ﻗﻤﻊ ﺍﻟﻤﺸﺎﻋﺮ .... ﺍﻟﺒﺎﺭﺕ ﺍﻟﻮﺍﺣﺪ ﻭﺍﻟﺜﻼﺛﻮﻥ
ﻟﻠﻜﺎﺗﺒﺔ ﺯﻫﺮﺍﺀ ( ﺭﻭﺯﺍﻳﻪ ) ...
ﺭﺩﻧﺔ ﻧﺤﻠﻢ
ﮔﺎﻟﻮﺍ ﺃﻧﺘﻢ ﻋﺎﺷﮕﻴﻦ !
ﺷﻌﺎﺷﮕﻴﻦ ؟
ﺍﺣﻨﺎ ﺍﺻﻼً ﺗﺎﻳﻬﻴﻦ ﻭ ﺿﺎﻳﻌﻴﻦ
ﻭﺭﮔﺪ ﻓﻮﮒ ﻋﻴﻮﻧﺔ ﺗﺮﺍﺏ ﺍﻟﺴﻨﻴﻦ ...
.....
ﺍﻡ ﺑﺸﺎﺭ .. ﻳﻤﻪ ﻭﻟﻴﺪﻱ ﺑﻌﺪﻙ ﻋﺮﻳﺲ ﻭﻟﻜﻢ ﻳﺎﻧﺎﺱ ﺍﺑﻨﻲ ﺭﺍﺡ ﻣﻦ ﺍﻳﺪﻱ ﺍﺑﻦ ﺍﺧﻮﻱ ﻛﺘﻠﻪ ﻭﺗﻀﺮﺏ ﻉ ﻭﺟﻬﻪ ﻭﺍﻟﺠﻴﺮﺍﻥ ﻛﻠﻬﻪ ﻣﻠﺘﻤﻪ ﺗﺘﻔﺮﺝ ﻋﻠﻴﻨﻪ ﺟﻨﻪ ﻛﻠﻨﻪ ﻛﺎﻋﺪﻳﻦ ﺑﺎﻟﻄﺮﻣﻪ ﻭﺻﺮﻳﺦ ﻋﻤﺎﺗﻲ ﻭﺍﻟﻔﺎﺟﻌﻪ ﺍﻟﺤﻠﺖ ﺑﻴﻨﻪ ﺧﻠﺖ ﺍﻟﻨﺎﺱ ﻛﻠﻬﻪ ﺗﺠﻤﻊ ﻓﻮﻙ ﺭﺍﺳﻨﻪ ..
ﺍﻡ ﺑﻬﺎﺀ .. ﻛﻮﻟﻲ ﻳﺎﻟﻠﻪ ﺍﻡ ﺑﺸﺎﺭ ﺍﻧﺘﻲ ﺍﻟﻤﺮﻩ ﺍﻟﻤﺆﻣﻨﻪ ﻛﻮﻣﻲ ﺍﺩﻋﻴﻠﻪ ﻣﺎﻛﺎﻟﻮ ﻣﻴﺖ ﻫﺴﻪ ﺑﻬﺎﺀ ﻳﻜﻮﻝ ﺑﻲ ﺭﻭﺡ ﻭﺗﻼﺣﻜﻮ ﻛﻮﻣﻲ ﺩﺍﺩﻩ ﺷﻮﻓﻲ ﺑﻨﺎﺗﺞ ﺷﻠﻮﻥ ﻣﻔﺰﻭﻋﺎﺕ ﻭﺑﻴﺘﺞ ﻣﻔﺘﻮﺡ
ﺍﻡ ﺑﺸﺎﺭ .. ﺍﻧﻲ ﻭﻛﻔﺖ ﻓﻮﻙ ﺭﺍﺳﻨﻪ ﻣﻐﻤﺾ ﻋﻤﺮ ﻭﻟﺞ ﺩﺍﺩﻩ ﺍﺑﻨﻲ ﺑﻌﺪﻩ ﺷﺒﺎﺏ ﻛﺘﻠﻪ ﺍﻟﻤﺎﻳﺨﺎﻑ ﻣﻦ ﺍﻟﻠﻪ ﺍﺑﻦ ﺍﺧﻮﻱ ﺍﻟﺮﺑﻴﺘﻪ ﻛﺘﻞ ﺍﺑﻨﻲ ﺑﻌﺪﻫﻪ ﺗﺼﺮﺥ ﻭﻓﺎﻗﺪﻩ ﻭﻣﺎﺗﻌﺮﻑ ﺍﻟﻜﻠﻤﺎﺕ ﺍﻟﺘﻄﻠﻊ ﻣﻦ ﻋﺪﻫﻪ ﻭﺍﻧﺪﻓﻊ ﺍﻟﺒﺎﺏ ﺣﻴﻞ ﻭﺍﻧﺸﻮﻑ ﺻﺎﺑﺮﻳﻦ ﻣﺎﺧﻠﺖ ﻻﺷﻌﺮ ﻭﻻ ﻣﻼﺑﺲ
ﻛﻠﻨﻪ ﺭﻛﻀﻨﻪ ﻋﻠﻴﻬﻪ ﻻﻥ ﺣﺎﻣﻞ ﺍﺿﺮﺏ ﻣﻦ ﺧﺎﻟﺘﻲ ﺑﺎﻟﻒ ﻣﺮﻩ ﺍﻣﻬﻪ ﻭﺧﺎﻟﺘﻬﻪ ﻻﺯﻣﺎﺗﻬﻪ ﺑﺲ ﺗﺮﻳﺪ ﺗﺪﻓﻌﻬﻦ ﻭﺗﻄﻠﻊ ﺑﺸﺎﺭﻉ ﻭﺻﻮﺗﻬﻪ ﻣﻨﺒﻮﺡ ﻭﻫﻲ ﺗﺼﻴﺢ ﺍﺭﻳﺪ ﻋﻤﺮ ...
ﺻﺎﺣﺖ ﻋﻤﻪ ﺑﺸﺮﻯ ﻭﻣﺮﺕ ﻋﺎﻣﺮ ﻭﻛﻮﻣﻪ ﻛﻮﻣﺘﻬﻦ ﻣﻦ ﺍﻟﻄﺮﻣﻪ ﻛﺎﻟﺘﻠﻬﻦ ﻫﺴﻪ ﻳﺠﻮﻥ ﻭﻣﺎﻳﻘﺒﻠﻮﻥ ﺻﻮﺗﻨﻪ ﺑﺸﺎﺭﻉ ﻛﻮﻣﻦ ﺑﺎﻟﺒﻴﺖ ﻭﺷﺎﻟﻦ ﺻﺎﺑﺮﻳﻦ ﺍﻟﻤﻨﺘﻬﻴﻪ ﻻﺯﻣﺎﺗﻬﻪ ﻣﻦ ﺍﻛﺘﺎﻓﻬﻪ ﻭﺭﺟﻠﻴﻬﻪ ﺗﺴﺤﻞ ﺑﺎﻟﻜﺎﻉ ..
ﺑﻴﺒﻲ ﺗﻨﻮﺡ ﻭﻋﻤﻪ ﺑﺴﻤﻪ ﻻﺯﻣﻪ ﺍﺩﻳﻦ ﺍﻡ ﺑﺸﺎﺭ ﻓﺎﺩﻳﻪ ﻭﺷﺠﻦ ﻛﺎﻋﺪﺍﺕ ﺑﺰﺍﻭﻳﻪ ﻭﻣﻦ ﻛﺪﻣﺎ ﻣﺼﺪﻭﻣﺎﺕ ﺑﺲ ﺍﻟﺸﻬﻜﻪ ﻻﺯﻣﺘﻬﻦ ﻭﻫﺪﻯ ﺣﺘﻪ ﻣﻠﺨﺖ ﺟﻬﺎﻟﻬﻪ ﺗﻤﻠﺦ ﻣﻦ ﻛﺪﻣﺎ ﺟﺎﻧﺖ ﻣﻨﻬﺎﺭﻩ
ﺍﻡ ﺻﺎﺑﺮﻳﻦ .. ﻫﺴﻪ ﻣﺎﺻﺎﺭ ﺳﺎﻋﻪ ﻣﻦ ﺧﺎﺑﺮ ﺻﺎﺑﺮﻳﻦ ﻭﻛﺎﻟﺘﻠﻪ ﺍﺭﻳﺪ ﺍﺭﻭﺡ ﻟﺨﺎﻟﺘﻲ ﻛﺎﻟﻬﻪ ﺭﻭﺣﻲ ﻭﺍﻧﻲ ﺍﺟﻴﺞ ﺍﻟﻤﻐﺮﺏ ﻭﺍﻧﻲ ﻭﻳﺎﻫﻪ ﺗﻤﺸﻴﻨﻪ ﻉ ﺧﺎﻟﺘﻬﻪ ﻗﺮﻳﺒﻪ ﻭﻫﻨﺎﻙ ﻭﺧﺎﺑﺮﻧﻪ ﺍﺑﻮﻫﻪ
ﺍﻡ ﺑﻬﺎﺀ .. ﺟﻴﺮﺍﻧﻪ ﻳﺼﻴﺮﻭﻥ ﺑﺼﻒ ﺑﻴﺖ ﻭﺍﺋﻞ ﺗﺴﻮﻟﻒ ﻟﻨﺴﻮﺍﻥ ﻭﻫﻲ ﺍﻟﻨﻘﻠﺖ ﺍﻟﻨﻪ ﺍﻟﺤﺪﺙ ﺍﺳﻤﻊ ﺻﻮﺕ ﻋﻴﺎﻁ ﻳﻢ ﺑﻴﺖ ﺍﻡ ﻭﺍﺋﻞ ﺑﺲ ﻛﻠﺖ ﻳﺠﻮﺯ ﻭﺍﺋﻞ ﻛﺘﻞ ﻣﺮﺗﻪ ﻻﻥ ﻣﻮﺟﺪﻳﺪ ﻋﻠﻴﻨﻪ ﻫﺎﻱ ﺍﻟﻬﻮﺳﻪ ﺑﺲ ﺷﻮ ﺍﻟﺼﻮﺕ ﻋﺎﻟﻲ ﻭﺻﻮﺕ ﺯﻟﻢ ﻭﻳﻜﻠﻪ ﺍﻛﺘﻠﻬﻢ ﺍﻟﻴﻮﻡ ﻃﻠﻊ ﺑﻬﺎﺀ ﺷﺎﻓﻬﻢ ﻭﺍﺟﻪ ﺻﺎﺡ ﺍﻟﺤﺠﻲ ﻳﻜﻮﻝ ﺑﺸﺎﺭ ﻭﻭﺍﺋﻞ ..
ﻭﺍﻟﺴﻤﻌﺘﻪ ﻣﻦ ﺍﺑﻨﻲ ﻳﻜﻮﻝ ﺑﻴﻨﻬﻢ ﻋﺪﺍﻭﻩ ﻭﻋﺮﻛﻪ ﻭﻭﺍﺋﻞ ﻫﻮ ﺍﻟﺠﺎﻱ ﻣﻦ ﺍﻟﺠﻴﺶ ﻫﺴﺘﻮﻩ ﻭﻣﺎﺧﺬ ﺍﺳﻼﺣﻪ ﻭﺭﺍﻳﺢ ﻟﺒﺸﺎﺭ ﻳﻬﺪﺩ ﻭﻳﺼﻴﺢ ﺑﺎﻟﺒﺎﺏ ﻭﻃﺎﻟﻌﻴﻦ ﻭﺻﺎﻳﺮ ﻏﻠﻂ ﻭﺑﺸﺎﺭ ﻭﻋﻤﺮ ﻣﺎﻋﺎﻳﻠﻴﻦ ﺣﺘﻪ ﻣﺘﻌﺎﺭﻛﻴﻦ ﻭﻳﻪ ﻭﺍﺋﻞ ﻭﻣﺎﺭﺍﻓﻌﻴﻦ ﺍﻟﺴﻼﺡ ﺑﻮﺟﻬﻪ ﻫﻮ ﻻﺯﻡ ﺍﺳﻼﺣﻬﻪ ﻭﻳﺘﻮﻋﺪ ﺍﻟﻬﻢ ﻭﻣﻔﺸﺮ ﻋﻠﻴﻬﻢ ﻭﺑﺸﺎﺭ ﺿﺎﺭﺏ ﻭﺍﺋﻞ ﻃﻠﻘﻪ ﻭﻫﻮ ﺿﺎﺭﺏ ﻉ ﺑﺸﺎﺭ ﺑﺲ ﺟﺎﻳﻪ ﺑﻌﻤﺮ ﺑﺼﺪﺭﻩ ﻭﺍﺛﻨﻴﻨﻬﻢ ﺍﺧﺬﻭﻫﻢ ﻟﻠﻤﺴﺘﺸﻔﻰ ..
