازل لي مصبوغة بالوردي نقربوا شوية باش نشوفوا شكون لي طالق هد الموسيقى فهاد المنزل كنلقاو واحد الولد وبنت گالسين و كيغنيو مع الموسيقى لي كانوا طالقين وكانت من نوع الهيب هوب وكانوا لابسين واحد لباس غريب علينا نقول Streatwear نقربوا مزال شوية كنلقاوهوم فاتحين الكاميرا و كيغنيو أو كيتدربوا على الأغنية لي تالقين البنت تكون في 20 من عمرها متوسطة الطول طاي مانكان شعرها تاهو متوسط الطول هه ع و رطب عينيها فحال شعرها لونها قمحي و الولد لي حداها ف تاهو فالعشرين من عمرو أبيض البشرة عينيه كحلين عندوا لحية خفيفة كتدل على بداية النضوج ديالوا شعروا كحل و رطيطب طويل شوية فصالتوا كأي دري فعمروا. نزيدوا نقربوا نشوفوا شنو كايگولوا من بعد ما حبسوا داكشي لي كانوا كيديروا
آية: أوفف عييت من قبيلة وانا نحفظ فيها وتقول واش بغات تحفظ ليا
يوسف: عاودي حاولي شنو خاسرة أنبقا معاك حتى تحفظيها ما تابعنا والوا
آية: من نيتك وداك الإمتحان لي عندنا بعد غذا إلا منجحتش بابا أيقتلني كيضلوا يصيفطوا الفلوس باش نقرا فاللخر منجحش أنقو*ها
يوسف: نسيتوا. الحمدلله فكرتيني فيه إلا منجحتش أيجري عليا با ,نتي بعدا گاع إلا مانجحتيش تزوجي بشي ساعودي بوكو حبة
آية:(ضرباتوا بمرفقها لجنبوا) الله ينجيني فمك لاحسوا كلب بيتليك دقة مالقيتي متقول تفو
يوسف: بلاما تديري فيها زعما بنادم راه Different عارفك تنتي شي نهار أتطيحي فشي واحد وتبقاي تفرعي ليه راسوا بإيمتا تجي لدارنا
آية: أويلي ماشي تال ديك الدرجة مغنوصلش لديك الدرجة تالذل تاني. گاع نقولوا أندير شي غولاصيون أتكون غا لتدواز لوقت وصافي
يوسف: (درعها) دبا نشوفوا (جرها) زيدي نقصيو شي حاجة راه خوك مات بالجوع
آية: تشهيت شي حرشة مع شي كويس تآتاي يكون منعنع
يوسف: هي لولا نمشيو لعند المخبزة المعلومة كتديرها مقو*ة وندوزوا عند عمي دريس ناخدوا شي شفينجات و شي بريريد تآتاي مشحر كيما كيعجبك
آية:(جرات ليه حنوكوا) أحح كتفهمني شتي نهار نفكر نتزوج أنجي نخطبك
يوسف: الله ينجيني منك أنا أصلا أنبقا بايرر
آية: نت لي خاسر أتضيع هد الزين كامل
يوسف: أين الزين أنا لا أراه
آية: حيت نت حول
يوسف: (جرها من قبها) زيدي براكة من الهضرة الخاوية راه أنسخف بالجوع
آية: وطلق مني أزبل هانا غاديا
فيقها من سهوتها صوت باباها كينادي عليها من الأسفل
الأب: آية آية هبطي تاكملي داكشي لي بديتي
مسحات دمعة تسللات ليها من عينيها بعدما تفكرات ذكرى جميلة من ذكرياتها
آبة: واخا أبابا أنا هابطة
هبطات من الناموسية ولبسات بانطوفتها و نزلات للتحت. جات باباها من اللور وعنقاتوا
آية: يخليلي لي كيفكر فيا و فخذمتي
الأب: علاه شحال عندي من آية (دورها عندوا وشد ليها حناكها) راه نتي لي عندي ولي بقيتي ليا من ماماك
قاطعات هدرتهوم الخذامة وهي كتخبرهوم بلي الغذاء واجد
آية:(قبطات ليه فيديه وجراتوا) يالاه نتغداو باش نكمل خدمتي راه ديك القضية مهمة ليا
مشاو گلسوا فالصالة لي كانت بفراش عصري طبلة كبيرة ودايرين بيها كراسة گلسوا كيتغداو وكيتناقشوا حول القضية لي كانت شاداها ومرة مرة كيشد فيها و يضحكوا. كملوا غذاهم وطلعات للبيرو ديالها باش تكمل خدمتها ماكملات تال ليل تعشات تما ناضت تعگزات وهبطات للتحت تشرب من بعد طلعات لبيتها ونعسات من بعد ما غسلات سنانها ومشطات شعرها.

شنو كتظنوا السبب لي خلا آية تبكي فاش تفكرات الماضي؟ وأشنو السبب هاد التغيير فآية
لايك للتشجيع❤