ضحية قرار (روايات ليبية )

حلقة 2🔥 ( النهاية )

ماما :راهو الساعه طناش!

اني ضحكت :يا اميمة هدا شغل مش مدرسه... كملو الحالات قلت يلا نروح

ماما :اوباهي يابنتي باهي... ان شاء الله بتوفيق غر هيا امشي غيري حوايجك واغسلي ايديك واطرافك وتعالي عاونيني

اني :حاضر هي

......
وبالفعل خشيت الحمام غسلت ايديا ووجهي واطرافي وطلعت... نشفت ايديا ووجهي... وغيرت حوايجي.. وخديت تليفوني.. لقيت 15رساله...بس مابيتش نخش عليهم.... وولعت اغنيـةه فيروز ❤"مـوعـوود"🍃🌸... وقعدت نعاون في ماما وشوي وجي بابا...

بابا :امتى روحتي!

اني :مبكري بشوي

بابا :ليش ما اتصلتي بيا!

اني :عادي مش مشكله... والستشفى قريبـةه❤

بابا :ماشي... شن الدوام ليوم يادكتورتنا؟

اني :حمدالله كله تمام

وجي بابا حضني وقال :اني فخور بيك يابنتي هك نبيك ديما رافعتيلي راسي ❤

اني ابتسمت :بإذن الله حاضر ❤

ماما :دنيا كلها تباركلي حتى من الحاسد.. والله فرحتنا فيك كبيره يا بنتي

لامار تبكي:واني تحبونيس! "واني تحبونيش"

وقعدنا نضحكو ونرضو في لامار ونلعبو فيها وحطينا الغدي على النار وتغدينا... وفات اليوم عادي جدا وماحبيتش نخش على الرسايل ابدا .... وفاتو الايام عـــاديــةه ....لعند في يوم مصطفى تعرضلي طريقي بسيارته..

مصطفى مطلع راسه من الروشن:ليش ما ترديش

اني رعشت:تي حول من طريقي ره يشوفك حد

مصطفى:ردي ولا نقعمزلك هنا في شارعكم وشوفي جوك انتي

اني :تي باهي غر امشيي

مصطفى :اهو بنمشي لكن بعدين بنتصل واهو ما ترديش
...
ودارها رابعه وسطرب لعند بابا طلع من الحوش..

بابا :تي منووو هدا قليل الربايه

اني نرعش:مم مش عارفه واحد سطرب ومشي

بابا :تي غر خشي داخل شن اديري واقفه برا حتى انتي

.....
وخشيت واني خايفه واستلمتني ماما بي اسئله وعاد انتم عارفين جو الليبين 😂... وخشيت لداري من هنا وهو اتصل من هنا وطول رديت من الخوف 🌚

مصطفى يضحك :الخووف يعلم

اني بعصبيه:انت انسان حقيرر

مصطفى بهزوة :عاارفف

زاد عفلقني وصكرت عليه....

وفاتو الايام وكل ما يتصل نرد نهزبه ونصكـر....ولما نمشي لشغل على طول نلقى فيه وراي....في يوم مرضت هلبا هلبا وغبت على الشغل.. وبعد كم يوم مشيت لشغل ...وخديت قهوه من كافتيريا وخشيت لحجرتي..وقعمزت على الكرسي ...وما هي الا لحظات الباب نفتح بقوه لعند رعشت ؛وحش مصطفى يـجررري