ﺍﻡ ﺻﺎﺑﺮﻳﻦ .. ﻟﻮﺷﻤﺎﺗﻜﻮﻥ ﺍﻟﻌﺮﻛﻪ ﺍﻟﺒﻴﻨﺎﺗﻬﻢ ﻣﺎﺗﻮﺻﻞ ﻟﻠﺴﻼﺡ ﺑﺸﺎﺭ ﺭﺟﺎﻝ ﺭﺯﻥ ﻭﻓﺎﻫﻢ ﺷﻠﻮﻥ ﻫﻴﺞ ﻳﺘﺼﺮﻑ ﻣﻮﻫﺎﻟﺼﺎﺭ ﺩﻡ ﺍﻟﺸﻴﻄﺎﻥ ﺷﺎﻃﺮ ﻭﻋﺸﻴﺮﻩ ﻭﺍﺋﻞ ﻏﺮﻳﺒﻪ ﻫﻢ ﻣﺎﺭﺍﺡ ﺗﺴﻜﺖ ﺍﺫﺍ ﻣﺎﺕ
ﺍﻡ ﺑﻬﺎﺀ .. ﻭﺍﻟﻠﻪ ﺩﺍﺩﻩ ﻛﻠﺸﻲ ﻳﻬﻮﻥ ﺑﺲ ﺧﻠﻲ ﻳﻄﻠﻊ ﻋﻤﺮ ﺳﺎﻟﻢ ﻭﺍﻧﻲ ﻫﻢ ﻛﻠﺖ ﺷﻌﺠﺐ ﺗﺼﺮﻑ ﺑﺸﺎﺭ ﻫﻴﺞ ﺗﺼﺮﻑ ﺍﺣﻨﻪ ﺻﺎﺭ ٤٠ ﺳﻨﻪ ﺟﻴﺮﺍﻧﻬﻢ ﻭﻣﻦ ﺍﺟﻴﻨﻪ ﻟﻜﻴﻨﺎﻫﻢ ﻗﺒﻠﻨﻪ ﻭﻣﺎﻃﻠﻌﺖ ﺍﻟﻌﻴﺒﻪ ﻣﻦ ﻋﺪﻫﻢ
ﻭﻋﻴﺐ ﻉ ﻭﺍﺋﻞ ﺭﺟﺎﻝ ﺟﺒﻴﺮ ﻳﻌﺾ ﺍﻻﻳﺪ ﺍﻟﻨﻤﺪﺕ ﺍﻟﻪ ﺗﺪﺭﻳﻦ ﺭﺑﺘﻪ ﺍﻡ ﺑﺸﺎﺭ ﻭﺍﻟﻠﻪ ﺗﺠﻲ ﻣﻦ ﺍﻟﺼﺒﺢ ﺷﺎﻳﻠﻪ ﺻﻴﻨﻴﻪ ﺍﻻﻛﻞ ﻉ ﺭﺍﺳﻬﻪ ﻭﺍﺩﻙ ﺍﻟﺒﺎﺏ ﻋﻠﻴﻬﻢ ﺩﻛﻮﻝ ﺧﺎﻑ ﻣﺎﻳﻠﺤﻚ ﻉ ﺭﻳﻮﻙ ﻭﺍﺋﻞ ﺗﺎﻟﻲ ﻫﻴﺞ ﻳﺠﺎﺯﻭﻫﻪ ﺷﻮﻓﻲ ﺍﻟﻤﺮﻩ ﺭﺍﺡ ﺗﻤﻮﺕ ...
ﻗﺒﺲ .. ﺍﻟﻠﻪ ﻻﻳﺸﻮﻓﻬﻪ ﺍﻟﻌﺒﺪ ﻣﺴﻠﻢ ﻫﺎﻱ ﺍﻟﻔﺎﺟﻌﻪ ﻣﻦ ﺍﻟﻮﺍﺣﺪ ﻳﺼﻔﻦ ﺍﻟﻬﻪ ﻭﻳﻜﻮﻝ ﻟﻴﺶ ﻣﺎﺗﺤﺠﻦ ﻭﺍﻟﻜﻞ ﻻﻣﻮﻧﻪ ﻉ ﺍﻟﺴﻜﻮﺕ ﻭﻫﺎﻱ ﺗﺎﻟﻴﺘﻬﻪ ﻋﻤﺮ ﺑﻴﻦ ﺍﻟﺤﻴﺎﺓ ﻭﺍﻟﻤﻮﺕ ﻭﻣﺮﺗﻪ ﻛﻠﺴﺎﻉ ﻳﻨﻐﻤﻲ ﻋﻠﻴﻬﻪ ﻭﺑﺒﻄﻨﻬﻪ ﻃﻔﻞ ...
ﺍﺫﻥ ﺍﺫﺍﻥ ﺍﻟﻤﻐﺮﺏ ﻭﻳﻪ ﻛﻞ ﻛﻠﻤﻪ ﻣﻦ ﺍﻻﺫﺍﻥ ﺍﻡ ﺑﺸﺎﺭ ﺗﻔﺮﻓﺢ ﻭﺗﺪﻋﻲ ﺍﺭﻳﺪ ﺍﺑﻨﻲ ﺍﺧﺬﻧﻲ ﺑﻤﻜﺎﻧﻪ ﻭﻻ ﺗﻔﺠﻌﻨﻲ ﻭﺗﻔﺠﻊ ﻣﺮﺗﻪ ﺣﺘﻪ ﻣﺎﻧﺘﺠﺮﺃ ﻧﺨﺎﺑﺮﻫﻢ ﻭﻧﺸﻮﻑ ﺷﻠﻮﻧﻬﻢ ﻃﻠﻌﺖ ﺍﻟﺠﻴﺮﺍﻥ ﻣﻦ ﻋﺪﻧﻪ ﻭﻇﻠﻴﻨﻪ ﺑﺲ ﺍﺣﻨﻪ ﻭﺍﺟﻦ ﺍﺧﻮﺍﺕ ﺍﻡ ﺑﺸﺎﺭ ﻭﻛﻞ ﺍﻟﺘﺠﻲ ﻳﺒﺠﻦ ﻟﺤﺪ ﻣﺎﻳﻮﻛﻌﻦ ﻉ ﺻﻔﺤﻪ
ﺻﺎﺭﺕ ﺍﻟﺴﺎﻋﻪ ﺏ٩ ﻭﺍﺟﻪ ﺟﺪﻭ ﻭﺍﺑﻮ ﺻﺎﺑﺮﻳﻦ ﺍﻡ ﺑﺸﺎﺭ ﺭﻛﻀﺖ ﻉ ﺟﺪﻭ ﻭﺍﻭﻝ ﻣﺮﻩ ﺍﺷﻮﻓﻪ ﻳﺒﺠﻲ ﻭﻳﻤﺴﺢ ﺑﻌﻴﻮﻧﻪ ﻳﺎﺭﺑﻲ ﻫﺎﻱ ﺍﻟﺸﻴﺒﻪ ﻣﺎﻟﻬﻪ ﺣﻮﺑﻪ ﻋﻨﺪﻙ
ﺍﻟﺤﺠﻲ .. ﻛﻮﻟﻲ ﻳﺎﻟﻠﻪ ﻳﺎﺑﻨﺘﻲ ﻋﻤﺮ ﺳﺒﻊ ﻭﻣﺎﻳﻌﻮﻓﻨﻪ ﺳﻮﻭﻟﻪ ﻋﻤﻠﻴﻪ ﺍﻟﻄﻠﻘﻪ ﺟﺎﻳﻪ ﺑﺎﻟﺮﺋﻪ ﻭﻫﻮ ﻣﻨﺎ ﻣﺪﺧﻦ ﻭﻛﺎﻟﻮ ﻋﻤﻠﻴﺘﻪ ﺻﻌﺒﻪ ﻭﻣﺎﻣﻨﺘﺒﻪ ﻟﺴﻪ ﺑﺲ ﺧﻠﻲ ﺍﻳﻤﺎﻧﺞ ﺑﺎﻟﻠﻪ ﺟﺒﻴﺮ ﺍﻧﺘﻲ ﻭﺍﻟﺪﻩ ﻭﺍﻟﻠﻪ ﻳﺴﻤﻊ ﻣﻦ ﻋﻨﺪﺝ
ﺻﺎﺑﺮﻳﻦ .. ﺟﺪﻭ ﺍﻟﻠﻪ ﻋﻠﻴﻚ ﺍﺧﺬﻭﻧﻲ ﺍﻟﻪ
ﺍﻟﺤﺠﻲ .. ﻳﺎﺑﻮﻳﻪ ﻭﻳﻦ ﻧﺎﺧﺬﺝ ﺍﻟﻤﺴﺘﺸﻔﻰ ﻣﻜﻠﻮﺑﻪ ﻣﻨﺎ ﺍﻫﻠﻨﻪ ﻭﻣﻨﺎ ﺍﻫﻞ ﻭﺍﺋﻞ ﺣﺘﻪ ﺷﺮﻃﻪ ﻭﺿﺒﺎﻁ ﺍﺟﺖ ﻉ ﻭﺍﺋﻞ ﻛﻮﻣﻲ ﺍﺩﻋﻴﻠﻪ
ﺑﺸﺮﻯ .. ﻣﺎﻣﺎﺕ ﺍﻟﻌﺎﺭ ﻣﺎﻣﺎﺕ ﻭﺻﻮﺏ ﺍﺑﻦ ﺍﺧﻮﻱ ﻭﻋﺎﻳﻔﻲ ﻳﺘﺒﺎﻫﻪ ﻭﺿﺒﺎﻁ ﻭﺍﻛﻔﻪ ﻉ ﺭﺍﺳﻪ ﻭﺍﺑﻦ ﺍﺧﻮﻱ ﻳﻌﺎﻟﺞ ﺑﺮﻭﺣﻪ ﻟﻌﻨﻪ ﺍﻟﻠﻪ ﻋﻠﻲ ﻭﻉ ﺍﻣﻪ
ﺍﻟﺤﺠﻲ .. ﺍﺳﺘﻐﻔﺮ ﺍﻟﻠﻪ ﻣﻮ ﺍﺣﻨﻪ ﺑﻤﺼﻴﺒﻪ ﺛﻠﺜﻴﻦ ﺍﻟﺪﻋﺎﻭﻱ ﻉ ﺍﻟﺪﺍﻋﻲ ﻣﻮ ﻭﻛﺘﻪ ﻫﺎﻟﺤﺠﻲ ﺧﻠﻲ ﻳﻄﻠﻊ ﺍﺑﻨﻪ ﺳﻼﻣﺎﺕ ﻭﻧﺎﺧﺬ ﺣﻘﻨﻪ ﻣﻮ ﺑﺎﻟﻐﻠﻂ ﻭﺍﻟﺴﻼﺡ ﻭﺍﻟﺪﻡ ﺣﺘﻪ ﺍﻟﻠﻪ ﻣﺎﻳﺮﺿﻰ ﺑﻲ ..
