جبروت الشيخ هذال

الحلقة 12

#جبروت_الشيخ_هذال

علي الفتلاوي

ﺯﻟﻢ ﺧﺸﻨﻪ ﻭﺑﭽﺖ ﺑﻠﻴﻞ
ﺍﻟﻠﻪ ﻳﻌﻴﻦ ﺍﻻﺑﻨﻴﺔ 💔
،،،،،،،،،،،،،،،،،،،،،،،،
ﻗﺼﺔ ﺟﺒﺮﻭﺕ ﺍﻟﺸﻴﺦ ﻫﺬﺍﻝ
ﻟﻠﻜﺎﺗﺐ ﻋﻠﻲ ﺍﻟﻔﺘﻼﻭﻱ
،،،،،،،،،،،،،،،،،،،،،،،،
ﻏﻮﺍﻟﻲ ﺍﻃﻠﺐ ﻣﻨﻜﻢ ﻃﻠﺐ ﺍﺩﺭﻱ ﻣﺎﺗﻔﺸﻠﻮﻧﻲ
ﺍﻟﺨﺎﻃﺮﻛﻢ ﻛﺴﺮﺕ ﺑﺎﻟﻘﺼﻪ ﻭﻛﺘﺒﺘﻬﺎ ﺑﻬﺬﺍ ﺍﻟﺤﺴﺎﺏ ﺣﺘﺊ ﻣﺎﺍﺧﻠﻴﻜﻢ ﺗﻨﺘﻀﺮﻭﻥ
ﻓﻴﺎﺭﻳﺖ ﺗﺼﻮﺗﻮﻥ ﻣﻮﺑﺲ ﻣﺸﺎﻫﺪﺍﺕ ﻋﺎﻟﻴﻪ ﺑﺪﻭﻥ ﺗﺼﻮﻳﺖ ﻭﺗﻌﻠﻴﻘﺎﺗﻜﻢ ﺍﺗﺸﺠﻌﻨﻲ ﺍﻟﻠﻪ ﺷﺎﻫﺪ
ﺻﺢ ﺍﻛﺜﺮ ﺍﻟﺘﻌﻠﻴﻘﺎﺕ ﻣﺎﺍﺭﺩ ﻋﻠﻴﻬﺎ ﻻﻥ ﻣﺎﻟﻠﺤﮓ ﺑﺲ ﺻﺪﮔﻮﻧﻲ ﻛﻠﻬﺎ ﺍﻗﺮﺍﻫﺎ
ﻓﻴﺎﺭﻳﺖ ﻟﺘﻀﻠﻤﻮﻥ ﺍﻟﻘﺼﻪ ﻭﺗﺨﻠﻮﻫﺎ ﺑﺪﻭﻥ ﺗﺼﻮﻳﺖ
،،،،،،،،،،،،،،،
ﻫﻨﺪ،،ﻭﮔﻊ ﺍﻟﻜﻮﺏ ﻣﻦ ﺍﻳﺪﻱ ﻭﻛﻞ ﺫﺭﻩ ﺑﺠﺴﻤﻲ ﺍﺭﺗﻌﺪﺕ ﻣﻦ ﺍﻟﺨﻮﻑ ﻭﺍﻧﻲ ﺍﺷﻮﻓﻪ ﻻﺯﻡ ﺍﻟﺴﻼﺡ ﻭﮔﻒ ﺍﺑﺎﺏ ﺍﻟﻤﻄﺒﺦ ﺭﻓﻊ ﺍﻟﺴﻼﺡ ﻭﺭﻣﻪ
ﺍﻟﺴﺎﻧﻲ ﺛﮕﻞ ﻣﻦ ﺍﻟﺨﻮﻑ ﻭﻋﻴﻮﻧﻲ ﻣﺘﺸﺨﺼﻪ ﻋﻠﻲ
ﺍﻟﺘﻔﺘﻠﻲ ﻭﮔﺎﻝ
ﻫﺬﺍﻝ،،ﻳﺸﻬﺪ ﺍﺍﺍﻟﻠﻪ ﻭﺭﺳﻮﻟﻠﻪ ﺍﺫﺍ ﺍﺍﺍﺍﺍﺑﻦ ﻋﻤﺞ ﺍﻟﻌﺎﺭ ﻛﺎﺗﻞ ﺿﺎﺭﻱ ﺍﻧﻔﻴﻜﻢ ﺍﺍﺍﻧﺘﻲ ﻭﺍﺍﺍﻫﻠﺞ ﻭﻋﻤﺎﺍﻣﺞ ﻣﻦ ﻭﺟﻬﻪ ﺍﻟﮕﺎﺍﺍﻉ
ﻫﻨﺪ،،ﻋﺎﻓﻨﻲ ﻭﺭﺍﺡ ﺑﻘﻴﺖ ﺑﻤﭽﺎﻧﻲ ﺍﺭﻳﺪ ﺍﻭﮔﻒ ﻣﺎﺍﮔﺪﺭ ﺍﺣﺲ ﺭﺟﻠﻴﻪ ﻣﺎﻳﻌﻴﻨﻨﻲ‏( ﻳﺤﻤﻠﻨﻲ ‏)
ﻭﺍﺧﻴﺮﺍ ﻧﻬﻀﺖ ﻭﺍﺗﻤﺸﻴﺖ ﻟﻠﺒﺎﺏ ﻣﺎﻝ ﺍﻟﺒﻴﺖ ﻣﺪﻳﺖ ﺭﺍﺳﻲ ﻭﺟﺎﻥ ﺍﺷﻮﻑ ﻭﻟﺪﻧﻪ ﻛﻠﻬﺎ ﻣﺴﻠﺤﻪ ﻭﺗﺘﺮﺍﻛﺾ ﺑﺲ ﻣﺎﺟﺪ ﻭﺿﺮﺍﺭ ﺍﺧﻮ ﺿﺎﺭﻱ ﺳﺤﺒﻮ ﺍﻟﺴﻼﺡ ﻣﻦ ﻫﺬﺍﻝ ﻳﻤﻜﻦ ﻳﺪﺭﻭﻥ ﺑﻲ ﻋﺼﺒﻲ ﻭﺑﺴﺮﻋﻪ ﻳﻔﻘﺪ ﺍﻋﺼﺎﺑﻪ ﻟﺬﺍﻟﻚ ﺧﺎﻓﻮ ﻳﺴﻮﻱ ﺷﻲ
ﻫﻲ ﺩﻗﺎﻳﻖ ﻭﻣﺎﺍﻋﺮﻑ ﻣﻨﻴﻦ ﺍﺟﺖ ﺍﻟﻌﺎﻟﻢ ﻭﺍﻟﺘﻤﺖ ﻭﺍﻟﻤﺼﻴﺒﻪ ﻛﻞ ﻭﺍﺣﺪ ﺑﻴﺪﻩ ﺍﺳﻼﺡ ﻋﺒﺎﻟﻚ ﺭﺍﻳﺢ ﻟﻠﺠﺒﻬﺎ ﻳﺤﺎﺭﺏ
ﻛﻞ ﺑﺎﻟﻲ ﻭﺗﻔﻜﻴﺮﻱ ﻭﻗﻠﻘﻲ ﻋﻠﺊ ﺍﻫﻠﻲ ﺷﺮﺍﺡ ﻳﺼﻴﺮ ﺑﻴﻬﻢ ﺑﺴﺒﺐ ﻫﺬﺍ ﺍﻟﺴﺎﻗﻂ
ﺑﻘﺖ ﺩﻣﻮﻋﻲ ﺗﺠﺮﻱ ﻭﺍﻧﺪﻋﻲ ﻣﻦ ﺍﻟﻠﻪ ﻭﺍﻫﻞ ﺑﻴﺘﻪ ﻳﻜﻮﻥ ﺿﺎﺭﻱ ﻣﺎﺑﻲ ﺷﻲ ﻭﺍﻟﺨﺒﺮ ﻣﻮﺻﺤﻴﺢ
