حب حلال ( روايات ليبية )

حلقة 14🔥

وصباح يوم تاني بعد فتحت عيوني لقيت وجه مقابلني ابتسمت وبست خده وصبيت من جنبه وهو حس عليا تكسل وانا ضحكت عليه وهو رد رقد اخرا
ابتسمت وهمست نوم العوافي وخشيت دوشت وبعد طلعت لقيته مزال راقد ابتسمت طلعت ودرت كافي وقعدت نرجا فيها وهي قعده عالنار ونفكر فيه وما فطنت للقهوه يلي قريب اتفوج حتى حسيت بيه ورايا ويده عالغاز طفه عليها وهو حاضني من خلفي وانا توترت 🙈 وقلبي قعد يدق وهو ماتحركش وانا ضحكت شنو راقد وانت مصبي لفني بحركه سريعه منه وانا شهقت وهو مغمض عيونه كيف دارها لفيت يدي علي رقبته وهمست انت مجنون ومابش يفتح عيونه نبي نشوفهم في نفسي افتحهم وهو حضني الله ما احلاه حضنه وهمسلي صباحوو حبي وبحت فيا اسف علي برادتي ع صبح وضحك وانا ضحكت معاه انا استغربت قلت كنه مغمض عيونه وهو قال ما انا كنت راقد في الظلام وانتي النور أمتعي فإذا فتحت عيوني وأنا شايف النور القوي هضا يمكن نفقد بصري 😜 تبيني نفقده وانا ضحكت لا انت اكيد اكيد مجنون ولفيت صبيت القهوه وقعدت وهو ابتسم وقال مجنون فيك وقرب باس خدي انا ماشي ندوش وعدا وانا ابتسمت وهمست مجنون بس نعشقه ❤
ومن بعد طلعته وتجهيزه  لنفسه جاني وكان متأنق ابتسمت له وقرب باس راسي حبيبتي تبي شي نجيبه معايا وانا قلت نبي سلامتك وبس ❤ وهو ابتسم سلامتي هي أنتي واممم وانهي القصه بسرعه 😜
لما انجي توقفي حطي هالشي في راسك تبي تكتبي اكتبي لما نمشي الشغل اوكي وانا ضحكت باه ❤
وهو قرب همسلي راه نغار انا وخطف مني بوسه وطلع وهو يضحك علي شكلي كيف قعد توا وانا ابتسمت ومن بعد مشيته لسراج للمستشفي انا برمت عالحوش وعديت لغرفتنا لقيته ضامها ابتسمت خديت مخده يلي كان راقد عليها وشميتها وهمست ربي يحفظك ليا وما يحرمني منك ❤ وعديت لغرفة المكتب وبديت نكمل في القصه 📝

امممم انا قعدت نتابع في اخباره وخاصة بعد تحسن وعدا سافر انذكر وقتها بكيت واجد عشان عدا قعد بعيد عليا واجد بس في القلب قريب والله مسحت دموعي وقعدت نتفرج علي صوره واليوم هو الموعد يلي بابا ياخد ردي شفته خش عليا سكرت تليفون بسرعه وقعدت كويس وبحتت فيه وهو قالي كيف حال بنتي اليوم وانا توترت وقلت الحمدلله يا بابا
وهو قال بعد وقت هاا شنو ردك علي ولد عمك وانا قعدت ساكته ومارديتش عليه وبعد وقت قلت بس ماتزعلش مني يا بابا وهو هز راسه وقال الزواج مش بالغصب وانا مانبي نكون قاسي ونجبرك ونكون سبب تعاستك لقدام ولا نبي نغضب ربي لان الزواج مش لعبه وكيف ما كان قرارك انا نعاود وانقول امعاك
وانا قلت بسرعه انا رافضه مانبيش نتجوز ونبي نكمل مشوار طموحي وبابا هز راسه كنت عارف بس انتي رافضه الزواج توا او راضه ولد عمك وانا رديت بهدوء انا رافضه الاتنين يا بابا ويحي مش مناسب ليا وانا صليت ماتريحتش وربي يبعتله بنت الحلال ونزلت راسي وكنت خايفه وهو رفع راسي بصبعه وقالي عليش منزله راسك وخايفه انتي ما غلطتي يا بنتي هذي حياتك وبرحاتك وانا حانقوله ان مافيش نصيب وانا شكرته وحضنته وبست راسه شكرا يا بابا وهو ابتسم مافيش شكر بينا يابنتي وابتسم وطلع وانا فرحت وبعد كم ساعه لقيت سراج باعتلي ان وصل لمطار لندن الدولي وانا ابتسمت وبعتت الحمدلله علي السلامه وهو قالي انا ديما انقول ان سلامتي هي انتي لما تكوني بخير نكون بخير انا فكوني ابخير ❤ وانا ابتسمت وقلت انا عطيت ردي لبابا وهو حول نضارته من عيونه وشنو ردك وانا بعد وقت قلت رفضته 🙈
وسراج ابتسم وقال فرحني هالخبر ❤ وانا يلي طايره من الفرح سكرت عليه وقعدت نبتسم ونحلم بيه ههههههه جنني هالانسان والله انا نعترف اني نحبه اها حبيته وما ننكر اني مجنونه فيه يارب يكون من نصيبي لو انت ياربي كاتب ان يكون ليا ماتحرمنا من بعضنا واجمعنا مع بعضنا 🙌 بكل خير ياربي وانا عارفه ان صادق بمشاعره هو ما يكذب هو يحبني فعلا وابتسمت واذكرت كلمته قبل اسبوع أن حانكون حلاله وان هو مش ناوي الحرام ابدا ابتسمت وغمضت عيوني واحلامي فيه كاتره هالايام 🔥