ﺑﺸﺮﻯ .. ﺍﻟﻴﺪﺭﻱ ﻳﺪﺭﻱ ﻭﺍﻟﻤﺎﻳﺪﺭﻱ ﻳﻜﻮﻝ ﻣﺮﻛﻪ ﻋﺪﺱ ﺍﺑﻮﻱ ﻋﺒﺎﻟﻪ ﻋﺪﺍﻭﻩ ﺑﻴﻦ ﺑﺸﺎﺭ ﻭﻭﺍﺋﻞ ﺣﻘﻚ ﻣﺎﺗﺪﺭﻱ ﺑﻌﺮﺿﻬﻢ ﺍﻧﻀﺤﻚ ﻋﻠﻲ ﻭﺣﺮﻣﻮﻫﻪ ﻣﻦ ﺷﺒﺎﺑﻬﻪ
ﻗﺒﺲ .. ﻋﻤﻪ ﺷﻮﻓﻲ ﺻﺎﺑﺮﻳﻦ ﻣﻨﺘﻬﻴﻪ ﺧﻄﻴﻪ ﺧﻠﻲ ﺍﺧﺬﻫﻪ ﻟﻐﺮﻓﺘﻬﻪ
ﺑﺸﺮﻯ .. ﻣﺎﺗﺮﺿﻰ ﻫﺴﻪ ﺗﻮﺳﻠﺘﻠﻬﻪ ﺩﻛﻮﻝ ﻣﺎﻃﺐ ﺍﻟﻐﺮﻓﻪ ﺍﺫﺍ ﻣﺎﻳﺮﺟﻊ ﻋﻤﺮ ﻳﺎﺭﺑﻲ ﺷﻨﻮ ﻫﺎﻱ ﺍﻟﻤﺼﻴﺒﻪ ﻧﻜﻮﻡ ﻣﻦ ﻭﺣﺪﻩ ﻭﻧﻮﻛﻊ ﺑﻼﻛﺒﺮ ...
ﻗﺒﺲ .. ﻋﻤﻮ ﻋﺎﺩﻝ ﻛﻠﺴﺎﻉ ﻳﺘﺨﺮﺑﻂ ﻭﺑﺸﺎﺭ ﻣﺎ ﺍﺟﻪ ﻟﻠﺒﻴﺖ ﺍﺑﺪ ﻣﺮﻥ ٣ ﺍﻳﺎﻡ ﺿﺒﻂ ﻭﺍﺣﻨﻪ ﻣﺎﻧﻌﺮﻑ ﺍﻟﻠﻴﻞ ﻣﻦ ﺍﻟﻨﻬﺎﺭ ﻣﻦ ﺑﻮﺍﺟﻲ ﺧﺎﻟﻪ ﻭﺻﺎﺑﺮﻳﻦ ﻭﺍﻛﺜﺮ ﻭﺣﺪﻩ ﺻﺎﺑﺮﻳﻦ ﺑﺤﻴﺚ ﻣﺎﺣﻄﺖ ﺍﻻﻛﻞ ﺑﺤﻠﻜﻬﻪ ﺑﺲ ﺍﻟﻤﻲ ﻭﺗﻮﺍﺳﻴﻞ ﻭﺻﻴﺎﺡ ﻋﻠﻤﻮﺩ ﺍﺑﻨﺞ ﻳﻠﻪ ﺍﻛﻠﺘﻠﻬﻪ ﻟﻔﻪ ﺻﻐﻴﺮﻩ ﺑﺎﻟﻴﻮﻡ ﺍﻟﺜﺎﻟﺚ
ﻭﻧﺴﺎﻝ ﻋﻦ ﻋﻤﺮ ﻣﺎﻣﻨﺘﺒﻪ ﻭﻋﺎﻳﺶ ﻉ ﺍﻻﻭﻛﺴﺠﻴﻦ ﻭﺍﻟﻌﺎﺭ ﻭﺍﺋﻞ ﺍﻟﻄﻠﻘﻪ ﺟﺎﻳﺘﻪ ﺑﻔﺨﺬﻩ ﻭﻣﺰﻗﻪ ﺍﻟﻮﺗﺮ ﻭﻛﻠﺸﻲ ﻣﺎﺑﻲ ﻃﻠﻊ ﻣﻦ ﻋﺪﻫﻪ ﻻ ﻣﻌﻮﻕ ﻭﻻ ﻫﻢ ﻳﺤﺰﻧﻮﻥ ﻭﻃﻠﻊ ﻟﻠﺒﻴﺖ ﻭﺍﻟﻨﺎﺱ ﺗﺮﻭﺡ ﺗﺴﻠﻢ ﻋﻠﻲ ﻭﻳﻜﻠﻬﻢ ﻋﻤﺮ ﺍﺧﻮﻱ ﻣﺎﻋﻨﺪﻱ ﺷﻲ ﻭﻳﺎﺍ ﺍﻧﻲ ﻣﺸﻜﻠﺘﻲ ﻭﻳﻪ ﺑﺸﺎﺭ
ﺑﺲ ﻛﻞ ﻫﺎﻱ ﺍﻻﻳﺎﻡ ﺑﺸﺎﺭ ﺍﺟﻪ ﻣﺮﻩ ﻭﺣﺪﻩ ﺳﺒﺢ ﻭﺑﺪﻝ ﻭﺭﺟﻊ ﺣﺘﻪ ﻣﺎﺣﺠﻪ ﺣﺮﻑ ﻭﺍﺣﺪ ﻭﻛﻞ ﺍﻟﻨﺎﺱ ﺗﺴﺄﻝ ﻋﻦ ﺷﻨﻮ ﺍﻟﻌﺮﻛﻪ ﻣﺎﺟﺎﺑﻮ ﻃﺎﺭﻱ ﺷﺠﻦ ﺍﺑﺪ ﺑﺲ ﻛﺎﻟﻮ ﻣﺘﻌﺪﻱ ﻋﻠﻴﻨﻪ ﺣﺘﻪ ﺷﻴﺨﻬﻢ ﺍﺟﻪ ﻉ ﺟﺪﻭ ﻭﻧﻔﺲ ﺍﻟﻜﻼﻡ ﻛﺎﻟﻪ ﻣﺎﺟﺎﺑﻮ ﻃﺎﺭﻱ ﺷﺠﻦ ﻭﻣﻦ ﻧﺴﺎﻟﻬﻢ ﻳﻜﻮﻝ ﺟﺪﻭ ﺑﺸﺎﺭ ﻣﺎﻗﺒﻞ ﻧﺤﺠﻲ
ﺑﻌﺪ ﺍﺳﺒﻮﻉ ﻳﻠﻪ ﺍﻧﺘﺒﻪ ﻋﻤﺮ ﺑﺲ ﺻﺤﺘﻪ ﺗﻌﺒﺎﻧﻪ ﺣﻴﻞ ﺍﺟﻪ ﻋﺎﻣﺮ ﻭﺑﺸﺮﻧﻪ ﻭﻳﻀﺤﻚ ﻳﻜﻮﻝ ﻭﻳﻦ ﻣﺮﺗﻪ ﻏﻴﺮ ﮔﻠﺐ ﺍﻟﺪﻧﻴﺎ ﺑﺎﻟﺼﻴﺎﺡ ﻭﻳﺼﻴﺢ ﺟﻴﺒﻮﻟﻲ ﺻﺎﺑﺮﻳﻦ ﺍﻭﻝ ﻣﺎﺻﺎﺡ ﺍﺭﻳﺪ ﺍﻣﻲ ﻭﺑﻌﺪﻳﻦ ﻛﺎﻡ ﻳﺼﻴﺢ ﻭﻳﻨﺞ ﺻﺎﺑﺮﻳﻦ ﺷﺎﻟﻌﻪ ﻛﻠﺒﻲ ﻭﻣﺮﻣﺮﺗﻨﻲ ..
ﻣﻦ ﻓﺮﺣﺘﻨﻪ ﺩﻣﻮﻋﻨﻪ ﺗﺠﺮﻱ ﻭﻧﻀﺤﻚ ﻭﺍﺧﺬﻭ ﺻﺎﺑﺮﻳﻦ ﻭﺍﻣﻪ ﻭﺭﺍﺣﻮ ﺷﺎﻓﻮ ﻛﺎﻟﻮ ﺯﻳﻦ ﻳﻮﻣﻴﻦ ﻭﻳﻄﻠﻊ ﺑﺲ ﻛﻮﻥ ﻋﻨﺎﻳﻪ ﻛﺎﻣﻠﻪ ﺑﺎﻟﺒﻴﺖ ﻭﻓﻌﻼ ﻳﻮﻣﻴﻦ ﻭﺣﻀﺮﻭ ﻛﻠﺸﻲ ﺣﺘﻪ ﻣﻤﺮﺽ ﺟﺎﺑﻮﻟﻪ ﻟﻠﺒﻴﺖ ﺧﺎﺹ ﺑﻲ ﻭﻃﻠﻊ ﻋﻤﺮ ..
ﺗﻠﻜﻨﻪ ﻋﻤﻪ ﺑﺸﺮﻯ ﻭﺧﺎﻻﺗﻪ ﻫﻼﻫﻞ ﻭﻋﺒﺎﻟﻚ ﻋﺮﻳﺲ ﻭﺍﻟﺠﻜﻠﻴﺖ ﺗﺮﺳﻦ ﺍﻟﺸﺎﺭﻉ ﺑﻲ ﻭﺟﺪﻭ ﺫﺑﺢ ﻃﻠﻲ ﻭﻭﺯﻋﻮﺍ ﻉ ﺍﻟﻔﻘﺮﺍﺀ ﻫﺴﻪ ﻳﻠﻪ ﺍﺧﺬﻧﻪ ﻧﻔﺲ ﻭﺍﻟﺒﺎﻗﻲ ﻣﺎﻧﻌﺮﻑ ﺷﺮﺍﺡ ﻳﺼﻴﺮ ﺑﺲ ﺍﻟﻤﻬﻢ ﻋﺪﺕ ﻉ ﺧﻴﺮ ...
ﺍﺑﺪ ﻣﺎﺗﻮﺍﺟﻬﻨﻪ ﺍﻧﻲ ﻭﺑﺸﺎﺭ ﺭﻏﻢ ﺷﻜﺪ ﺧﻄﺎﺭ ﻭﻭﺍﻛﻔﻪ ﻳﺎﻣﻲ ﻳﺎﺟﺎﻱ ﻭﻳﻔﻮﺕ ﻣﻦ ﻳﻤﻲ ﺑﺲ ﻻﻳﺤﺎﺟﻴﻨﻲ ﻭﻻ ﺍﺣﺎﺟﻲ ﻭﺍﺻﻼ ﻭﺟﻬﻪ ﻣﮕﻠﻮﺏ ﺑﺤﻴﺚ ﺣﺘﻪ ﻋﻤﻮ ﻋﺎﺩﻝ ﻣﻦ ﻳﺴﻮﻟﻒ ﻭﻳﻪ ﺟﺪﻭ ﺗﺒﺴﺒﺲ ﺣﺘﻪ ﻻﻳﺴﻤﻌﻬﻢ ﻳﻜﻮﻟﻮﻥ ﺍﻋﺼﺎﺑﻪ ﻣﺘﻮﺗﺮﻩ ...
ﺍﻧﻲ ﺭﺟﻌﺖ ﺍﺩﺍﻭﻡ ﻭﺿﻊ ﺍﻟﺸﺮﻛﻪ ﻫﺎﺩﻯﺀ ﻫﻮ ﻳﺪﺍﻭﻡ ﻭﻳﻄﻠﻊ ﻧﺺ ﺍﻟﺪﻭﺍﻡ ﻭﺭﺍ ﺷﻜﻢ ﺳﺎﻋﻪ ﻳﺠﻲ ﺣﺘﻪ ﺍﻫﻠﻬﻪ ﻣﺎﻳﻌﺮﻓﻮﻥ ﺷﻲ ﻋﻨﻪ ﺑﺲ ﺑﻬﺎﻱ ﺍﻟﺴﺎﻋﺎﺕ ﺍﻟﻲ ﻳﻄﻠﻊ ﺑﻴﻬﻪ ﻭﻳﻦ ﻳﺮﻭﺡ ﻣﺎﻧﺪﺭﻱ ...