ﻛﻞ ﻭﺍﺣﺪ ﺻﻌﺪ ﺳﻴﺎﺭﺗﻪ ﻭﺻﻌﺪﻭ ﻭﻳﺎﻩ ﻛﻢ ﻭﺍﺣﺪ ﻭﺍﻧﻄﻠﻖ
ﺍﻟﻜﻞ ﺭﺍﺡ ﻭﺍﻟﺒﺎﺏ ﺍﻟﺮﺋﻴﺴﻲ ﻻﻭﻝ ﻣﺮﻩ ﺍﺷﻮﻓﻪ ﻫﻴﺞ ﻳﺒﻘﺊ ﻣﻔﺘﻮﺡ ﻋﻠﺊ ﻭﺳﻌﺊ ﻭﻣﺤﺪ ﻳﺮﻭﺡ ﻳﺴﺪﻩ
ﻋﻤﺘﻲ ﺗﺨﻠﻲ ﻋﺒﺎﻳﺔ ﺗﻌﻠﮕﻬﺎ ﺑﺎﻟﻤﻄﺒﺦ ﺍﺧﺬﺗﻬﺎ ﻭﺧﻠﻴﺘﻬﺎ ﻋﻠﺊ ﺭﺍﺳﻲ ﻭﻃﻠﻌﺖ ﻭﺍﻧﻲ ﮔﻮﻩ ﺍﻣﺸﻲ ﻭﻛﻞ ﺧﻄﻮﻩ ﺍﺧﻄﻴﻬﺎ ﺍﺣﺲ ﺷﻲ ﻳﻮﮔﻊ ﻣﻨﻲ
ﻭﺻﻠﺖ ﺍﻟﺒﻴﺖ ﺍﻟﺠﺒﻴﺮ ﻭﺟﺎﻥ ﺍﺷﻮﻑ ﺍﻡ ﺿﺎﺭﻱ ﺗﻤﻠﺦ ﺑﺮﻭﺣﻬﺎ ﮔﺎﻋﺪﻩ ﮔﻌﻮﺩ ﺑﺎﻟﻜﺎﻉ ﺑﺲ ﺍﻟﺤﺠﺎﺏ ﻋﻠﺊ ﺭﺍﺳﻬﺎ ﻭﻣﻔﺘﻮﺡ ﻭﻫﻲ ﺷﺒﻪ ﻓﺎﻗﺪﻩ ﺻﺎﻣﻪ ﺍﺩﻳﻬﺎ ﻭﺗﻀﺮﺏ ﻋﻠﺊ ﺻﺪﺭﻫﺎ ﻭﺗﺼﻴﺢ ﺭﺍﺍﺍﺍﺡ ﻭﻟﻴﺪﻱ
ﻧﺴﻮﺍﻥ ﺣﻤﻮﻳﻬﺎ ﻻﺯﻣﺎﺗﻬﺎ ﻻﻥ ﺍﺩﮒ ﻋﻠﺊ ﻭﺟﻬﺎ ﻭﻓﺎﻗﺪﻩ
ﺭﻛﻀﺖ ﻳﻤﻬﺎ ﮔﺎﺑﻠﺘﻬﺎ ﻭﮔﻌﺪﺕ ﺍﺑﺠﻲ ﻭﻳﺎﻫﺎ ﺍﻭﻝ ﻣﺎﺷﺎﻓﺘﻨﻲ ﺻﺎﺣﺖ
ﺍﻡ ﺿﺎﺭﻱ،،ﻋﻠﻠﻠﺊ ﺑﺨﺘﺘﺘﺞ ﺧﺎﺍﺍﻟﻪ ﻭﻟﺞ ﺍﺑﻦ ﻋﻤﻤﻤﺞ ﻛﺘﻞ ﺍﻭﻟﻠﻠﻴﺪﻱ
ﻫﻨﺪ،،ﺭﺟﻌﺖ ﺍﺩﮒ ﻭﺗﻠﻄﻢ ﻭﻛﻠﻬﺎ ﺗﺒﺠﻲ ﻋﻠﺊ ﺑﺠﻴﻬﺎ
ﺍﻧﺘﺒﻬﺖ ﺍﻟﺒﺎﺏ ﺍﻟﻤﻀﻴﻒ ﺷﻔﺖ ﺟﺪﻱ ﺍﻟﺸﻴﺦ ﻃﻠﻊ ﮔﻮﺓ ﻳﻤﺸﻲ
ﺍﺗﻘﺪﻡ ﺧﻄﻮﺍﺕ ﻛﺎﻧﻬﺎ ﻳﺮﻳﺪ ﻳﻮﺍﺳﻲ ﻣﺮﺓ ﺍﺑﻨﻪ ﻭﻳﺒﺮﺩ ﻛﻠﺒﻬﺎ ﺑﺲ ﻓﺠﺎﻩ ﺍﺧﺘﻞ ﺗﻮﺍﺯﻧﻪ ﻭﻟﺰﻡ ﺑﺎﻟﺤﺎﻳﻂ ﺍﻧﺘﺠﻪ
ﺭﻛﻀﺖ ﺍﻧﻲ ﻭﺍﻡ ﺳﺎﻟﻢ ﻟﺰﻣﻨﺎ ﻭﺍﺟﻪ ﺍﻟﻜﻬﻮﺟﻲ ﻳﺮﻛﺾ ﺳﻨﺪﻩ ﻭﺭﺟﻌﻪ ﻟﻠﻤﻀﻴﻒ ﺍﺑﺎﻭﻉ ﺷﻔﺎﻳﻔﻪ ﺻﺎﺭﻥ ﺑﻴﺾ ﻭﻋﻴﻮﻧﻪ ﺻﺎﺭﺕ ﺑﻨﮕﺮﺓ ﺳﺒﺤﺎﻥ ﺍﻟﻠﻪ ﺍﻧﺨﻄﻒ ﻟﻮﻭﻧﻪ
ﻋﻔﺖ ﺍﻫﻠﻲ ﻭﻋﻤﺎﻣﻲ ﻭﻫﺎﻱ ﺍﻟﻄﻼﺑﻪ ﻭﺻﺮﺕ ﺍﻓﻜﺮ ﺑﺎﻟﺸﻴﺦ ﺍﺫﺍ ﻣﺎﺕ ﺷﻴﺨﻠﺼﻨﻪ ﺑﻌﺪ ﻭﻏﻴﺮ ﻛﻞ ﻫﺎﺫ ﺍﻧﻪ ﺍﺣﺒﻪ ﻣﺎﺍﺭﺿﺎﻟﻪ ﺑﺎﻟﻤﻮﺯﻳﻨﻪ ﻭﻻﺑﻀﻴﺠﺖ ﺍﻟﺨﻠﮓ ﻭﺍﻟﻜﺪﺭ
ﺭﺟﻌﺖ ﺍﻡ ﺳﺎﻟﻢ ﺟﺎﺑﺖ ﻗﻴﺎﺱ ﺍﻟﺴﻜﺮ ﻭﺍﻟﻀﻐﻂ ﺑﺴﺮﻋﻪ ﺣﻠﻠﺘﻠﻪ ﺳﻜﺮ ﻃﻠﻊ ﺻﺎﻋﺪ 500 ﻭﺍﻟﻀﻐﻂ ﻫﻢ ﺻﺎﻋﺪ
ﺍﻧﻄﺘﻪ ﺣﺒﺎﻳﺔ ﺿﻐﻂ ﻭﺣﺒﺎﻳﺔ ﺳﻜﺮ ﻭﺍﻟﺮﺟﺎﻝ ﺑﻌﺪﻩ ﻻﺣﺲ ﻭﻻﻧﻔﺲ
ﺍﺧﺮ ﺷﻲ ﺍﺧﺬﺓ ﺍﻟﻜﻬﻮﺟﻲ ﻭﺍﻡ ﺳﺎﻟﻢ ﻟﻠﻤﺴﺘﺸﻔﺊ
ﺑﻴﻮﻣﻬﺎ ﺑﻘﻴﺖ ﺑﺤﻴﺮﻩ ﺑﻴﻤﻦ ﺍﻓﻜﺮ ﻭﻋﻠﺊ ﻣﻨﻮ ﻻﺯﻡ ﺍﻗﻠﻖ ?