وهديل قالت لي امير موافقتها علي عمر وهو ابتسم وقال اهم شي انك استخرتي وهي هزت راسها وامير باس راسها كبرتي وحاتقعدي عروس يابنت وهديل تحشمت وهربت منه وهو ضحك وقال لعمر رد هديل وبعد ايام تمت خطبتهم رسمي وهي كانت جميله جدا وبعد الحفلة متع خطوبه وانا روحت بعد حضرتها دغري حكيت مع سراج لقيته باعتلي وينك دلالي وبعتلي صور من ضمنهم صوره و وراه بنت ولعت نار الغيره فيا واتصلت بيه وهو كان دايرها بالعاني يبي يعرف مشاعرها اتجاهه ورد وانا قلت بصوت نحاول يكون طبيعي من البنت يلي مصبيه وراك وهو ضحك وماعش وقف وانا استغربت وهو يقول عاودي شنو قلتي وانا قعدت نهديي في نفسي وعاودت كلمتي وهو انفجر ضحك اخرا وهالشي عصبني عليش تضحك توا وهو قال لانك اتحبيني 😜 وعرفتهاا وانا وجهي قعد احمر وعرفته دايرها بالعاني سكرت في وجه وانا قلبي ما هداه بكل ❤🔥 وفرحه لا توصف بللي انحس بييه يجنن بكل هالاحساس 🙈

وامير من مشيت عمر وعيلته صبا وخش للصاله ولقاه امه ماسكه مالك وتلعب فيه ابتسم وقال وين نهله وهي اشرت عالحمام مش عارفه كنها من جيتكم وهي ماشيه جايه للحمام وهو عدا دق عليها نهله حبي
افتحي ونهله جففت وجها بعد غسلاته وطلعتت وهو مسك يدها بحنين وبحت فيها كنك شنو اتحسي وهي حضناته وماردتش استغرب وشالها لغرفته القديمه وهو عازب وحطها علي سريره وبحت فيها كنك ردي وهي مسكت يده خليك جنبي وبس نبيك اتكون جنبي وابتسمت بوجع اتحس فيه وقالت انا انحبك ونبي نرقد في حضنك وهو قعد يبحت فيها لوقت وقربها منه ورقدها في حضنه وقال شكلك متعت نوم وحاتعلميني نكون زيك وتعوديني وهي ابتسمت غصبا عليها وحبست شهاقتها وحطت يدها علي بطنها وغمضت عيونهاا وبعد وقت من الهدوء هو قال نهله حبيبتي كنك قبل ديما تضحكي رايفت علي ضحكتك وماردتش عليه بحت فيها بعد حولها من عليه وقال نهله حبيبتي ردي عليا وهي ماردتش وهو قال انتي نومك خفيف ليش ماترديش عليا وماحلك رقدتي نحنا قبل مانجوه هنا كنتي راقده ونوضتك حرام عليك انا نرايف عليك قعدت معقوله هك حملك تاخديه كله نوم قعدت نغار حتى من النوم رايفت عليك رغم وجودك جنبي والله مرايف علي صوتك وضحكتك ورومانسيك ليش متغيره وماعش اهتميتي بيا ليش وقرب باس راسها بوسه حب طويله وبعد ماعش ردت ولا تحركت بحت فيها وتنهد وقال حانطر نتصرف هك ورش عليها اميه علي وجها ينابش فيها بس ماردتش عليه وهنا بدت النار تولع فيه 🔥
والخوف يجري في عروقه 😨 حبيبتي

#يتبع

🔥 روايات سلطانه كوكي  🔥