ﺷﺠﻦ .. ﻣﺮﺍﺕ ﻳﻜﻮﻟﻮﻥ ﺍﻟﻘﻮﻩ ﺗﺘﻮﻟﺪ ﻣﻦ ﺿﻌﻒ ﻭﻣﻦ ﻣﻮﺍﻗﻒ ﺻﻌﺐ ﺗﻨﺴﻲ ﺑﺴﺒﺒﻲ ﺗﺄﺫﻭ ﺍﻫﻠﻲ ﻭﺍﺫﻳﺖ ﺑﻨﺖ ﻋﻤﻲ ﺑﺲ ﻫﺎﻫﻲ ﻣﺎﻋﻨﺪﻱ ﺷﻲ ﻣﺴﺘﻮﺭ ﻭﺍﺧﺎﻑ ﻣﻦ ﻋﻨﺪﻩ ﺻﺤﺘﻲ ﻭﺧﺴﺮﺗﻬﻪ ﻭﻏﻴﺚ ﻭﺍﻧﺘﻬﻰ ﺍﻟﺒﺎﻗﻲ ﺍﻋﻴﺸﻪ ﻟﻨﻔﺴﻲ ﻓﻘﻂ
ﺍﻳﺪﻱ ﺭﺟﻌﺖ ﻃﺒﻴﻌﻴﻪ ﺑﺲ ﺭﺟﻠﻲ ﻧﻬﺎﺋﻴﺎ ﻭﻛﻔﺖ ﻛﻤﺖ ﺍﺩﺍﻭﻡ ﺑﺲ ﺑﻌﻜﺎﺯﺍﺕ ﻣﺎﺣﺒﻴﺖ ﺍﻟﻜﺮﺳﻲ ﻭﺍﻧﻲ ﻣﺘﻌﻮﺩﻩ ﻉ ﺍﻟﻜﻌﺎﺯﺍﺕ ﻳﻌﻨﻲ ﺍﺣﺴﻬﻪ ﻣﺮﻳﺤﻪ ﺍﻛﺜﺮ ﺭﻏﻢ ﺷﻜﺪ ﻭﺍﺟﻬﺖ ﺍﻧﺘﻘﺎﺩﺍﺕ ﻣﻦ ﺍﻟﻄﻼﺏ ﻭﻣﺮﺍﺕ ﻳﻔﻮﺗﻮﻥ ﻣﻦ ﻳﻤﻲ ﻣﺠﻤﻮﻋﻪ ﺑﻨﺎﺕ ﻳﺄﺷﺮﻥ ﻋﻠﻴﻪ ﻭﻳﻀﺤﻜﻦ
ﺑﺲ ﺟﻨﺖ ﺍﺣﺎﻭﻝ ﺍﺳﻴﻄﺮ ﻉ ﻭﺿﻌﻲ ﻭﺍﻋﺼﺎﺑﻲ ﻭﻣﺎ ﺍﻫﺘﻢ ﺑﺲ ﺍﻻﻧﺴﺎﻥ ﻳﺘﺤﻤﻞ ﻳﺘﺤﻤﻞ ﺑﺲ ﻻﺯﻡ ﻳﺠﻲ ﻳﻮﻡ ﻭﻳﻨﻬﺎﺭ ﻭﺍﻧﻲ ﻫﻴﺞ ﺟﻨﺖ ﺍﺿﻐﻂ ﻉ ﻧﻔﺴﻲ ...
ﺑﻴﻮﻡ ﺟﻨﻪ ﻧﺎﻳﻤﻴﻦ ﺑﻠﻴﻞ ﺍﻧﻲ ﺟﻨﺖ ﻣﺎﻧﺎﻳﻤﻪ ﺑﺲ ﻗﺒﺲ ﻭﻓﺎﺩﻳﻪ ﻏﺎﻓﻴﺎﺕ ﺍﻧﻔﺘﺢ ﺑﺎﺏ ﺍﻟﻐﺮﻓﻪ ﺳﻮﻳﺖ ﻧﻔﺴﻲ ﻧﺎﻳﻤﻪ ﺑﺲ ﺷﻔﺘﻪ ﺑﺸﺎﺭ ﻃﺐ ﻟﻠﻐﺮﻓﻪ ﻭﻛﻒ ﻳﻢ ﺭﺍﺱ ﻗﺒﺲ ﺍﻟﺒﻴﻬﻪ ﺣﺎﻟﻪ ﻣﻦ ﺗﻨﺎﻡ ﻣﺎﻳﺜﺒﺖ ﻋﻠﻴﻬﻪ ﻏﻄﻪ ﺷﻔﺘﻪ ﻏﻄﺎﻫﻪ ﻭﻃﻠﻊ ﺑﺲ ﻻ ﻟﻤﺴﻬﻪ ﻭﻻﺷﻲ ﺑﺲ ﺑﺎﻭﻋﻠﻬﻪ ﻭﻏﻄﺎﻫﻪ ﻭﻃﻠﻊ ..
ﻫﺴﻪ ﺍﻛﺘﺸﻔﺖ ﻣﻨﻮ ﻳﻐﻄﻴﻬﻪ ﻳﻮﻣﻴﻪ ﺗﻜﻌﺪ ﺍﻟﺼﺒﺢ ﺗﻜﻮﻝ ﻣﻨﻮ ﻏﻄﺎﻧﻲ ﻻﻥ ﺗﻨﺎﻡ ﺑﺪﻭﻥ ﻏﻄﻪ ﻭﺗﻜﻌﺪ ﺍﻟﺼﺒﺢ ﺗﺤﻠﻒ ﺑﻔﺎﺩﻳﻪ ﻭﻓﺎﺩﻳﻪ ﺩﻛﻠﻬﻪ ﻣﻮﺍﻧﻲ ﻃﻠﻊ ﺑﺸﺎﺭ ﺣﺘﻪ ﺍﻧﻲ ﺭﺟﻌﺖ ﻋﻼﻗﺘﻲ ﺷﺒﻪ ﻃﺒﻴﻌﻴﻪ ﻭﻳﺎ ﺑﺲ ﻭﻳﻪ ﻗﺒﺲ ﻛﻞ ﻭﺍﺣﺪ ﺑﺠﻬﻪ ...
ﺗﺤﺴﻨﺖ ﺣﺎﻟﻪ ﻋﻤﺮ ﻭﻛﺎﻡ ﻳﻜﺪﺭ ﻳﺘﻤﺸﻰ ﺑﺎﻟﺒﻴﺖ ﻭﺻﺎﺑﺮﻳﻦ ﻣﺜﻞ ﻇﻠﻪ ﺗﻔﺘﺮ ﻭﺭﺍ ﺣﺘﻪ ﻣﺮﺍﺕ ﻳﺰﻫﻚ ﺑﻴﻬﻪ ﻳﻜﻠﻬﻪ ﻟﻮﻣﻴﺖ ﻭﻻ ﻫﺎﻱ ﻟﺰﻛﺘﺞ ﻭﻫﻲ ﺗﺰﻋﻞ ﻭﻳﺮﺟﻊ ﻳﺮﺍﺿﻴﻬﻪ ..
ﺍﻛﺘﺸﻔﻨﻪ ﺻﺎﺑﺮﻳﻦ ﺭﻏﻢ ﺗﺼﺮﻓﺎﺗﻬﻪ ﺍﻟﻤﻮﺣﻠﻮﻩ ﺑﻬﺬﻳﺞ ﺍﻟﻔﺘﺮﻩ ﺑﺲ ﻣﺘﻌﻠﻘﻪ ﺑﻌﻤﺮ ﻣﻮﻃﺒﻴﻌﻲ ﺣﺘﻪ ﺩﻛﻮﻝ ﻟﻤﺎﻣﺎ ﺍﻧﻲ ﺍﺣﺒﻪ ﺍﻛﺜﺮ ﻣﻦ ﻋﻨﺪﺝ ﻭﻣﺎﻣﺎ ﺩﻛﻠﻬﻪ ﺍﻱ ﻫﻮ ﺍﻟﺮﺟﺎﻝ ﻣﻦ ﻳﺘﺰﻭﺝ ﺗﻨﺘﻬﻲ ﺍﻣﻪ ﻳﺠﻲ ﺩﻭﺭ ﻣﺮﺗﻪ
ﻏﻴﺚ ﻣﺎﺳﻤﻌﻨﻪ ﺍﻱ ﻋﻨﻪ ﺑﺲ ﻧﺪﺭﻱ ﺑﻲ ﻣﺎﻋﺎﻑ ﻋﻤﺮ ﺑﺎﻟﻤﺴﺘﺸﻔﻰ ﺍﺑﺪ ﻭﺍﻛﻴﺪ ﻭﺍﺋﻞ ﺍﺧﻮ ﻳﻈﻞ ﻭﻳﺎ ﺑﺲ ﻛﻞ ﻫﺬﺍ ﻭﻏﻴﺚ ﻣﺎﻳﺪﺭﻱ ﺑﺎﻟﺼﺎﺭ ﻭﻳﺎﻱ ﻻﻥ ﺑﺸﺎﺭ ﺗﻜﺘﻢ ﻉ ﺍﻟﻤﻮﺿﻮﻉ ...
ﺑﻴﻮﻡ ﻣﻦ ﻋﺪﻫﻦ ﺍﺟﻪ ﻋﻤﻮ ﻋﺎﻣﺮ ﻭﻛﻠﻨﻪ ﻛﺎﻋﺪﻳﻦ ﻭﻛﺎﻝ ﻋﺸﻴﺮﻩ ﻭﺍﺋﻞ ﺗﺮﻳﺪ ﺗﺠﻲ ﺗﺴﻮﻱ ﻛﻌﺪﻩ ﺑﺤﻜﻢ ﻭﺍﺋﻞ ﻫﻮ ﺍﻟﻤﺘﻌﺪﻱ ﻋﻠﻴﻨﻪ
ﺑﺸﺎﺭ .. ﺍﻧﻲ ﺭﺟﻌﺘﻠﻬﻢ ﺧﺒﺮ ﺍﻱ ﻛﻌﺪﻩ ﻣﺎﺍﺭﻳﺪ ﻭﻣﺎ ﺍﺳﺘﻘﺒﻠﻬﻢ ﻧﻬﺎﺋﻴﺎ ﺣﻖ ﺍﺧﺘﻲ ﻭﺍﺧﻮﻱ ﺍﺧﺬﻩ ﺑﺎﻟﻘﺎﻧﻮﻥ ﻭﻣﻦ ﺑﻴﻦ ﻋﻴﻮﻧﻪ
ﺍﻟﺤﺠﻲ .. ﺑﺸﺎﺭ ﺗﺮﻯ ﻫﺎﻱ ﻋﺎﺩﺍﺕ ﻻﺯﻡ ﻳﺠﻮﻥ ﻭﻳﻔﺼﻠﻮﻥ
ﻋﺎﺩﻝ .. ﺑﻮﻳﻪ ﺑﺸﺎﺭ ﺑﺲ ﺍﻋﺼﺎﺑﻚ ﻭﻓﻜﺮ ﺑﻴﻬﻪ ﺗﺮﻯ ﺍﺧﻮﻙ ﺭﺍﺩ ﻳﻤﻮﺕ ﺧﻠﻲ ﻳﺠﻴﺐ ﻋﺸﻴﺮﺗﻪ ﻭﻧﺘﻔﺎﻫﻢ
ﺑﺸﺎﺭ .. ﺑﺸﻨﻮ ﻧﺘﻔﺎﻫﻢ؟؟ ﺗﺮﻳﺪ ﺍﻛﻌﺪ ﺑﻨﺺ ﺩﻳﻮﺍﻥ ﻭﺍﻛﻮﻝ ﺧﻄﻒ ﺍﺧﺘﻲ ﻭﺍﺣﺘﻤﺎﻝ ﺍﻋﺘﺪﻩ ﻋﻠﻴﻬﻪ ﺍﻭ ﻣﺤﺎﻭﻝ ﻳﻌﺘﺪﻱ؟؟ ﻟﻮ ﺍﻛﻮﻝ ﺿﺮﺑﻬﻪ ﻗﺒﻞ ﺳﻨﺘﻴﻦ ﻭﻋﻮﻕ ﺭﺟﻠﻬﻪ ﻭﺍﺣﻨﻪ ﻣﺎﺑﻴﻨﻪ ﺧﻴﺮ ﻭﻣﺴﺘﻘﺒﻠﻲ ﺍﺑﻴﺘﻨﻪ؟؟
ﻣﺴﺘﺤﻴﻞ ﻳﻨﺬﻛﺮ ﺍﺳﻢ ﺷﺠﻦ ﺑﻨﺺ ﻋﺸﻴﺮﺗﻪ ﻭﺷﻮﻓﻪ ﻫﺎﻟﺠﺒﺎﻥ ﻫﺬﺍ ﻟﺴﻪ ﻣﺎﺣﺎﺟﻲ ﻟﺸﻴﺨﻬﻢ ﻭﻣﺤﺪ ﻳﻌﺮﻑ ﺍﻟﺴﺒﺐ ﻣﻮﻳﻮﻣﻴﻪ ﻳﺠﻴﻜﻢ ﻳﺴﺎﻟﻜﻢ ﻋﻠﻴﻤﻦ ﺍﻟﻌﺮﻛﻪ ﻳﺮﻳﺪ ﺍﻛﻌﺪ ﺍﺷﻬﺮ ﺑﺎﺧﺘﻲ ﻳﺤﻠﻢ ﻫﺎﻟﺨﺴﻴﺲ ﻳﺴﻜﺘﻨﻪ ﺑﺸﻜﻢ ﻓﻠﺲ ﻭﻳﻔﺼﻞ ﻭﻳﻄﻠﻊ ﻣﻨﻬﻪ
ﻟﻮﺍﻧﻲ ﻟﻮ ﻫﻮ ﻣﻦ ﺍﻻﻭﻝ ﻣﺎﺟﻨﺖ ﻧﺎﻭﻱ ﺗﻮﺻﻞ ﻟﻬﻨﺎ ﺑﺲ ﻫﻮ ﻋﺎﺭ ﻭﺍﺟﻪ ﺗﻬﺪﺩ ﻋﻠﻴﻨﻪ ﺑﻨﺺ ﺑﻴﺘﻨﻪ ﻭﻣﺎﺭﺩﺕ ﺍﺟﻴﺐ ﺍﻟﻄﻠﻘﻪ ﺑﮕﻠﺒﻪ ﻟﺨﺎﻃﺮ ﺟﻬﺎﻟﻬﻪ ﺍﻟﻴﺘﺒﺎﺟﻮﻥ ﻭﺭﺍ ﺑﺲ ﻫﻮ ﻣﻦ ﺣﻘﺪﻩ ﺟﺎﺏ ﺍﻟﻄﻠﻘﻪ ﺑﺼﺪﺭ ﺍﺧﻮﻱ
ﻋﺎﺩﻝ .. ﻳﻌﻨﻲ ﺗﺮﻳﺪﻫﻪ ﺑﺎﻟﻘﺎﻧﻮﻥ ﻭﻳﻨﻪ ﺍﻟﻘﺎﻧﻮﻥ ﺍﻟﻲ ﺑﺎﻟﻌﺮﺍﻕ ﻭﻳﺎﺧﺬ ﺣﻘﻨﻪ ﺑﺪﻭﻥ ﻓﻀﻴﺤﻪ ..