ﻭﺍﻟﻤﺼﻴﺒﻪ ﻣﺤﺪ ﺑﻴﻬﻢ ﻳﺠﺎﻭﺏ ﻋﻠﺊ ﺍﺗﺼﺎﻻﺗﻨﻪ ﻭﻻﺍﻳﻜﻮﻟﻮﻥ ﺍﻣﻪ ﻋﻠﺊ ﺳﺎﻋﻪ ﺗﻨﺠﻠﻂ ﺍﺫﺍ ﻣﺎﺳﻤﻌﺖ ﺧﺒﺮ ﻋﻦ ﺍﺑﻨﻬﺎ
ﻋﻤﺘﻲ ﺍﻡ ﻫﺬﺍﻝ ﻣﻦ ﺳﺎﻣﻌﻪ ﺑﺎﻟﺨﺒﺮ ﺍﺟﺖ ﻓﺎﺯﻋﻪ ﻭﻟﻮﻧﻬﺎ ﻣﺨﻄﻮﻑ ﻋﻠﺊ ﺍﺳﺎﺱ ﺑﻌﺪ ﻣﺎﺍﺗﺰﻭﺭ ﺗﺒﻘﺊ ﺍﺑﻴﺖ ﺍﺧﻮﺍﻫﺎ ﺑﺲ ﻣﻦ ﺳﻤﻌﺖ ﺟﺎﺑﻬﺎ ﺍﺧﻮﻫﺎ ﻭﺍﺟﻪ
ﻣﻦ ﺷﻔﺘﻬﺎ ﻳﺎﺍﻟﻠﻪ ﺍﻣﻨﺖ ﺍﺣﺴﻬﺎ ﻣﺜﻞ ﺍﻣﻲ ﺍﺍﻣﻦ ﺑﻮﺟﻮﺩﻫﺎ
ﻟﻠﺴﺎﻋﻪ 1 ﺍﻟﻀﻬﺮ ﻛﻠﺴﺎﻉ ﺟﺎﻳﺔ ﻭﺣﺪﺓ ﻭﺍﺗﮕﻮﻝ ﺳﻤﻌﺖ ﺑﻲ ﻧﺎﺧﻠﻲ ﻧﺨﻞ ﺑﺎﻟﺮﺻﺎﺹ ﻭﺍﻟﺜﺎﻧﻴﻪ ﺍﺗﻜﻮﻝ ﺑﺲ ﻣﺘﺼﻮﺏ ﻭﻛﻞ ﻭﺣﺪﺓ ﺍﺗﺼﺮﺡ ﻣﻦ ﻛﻴﻔﻬﺎ ﻣﺎﻣﻔﻜﺮﺍﺕ ﺏ ﺍﻣﻪ ﺍﻟﻜﻞ ﺷﻮﻳﻪ ﺗﻮﮔﻊ ﻣﻦ ﻃﻮﻟﻬﺎ
ﺑﻌﺪ ﻧﺺ ﺳﺎﻋﻪ ﺟﺎﻭﺑﻮ ﻋﻠﺊ ﺍﺗﺼﺎﻝ ﺍﻡ ﻣﺤﺴﻦ ﻻﻥ ﺗﺮﻳﺪ ﻭﺍﺣﺪ ﻣﻦ ﺍﻟﺰﻟﻢ ﻉ ﺍﻻﻗﻞ ﻳﻠﺤﮓ ﺍﻟﺸﻴﺦ ﻟﻠﻤﺴﺘﺸﻔﺊ ﻻﻥ ﻣﺤﺪ ﻭﻳﺎﻩ ﺧﺎﻑ ﻳﺼﻴﺮ ﺷﻲ ﻻﺳﺎﻣﺢ ﺍﻟﻠﻪ ﺍﻭﻻ ﻭﺍﺣﺪ ﻣﻦ ﺍﺣﻔﺎﺩﻩ ﺣﺎﺿﺮ ﻳﻤﻪ
ﺍﻡ ﻣﺤﺴﻦ ﺟﺎﻭﺑﻬﺎ ﺍﺑﻨﻬﺎ ﻭﻃﻤﻨﻬﺎ ﺍﻧﻮ ﺿﺎﺭﻱ ﻃﻠﻊ ﻣﻦ ﺍﻟﻌﻤﻠﻴﺎﺕ ﻭﻫﺴﻪ ﺑﺎﻟﻌﻨﺎﻳﺔ ﻭﺑﺲ ﻳﻄﻤﻨﻮﻥ ﻋﻠﻲ ﻳﺮﺟﻌﻮﻥ ﻻﻥ ﺍﻟﻤﺴﺘﺸﻔﺊ ﺍﻧﺴﺪﺕ ﻣﻦ ﻛﺜﺮ ﺍﻟﻌﺎﻟﻢ ﺍﻟﻠﺤﮕﻮﻫﻢ ﻣﻦ ﺳﻤﻌﻮ ﺑﻀﺎﺭﻱ ﻣﺘﺼﻮﺏ
ﺑﺲ ﺍﻟﺪﻛﺎﺗﺮﺓ ﻃﺮﺩﻭ ﺍﻟﻜﻞ ﻭﺑﻘﻪ ﻳﻤﻪ ﺑﺲ ﻫﺬﺍﻝ ﻭﺳﺎﻟﻢ ﻭﺿﺮﺍﺭ
ﺻﺢ ﺍﻃﻤﻨﺖ ﺍﮔﻠﻮﺑﻨﻪ ﺑﺲ ﺍﻟﺨﻮﻑ ﻣﻦ ﺍﻟﻘﺎﺩﻡ ﻛﺎﻥ ﺍﺻﻌﺐ ﺍﺫﺍ ﺍﻫﻞ ﻫﺬﺍﻝ ﻗﺮﺭﻭ ﻳﺪﮔﻮﻥ ‏( ﻳﺮﻣﻮﻥ ‏) ﻋﻤﺎﻣﻲ ﻓﺮﺍﺡ ﻳﺼﻴﺮ ﺑﻴﻨﻬﻢ ﺑﺤﺮ ﺩﻡ
ﻟﻠﻤﻐﺮﺏ ﺭﺟﻌﻮ ﺍﻟﻮﻟﺪ ﺍﻭﻳﺎﻫﻢ ﺍﻫﻮﺍﻱ ﻋﺎﻟﻢ ﺩﺧﻠﻮ ﻟﻠﻤﻀﻴﻒ ﻧﺴﻤﻊ ﺑﺲ ﺍﺻﻮﺍﺗﻬﻢ ﺍﻟﻌﺎﻟﻴﻪ ﻭﺗﻬﺪﻳﺪﺍﺗﻬﻢ ﻭﻛﻞ ﻭﺍﺣﺪ ﻳﻨﺘﻀﺮ ﻛﻠﻤﻪ ﻣﻦ ﻫﺬﺍﻝ ﺣﺘﺊ ﻳﺮﻭﺡ ﻳﻜﺘﻞ ﺍﻧﻮﺭ
ﺑﺲ ﺍﻟﻨﺎﺱ ﺍﻟﺨﻴﺮﺓ ﺍﻟﻲ ﺍﺩﺧﻠﺖ ﺣﺘﺊ ﺗﻬﺪﻱ ﺍﻟﻨﻔﻮﺱ ﺑﻴﻦ ﻣﺎﻳﺴﺘﻘﺮ ﻭﺿﻊ ﺿﺎﺭﻱ
ﻭﺍﻻﻓﺘﻬﻤﺘﻪ ﻣﻦ ﻛﻼﻣﻬﻢ ﺍﻧﻮ ﺍﻧﻮﺭ ﻣﺘﻌﺮﺿﻠﻪ ﺑﺎﻟﻄﺮﻳﻖ ﻣﺎﺧﺬ ﺳﻴﺎﺭﺓ ﻋﻤﻲ ﻭﻣﺘﻌﺮﺽ ﻝ ﺍﻟﻀﺎﺭﻱ ﺑﺎﻟﺴﻼﺡ ﻭﺑﻌﺪ ﻣﺎﺍﺷﺘﺪﻭ ﺑﺎﻟﻜﻼﻡ ﺿﺮﺑﻪ ﺭﺻﺎﺻﻪ ﻭﻻﻥ ﺣﺸﻪ ﻳﻀﻴﻊ ﺩﻡ ﻣﺴﻠﻢ ﻋﻨﺪ ﺍﻟﻠﻪ ﻣﺎﺭﺍﺩ ﺿﺎﺭﻱ ﻳﻤﻮﺕ ﺣﺘﺊ ﻳﻌﺘﺮﻑ ﻉ ﺍﻟﺠﺎﻧﻲ ﻭﺑﻌﺪ ﻣﺎﺍﺳﺘﻌﺎﺩ ﻭﻋﻴﻴﻪ ﺍﺩﻟﺊ ﺑﺎﻗﻮﺍﻟﻪ ﻭﮔﺎﻝ ﺍﻧﻮﺭ ﺍﻟﻀﺮﺑﻨﻲ ﺍﻟﺮﺻﺎﺻﻪ ﺿﺎﺭﺑﺘﻪ ﺍﺑﻄﻨﻪ ﻭﻋﻠﺊ ﺍﺛﺮﻫﺎ ﺗﺎﻟﻔﻪ ﺍﻟﻄﺤﺎﻝ ﻭﺣﺘﺊ ﻳﺘﻮﻗﻒ ﺍﻟﻨﺰﻑ ﻣﻀﻄﺮﻳﻦ ﻳﻘﻠﻌﻮﻥ ﺍﻟﻄﺤﺎﻝ ﺣﺘﺊ ﻳﺴﻴﻄﺮﻭﻥ ﻉ ﺍﻟﻮﺿﻊ
