ندي قلبي

البارت الثامن

ضحك اياد وقالها نداء تحت معاهم ومتقلقيش عليها واكيد ريم وامي مش سيبنها

ندى حست بطمئنان شوية وقامت فكت الحجاب واياد بصلها وقال
شعرك حلو اوووي يا ندي لسه زي ما هو بس طول اكتر لسه مانستش شكله

ندى اتكسفت وبصت في الارض وبعدها اياد مسك ايدها وباسها وقالها

انا بحبك اوووي يا ندي اوعي تخافي من اي حاجة طول ماانا جنبك ماشي ياروحي لازم تعرفي اني بخاف عليكي اكتر من روحي وحياتي كلها وباس ايدها تاني وقال : اوعدك من اللحظه دي مش هخليكي تحسي بحزن او خوف او وحده هكون ليكي كل حاجه وربنا يقدرني واسعدك يا روحي

ندى : انا بحبك اوووي يا اياد وعمري ماهحس بخوف وانا جنبك بس اوعدني انك متسبنيش بحبك من وانا صغيرة من اول مره شوفتك فيها من ساعة مافتحت عيني فتحت عيني وانا بحبك لما سافرت حسيت ان روحي اتسحبت وكنت بصبر نفسي بوعدك ليا وانك قولتلي انك مش هتنساني سلسلتك كنت بحضنها كل يوم كانت بتحسسني انك جنبي وفي قلبي

اياد سمع كلامها وحضنها جامد اووي لدرجه ان ندي حست انها هتدخل جوه ضلوعه وقالها  بعشقك يا ندي قلبي بعشقك وبحبك وبموت فيك

اياد بصلها وساب قلبه هو اللي يحكلها عن كل اللي مر بيه في بعدها عنه وفعلاً اثبت لها ان الحب افعال لا اقول الحب للفرسان الشجعان وهو كان فارس قلبها وهي كانت ندي قلبه وامنيه حياته.

************************

تاني يوم صحي اياد وفضل باصص لندى وهو فرحان مش مصدق ان حلم عمره اتحقق عنيه بتتحقق من تفاصيلها شعرها الي مفرود جنبها وهي نايمة ابتسامتها اللي باينه ومبينه ان هي بتحلم بحلم جميل وقتها قال في سره وبثقة اكيد بتحلم بيا مسك ايدها باسها و ندى صحيت علي حركته دي ولقيته بيبصلها اتكسفت وقالت : صباح الخير

اياد بفرح وعيون بتلمع : صباح الورد والفل والجمال وكل حاجة حلوة لا انا كده هيجرالي حاجة لو هشوف الحلاوة دي كل يوم

ندى بلهفة وخوف : بعد الشر عليك ماتقولش كده ان شاءالله انا وانت لا انا مقدرش اعيش يوم من غير وجودك جنبي يا اياد

اياد باس دمغها وقالها : بعيد الشر عننا احنا الاتنين يا قلبي ربنا يبارك ليا في عمرك ويبارك لي فيكي انا عايز اعيش عمري كله معاكي يا ندي انا حاسس اني لو ربنا اداني عمر وعشت معاكي مية سنه مش همل منك كفايه عليا اشوفك جنبي كل يوم واتمتع بإبتسمتك دي يا حبيبتي يلا صحيح قومي بسرعه عشان نلحق نفطر ونجهز عشان ميعاد الطيارة وغمز لها وهو بيبوس راسها وبيقوم بسرعه من السرير

ندى اتفاجئت وقالت : طيارة ليه مش احنا هنروح شرم مش مستهلة طيارة

قالها وهو بيضحك : لاء دي مفاجئة انا قولت شرم في الاول عشان ماتساليش وتضيعي المفاجئة اللي عاملهالك انا عارف فضولك واني هضعف ادامك