ﺑﺸﺎﺭ .. ﺍﻧﺘﻢ ﺍﻃﻠﻌﻮﺍ ﻣﻨﻬﻪ ﻭﺭﺟﻌﻮﺍ ﺧﺒﺮ ﺍﻟﻬﻢ ﻛﻞ ﺍﻟﻴﻮﻛﻒ ﻭﻳﺎ ﻭﺍﺋﻞ ﺍﺿﻴﻔﻪ ﺑﺎﻟﺪﻋﻮﻩ ﻓﻠﺖ ﻣﻨﻬﻪ ﺑﺲ ﻣﺎﻳﺴﻜﺘﻨﻪ ﺑﺎﻟﻔﺼﻞ ﻭﺗﻈﻞ ﺍﺧﺘﻲ ﻋﻠﻴﻬﻪ ﻋﻼﻣﻪ ﻭﺍﻟﻨﺎﺱ ﺗﺴﻮﻟﻒ ﺑﻴﻬﻪ ﺑﻬﺬﻳﺞ ﺍﻟﺴﻨﻪ ﺑﺘﻬﻢ ﺭﺍﺩ ﺍﺑﻦ ﺧﺎﻟﻬﻪ ﻳﻌﺘﺪﻱ ﻋﻠﻴﻬﻪ ﺭﺣﻤﻪ ﻟﺪﻳﻨﻜﻢ ﻓﻜﺮﻭﺍ ﺑﻌﻘﻠﻜﻢ ﻭﻋﻮﻓﻮ ﺍﻟﻌﺎﻃﻔﻪ ﻣﺎﻟﺘﻜﻢ ...
ﺍﻧﻲ ﺍﻣﺸﻲ ﺑﻴﻬﻪ ﻭﺍﺭﺟﻌﻪ ﻋﻄﺎﻝ ﺑﻄﺎﻝ ﻳﻠﻪ ﺍﺭﺗﺎﺡ ﻭﺍﻛﻮﻝ ﺍﺧﺬﺕ ﺣﻘﻲ ﻭﺍﻟﻠﻪ ﺍﺫﺍ ﻣﺎﻳﻨﻔﺼﻞ ﻣﻦ ﻭﺿﻴﻔﺘﻪ ﻭﻫﺎﻱ ﻧﺠﻤﺎﺗﻪ ﺍﺩﻭﺳﻬﻦ ﺑﺎﻟﻘﻨﺪﺭﻩ ﻣﺎﺍﻫﺪﺃ ﻭﻻ ﺭﺍﺡ ﺍﺑﺮﺩ ﺑﻴﻮﻡ
ﺷﺠﻦ .. ﺳﺪ ﺍﻟﻤﻮﺿﻮﻉ ﺑﺸﺎﺭ ﻭﺑﻌﺪ ﻣﺎ ﺍﻧﻔﺘﺢ ﻭﺩﺯﻭ ﺷﻴﻮﺥ ﻭﺳﺎﺩﻩ ﺑﺲ ﻧﻔﺲ ﻛﻼﻡ ﺑﺸﺎﺭ ﺍﺣﻨﻪ ﻭﺍﻟﻘﺎﻧﻮﻥ ﻭﻣﺤﺪ ﻋﺮﻑ ﺳﺎﻟﻔﺘﻲ ﻻﻥ ﺟﺎﻥ ﺑﺸﺎﺭ ﻳﺮﺍﻗﺐ ﺍﻟﻜﻞ ﺧﺎﻑ ﻭﺍﺣﺪ ﻳﺤﺠﻲ ﺑﺲ ﻛﺎﻟﻮ ﻋﺪﺍﻭﻩ ﺑﻴﻨﻪ ﻭﺑﻴﻦ ﺑﺸﺎﺭ ...
ﻗﺒﺲ .. ﺻﺎﺭ ﺷﻬﺮ ﻛﺎﻣﻞ ﻭﻋﻴﻦ ﺑﺸﺎﺭ ﻣﺎﺗﺸﻮﻓﻨﻲ ﻭﺍﻧﻲ ﻛﻮﻩ ﻣﺘﺤﻤﻠﻪ ﻛﻠﺴﺎﻉ ﺍﺭﻳﺪ ﺍﺻﻌﺪﻟﻪ ﻭﺍﻧﻬﺪ ﺑﻲ ﺑﺲ ﻓﺎﺩﻳﻪ ﺗﻮﻛﻔﻨﻲ
ﻓﺎﺩﻳﻪ .. ﻗﺒﺲ ﻭﺍﻟﻠﻪ ﺍﺧﻮﻱ ﻭﺍﻋﺮﻓﻪ ﺗﺮﻯ ﻃﺒﻌﻪ ﻫﻴﺞ ﻫﻮ ﻫﺴﻪ ﻣﺘﻨﺪﻡ ﺷﻠﻮﻥ ﻣﺪ ﺍﻳﺪﻩ ﻋﻠﻴﺞ ﺑﺲ ﺍﻛﻮ ﺷﻲ ﺍﻛﺒﺮ ﺑﺪﺍﺧﻠﻪ ﻭﻫﻮ ﺷﻠﻮﻥ ﻳﺎﺧﺬ ﺣﻘﻨﻪ ﻣﻦ ﻭﺍﺋﻞ ﻳﻌﻨﻲ ﺑﺎﻟﻪ ﻣﺸﻐﻮﻝ ﻋﻮﻓﻲ ﻭﺣﺪﻩ ﻳﺮﺟﻊ ﻳﻌﺘﺬﺭ ﻣﻦ ﻋﻨﺪﺝ ...
ﻗﺒﺲ .. ﺍﺻﺒﺮ ﻭﺍﺷﻮﻑ ﻭﻳﻦ ﺗﻮﺻﻞ ﻭﻳﺎﺍ ﺍﻛﻠﺞ ﻋﻤﺘﺞ ﺑﺴﻤﻪ ﻣﺎﻟﻬﻪ ﻧﻴﻪ ﺗﺸﻴﻞ ﻣﻮ ﻛﺎﻟﺖ ﺷﻬﺮ ﺻﺎﺭ ٣ ﺍﺷﻬﺮ؟؟
ﻓﺎﺩﻳﻪ .. ﺍﺑﻨﻬﻪ ﺍﻟﻤﺤﺮﻭﺱ ﻳﺪﺭﺱ ﻭﺷﻔﺘﻲ ﺷﻠﻮﻥ ﺣﻘﻴﺮ ﻭﺍﺫﺍ ﺑﺎﻟﻜﻮﻓﻪ ﻳﻜﺪﺭ ﻛﻞ ﺧﻤﻴﺲ ﻳﺠﻲ ﻫﻴﺎﺗﻬﻪ ﺍﻟﻨﺠﻒ ﻭﻳﻨﻬﻪ ﺑﺲ ﻫﻨﺎﻙ ﻣﺎﺟﺮﻳﻦ ﺑﻴﺖ ﻫﻮ ﻭﺍﺻﺪﻗﺎﺀﻩ ﻭﻋﺎﻳﻒ ﺍﻣﻪ
ﻗﺒﺲ ... ﺣﺘﻠﻮ ﺑﺲ ﺍﻟﻤﻔﺮﻭﺽ ﺗﺨﺎﺑﺮﻩ ﻭﺩﻛﻠﻪ ﺗﻌﺎﻝ ﺗﺎﺟﺮ ﺑﻴﺖ ﻭﺗﻜﻌﺪ ﺑﻲ ﺗﺮﻯ ﻣﺎﻛﺎﻋﺪ ﺍﺗﺤﻤﻞ ﻓﺎﻃﻤﻪ ﻭﻓﺮﺡ
ﻓﺎﺩﻳﻪ .. ﻫﺴﻪ ﻣﺎﻧﺤﺠﻲ ﺧﻠﻲ ﺗﺨﻠﺺ ﺍﻻﻣﺘﺤﺎﻧﺎﺕ ﻭﻧﺤﺠﻲ ﻟﻌﻤﻪ ﺑﺸﺮﻯ ﺣﺘﻪ ﺑﻌﺪ ﻣﺎﻋﺪﻫﻪ ﺣﺠﻪ ﺗﺎﺧﺬ ﺑﻨﺎﺗﻬﻪ ﻭﺗﺮﻭﺡ ﺗﺎﺟﺮ ...