ﻣﺮﺕ ﻳﻮﻣﻴﻦ ﻭﺍﺣﻨﻪ ﻋﻠﺊ ﻭﺿﻌﻨﻪ ﻭﻫﺬﺍﻝ ﺍﺑﺪ ﻣﺎﺷﻔﺘﻪ ﺑﺲ ﻳﺠﻮﻥ ﻳﺎﺧﺬﻭﻥ ﺍﻟﻪ ﻣﻼﺑﺲ ﺳﺎﻋﻪ ﻳﺒﺎﺕ ﻭﻳﻪ ﺿﺎﺭﻱ ﻭﺳﺎﻋﻪ ﻳﺮﻭﺡ ﻳﻄﻤﺄﻥ ﻋﻠﺊ ﺟﺪﻩ
ﺻﺎﺭﻭ ﺑﻮﺿﻊ ﻻﻳﺤﺴﺪ ﻋﻠﻲ ﻣﻦ ﺟﻬﺎ ﺟﺒﻴﺮﻫﻢ ﺷﻴﺦ ﻣﮕﺼﺪ ﺍﻟﻲ ﺍﻟﻜﻞ ﺍﻛﺒﺎﺭ ﺻﻐﺎﺭ ﻣﻠﺘﻤﻴﻦ ﺣﺪﺭ ﺟﻨﺎﺣﻪ
ﻭﻣﻦ ﺟﻬﺎ ﺍﺑﻦ ﻋﻤﻬﻢ ﻭﺍﺧﻮﻫﻢ ﺿﺎﺭﻱ
ﺛﻼﺙ ﺍﻳﺎﻡ ﻭﺍﺣﻨﻪ ﻣﺎﻛﺎﻋﺪﻳﻦ ﻟﻴﻞ ﻭﻧﻬﺎﺭ ﻭﺍﮔﻔﻴﻦ ﻭﮔﻮﻑ ﻋﻠﺊ ﺭﺟﻠﻴﻨﻪ ﻣﻦ ﺍﻟﺨﻄﺎﺭ ﻧﺎﺱ ﺭﺍﻳﺤﻪ ﻧﺎﺱ ﺭﺍﺩﺓ
ﺍﺟﻪ ﻣﺎﺟﺪ ﻭﮔﺎﻝ ﺑﺎﺟﺮ ﺍﻟﺼﺒﺢ ﻳﻄﻠﻊ ﺿﺎﺭﻱ ﻭﺻﺤﺘﻪ ﺯﻳﻨﻪ
ﻭﻫﺴﻪ ﺍﺣﻨﻪ ﺭﺍﻳﺤﻴﻦ ﻧﻄﻠﻊ ﺟﺪﻱ ﻣﻦ ﺍﻟﻤﺴﺘﺸﻔﺊ ﻭﺿﻌﺊ ﺍﺳﺘﻘﺮ ﻭﺍﻟﺴﻜﺮ ﻭﺍﻟﻀﻐﻂ ﻫﺒﻄﻦ ﺑﺲ ﺧﻄﻴﻪ ﻳﻮﻣﻴﻪ ﻳﻀﺮﺑﻮ ﺍﺑﺮﺗﻴﻦ ﺍﻧﺴﻮﻟﻴﻦ ﻭﺣﺪﺓ ﺍﻟﺼﺒﺢ ﻭﺍﻟﺜﺎﻧﻴﻪ ﺑﻠﻴﻞ ﺑﺲ ﺷﻲ ﻋﻠﺊ ﺷﻲ ﺍﻟﺤﻤﺪﺍﻟﻠﻪ ﻣﻦ ﺍﺛﻨﻴﻨﻬﻢ ﻣﺎﺑﻴﻬﻢ ﺷﻲ
ﻟﻠﻌﺼﺮ ﺟﺎﺑﻮ ﺟﺪﻱ ﺍﻟﺸﻴﺦ ﻭﻳﺎﻫﻮ ﺍﻟﻴﺴﻤﻊ ﻳﺠﻲ ﻳﺘﺤﻤﺪﻟﻪ ﻋﻠﺊ ﺳﻼﻣﺘﻪ ﺑﺲ ﺍﺣﻨﻪ ﺧﻠﻴﻨﻪ ﺳﺮﻳﺮﺓ ﺑﺎﻟﻤﻀﻴﻒ ﻭﺍﻟﻴﺠﻲ ﻳﺸﻮﻓﻪ ﻛﻮﻥ ﻛﻼﻣﻪ ﻗﻠﻴﻞ ﻋﻠﺊ ﮔﺪ ﺍﻟﺴﻼﻡ ﻻﻥ ﻭﺿﻌﻪ ﺑﻌﺪﺓ ﻣﻮﺗﻤﺎﻡ
ﺭﺍﺡ ﻣﺎﺟﺪ ﻭﺳﺎﻟﻢ ﺟﺎﺑﻮ ﺧﺮﻓﺎﻥ ﻧﺎﺫﺭﻳﻬﻦ ﺍﻟﺴﻼﻣﺘﻬﻢ
ﺍﺗﻔﻘﻮ ﻭﻳﻪ ﺍﻟﻄﺒﺎﺥ ﺍﻟﻴﺠﻲ ﻳﻄﺒﺦ ﺍﻻﻛﻞ ﻛﺎﻟﻬﻢ ﻣﻦ ﺍﻟﻔﺠﺮ ﺍﻧﻪ ﻳﻤﻜﻢ ﻻﻥ ﺍﻟﻨﺎﺱ ﺩﺍﻋﻴﻬﺎ ﻟﻠﻐﺪﺓ
ﺑﻴﻮﻣﻬﺎ ﻟﻠﻮﺣﺪﺓ ﺑﻠﻴﻞ ﻣﺎﻧﺎﻳﻤﻴﻦ ﻧﻌﺰﻝ ﻭﻧﻔﺮﺵ ﺍﻛﻮ ﺣﺪﻳﻘﻪ ﺟﺒﻴﺮﺓ ﺑﻴﻬﺎ ﺛﻴﻞ ﺍﻭﺭﺩ ﻋﻠﺊ ﺻﻔﺤﺔ ﺍﻟﻤﻀﻴﻒ ﺧﻠﻴﻨﻪ ﺑﻴﻬﺎ ﻃﺒﻠﻪ ﺟﺒﻴﺮﻩ ﻭﺣﻀﺮﻧﻪ ﺍﻟﻜﺘﺎﻟﻲ ﻭﺍﻟﻘﻮﺍﺭﻱ ﻟﻠﭽﺎﻱ ﺣﺘﺊ ﻳﻜﻮﻥ ﺍﻟﻜﻬﻮﺟﻲ ﻣﺴﺘﻌﺪ ﻻﻥ ﺍﻟﺨﻄﺎﺭ ﺍﻫﻮﺍﻱ
ﻃﻮﻝ ﺫﻧﻲ ﺍﻟﺜﻼﺙ ﺍﻳﺎﻡ ﺍﻧﻪ ﮔﻮﺓ ﺍﻣﺸﻲ ﻭﺍﻟﺪﻡ ﻳﺰﻳﺪ ﻣﺎﻳﻨﻘﺺ ﺑﺲ ﻣﺎﺣﺠﻴﺖ ﻭﻻﻓﺘﺤﺖ ﺣﻠﮕﻲ ﻫﻮ ﺍﻟﻮﺍﺩﻡ ﺑﻴﺎ ﺣﺎﻝ ﻭﺍﺟﻲ ﺍﻛﻤﻠﻬﺎ ﻋﻠﻴﻬﻢ ﻟﺬﺍﻟﻚ ﻗﺮﺭﺕ ﺍﺳﻜﺖ ﻭﻳﻦ ﻣﺎﺗﺮﻳﺪ ﺗﺼﻴﺮ ﺧﻞ ﺗﺼﻴﺮ
ﺍﻟﺸﻴﻮﺥ ﮔﺎﻟﻮ ﺑﺲ ﻳﻄﻠﻊ ﺷﻴﺦ ﻣﮕﺼﺪ ﻋﻮﺩ ﻧﻔﺮﺽ ﮔﻮﺍﻣﻪ ﻋﻠﺊ ﺑﻴﺖ ﺷﻴﺦ ﺣﺎﻣﺪ ﺑﺴﺒﺐ ﺍﺑﻦ ﺍﺧﻮ
‏( ﮔﻮﻣﺎﻧﻴﻦ ﻳﻌﻨﻲ ﺑﻴﻨﻬﻢ ﻋﺪﺍﻭﺓ ‏)
ﻣﺎﺍﺗﺨﺬﻭ ﺍﻱ ﺧﻄﻮﺓ ﺑﺬﻧﻲ ﺍﻻﻳﺎﻡ ﺍﻟﻔﺎﺗﻦ ﺑﺎﻣﺮ ﻣﻦ ﺍﻟﺸﻴﻮﺥ ﺍﻟﻜﺒﺎﺭ
ﺍﻫﻢ ﺷﻲ ﺣﺎﻟﻴﺎ ﻋﺪﻫﻢ ﺳﻼﻣﻪ ﺍﺑﻨﻬﻢ ﻭﺍﻟﺸﻴﺦ
ﮔﻌﺪﻧﻪ ﻣﻦ ﺍﻟﻔﺠﺮ ﻭﻟﻮ ﺍﻧﻪ ﻟﻠﺼﺒﺢ ﻛﺎﻋﺪﺓ ﻭﺧﺎﻳﻔﻪ ﺧﺎﻑ ﻳﺠﻲ ﻭﻳﻄﻠﻊ ﺣﺮﮔﺘﻪ ﺑﻴﻪ ﻭﺍﻧﻲ ﻣﺎﻟﻲ ﻏﺮﺽ ﺑﻴﻬﻢ
ﺑﺪﻭ ﻳﻄﺒﺨﻮﻥ ﻭﺍﺣﻨﻪ ﻧﺤﻀﺮ ﺑﺎﻟﻤﻮﺍﻋﻴﻦ ﻧﺠﻬﺰﻫﻦ ﻣﻦ ﻭﻛﺖ ﻭﺍﻟﺨﻀﺮﻭﺍﺕ ﻭﺍﻟﻔﻮﺍﻛﻪ ﺻﺎﺭﺕ ﺍﻟﺴﺎﻋﻪ ﺑﺎﻟﻌﺸﺮﻩ ﻛﻠﺸﻲ ﺻﺎﺭ ﺟﺎﻫﺰ
