Feel Me 2020

FEEL ME 6: UNKNOWN CALLER

"Oh, ba't parang nakakita ka ng multo at gulat na gulat ka?" Takang tanong nito. Agad naman akong napahawak sa aking mukha at dito ay naramdaman ko ang panlalamig nito hudyat na nenenerbiyos ako.

"Ba't nanggugulat ka Dave?" Inis kong sagot dito at dali dali akong ngumiti baka magtaka siya kung bakit ganito ako kung kumilos.

"Anyways, anong ginagawa mo dito?" Tanong ko sa kanya at tanging kibit balikat lang ang kanyang sagot. Obvious naman na kakain siya alangan namang magpagupit siya dito diba?.

Tahimik kaming dalawa...

Sumabay sa pagkain si Dave at ang loko maraming inorder na parang may papyesta, kainin ko daw yun lahat. Para naman akong kakatayin nito.

Nasa kalagitnan kami ng pagkain ng biglang tumunog yung telepono ko hudyat na may tumatawag sa akin.

Tinitigan ko muna ang aking telepono bago ko ito sagutin at tanging numero lang ang nakalagay dito.

Sinagot ko na ito. Pinakinggan ko muna ito ng ilang sandali.

"Hello?" Litanya sa kabilang linya. Hindi ko kilala kung sino itong tumatawag.

"Hel---" putol kong sagot dahil agad nitong pinatay ang tawag. Nagkibit balikat nalang ako bago ilapag sa mesa ang aking telepono at pinagpatuloy ko ang pagkain.

Sarap na sarap akong kumakain ng tumunog uli yung phone ko. Hindi ko ito pinansin baka yung unknown caller na naman yung tumatawag. Ilang beses itong tunog ng tunog ng mainis ako't sinagot ito.

"Ano ba? Sino kaba? Alam mo unang una hindi kita kilala naiistorbo mo na ako ng sobra alam mo bang kumakain ako at nakakaabala kana. Kung may gusto kang sabihin, sabihin mona hindi yung pinapahulaan mo sa akin kung ano kailangan mo. Ano ba kasi kailanga----" inis kong saad dito e kasi ang kulit kanina pa tawag ng tawag. Putol ko ding litanya dahil sa agad itong sumagot.

"To my office now?" Galit nitong saad sa kabilang linya na sa pagkakaalam ko ay lalaki ito. Sino yun? Mukhang pamilyar yung boses niya.

"Hello Mr. Sandoval. This is Ms. Suarez, si Mr. Cortez ang kausap mo kanina. Pinapapunta ka niya dito sa office niya ngayon din. May mahalaga daw siyang sasabihin sa'yo." Wika nito sabay patay ng telepono.

Napanganga ako sa aking narinig. Si sir pala ang kausap ko kanina at galing sa kompanya ang numero na yun. Agad naman akong nahiya sa aking ginawa. Pinagalitan ko pa siya sa telepono sa pagaakalang siya yung unknown caller na tumawag sa akin kanina, hays ang tanga ko kasi.

Dali dali akong tumayo at nagpaalam kay dave na apura sa pagkain at tanging tango lang ang kanyang naisagot dahil sa puno ang bibig nito. May katakawang taglay pala ang isang ito.

Agad kong tinahak ang daan papuntang kompanya at ibayong kaba ang aking naramdaman dahil sa tagpong naganap sa pagitan naming dalawa ni Raymond. Natagpuan ko nalang ang aking sarili na nakatapat sa pintuan at binuksan ito.

Isang nakabusangot na mukha ng mayabang na 'to ang aking nadatnan at parang galit.

"Where have you been?" Seryosong sagot nito.

Hindi ko siya mabasa dahil wala akong nakikitang emosyon sa kanya.