ﻗﺒﺲ ... ﺍﻣﺞ ﻛﺎﻟﺖ ﺑﺎﺟﺮ ﺷﻴﻠﻦ ﺍﻟﻔﺮﺍﺵ ﻭﻏﺴﻠﻦ ﺍﻟﺒﻴﺖ ﻻﻥ ﺟﻤﻌﻪ ﻭﻓﺮﺡ ﻭﻓﺎﻃﻤﻪ ﻭﻳﺎﻧﻪ ﻭﺻﺎﺑﺮﻳﻦ ﺗﺮﻭﺡ ﻻﻫﻠﻬﻪ ﻻﻥ ﺣﺎﻣﻞ ﻣﺎﺗﻜﺪﺭ
ﻓﺎﺩﻳﻪ .. ﺑﺲ ﻓﺮﺍﺵ ﺍﻟﻤﻄﺒﺦ ﻭﺍﻟﻬﻮﻝ ﻧﻐﺴﻠﻪ ﺍﻟﺒﺎﻗﻲ ﺍﺷﺘﺮﻭﺍ ﻫﺎﻱ ﺍﻟﺴﻨﻪ ﺟﺪﻳﺪ ﻭﻧﻜﻌﺪ ﺍﻟﺼﺒﺢ ﻭﻫﺴﻪ ﺗﺸﻮﻓﻴﻦ ﻟﻠﻴﻞ ﻣﺎﻧﺨﻠﺺ ﺑﻴﺖ ﻃﺎﺑﻘﻴﻦ ﺷﻴﺨﻠﺼﻪ
ﺷﺠﻦ ... ﻣﻮﺍﻟﻪ ﻛﻠﻪ ﺑﺎﺟﺮ ﺷﻴﻠﻮ ﻧﺺ ﻭﺑﺎﺟﺮ ﺍﻟﻄﺎﺑﻖ ﺍﻟﺜﺎﻧﻲ
ﻓﺎﺩﻳﻪ ... ﻧﻈﻞ ﻳﻮﻣﻴﻪ ﻣﻬﻮﺳﻴﻦ ﻭﻋﺪﻧﻪ ﺍﻣﺘﺤﺎﻧﺎﺕ ﻋﻤﻪ ﺑﺸﺮﻯ ﺗﺠﻴﺐ ﺣﻮﺭﺍﺀ ﻭﺗﺴﺎﻋﺪﻧﻪ
ﺷﺠﻦ .. ﺻﺪﻙ ﺷﺨﺒﺎﺭ ﺧﻄﺒﻪ ﺣﻮﺭﺍﺀ
ﻓﺎﺩﻳﻪ .. ﺑﻌﺪﻫﻪ ﺑﺲ ﺣﺠﺎﻳﻪ ﻟﺤﺪ ﻣﺎﻳﺘﺨﺮﺟﻮﻥ ﻫﺎﻱ ﺍﻟﺴﻨﻪ ﻛﺎﻟﺖ ﻋﻤﻪ ﻳﺠﻮﺯ ﺑﺎﻟﻌﻄﻠﻪ
ﺷﺠﻦ .. ﺛﺎﻧﻲ ﻳﻮﻡ ﺍﻧﻲ ﻣﺎﻛﻤﺖ ﺑﺲ ﺧﻄﻴﻪ ﺍﻟﺒﻨﺎﺕ ﻭﻋﻤﻪ ﺑﺸﺮﻯ ﻣﻦ ﺍﻟﺼﺒﺢ ﺷﺎﻟﻦ ﺍﻟﻔﺮﺍﺷﺎﺕ ﻭﺍﺣﻨﻪ ﻛﻠﻪ ﺯﻭﺍﻟﻲ ﻭﺛﻜﻴﻼﺕ ﺑﺤﻴﺚ ﻛﻮﻩ ﻳﺼﻌﺪﻧﻬﻦ ﻓﻮﻙ ﻭﺍﻛﺜﺮ ﻭﺣﺪﻩ ﺗﻌﺒﺖ ﻗﺒﺲ ﻻﻥ ﻣﺎﻣﺎ ﻣﻌﺘﻤﺪﻩ ﻋﻠﻴﻬﻪ ﺗﻌﺎﻟﻲ ﻗﺒﺲ ﺭﻭﺣﻲ ﻗﺒﺲ ...
ﻗﺒﺲ .. ﺍﺣﺲ ﻇﻬﺮﻱ ﺍﻧﻔﺘﺢ ﻣﻦ ﺍﻟﻨﺺ ﻣﻦ ﺍﻟﺘﻌﺐ ﺗﻐﺪﻳﻨﻪ ﻭﻣﺪﺩﺕ ﺷﻮﻳﻪ ﻭﺍﻟﻌﺼﺮ ﺭﺟﻌﻨﻪ ﻧﻜﻤﻞ ﻭﻫﺪﻯ ﺭﺟﻌﺖ ﻟﺒﻴﺘﻬﻪ ﺍﻡ ﺑﺸﺎﺭ ﻫﻲ ﺳﻮﺕ ﻋﺸﻪ ﻭﺍﺣﻨﻪ ﻭﺭﺍ ﺍﻟﻌﺸﻪ ﻳﻠﻪ ﻛﻤﻠﻨﻪ ﻛﻠﺸﻲ ﺣﺘﻪ ﺟﻨﺖ ﻧﺎﻭﻳﻪ ﺑﺲ ﺍﺳﺒﺢ ﺍﻧﺎﻡ ..
ﻃﺒﻴﺖ ﻟﻠﺤﻤﺎﻡ ﺳﺒﺤﺖ ﻭﻟﺒﺴﺖ ﺗﺮﺍﻙ ﻫﻮ ﻋﻨﺪﻱ ﻣﻦ ﺍﻟﻌﺎﻡ ﺑﺲ ﺷﻮ ﻋﺒﺎﻟﻚ ﺳﻤﻨﺎﻧﻪ ﺣﺴﻴﺘﻪ ﺿﻴﻚ ﺷﻮﻳﻪ ﺣﻄﻴﺖ ﺍﻟﺨﺎﻭﻟﻲ ﻉ ﺭﺍﺳﻲ ﻭﻃﻠﻌﺖ ﻟﻠﻐﺮﻓﻪ ﻣﺤﺪ ﺍﻛﻮ ﻣﺸﻄﺖ ﺷﻌﺮﻱ ﻭﻛﻤﺖ ﻃﻠﻌﺘﻠﻲ ﺩﺷﺪﺍﺷﻪ
ﺍﻧﻲ ﻣﺘﺎﻛﺪﻩ . ﻗﻔﻠﺖ ﺍﻟﺒﺎﺏ ﺑﺲ ﻣﺎﺍﺩﺭﻱ ﺷﻠﻮﻥ ﺍﻧﻔﺘﺢ ﺟﻨﺖ ﻫﺴﺘﻮﻧﻲ ﻧﺎﺯﻋﻪ ﺍﻟﺒﺪﻱ ﻭﺑﺲ ﺑﺎﻟﻘﻄﻌﻪ ﺍﻟﺪﺍﺧﻠﻴﻪ ﻭﺑﻌﺪﻧﻲ ﻻﺑﺴﻪ ﺑﺠﺎﻣﻪ ﻭﻭﺍﻛﻔﻪ ﺑﺎﻟﺰﺍﻭﻳﻪ ﻭﺍﻧﻔﺘﺢ ﺍﻟﺒﺎﺏ
ﺻﺮﺧﺖ ﺑﺼﻮﺕ ﺍﻃﻠﻌﻲ ﺑﺮﺍﺍﺍ ﺍﻃﻠﻌﻲ !!! ﻭﺑﺴﺮﻋﻪ ﺟﺮﻳﺖ ﺍﻟﺒﺪﻱ ﺧﻠﻴﺘﻪ ﻉ ﺻﺪﺭﻱ ﻭﺍﺭﻳﺪ ﺍﺩﻧﻚ ﺍﺷﻴﻞ ﺍﻟﺪﺷﺪﺍﺷﻪ ﺍﻟﻮﻛﻌﺖ ﺑﺎﻟﻜﺎﻉ
ﻓﺮﺡ .. ﻋﺰﺍﺍﺍ ﻫﺎﻱ ﺷﻨﻮ ﺟﺴﻤﺞ؟؟
ﻗﺒﺲ .. ﺍﻃﻠﻌﻲ ﺑﺮﺍﺍ ﺍﻧﺘﻲ ﻭﺍﺧﺘﺞ ﺍﻳﺪﻱ ﺗﺮﺟﻒ ﺑﺲ ﺍﺭﻳﺪ ﺍﻭﺻﻞ ﺍﻟﺪﺷﺪﺍﺷﻪ ﻟﺮﺍﺳﻲ ﻣﺎﻛﺪﺭﺕ
ﻓﺎﻃﻤﻪ .. ﻣﺸﻮﻫﻪ ﻫﻬﻬﻬﻊ ﻗﺒﺲ ﺍﻟﺤﻠﻮﻩ ﺍﻟﺠﻤﻴﻠﻪ ﻣﺸﻮﻫﻪ ﺍﺍﻭﻱ ﺟﺴﻤﺞ ﻣﺜﻞ ﺟﺴﻢ ﺍﻟﺒﻘﺮﻩ ﻣﻄﻜﻊ ﺍﻟﻠﻪ ﻋﻠﻴﺞ ﻓﺮﻭﺡ ﻣﻮ ﻣﺜﻞ ﺑﻘﺮﻩ ﺑﻴﺖ ﺍﻡ ﺳﺎﻣﻲ ﺍﻟﻲ ﺑﻠﺒﺴﺘﺎﻥ ..
ﻗﺒﺲ .. ﻣﺎﺩﺭﻱ ﺷﻠﻮﻥ ﻟﺒﺴﺘﻬﻪ ﺑﺲ ﻛﻞ ﺟﺴﻤﻲ ﻳﺮﺟﻒ ﻟﻮ ﻭﺍﺣﺪ ﻳﻀﺮﺑﻨﻲ ﻃﻠﻘﻪ ﻭﻻ ﻳﻌﻴﺮﻧﻲ ﺑﺠﺴﻤﻲ ﻣﻦ ﻛﺪﻣﺎ ﺍﺭﺟﻒ ﻣﺎﺗﺠﻤﻊ ﻋﻨﺪﻱ ﺍﻟﻜﻠﻤﺎﺕ ﺑﺲ ﻛﻤﺖ ﺍﺻﻴﺢ ﺍﻃﻠﻌﻦ ﺣﻘﻴﺮﺍﺕ ﻣﺎﺗﺴﺘﺤﻦ ..
ﻓﺎﻃﻤﻪ ... ﻻﺍﺍ ﻻﺍﺍ ﻗﺒﻮﺳﻪ ﺍﻟﺠﻤﻴﻠﻪ ﺗﺮﺟﻒ ﻣﻦ ﻭﺭﺍ ﺟﺴﻤﻬﻪ ﻣﺎﻳﻌﺮﻑ ﺑﻴﺞ ﺑﺸﺎﺭ ﻣﻮﻭﻭ؟؟
ﻓﺮﺡ .. ﺳﺮﺝ ﺍﺑﻴﺮ ﻻﺗﺨﺎﻓﻴﻦ ﻣﺎﻧﺤﺠﻲ ﺑﺲ ﻧﻜﻮﻝ ﺗﺮﻯ ﺟﺴﻤﻬﻪ ﻣﺸﻮﻩ ﻋﺎﻟﺠﻮﻫﻪ ﻻﻳﻄﻠﻊ ﺑﺎﺑﻨﻬﻪ ﻭﺗﺨﺮﺏ ﻧﺴﻞ ﺍﻟﻌﺎﺋﻠﻪ
ﻓﺎﻃﻤﻪ .. ﺍﺍﻭﻱ ﺭﺍﺡ ﺍﺯﻭﻉ ﺷﻠﻮﻥ ﺗﺒﺎﻭﻋﻴﻦ ﻟﻨﻔﺴﺞ ﺑﺎﻟﻤﺮﺍﻳﻪ ﻭﺍﺗﺘﻲ ﻫﻴﺞ ﺣﻄﻲ ﻛﺮﻳﻢ ﺍﺳﺎﺱ ﺷﻲ
ﻗﺒﺲ .. ﻫﻮ ﻫﺬﺍ ﺍﻟﻤﻮﺿﻮﻉ ﺍﻟﺨﻠﻪ ﻋﻨﺪﻱ ﻋﻘﺪﻩ ﻧﻔﺴﻴﻪ ﻭﺍﺳﻠﻮﺏ ﺗﻬﺠﻤﻲ ﻣﻮﻃﺒﻴﻌﻲ ﺑﺤﻴﺚ ﺍﻧﻔﻌﻞ ﻭﺍﺣﺲ ﺭﺍﺳﻲ ﻳﻨﻤﻞ ﻭﻣﺮﺍﺕ ﺍﺫﻱ ﻧﻔﺴﻲ ﻭﻣﺎﺍﺣﺲ ﻭﺷﻜﺪ ﺟﻨﺖ ﻣﺴﺘﺮﻩ ﻉ ﻧﻔﺴﻲ ﻭﺭﻓﻀﺖ ﻛﻞ ﻗﺴﻤﻪ ﻭﻛﻞ ﺯﻭﺍﺝ ﻭﻻﺣﺒﻴﺖ ﺑﺴﺒﺐ ﻫﺎﻟﺸﻲ ...