ﺍﻧﻔﺘﺢ ﺍﻟﺒﺎﺏ ﺍﻟﺮﺋﻴﺴﻲ ﻭﺩﺧﻠﻦ ﺍﻟﺴﻴﺎﺭﺍﺕ ﺍﺳﻤﻊ ﺻﻮﺕ ﺍﻟﻬﻮﺭﻧﺎﺕ ﻳﻌﻠﻨﻦ ﻋﻦ ﻭﺻﻮﻟﻬﻢ
ﻣﺎﺟﺪ ﺣﻀﺮ ﺍﻟﺨﺮﻭﻑ ﺍﻭﻝ ﻣﺎﻧﺰﻝ ﺿﺎﺭﻱ ﻣﻨﺘﺠﻲ ﻋﻠﺊ ﻣﺘﻦ ﻫﺬﺍﻝ ﺫﺑﺢ ﻣﺎﺟﺪ ﺟﻮﺓ ﺭﺟﻠﻪ ﺍﻟﺬﺑﻴﺤﻪ
ﻭﮔﺎﻝ ﻟﻠﺤﺎﺭﺱ ﺍﻟﻤﻮﺟﻮﺩ ﺑﺎﻟﺒﺎﺏ ﻫﺎﻱ ﺍﻟﺬﺑﻴﺤﻪ ﺍﻟﻜﻢ ﺛﻮﺍﺏ ﺍﻟﻮﺟﻪ ﺍﻟﻠﻪ ﻋﻠﺊ ﺳﻼﻣﻪ ﺿﺎﺭﻱ
ﻭﺍﮔﻔﻪ ﺑﺎﻟﻤﻄﺒﺦ ﻣﺤﺰﻣﻪ ﺍﺣﺰﺍﻡ ﺑﻌﺒﺎﺗﻲ ﻣﻦ ﺗﺼﻴﺮ ﻣﻨﺎﺳﺒﻪ ﻣﺎﺍﻋﺮﻑ ﺍﺫﺑﻬﺎ ﻭﺍﺑﻘﻪ ﺑﻄﺮﮒ ﺛﻮﺑﻲ ﻋﺒﻦ ﻓﺸﻠﻪ ﻭﻟﺪﻫﻢ ﻃﺎﺑﻴﻦ ﻃﺎﻟﻌﻴﻦ ﻭﺍﻧﻪ ﺍﺗﻤﺎﻳﺰ ﺑﻄﻮﻟﻲ ﺟﺪﺍﻣﻬﻢ ﺑﺪﻭﻥ ﻋﺒﺎ
ﻟﺬﺍﻟﻚ ﺍﻟﻔﻬﺎ ﻋﻠﺊ ﺧﺼﺮﻱ ﻭﺍﻛﺜﺮﻛﻢ ﻳﻌﺮﻓﻮﻥ ﺷﻨﻮ ﻣﻌﻨﺊ ﺍﺣﺰﺍﻡ ﺍﻟﻌﺒﺎﻳﻪ ﺍﺗﺸﻮﻓﻮﻥ ﺍﻟﻤﺴﻠﺴﻼﺕ ﻧﺴﻮﺍﻥ ﺍﻟﺮﻳﻒ ﻫﻴﺞ ﻳﻠﺒﺴﻨﻬﺎ
ﻭﺍﻛﻔﻪ ﺑﺎﻟﻤﻄﺒﺦ ﺍﺣﻀﺮ ﻭﻳﺎﻫﻦ ﻭﺩﺧﻞ ﻫﺬﺍﻝ ﺍﺟﺖ ﻋﻴﻨﻲ ﺑﻌﻴﻨﻪ ﮔﺼﻨﻲ ﻣﻦ ﻓﻮﮒ ﻟﺠﻮﻩ ﻭﺭﺟﻊ ﺩﺍﺭ ﻭﺟﻬﺎ ﻋﻨﻲ ﻋﺒﺎﻟﻚ ﻣﺎﺷﺎﻳﻔﻨﻲ ﮔﺪﺍﻣﻪ
ﺳﻠﻢ ﻋﻠﺊ ﺍﻣﻪ ﻭﺍﻡ ﺿﺎﺭﻱ ﺑﺎﺱ ﺭﺍﺳﻬﺎ ﻭﻫﻲ ﻫﻢ ﺷﺒﮕﺘﻪ ﻭﺗﺒﺠﻲ
ﻋﺎﻓﻬﻦ ﻭﺭﺍﺩ ﻳﻄﻠﻊ ﺭﺟﻊ ﻭﮔﻒ ﻳﻤﻲ ﺍﺧﺬ ﻛﺎﺳﻪ ﻣﺎﻱ
ﻭﺣﺠﻪ
ﻫﺬﺍﻝ،،ﺍﻃﻠﻌﻲ ﻣﻦ ﻭﺭﺓ ﺍﻟﺒﻴﺖ ﺍﺭﺟﻌﻲ ﺍﻟﺒﻴﺘﻨﻪ ﺣﻀﺮﻳﻠﻲ ﻣﻼﺑﺴﻲ ﻭﺍﻟﺤﻤﺎﻡ ﺍﺭﻳﺪ ﺍﺳﺒﺢ ﻭﺍﺭﺟﻊ ﻳﻢ ﺍﻟﻮﺍﺩﻡ
ﻫﻨﺪ،،ﻫﺰﻳﺖ ﺭﺍﺳﻲ ﺑﺪﻭﻥ ﻣﺎﺍﻧﻄﻖ ﺣﺮﻑ ﻓﻠﻴﺖ ﺍﻟﻌﺒﺎﻳﻪ ﻟﺒﺴﺘﻬﺎ ﻋﺪﻝ ﻭﮔﻠﺖ ﺍﻟﻌﻤﺘﻲ ﺍﻧﻲ ﺭﺍﻳﺤﻪ ﻟﻠﺒﻴﺖ ﻫﺬﺍﻝ ﻳﺮﻳﺪ ﻳﺴﺒﺢ
ﻋﻔﺘﻬﺎ ﻭﻃﻠﻌﺖ ﺭﺣﺖ ﻟﻠﺒﻴﺖ ﻓﺘﺤﺖ ﺍﻟﺒﺎﺏ ﻭﺩﺧﻠﺖ ﺻﻌﺪﺕ ﮔﺒﻞ ﺍﻟﻐﺮﻓﺘﻲ ﻟﮕﻴﺘﻪ ﮔﺎﻋﺪ ﻉ ﺍﻟﺠﺮﺑﺎﻳﻪ ﺑﻴﺪﻩ ﺍﻭﺭﺍﻕ ﻣﺎﺍﻋﺮﻑ ﺷﻨﻮ ﻫﻨﻪ
ﺭﻓﻊ ﺭﺍﺳﻪ ﺑﺎﻭﻋﻠﻲ ﻭﺭﺟﻊ ﻳﻘﺮﺓ ﺑﺎﻟﻮﺭﻗﻪ ﺣﻄﻬﻦ ﻋﻠﺊ ﺻﻔﺤﻪ ﻭﻧﻬﺾ
ﻫﺬﺍﻝ،،ﺭﺍﻳﺢ ﻟﻠﺤﻤﺎﻡ ﺍﻟﺤﮕﻴﻨﻲ ﺟﻴﺒﻲ ﻣﻼﺑﺴﻲ
ﻫﻨﺪ،،ﻣﺘﺖ ﺧﺠﻞ ﻣﻨﻪ ﻓﺸﻠﻪ ﺍﺷﻠﻮﻥ ﺍﺭﻭﺡ
ﻭﻏﻴﺮ ﻫﺬﺍ ﺑﻌﺪﻩ ﮔﻠﺒﻲ ﺷﺎﻳﻞ ﻣﻨﻪ ﻉ ﺍﻟﺴﻮﺍﻩ ﻭﺍﻟﻲ ﻟﻠﻴﻮﻡ ﺍﻧﻲ ﻣﺘﺎﺫﻳﻪ ﺑﺴﺒﺒﻪ
ﺍﺧﺬﺕ ﻣﻼﺑﺴﻪ ﻭﺍﻟﺨﺎﻭﻟﻲ ﻭﻟﺤﮕﺘﻪ ﺩﻛﻴﺖ ﺍﻟﺒﺎﺏ ﺻﺎﺡ ﻓﻮﺗﻲ
ﺑﮕﻠﺒﻲ ﺍﮔﻮﻝ ﻭﻳﻦ ﻳﺮﻳﺪﻧﻲ ﺍﻓﻮﺕ ﻭﻫﻮ ﻛﻠﺸﻲ ﻣﺎﻛﻮ ﺳﻔﺮﺗﺤﻪ ﻣﺨﺒﻠﻪ ﻭﺍﺩﺵ ﻳﻤﻪ ﺣﺘﺊ ﺍﺧﺘﺮﻉ
ﺑﻘﻴﺖ ﻭﺍﮔﻔﻪ ﺑﺎﻟﺒﺎﺏ ﺑﻌﺪ ﺭﺑﻊ ﺳﺎﻋﻪ ﺳﺒﺢ ﻣﺎﺍﻋﺮﻑ ﻟﻴﺶ ﺍﺗﺎﺧﺮ ﻫﻠﮕﺪ ﻭﺍﻧﻲ ﺑﺲ ﺍﺫﺏ ﻣﺎﻱ ﻋﻠﺊ ﺭﻭﺣﻲ ﻭﻣﺮﺍﺕ ﺭﺟﻠﻴﻪ ﻳﻄﻠﻌﻦ ﻣﺨﻄﻄﺎﺕ ﻣﺎﻻﻳﺤﻬﻦ ﺍﻟﻤﺎﻱ
ﻓﺘﺢ ﺍﻟﺒﺎﺏ ﻭﻣﺪ ﺍﻳﺪﺓ ﺍﻧﻄﻴﺘﻪ ﻣﻼﺑﺴﻪ
