مابعد ألنهوة

5

فاطمة.هم يلوحكم طشار

صعد بس كولشي ماحجة

حور.فاطمة طلعيلنة اغنية

فاطمة.يا اغنية تردين

حور.ماياخذني الا الموت

ماياخذني الا الموت الا الموت
وغيره مايفرگنا
معاك العمر كله يا عسا يومي
گبل يومك
وعد ماغيب عن عينك ماغيب
وعد منقص محبتنا
حبيبي ساعة الفرگـــة
أبيها آخر همومك

شكد جنت اسمعها ولا أمل من عدها

المهم آصف گال بوجهكم للمول
عود تفترن بالسوك ومن محل لمحل ماكو

حور. دخلنة المحل ملابس علمود تجهيزات المدرسة
السداري كولهن حلوات اخذت وحدة على ذوقي
وحدة اختارتها فطوم

بالبداية آصف عارض بس دكيت رجل الا هاي
وهو تفشل ابو المحل رجال جبير وعرف
ميكدر يسوي شي بس يأشرلي أني اعلمج

آصف.طالعة عينج ولج

حور.بكيفي

آصف.اي هم صدك بس خل نوصل للبيت
ونشوف شلون بكيفج

حور.أشاقة أشاقة

آصف.ها غيرتي

حور.خدودي لسة يوجعوني من الراشديات
إن شاء الله تنكـ

آصف. كملي شوو ماسمعت

حور.خلي اختار قميص تعالي فطوم

بقينة نفتر اخذت قمصان
وجنطة وردي آصف حاول يقنعني أخذ لون اسود
بس ماقبلت

حور. هسة خلصت كولشي اشتريت
بس قلم ابو الأضوية ماشفتة

آصف.عود اذا شفتة أجيبة الج
هسة يلا فاطمة وحلا وحور
دخلو اشترو ملابس طلعة بيت
شيعجبكم أخذو

حور.تودينة للمطعم موو

آصف. اي اوديج

حور.بس بيتزا حجم عائلي صاج لحم
فنكر وشاورما وببسي وبعدين تحلاية
ما أريد هواي

اعدد وامشي وهو يكول اي

دخلنة محل ملابس البنات أخذو كومة اشياء
بس اني مااخذت عيب اخسرة بعد
هستوني مجهزلي ملابس المدرسة

آصف. ها حور روحي اختاري

حور.لا عندي كولشي ممحتاجة

آصف.هاي منو حور

حور.شكو

آصف.تعالي اختارلج اني

حور.والله مااريد كومة اشتريتلي كافي

آصف.امشي لج عود مستحية من عندي الفاهية

أخذلي فستان محجبات بينصل نيلي
بالأطراف تطريز ورد ناعم أبيض و وردي

حور.الله حلو

بعدها اخذنة للمطعم تعشينة
وأخذ عشة ويا للبيت
اني وفاطمة وحور خلينا يحاسب
ورحنة لأبو شعر بنات

آصف ورانة يخزر حيل متعجبة تصرفاتنة

.................... آصـف.......................

هالطفلة كبرت كدامي
صراحة جانت اجمل طفلة بين خواتي وبنات عمي
عمرها 11 سنة لمن مات عمي
جنت بوقتها بالجامعة مرحلة ثانية عمري 21 سنة
شكد ما جانت هادئة ومينسمع الها صوت
مسالمة بشكل حتى من تلعب ميطلع صوتها

لكن بعد وفات عمي حيل تغيرت
حاولت وياهة اول فترة بالهدوء
عرفت حالتها النفسية مو تمام
حور غلط
حور ميصير
صوتج حيل عالي انتي بنية غلط
طلعة الشارع عوفيها
لتتعاركين وي بنات عمج

بس جان كلامي يدخل من أذن
يطلع من الثانية
عمتي ام حور حيل انفجعت بوفاة عمي
هملتهم لفترة جبيرة
امي التهت بالتؤام امين ومصطفى
خواتي وبنات عمي الي بكد حور
كل شوي تجي وحدة تشكي حور ضربتني
غلطت علية حور كطعت شعري

بيوم جنت راجع من الدوام
واجت اختي حلا تبجي حور عاضتها
وراها تبجي فاطمة حور ضربتني

بيومها لزمت حور كطعتها راشديات
وضربتها على أديها بكل قوتي لويت اذاناتها
وجنت حالف اجويها لزمت الخاشوكة خليتها
على النار بس تفاجأت لمن اجت لزمت أيدي
تبوسها وتبجي متسوي شي
بس تبوسها بسرعة وتناشغ
عيونها الخضر متروسة دموع وبيهن خوف
جانت ناعمة وشعرها اصفر طويل

حطيتها بحضني هي شبكتني وسكتت
حيل خايفة خدودها وأديها حمر

خذتها صعدتها بغرفتي مسحت دموعها
حضنتها ونمت هي نايمة بس صوت شهكاتها أسمعة
لمن كعدت العصر شفتها تباوعلي
اول ما انتبهت اني كعدت لبدت بحضني وغطت نفسها

من ذاك اليوم وحور رجعت هادئة
بس صارت تخاف من عندي
اذا سوت اقل شي يهددوها بية تكعد

الي تغير بالنسبة إلي
من اشوفها افقد الزمها بس كعدي كدامي
جنت محتار مستحيل واحد ينعجب بطفلة
او يحبها جنت اقنع نفسي مجرد شفقة أو حرص
بت عمي أخاف عليها جنت اخدع نفسي بهالكلام

شلون ماراقبت خواتي حاولت اهتم بيها مثلهم
بس لا الموضوع تطور صار الي ممكن مقبول وعادي بالنسبة الهن اشوفة يم حور لا وأرجع اقنع نفسي
خواتي شكلهن عادي هي عليها العين لأن حلوة واخاف عليها
لا لأن يتيمة وماعدها واحد فوك راسها عندي مسؤولية اتجاها
صرت اني اوديهن للمدرسة أشوف درجاتهن

لمن يجون عمامي لو عماتي
وياهن ولدهن الي بكد حور
ماعرف ليش اتخبل عليها احبسها بغرفتي
خواتي عادي يلعبن وياهم حور لا

تبقة تبجي تكول طلعني
صوت واحد أصيح بيها تخنس وتكعد بزاوية الغرفة

كبرت وكبر احساسي الي ماعرف شأسمي وياها
ذيج الطفلة رجعت قوية وطالب بالي تريدة
الي بالنسبة إلي شي مستحيل اكدر اطيهيا
مستحيل اسلمها الحرية الي تريدها وتطمح الها

َ