ﻛﻤﺰﺕ ﻋﻠﻰ ﻓﺎﻃﻤﻪ ﺳﺤﻠﺘﻬﻪ ﻣﻦ ﺷﻌﺮﻫﻪ ﻭﻣﻦ ﻛﺪﻣﺎ ﺟﻨﺖ ﻋﺼﺒﻴﻪ ﻣﺎﺍﺩﺭﻱ ﺑﻨﻔﺴﻲ ﺷﻠﻮﻥ ﺳﻮﻳﺖ ﻭﺷﻜﺘﻠﺖ
ﻓﺎﺩﻳﻪ .. ﺟﻨﺖ ﺑﺎﻟﻬﻮﻝ ﻭﺍﺳﻤﻊ ﺻﻮﺕ ﻗﺒﺲ ﻭﻓﺎﻃﻤﻪ ﻭﻋﺮﻛﻪ ﻛﻠﻬﻪ ﻛﺎﻋﺪﻩ ﺑﻐﺮﻓﻪ ﺑﻴﺒﻲ ﻭﺍﻧﻲ ﺑﺴﺮﻋﻪ ﺭﻛﻀﺖ ﻟﻠﻐﺮﻓﻪ ﻭﺍﺷﻮﻑ ﻗﺒﺲ ﻻﺯﻣﻪ ﻓﺎﻃﻤﻪ ﻣﻦ ﺷﻌﺮﻫﻪ ﻭﺗﺴﺤﻞ ﺑﻴﻬﻪ ﺑﺎﻟﻐﺮﻓﻪ ﻭﻻﺯﻣﻪ ﺑﻴﺪﻫﻪ ﻋﻮﺩﻩ ﻣﺘﻴﻨﻪ ﻧﺰﻟﻨﻪ ﺑﻴﻬﻪ ﺍﻟﺒﺮﺩﻩ ﻭﻻﺯﻣﺘﻬﻪ ﺑﻮﺟﻪ ﻓﺮﺡ ...
ﺍﺭﻳﺪ ﺍﺩﺧﻞ ﻭﺍﺑﻌﺪﻫﻪ ﻣﺎﻛﻮ ﺑﺤﻴﺚ ﻭﻛﻌﺖ ﻟﻔﺎﻃﻤﻪ ﻭﻓﺮﺡ ﺩﻙ ﻫﻦ ﻫﻢ ﻛﻔﺸﻨﻬﻪ ﻭﻳﻔﺸﺮﻥ ﻋﻠﻴﻬﻪ ﺑﺲ ﻗﺒﺲ ﻫﺠﻮﻣﻴﻪ ﺑﺸﻜﻞ ﻛﻤﺖ ﺍﺻﻴﺢ ﻣﺎﻣﺎ ﺟﺎﻧﺖ ﺗﺼﻠﻲ ﺍﺟﻦ ﻋﻤﺎﺗﻲ ﻳﺮﻛﻀﻦ ﻭﻛﻮﻩ ﻓﻜﻦ ﻗﺒﺲ ﻭﻃﻠﻌﻦ ﺍﻟﺒﻨﺎﺕ ..
ﺍﻧﺼﺪﻣﺖ ﺑﻤﻨﻈﺮ ﻗﺒﺲ ﺟﺎﻧﺖ ﺗﺮﺟﻒ ﻭﺍﻳﺪﻫﻪ ﺗﺮﻋﺶ ﻭﺭﻛﻀﺖ ﺣﺸﻜﺖ ﻧﻔﺴﻬﻪ ﺑﺎﻟﺰﺍﻭﻳﻪ ﻛﻠﻤﺎ ﺍﺭﻳﺪ ﺍﺗﻘﺮﺑﻠﻬﻪ ﺗﺼﺮﺥ ﺍﺩﺭﻱ ﺑﺒﺸﺎﺭ ﻓﻮﻙ ﺑﺴﺮﻋﻪ ﺭﻛﻀﺖ ﺻﺤﺘﻪ ﺟﺎﻥ ﻣﻜﻨﻚ ﺑﺲ ﻛﺘﻠﻪ ﻗﺒﺲ ﻣﺪﺭﻱ ﺷﺒﻴﻬﻪ ﻧﺰﻝ ﻳﺮﻛﺾ
ﻋﻤﻪ ﺑﺸﺮﻯ ﻣﺎﺧﻠﺖ ﻭﺍﺣﺪ ﻳﺸﻮﻓﻬﻪ ﺭﻏﻢ ﻓﺮﺡ ﻭﺍﺧﺘﻬﻪ ﻳﻬﺪﻥ ﻭﻳﺘﻮﻋﺪﻥ ﺑﺲ ﺑﺸﺎﺭ ﻭﺍﻧﻲ ﻃﺒﻴﺖ ﻛﻌﺪ ﻛﺪﺍﻣﻬﻪ ﻣﺜﻨﻲ ﻭﻫﻲ ﺗﺪﻓﻊ ﺑﻲ ﻭﻣﺎﺗﺤﺠﻲ
ﺑﺸﺎﺭ .. ﺣﺒﻴﺒﺘﻲ ﺷﺒﻴﺞ ﻻﺗﺨﺎﻓﻴﻦ ! ؟؟
ﻓﺎﺩﻳﻪ .. ﺑﺸﺎﺭ ﻃﻠﻌﻬﻪ ﻣﻦ ﺍﻟﺰﺍﻭﻳﻪ ﺷﻮﻓﻬﻪ ﺷﻠﻮﻥ ﺗﺮﺟﻒ ﺳﺤﺒﻬﻪ ﻛﻮﻩ ﻭﻫﻲ ﺗﺪﻓﻊ ﺑﻲ ﺑﺲ ﻣﺎﺗﺤﺠﻲ ﺑﺲ ﺻﻮﺕ ﺍﺳﻨﺎﻧﻬﻪ ﻭﻫﻦ ﻳﻄﮕﻦ ﻭﺍﺣﺪ ﺑﺎﻟﺜﺎﻧﻲ
ﺿﻤﻬﻪ ﺑﺤﻀﻨﻪ ﺣﻴﻞ ﻭﺑﺲ ﻳﺮﻳﺪ ﻳﻔﺘﻬﻢ ﻣﻦ ﻋﺪﻫﻪ ﻭﻫﻲ ﻻﺩﻣﻮﻉ ﻭﻻﺻﻮﺕ
ﺑﺸﺎﺭ .. ﺷﺒﻴﻬﻪ ﻟﻴﺶ ﻫﻴﺞ ﺣﺎﻟﺘﻬﻪ؟؟
ﻓﺎﺩﻳﻪ .. ﻣﺎﺍﺩﺭﻱ ﻉ ﺍﻟﺼﻮﺕ ﺍﺟﻴﺖ ﻭﻟﻜﻴﺘﻬﻪ ﺗﻀﺮﺏ ﺑﻔﺮﺡ ﻭﻓﺎﻃﻤﻪ ﻭﻋﻤﺎﺗﻲ ﻓﻜﻨﻬﻪ ﻭﻫﻴﺞ ﺣﺎﻟﻬﻪ
ﺑﺸﺎﺭ .. ﺍﻃﻠﻌﻲ ﻓﺎﺩﻳﻪ !!
ﻗﺒﺲ .. ﺍﺩﺭﻙ ﻛﻠﺸﻲ ﻳﺼﻴﺮ ﺑﺲ ﺍﻋﺼﺎﺑﻲ ﺗﺮﺗﺨﻲ ﻭﺍﻛﻮﻡ ﺍﺣﺠﻲ ﻛﻠﻤﺎﺕ ﻣﺎﻣﻔﻬﻮﻣﻪ ﻟﻮ ﺍﺳﻜﺖ ﺍﺫﺍ ﺟﻨﺖ ﺧﺎﻳﻔﻪ ﺍﻛﻮﻡ ﺍﺣﺠﻲ ﺍﻱ ﺷﻲ ﺑﺎﻟﻲ ﻭﺍﺫﺍ ﺟﻨﺖ ﺍﺣﺲ ﺑﺎﻣﺎﻥ ﺷﻮﻳﻪ ﺍﺳﻜﺖ ﻭﻫﺬﺍ ﺍﻟﺸﻲ ﺻﺎﺭ ﻫﺴﻪ ﻭﺳﻜﺘﺖ
ﺑﺸﺎﺭ .. ﻟﺰﻡ ﻭﺟﻬﻲ ﻭﻫﻮ ﻳﺤﺠﻲ ﺣﺒﻴﺒﻲ ﻟﻴﺶ ﻫﻴﺞ ﺗﺮﺟﻔﻴﻦ ﺷﺴﻮﻟﺞ؟؟
ﻗﺒﺲ .. ﺑﺲ ﺍﺑﺎﻭﻋﻠﻪ ﻣﺎﺍﻛﺪﺭ ﺍﺣﺠﻲ ﺑﺲ ﺍﻧﺘﺒﻪ ﻋﻠﻴﻪ ﻻﺑﺴﻪ ﺍﻟﺪﺷﺪﺍﺷﻪ ﺑﺎﻟﻤﻜﻠﻮﺑﻲ ﻭﺍﻳﺪﻱ ﺍﻟﺤﺎﺿﻨﻪ ﺍﻳﺪﻩ ﺗﺮﺟﻒ
ﺑﺸﺎﺭ .. ﻟﻴﺶ ﻫﻴﺞ ﻻﺑﺴﻪ ﻣﻼﺑﺴﺞ ﺍﺣﺠﻲ ﺷﺴﻮﻟﺞ ﻫﺴﻪ ﺍﻛﻮﻡ ﺍﻃﻴﺢ ﺣﻈﻬﻦ
ﻗﺒﺲ .. ﻻﻭﻝ ﻣﺮﻩ ﻣﻦ ﺗﺠﻴﻨﻲ ﺍﻟﺤﺎﻟﻪ ﺍﺑﺠﻲ ﻛﻤﺖ ﺍﺑﺠﻲ ﺿﻤﻨﻲ ﻟﺼﺪﺭﻩ ﺣﻴﻞ ﻭﻫﻮ ﻳﺤﺮﻙ ﺍﻳﺪﻩ ﻉ ﻇﻬﺮﻱ ﻭﻳﻄﻤﻨﻲ ﺑﻜﻼﻣﻪ ...
ﺣﺴﻴﺖ ﻧﻔﺴﻲ ﺑﺪﻳﺖ ﺍﻫﺪﺃ ﻭﺍﻧﻲ ﺑﺤﻀﻨﻪ ﻭﺍﺳﻤﻊ ﺻﻮﺕ ﻋﻤﻪ ﺑﺴﻤﻪ ﺑﺮﺍ ﻭﻫﻲ ﺗﺼﻴﺢ ﻭﺗﺤﺠﻲ ﻋﻠﻴﻪ ﺭﺍﺩ ﻳﻜﻮﻡ ﺑﺲ ﺟﻨﺖ ﻻﺯﻣﻪ ﺍﻟﺘﺸﻴﺮﺕ ﻣﺎﻟﺘﻪ ﺣﻴﻞ ﻣﺎﺧﻠﻴﺘﻪ
ﺑﺲ ﻫﻲ ﺩﻓﻌﺖ ﺍﻟﺒﺎﺏ ﻭﻃﺒﺖ ﺟﺎﻥ ﺩﻛﻮﻝ ﻭﺍﻟﻠﻪ ﺧﻮﺵ ﺍﺑﺪﺍﻝ ﻣﺎﺗﻌﻠﻤﻬﻪ ﺍﻟﺘﺮﺑﻴﻪ ﺣﺎﺿﻨﻬﻪ ﻭﺗﻮﺍﺳﻲ ﺑﻴﻬﻪ ﻫﺎﻟﻤﺠﻠﻮﺑﻪ ﻫﺎﻱ !!