ﻭﺭﺟﻌﺖ ﻟﻠﻐﺮﻓﻪ ﻃﻠﻌﺘﻠﻪ ﺩﺷﺪﺍﺷﻪ ﻧﻴﻠﻲ ﻭﺍﺷﻤﺎﻍ ﺍﺑﻴﺾ ﻭﺣﻀﺮﺕ ﺍﻟﺴﺒﺤﻪ ﻭﺍﻟﻤﺤﺒﺲ ﻭﺍﻟﺴﺎﻋﻪ ﺣﻄﻴﺘﻬﻦ ﻉ ﺍﻟﻤﻴﺰ
ﺭﺩﺕ ﺍﻃﻠﻊ ﺣﺘﺊ ﺍﺭﺟﻊ ﻭﻳﺎﻫﻦ ﺻﺎﺭ ﻭﻛﺖ ﺍﻟﻐﺪﺓ
ﺩﺧﻞ ﻫﻮ ﻭﺍﻟﻤﻨﺸﻔﻪ ﻋﻠﺊ ﻣﺘﻮﻧﻪ ﻭﺷﻌﺮﻩ ﻣﺨﺮﺑﻂ ﻭﺭﻣﻮﺷﻪ ﻣﺨﺘﻠﻄﻪ ﻣﻦ ﺍﻟﻤﺎﻱ
ﺑﻠﺤﻀﻪ ﺷﻔﺘﻪ ﺑﻬﺬﺍ ﻣﻨﻀﺮﻩ ﮔﻠﺒﻲ ﺧﺪﺭ ﺍﺗﻤﻨﻴﺖ ﻳﻌﺘﺬﺭ ﻉ ﺍﻟﺴﻮﺍﻩ
ﺩﻧﮕﺖ ﺍﺧﺬﺕ ﻋﺒﺎﺗﻲ ﻭﺭﺩﺕ ﺍﻃﻠﻊ ﻣﺎﺣﺴﻴﺖ ﻏﻴﺮ ﺍﺧﺘﻨﮕﺖ
ﻟﺰﻣﻨﻲ ﻣﻦ ﺭﮔﺒﺘﻲ ﻭﺩﻓﻌﻨﻲ ﻉ ﺍﻟﺤﺎﻳﻂ ﻗﺮﺏ ﻧﻔﺴﻪ ﻳﻢ ﺍﺫﻧﻲ ﻭﺣﺠﻪ ﺑﺼﻮﺕ ﻧﺎﺻﻲ
ﻫﺬﺍﻝ،،ﻋﺒﺎﻟﺞ ﻧﺴﻴﺖ ﺳﺎﻟﻔﺘﺞ ﻣﻮ ?
ﻭﺩﺍﻋﺘﺞ ﺑﻌﺪﻧﻲ ﻣﺎﻧﺴﻴﺖ ﻭﻳﻮﻣﻴﻪ ﺍﻓﻜﺮ ﺑﻌﻘﺎﺑﺞ ﺑﺲ ﺑﻌﺪ ﺍﻟﺴﻮﺍﻩ ﺍﺑﻦ ﻋﻤﺞ ﺍﻟﺴﮕﻂ ﺧﻮﺵ ﻟﮕﻴﺘﻠﺞ ﻋﻘﺎﺏ ﺗﺴﺘﺎﻫﻠﻲ ﻭﺍﻟﻠﻪ ﻟﺨﻠﻴﺞ ﺍﻧﺘﻲ ﻭﺍﺑﻮﺝ ﻭﻋﻤﺞ ﺗﻌﻀﻮﻥ ﺍﺻﺎﺑﻌﻜﻢ ﻧﺪﻡ ﻋﻠﺊ ﺳﻮﺍﻳﺘﻜﻢ
ﻫﻨﺪ،،ﺍﺭﺟﻒ ﺑﻴﺪﻩ ﺭﺟﻒ ﻋﺒﺎﻟﻲ ﺑﺎﻟﺼﺎﺭ ﺑﻀﺎﺭﻱ ﻧﺴﻪ ﺳﻮﺍﻳﺘﻪ ﻭﻳﺎﻱ ﻭﻳﻌﺘﺬﺭ ﻣﻨﻲ ﺑﺲ ﻟﻼﺳﻒ ﻃﻠﻊ ﻣﺤﻤﻞ ﻋﻠﻴﻪ ﺑﮕﻠﺒﻪ ﺩﻣﻌﺘﻲ ﺑﻄﺮﻑ ﻋﻴﻨﻲ
ﺍﻭﻝ ﻣﺎﻛﻤﻞ ﻛﻼﻣﻪ ﻧﺰﻟﺖ ﺍﺭﻛﺾ ﮔﻠﺒﻲ ﺍﺣﺴﻪ ﺑﺴﺒﺎﻕ ﺩﮔﺎﺗﻪ ﺳﺮﻳﻌﻪ ﻣﻦ ﺍﻟﺨﻮﻑ
ﻭﺻﻠﺖ ﻭﺍﻧﻲ ﺑﺎﻟﻲ ﻣﻮ ﻳﻤﻬﻦ ﺣﺎﻳﺮﻩ ﺑﻤﺼﻴﺒﺘﻲ ﻭﻳﻪ ﺍﻟﻤﺴﻮﺩﻥ ﻣﺎﻟﺘﻲ
ﺍﺗﻐﺪﺕ ﺍﻟﻮﺍﺩﻡ ﻭﺭﺍﺣﺖ ﻭﺍﻧﻪ ﻭﺍﻟﻨﺴﻮﺍﻥ ﺩﺷﻴﻨﻪ ﻧﺴﻠﻢ ﻋﻠﺊ ﺿﺎﺭﻱ ﻭﻧﺘﺤﻤﺪﻟﻪ ﻉ ﺍﻟﺴﻼﻣﻪ ﺷﻮﻳﻪ ﻭﻛﺎﻟﻮ ﺍﻃﻠﻌﻦ ﻻﻳﺠﻲ ﺧﻄﺎﺭ ﻭﺍﻧﺘﻦ ﺍﻫﻨﺎ
ﻭﻓﻌﻼ ﺷﻮﻳﻪ ﻭﻃﺒﮕﺖ ﺍﻫﻮﺍﻱ ﺳﻴﺎﺭﺍﺕ ﺑﺎﻟﺒﺎﺏ ﻧﺰﻟﺖ ﺍﻫﻮﺍﻱ ﺯﻟﻢ ﻭﺍﻛﺜﺮﻫﺎ ﻣﻌﮕﻠﻪ
ﺍﻟﻔﺘﻬﻤﻨﺎ ﺟﺎﻳﻴﻦ ﻳﺤﻠﻮﻥ ﺍﻟﺴﺎﻟﻔﻪ ﺑﺲ ﺍﻟﻮﮔﻒ ﮔﻠﺒﻲ ﻣﻦ ﺍﺟﻪ ﻣﺎﺟﺪ ﻭﺳﻤﻌﻨﻪ ﻣﻦ ﻋﻨﺪﻩ ﺍﻧﻮ ﻫﺬﺍﻝ ﻃﻠﺐ ﺍﺛﻨﻴﻦ ﻧﺴﻮﺍﻥ ﻓﺼﻞ ﻣﻦ ﺍﺑﻮﻱ ﻭﻋﻤﻲ
ﻃﺒﻌﺎ ﺷﻴﺦ ﻣﮕﺼﺪ ﺑﻌﺪ ﺍﻟﻐﺪﺓ ﺗﻌﺒﺖ ﺣﺎﻟﺘﻪ ﻛﻠﺶ ﻻﻥ ﺳﻜﺮﻩ ﺭﺟﻊ ﻣﻮﻣﺴﺘﻘﺮ ﻓﻌﺰﻟﻮ ﺑﻐﺮﻓﺘﻪ ﺑﻌﻴﺪ ﻋﻦ ﺍﻟﺪﻭﺧﻪ ﻭﺣﺮﮔﺔ ﺍﻻﻋﺼﺎﺏ ﻣﻦ ﻳﺴﻤﻊ ﺍﻟﺤﺠﻲ ﺣﺘﺊ ﻣﺎﻳﺮﺗﻔﻊ ﺳﻜﺮﻩ
ﺍﻻﺻﻮﺍﺕ ﻋﻠﺖ ﺑﻴﻦ ﻣﺆﻳﺪ ﻭﺑﻴﻦ ﻣﻌﺎﺭﺽ ﻭﺍﻛﺜﺮ ﺍﻟﻤﻮﺟﻮﺩﻳﻦ ﮔﺎﻟﻮ ﻣﺎﻳﺼﻴﺮ ﻛﻼﻣﻚ ﻻﻥ ﺍﻟﺰﻟﻤﻪ ﺑﻌﺪﺓ ﻋﺪﻝ ﻣﺎﻣﺎﺕ ﺣﺘﺊ ﺗﺎﺧﺬ ﻧﺴﻮﺍﻧﻬﻢ ﻓﺼﻠﻴﻪ ﻭﻓﻮﮒ ﻫﺬﺍ ﻛﻠﻪ ﺍﻧﺘﻮ ﻧﻔﺲ ﺍﻟﻌﺸﻴﺮﺓ ﻣﺎﻳﺼﻴﺮ ﺗﺎﺧﺬ ﻣﻨﻬﻢ ﻣﺮﺓ ﻓﺼﻠﻴﻪ
ﺑﺲ ﻫﺬﺍﻝ ﻋﺎﻧﺪ ﻭﮔﺎﻟﻬﻢ ﻫﺬﺍ ﺍﻟﻌﻨﺪﻱ ﻭﺍﺧﺬ ﺣﮓ ﺍﺑﻦ ﻋﻤﻲ ﻣﺮﺑﻊ ﻣﻨﻬﻢ ﻭﻓﻮﮒ ﺣﮓ ﺍﻟﺪﻭﻟﻪ ﺍﺧﺬ ﺣﮕﻲ
ﺍﻧﻮﺭ ﻳﺘﺴﻠﻢ ﻟﻠﻘﺎﻧﻮﻥ ﻭﻻﻥ ﺑﻌﺪﺓ ﻗﺎﺻﺮ ﺭﺍﺡ ﻳﺎﺧﺬﻭ ﺍﺣﺪﺍﺙ
ﻭﺣﮓ ﺍﻟﻌﺸﺎﻳﺮ ﻓﺼﻠﻴﻪ ﻧﺴﻮﺍﻥ
ﺑﻌﺪ ﺍﻟﻬﻮﺳﻪ ﻭﺍﻟﻀﺠﻪ ﺍﻟﺼﺎﺭﺕ ﻭﺣﺘﺊ ﺗﻬﺪﺉ ﺍﻟﻨﻔﻮﺱ ﺍﺣﺴﻦ ﻣﺎﻳﺼﻴﺮ ﺩﻣﻬﺎ ﻟﻠﺮﺟﺎﺏ
ﻑ ﺍﻧﺠﺒﺮﻭ ﻳﺴﻤﻌﻮﻥ ﻛﻼﻡ ﻫﺬﺍﻝ ﺑﻤﺎ ﺍﻧﻮ ﻫﻮ ﺍﻟﺸﻴﺦ
ﺑﺲ ﻣﺎﻗﺒﻠﻮ ﺍﺛﻨﻴﻦ ﻧﺴﻮﺍﻥ ﻓﺨﻠﻮﻫﺎ ﻭﺣﺪﻩ ﻣﻮ ﺍﺛﻨﻴﻦ
ﺟﻨﺖ ﺍﻋﺮﻑ ﺭﺍﺡ ﻳﺎﺧﺬﻭﻥ ﻭﺣﺪﺓ ﻣﻦ ﺑﻨﺎﺕ ﻋﻤﻲ ﺣﻤﻴﺪ ﻓﺼﻠﻴﻪ ﻭﻋﻤﻲ ﻋﻨﺪﻩ ﺍﺛﻨﻴﻦ ﻣﺮﻭﻩ ﻭﺳﻬﺊ ﻭﻫﻲ ﻭﺣﺪﺓ ﻣﻨﻬﻦ ﺑﺲ ﺍﻟﻤﺨﻮﻓﻨﻲ ﺍﻟﻤﻦ ﺭﺍﺡ ﺗﺼﻴﺮ ?
ﻳﺎﺧﺬﻫﺎ ﻫﺬﺍﻝ ﻟﻮ ﻳﻨﻄﻴﻬﺎ ﺍﻟﻀﺎﺭﻱ
ﺟﺎﻧﺖ ﻫﺎﻱ ﺍﻻﻓﻜﺎﺭ ﺍﺑﺎﻟﻲ ﻋﻔﺖ ﻛﻠﺸﻲ ﻭﺑﻘﻴﺖ ﻣﻠﺘﻬﻴﻪ ﺑﻬﺎﻱ ﺍﻟﻤﺼﻴﺒﻪ ﺍﻟﻮﮔﻌﺖ ﻋﻠﺊ ﺭﺍﺳﻲ
ﻟﻠﻴﻞ ﺩﺧﻞ ﻟﻠﻐﺮﻓﻪ ﺑﺪﻝ ﻭﺍﺧﺬ ﻓﺮﺍﺷﻪ ﻭﺭﺍﺡ ﻧﺎﻡ ﺑﺎﻟﻐﺮﻓﻪ ﺍﻟﺜﺎﻧﻴﻪ
ﻟﻠﺼﺒﺢ ﺍﻧﻪ ﮔﺎﻋﺪﻩ ﺍﮔﻌﻮﺩ ﺍﺗﺨﻴﻞ ﺑﺎﺟﺮ ﻭﺣﺪﺓ ﻣﻦ ﺑﻨﺎﺕ ﻋﻤﻲ ﺗﺼﻴﺮ ﺷﺮﻳﭽﺘﻲ ‏( ﺿﺮﺗﻲ ‏)
ﻭﺍﻟﻠﻪ ﺍﺧﻠﻲ ﻳﻄﻠﮕﻨﻲ ﻟﻮ ﺍﻣﻮﺕ ﻣﺎﺍﻗﺒﻞ ﺑﻬﺬﺍ ﺍﻟﺸﻲ
ﺛﺎﻧﻲ ﻳﻮﻡ ﺭﺟﻌﺖ ﺍﻟﻤﺸﻴﺎﺕ ﻣﺸﻴﻪ ﺭﺍﻳﺤﻪ ﻭﻣﺸﻴﻪ ﺭﺍﺩﺓ ﻳﺮﺩﻭﻥ ﻳﻘﻨﻌﻮ ﻳﺘﺮﺍﺟﻊ ﻭﻫﻮ ﻣﺎﻳﻘﺒﻞ
ﺭﻓﺾ ﺍﻟﻔﺼﻞ ﻓﻠﻮﺱ ﻭﮔﺎﻝ ﺍﻟﻔﺼﻞ ﻣﺮﺓ
ﻭﺍﻧﻲ ﻣﺘﺎﻛﺪ ﻳﺮﻳﺪ ﻳﺬﻝ ﻋﻤﻲ ﻭﺍﺑﻮﻱ ﺑﻬﺬﺍ ﻗﺮﺍﺭﻩ
ﻋﻤﻲ ﻗﺒﻞ ﻳﻨﻄﻲ ﻭﺣﺪﺓ ﻣﻦ ﺑﻨﺎﺗﻪ ﻓﺼﻠﻴﻪ ﻣﺎﻋﻨﺪﺓ ﻏﻴﺮ ﺣﻞ ﻻﻥ ﻫﺬﺍﻝ ﺷﺮﻁ ﻋﻠﻴﻬﻢ ﺷﺮﻁ ﮔﺎﻟﻬﻢ ﺍﺫﺍ ﻣﺎﻧﻔﺬﺗﻮ ﺍﻟﻌﻴﻦ ﺑﺎﻟﻌﻴﻦ ﻭﺍﻟﺴﻦ ﺑﺎﻟﺴﻦ ﻭﺍﻟﺒﺎﺩﻱ ﺍﺿﻠﻢ
ﻣﻌﻨﺎﻫﺎ ﺍﺑﻨﻜﻢ ﺍﺗﻌﺪﺉ ﻋﻠﺊ ﺍﺑﻨﻪ ﻭﺍﺫﺍ ﻣﺎﻧﻔﺬﺗﻮ ﻧﺴﻮﻱ ﺑﻲ ﻧﻔﺲ ﻣﺎﺳﻮﺉ ﺑﻀﺎﺭﻱ
ﻑ ﻋﻤﻲ ﺧﺎﻑ ﻋﻠﺊ ﺍﻭﻻﺩﺓ ﻭﻗﺮﺭ ﻳﻀﺤﻲ ﺑﻮﺣﺪﺓ ﻣﻦ ﺑﻨﺎﺗﻪ ﺣﺘﺊ ﻳﺘﻜﻔﺊ ﺷﺮ ﻫﺬﺍﻝ ﺍﻟﺠﺎﻥ ﻋﺒﺎﺭﺓ ﻋﻦ ﺟﻤﺮﻩ ﻣﻠﺘﻬﺒﻪ ﺗﺤﺮﮒ ﻛﻠﺸﻲ ﻗﺮﻳﺐ ﻋﻠﻴﻬﺎ
ﺛﺎﻧﻲ ﻳﻮﻡ ﮔﺎﻟﻮ ﺭﺍﺡ ﻳﺠﻴﺒﻮﻥ ﺍﻟﻔﺼﻠﻴﻪ ﻭﺍﮔﻔﻪ ﮔﻮﺓ ﺍﺩﻋﻲ ﺍﻟﻘﻮﺓ ﻓﻮﮒ ﺍﻫﺎﻧﺘﻲ ﻭﻓﻮﮒ ﺷﻜﻪ ﺑﻴﻪ ﺿﻠﻤﻨﻲ ﻭﺍﺫﺍﻧﻲ ﻭﺟﺎﻱ ﺑﻌﺪ ﻛﻠﺸﻲ ﻳﺎﺧﺬ ﺑﻨﺖ ﻋﻤﻲ ﻋﻠﻴﻪ ﺣﺘﺊ ﻳﺬﻟﻨﻲ
ﺭﺍﺡ ﺷﻴﺦ ﻣﻌﺮﻭﻑ ﺍﻟﻪ ﻣﻜﺎﻧﺘﻪ ﻋﺪﻫﻢ ﻣﻌﺮﻭﻑ ﺑﺸﻴﺦ ﻫﻴﺜﻢ
ﺟﺎﺏ ﺍﻟﻔﺼﻠﻴﻪ ﻭﺍﺟﻪ ﻧﺰﻝ ﺍﺣﻨﻪ ﻭﺍﮔﻔﻴﻦ ﺑﺎﻟﻤﻄﺒﺦ ﻧﺒﺎﻭﻉ ﻣﻦ ﺍﻟﺸﺒﺎﺝ ﺩﻧﻴﻪ ﺍﻟﻀﻬﺮ ﻭﺍﻟﺠﺎﻡ ﻣﻀﻠﻞ ﻣﺤﺪ ﻳﺸﻮﻓﻨﻪ
ﺍﻧﻔﺘﺢ ﺍﻟﺒﺎﺏ ﻭﻧﺰﻟﺖ ﻣﺮﻭﺓ ﻭﻣﻨﻀﺮﻫﺎ ﻳﻜﺴﺮ ﺍﻟﮕﻠﺐ ﺫﻟﻴﻠﻪ ﺗﻤﺸﻲ ﻣﺤﻨﻴﺔ ﺍﻟﺮﺍﺱ
ﻋﻘﻠﻲ ﺍﺗﺒﻨﺞ ﻣﻌﻘﻮﻟﻪ ﻣﺮﻭﺓ ﺭﺍﺡ ﺗﺼﻴﺮ ﺷﺮﻳﺠﺘﻲ ?