ﺑﺸﺎﺭ .. ﺍﻭﻝ ﺷﻲ ﻋﻴﺐ ﺍﺗﻔﻮﺗﻴﻦ ﻫﻴﺞ ﺍﻟﻤﻔﺮﻭﺽ ﺍﺩﻛﻴﻦ ﺍﻟﺒﺎﺏ !! ﻭﺛﺎﻧﻲ ﺷﻲ ﺍﻟﻴﺤﺠﻲ ﻋﻠﻴﻬﻪ ﻣﻌﻨﺎﺗﻬﻪ ﻣﺴﻨﻲ ﺍﻟﻜﻼﻡ ﺟﻴﺒﻲ ﺑﻨﺎﺗﺞ ﻛﺪﺍﻣﻲ ﺣﺘﻪ ﺍﻓﺘﻬﻢ ﻋﻠﻴﻤﻦ ﻫﻴﺞ ﺣﺎﻟﺘﻬﻪ ﻭﺷﺴﻮﻥ ﺣﺘﻪ ﺗﻀﺮﺑﻬﻦ
ﺑﺴﻤﻪ .. ﺗﻌﺎﻟﻦ ﻳﻤﻪ ﺷﻮﻑ ﻓﺎﻃﻤﻪ ﺷﻮﻑ ﺷﻌﺮﻫﻪ ﺷﻠﻮﻥ ﻣﻬﻠﺴﺘﻪ ﻭﺷﻠﻮﻥ ﻋﺎﺿﻪ ﻓﺮﺡ ﻣﺘﺤﻤﻠﻪ ﻉ ﺑﻨﺎﺗﻲ ﻋﻠﻴﻤﻦ
ﻗﺒﺲ .. ﺭﻏﻢ ﺑﻌﺪﻧﻲ ﻣﻦ ﺣﻀﻨﻪ ﻣﻦ ﻃﺒﺖ ﻋﻤﻪ ﺑﺴﻤﻪ ﺑﺲ ﺍﻳﺪﻩ ﻣﺤﺎﻭﻃﻪ ﻇﻬﺮﻱ ﻭﻫﻮ ﻳﺤﺠﻲ
ﺑﺸﺎﺭ .. ﻛﻮﻟﻲ ﻓﺎﻃﻤﻪ ﻋﻠﻴﻤﻦ ﻛﺘﻠﺘﺞ ﻗﺒﺲ
ﻓﺎﻃﻤﻪ .. ﺑﺪﻣﻮﻉ ﺍﻟﻠﻮﺍﻛﻪ ﻭﺍﻟﺤﻘﺎﺭﻩ ﻭﺍﻟﻠﻪ ﻣﺎﺳﻮﻳﻨﻪ ﺷﻲ ﺟﺎﻧﺖ ﺗﺒﺪﻝ ﻭﺍﺣﻨﻪ ﻣﺎﻧﺪﺭﻱ ﺑﻴﻬﻪ ﻣﻦ ﻃﺒﻴﻨﻪ ﺍﻧﻲ ﻭﻓﺮﺡ ﺍﻧﺼﺪﻣﺖ ﺑﺠﺴﻤﻬﻪ ﻻﻥ ﺍﻭﻝ ﻣﺮﻩ ﺍﺷﻮﻑ ﻫﻴﺞ ﻭﻫﻲ ﻫﺠﻤﺖ ﻋﻠﻴﻨﻪ ...
ﻗﺒﺲ .. ﻣﻦ ﺣﺠﺖ ﺍﻟﺤﻘﻴﺮﻩ ﻭﻫﻲ ﺗﺤﺠﻲ ﻭﻓﺮﺡ ﺍﻟﻠﻌﻴﻨﻪ ﺗﺒﺘﺴﻢ ﺿﻐﻂ ﻉ ﺍﻳﺪ ﺑﺸﺎﺭ ﺣﻴﻞ ﻭﻫﻮ ﺳﺎﻛﺖ
ﺑﺸﺮﻯ .. ﺷﺒﻲ ﺟﺴﻤﻬﻪ ﻭﻣﻮﻋﻴﺐ ﺗﺒﺎﻭﻋﻠﻬﻪ ﻣﻦ ﺷﻔﺘﻨﻬﻪ ﺗﺒﺪﻝ ﺍﻟﻤﻔﺮﻭﺽ ﺍﻃﻠﻌﻦ؟؟
ﻓﺎﻃﻤﻪ .. ﻫﻮ ﻋﻤﻪ ﺭﺩﻧﻪ ﻧﻄﻠﻊ ﺑﺲ ﺍﻟﻮﺍﺣﺪ ﻣﻮﺑﻴﺪﻩ ﻳﻨﺼﺪﻡ ﻟﻮ ﺷﺎﻳﻔﻪ ﺍﻧﺘﻲ ﺟﺎﻥ ﺍﻧﺼﺪﻣﺘﻲ ﺟﺴﻤﻬﻪ ﻣﺸﻮﻩ ﻧﺼﻪ ﻭﻻﻥ ﻛﺘﻠﻬﻪ ﻫﺎﻱ ﺷﻨﻮ ؟؟ ﻫﻲ ﻫﺠﻤﺖ ﻋﻠﻴﻨﻪ ﻭﻛﺎﻣﺖ ﺗﻀﺮﺏ
ﻓﺮﺡ .. ﺍﻱ ﺑﺸﺎﺭ ﻭﺍﻟﻠﻪ ﻣﻮﻗﺼﺪﻧﻪ ﻧﺤﺮﺟﻬﻪ ﺑﺲ ﺗﻔﺎﺟﺄﻧﻪ ﺣﺘﻪ ﻛﺎﻟﺖ ﻻﺗﺤﺠﻦ ﻻﻥ ﺑﺸﺎﺭ ﻣﻴﺪﺭﻱ ﺑﻲ ﺑﺲ ﺷﻮ ﻫﻲ ﺍﻟﻠﻪ ﻳﺴﻠﻤﻬﻪ ﻣﺎﺗﻔﺎﻫﻤﺖ
ﺑﺸﺎﺭ .. ﻫﻲ ﻫﺎﻱ ﺗﺮﺑﻴﺘﺞ ﻋﻤﻪ ﺟﺎﻳﻪ ﻭﺗﺤﺠﻴﻦ ﻉ ﺗﺮﺑﻴﻪ ﻗﺒﺲ !! ﻣﺎﻣﻌﻠﻤﺘﻬﻦ ﺍﻟﺒﻴﺒﺎﻥ ﺗﻨﺪﻙ ﻗﺒﻞ ﻻﻳﻔﻮﺗﻦ؟؟ ﻭﻣﺎﻳﺼﻴﺮ ﻳﺒﺎﻭﻋﻦ ﻻﻱ ﺷﺨﺺ ﻭﻫﻮ ﻳﺒﺪﻝ ﻋﻦ ﺍﻱ ﺗﺮﺑﻴﻪ ﺗﺤﺠﻴﻦ ﺑﻴﻬﻪ ﻫﺴﻪ
ﺑﺴﻤﻪ .. ﻫﺴﻪ ﻋﻮﻑ ﺍﻟﺘﺮﺑﻴﻪ ﻭﻛﻮﻝ ﺷﺒﻲ ﺟﺴﻤﻬﻪ ﺍﻟﻀﻤﺘﻪ ﻋﻨﻚ؟؟
ﺑﺸﺎﺭ .. ﻣﺎﺿﻤﺘﻪ ﻋﻨﻲ ﻭﺍﻋﺮﻑ ﺑﻲ ﻭﻫﺬﺍ ﺍﻟﺸﻲ ﺧﺎﺹ ﺑﻴﻨﻲ ﻭﺑﻴﻨﻬﻪ !!! ﻭﻫﺎﻱ ﺍﺣﺘﺮﺍﻣﺎ ﻟﻌﻤﺮﺝ ﺟﺎﻭﺑﺘﺞ ﻟﻮ ﻭﺣﺪﻩ ﺛﺎﻧﻴﻪ ﻭﺍﻛﻔﻪ ﻛﺪﺍﻣﻲ ﻭﺗﺤﺎﺟﻴﻨﻲ ﻫﻴﺞ ﺟﺎﻥ ﻏﻴﺮ ﺗﺼﺮﻑ ﺍﻟﻲ ﻭﻳﺎﻫﻪ
ﺍﻧﺘﻦ ﻓﺮﺡ ﻭﻓﺎﻃﻤﻪ ﺍﺫﺍ ﻣﺎ ﺍﺣﺘﺮﻣﺘﻦ ﻧﻔﺴﺠﻦ ﻭﺑﻌﺪﺗﻦ ﻋﻦ ﻗﺒﺲ ﺍﺩﻭﺱ ﻉ ﺭﺍﺳﺠﻦ ﻭﺍﻟﻠﻪ ﻭﻻ ﺍﻣﺠﻦ ﺗﺸﻔﻌﻠﺠﻦ ﻭﻻ ﻏﻴﺮﻫﻪ ﺍﺣﺘﺮﻣﻦ ﺍﻟﺒﻴﺖ ﺍﻟﻜﺎﻋﺪﺍﺕ ﺑﻲ ﻭﺍﺳﻜﺖ ﻭﻣﻤﻨﻮﻉ ﻭﺣﺪﻩ ﻣﻦ ﻋﺪﺟﻦ ﺑﺎﻱ ﺳﺒﺐ ﻛﺎﻥ ﺗﺘﻬﺠﻢ ﻋﻠﻰ ﻗﺒﺲ ﻻﻥ ﻫﺬﻳﺞ ﺍﻟﺴﺎﻋﻪ ﺍﻧﻲ ﺍﻻﻭﻛﻒ ﻛﺪﺍﻣﺠﻦ ..
ﻭﻫﺴﻪ ﺗﺠﻦ ﺗﻌﺘﺬﺭﻥ ﻣﻦ ﻋﺪﻫﻪ ﻛﺪﺍﻣﻲ ﻭﺍﺫﺍ ﻣﺎﻋﺘﺬﺭﺗﻦ ﻫﺴﻪ ﺍﺧﺬﺟﻦ ﻟﻌﻤﺠﻦ ﻭﺍﺧﻠﻲ ﻳﻌﻴﺪ ﺗﺮﺑﻴﺘﺠﻦ ﻣﻦ ﺟﺪﻳﺪ ﺷﻨﻮ ﻫﺎﻻﻧﻔﻼﺕ ﻭﺑﻌﻴﻦ ﺻﻠﻔﻪ ﻭﺗﺤﺠﻦ ﻛﺪﺍﻣﻲ ﺑﺸﻲ ﺧﺎﺹ ﺍﻧﺘﻦ ﻣﻮﺑﻨﺎﺕ ﻟﻮﻧﺴﻴﺘﻦ ﺍﻟﻤﺴﺘﺤﻪ ﻭﺍﻟﻌﻴﺐ ؟؟ ﻭﺍﻧﺘﻲ ﻋﻤﻪ ﻣﻘﺘﻨﻌﻪ ﺑﺘﺮﺑﻴﺘﻬﻦ ﺷﻠﻮﻥ ﻭﺣﺪﺗﻬﻦ ﻭﺍﻛﻔﻪ ﻛﺪﺍﻣﻲ ﻭﻟﺴﺎﻧﻬﻪ ﺷﻄﻮﻟﻪ ﻭﻋﻮﺯﻫﻦ ﻳﻮﺻﻔﻦ
ﺑﺴﻤﻪ .. ﺩﻓﻌﺘﻬﻦ ﺍﺛﻨﻴﻨﻬﻦ ﺑﻌﺼﺒﻴﻪ ﺍﻋﺘﺬﺭﻥ ﻳﻠﻪ ﻣﻦ ﺧﻮﻓﻬﻦ ﻣﻦ ﺍﻣﻬﻦ ﻭﺟﺬﺏ ﻟﻮ ﻳﺨﺎﻓﻦ ﻣﺎﻳﺪﻛﻦ ﺩﺭﻭﺏ ﺑﺲ ﻣﻦ ﻓﺸﻠﺘﻬﻦ ﺍﻋﺘﺬﺭﻥ ﻣﻦ ﻋﻨﺪﻱ ﻭﻃﻠﻌﻦ ...
ﻭﻋﻤﻪ ﺑﺸﺮﻯ ﻃﻠﻌﺖ ﻭﺳﺪﺕ ﺍﻟﺒﺎﺏ ﻭﺍﻧﻲ ﺷﻠﺖ ﺍﻳﺪﻱ ﻣﻦ ﻓﻮﻙ ﺍﻳﺪﻩ ﺍﻟﺠﻨﺖ ﺿﺎﻏﻄﻪ ﻋﻠﻴﻬﻪ ﺑﻘﻮﻩ ﻭﺍﻧﻲ ﺍﻓﻜﺮ ﻭﻳﻦ ﺷﺎﻑ ﺟﺴﻤﻲ ﻭﻳﻜﻮﻝ ﺍﺩﺭﻱ !!!
ﻇﻠﻴﺖ ﻣﻨﺼﻴﻪ ﺭﺍﺳﻲ ﻭﻛﺘﻠﻪ ﺍﻧﺖ ﻭﻳﻦ ﺷﺎﻳﻒ ﺟﺴﻤﻲ ﺣﺘﻪ ﺩﻛﻮﻝ ﺍﺩﺭﻱ ﻭﺩﺍﻓﻌﺖ ﻋﻨﻲ؟؟؟
ﻳﺘﺒﺒﺒﺒﺒﺒﻊ ..... ﻣﺘﺎﺑﻌﻪ ﻣﻤﺘﻌﻪ