ﻣﻌﻘﻮﻟﻪ ﻫﺬﺍﻝ ﺭﺍﺡ ﻳﺎﺧﺬﻫﺎ ﻭﻳﺬﻟﻨﻲ ﺑﻴﻬﺎ
ﺑﻘﻴﺖ ﺳﺎﻟﻔﻪ ﺗﺎﺧﺬﻧﻲ ﻭﺳﺎﻟﻔﻪ ﺗﺮﺩﻧﻲ
ﺍﻟﺸﻴﺦ ﻭﺍﮔﻒ ﻳﻢ ﺍﻟﺴﻴﺎﺭﺓ ﻭﻣﺮﻭﺓ ﻭﺭﺍﻩ ﻻﺑﺴﻪ ﻋﺒﺎﻳﺘﻬﺎ ﻭﻣﺪﻧﮕﻪ ﺗﺒﺠﻲ ﺑﺪﻭﻥ ﺻﻮﺕ
ﺍﺑﺎﻭﻉ ﻫﺬﺍﻝ ﻭﺍﮔﻒ ﻋﻠﺊ ﺻﻔﺤﻪ ﻣﻜﺘﻒ ﺍﺩﻱ ﻭﻣﺒﺘﺴﻢ ﺑﺎﺍﻧﺘﺼﺎﺭ
ﻓﺠﺄﺓ ﻃﻠﻊ ﺍﻟﺸﻴﺦ ﻣﮕﺼﺪ ﻣﻦ ﻏﺮﻓﺘﻪ ﻓﺘﺢ ﺑﺎﺏ ﺍﻟﻤﻄﺒﺦ ﻭﻃﻠﻊ
ﺭﺍﺩﻭ ﻳﺪﺧﻠﻮﻥ ﻟﻠﻤﻀﻴﻒ ﺑﺲ ﺍﺳﺘﻮﻗﻔﻬﻢ ﺻﻮﺕ ﺟﺪﻱ ﺍﻟﺸﻴﺦ ﻣﻦ ﻭﺭﺍﻫﻢ ﻳﺎﻣﺮﻫﻢ ﻳﻮﮔﻔﻮﻥ
ﺍﻟﺸﻴﺦ ﻣﮕﺼﺪ،،ﺍﻧﺘﻀﺮﻭ ﺑﻮﻳﻪ
ﻣﻮ ﺷﻴﺦ ﻣﮕﺼﺪ ﺍﻟﻴﺎﺧﺬ ﺑﻨﺎﺕ ﺍﻟﻨﺎﺱ ﻓﺼﻠﻴﻪ
ﺍﻧﻪ ﺷﻴﺦ ﻭﺍﺑﻦ ﺍﺷﻴﻮﺥ ﻭﻣﻌﻠﻢ ﻉ ﺍﻻﻋﺰﻭﺑﻴﻪ
ﻫﻨﺪ،،ﻛﻠﻬﻢ ﺍﻟﺘﻔﺘﻮ ﻭﻫﺬﺍﻝ ﺍﺟﻪ ﺑﺴﺮﻋﻪ ﺳﻨﺪ ﺟﺪﺓ
ﺍﻟﺸﻴﺦ،،ﻭﺳﻔﻪ ﻋﻠﻴﻚ ﺍﺑﻮ ﺍﻻﻛﺒﺮ ﺗﺎﻟﻲ ﻋﻤﺮﻧﻪ ﻧﺎﺧﺬ ﺑﻨﺎﺕ ﺍﻟﻌﺎﻟﻢ ﻓﺼﻠﻴﻪ ?
ﻫﻨﺪ،،ﺭﺍﺩ ﻳﺤﺠﻲ ﻫﺬﺍﻝ ﺑﺲ ﺍﻟﺸﻴﺦ ﺭﻓﻊ ﺍﻳﺪﻩ ﻳﺎﻣﺮﻩ ﻳﺴﻜﺖ ﺍﻟﺘﻔﺖ ﻋﻠﺊ ﺍﻟﺸﻴﺦ ﻫﻴﺜﻢ ﻭﮔﺎﻟﻪ ﺗﺮﺟﻊ ﺑﻨﺖ ﺍﻟﻨﺎﺱ ﻟﻬﻠﻬﺎ ﻣﺜﻞ ﻣﺎﺟﺒﺘﻬﺎ ﻭﻣﺎﻛﻮ ﻓﺼﻞ ﺑﻴﻨﺎﺗﻨﻪ ﻻﻥ ﺍﻻﺿﻔﺮ ﻣﺎﻳﻄﻠﻊ ﻣﻦ ﺍﻟﻠﺤﻢ ﻭﺍﻟﺴﻮﺍﻩ ﺍﺑﻨﻬﻢ ﺭﺍﺡ ﺍﻋﺘﺒﺮﺓ ﺗﺼﺮﻑ ﻣﻦ ﻭﺍﺣﺪ ﺟﺎﻫﻞ ﻭﻃﻔﻞ ﻣﺎﻋﻠﻲ ﻋﺘﺐ ﻭﺍﻟﻘﺎﻧﻮﺍﻥ ﺍﺧﺬ ﺣﮕﻪ ﻣﻨﻪ
ﺭﺟﻊ ﺍﻟﺘﻔﺖ ﺍﻟﻤﺮﻭﺓ ﺍﻟﺠﺎﻧﺖ ﻣﺘﺼﻨﻤﻪ ﺑﻤﻜﺎﻧﻬﺎ ﻭﺑﺲ ﻣﺘﻮﻧﻬﺎ ﺗﻨﻬﺰ ﻣﻦ ﻛﺘﻢ ﺍﻟﺪﻣﻮﻉ
ﺑﺎﺱ ﺭﺍﺳﻬﺎ ﻭﻣﺪ ﺍﻳﺪﻩ ﺍﻟﺠﻴﺒﻪ ﻃﻠﻊ ﻛﻢ ﻭﺭﻗﻪ ﺩﻭﻻﺭ ﻭﺍﻧﻄﺎﻫﺎ
ﻭﮔﺎﻟﻬﺎ ﮔﻠﻴﻠﻲ ﻟﺒﻮﺝ ﻣﺎﻋﺎﺵ ﺍﻟﻴﺎﺧﺬ ﻭﺣﺪﺓ ﻣﻦ ﺑﻨﺎﺗﻚ ﻓﺼﻠﻴﻪ
ﺍﺑﺎﻭﻉ ﻫﺬﺍﻝ ﻳﺮﺟﻒ ﻣﻦ ﺍﻟﻌﺼﺒﻴﻪ ﻭﻳﺮﻳﺪ ﻳﺘﻌﺎﺭﻙ ﻭﻣﺎﺟﺪ ﻭﺿﺮﺍﺭ ﻻﺯﻣﻲ ﺣﺘﺊ ﻣﺎﻳﻬﺪ ﻭﻳﺘﻌﺎﺭﻙ
ﺭﺍﺡ ﺷﻴﺦ ﻫﻴﺜﻢ ﻭﺍﺧﺬ ﻣﺮﻭﺓ ﻭﻳﺎﻩ ﺣﺘﺊ ﻣﺎﺩﺧﻠﺖ ﻟﻠﺒﻴﺖ ﻣﻦ ﺍﻟﺒﺎﺏ ﺭﺟﻌﻮﻫﺎ ﻣﺎﻱ ﺑﺎﺭﺩ ﻭﻧﺰﻝ ﻋﻠﺊ ﮔﻠﺒﻲ
ﻳﺘﺘﺘﺘﺘﺘﺘﺘﺒﻊ