#بين الماضي والحاضر يوجد الغد ✨
#نواره مفتاح م 🦍 💞
@nowara53 حساب الأنستا
.
.
.
🌼أرجوكي أيتها التفاصيل لا تذكرينا 🌼
#كتاباتي
.
صباح يوم جديد مليان حاجات اجديده مواقف وحكايات وغيرهااا ووو
💓
في اقروبهم عالنت
جيداء. صباح الخير عليكم
نجود. جود. محمد. صباح النور
جيداء. اليوم زي ماتعرفوا عندنا محاضره وحده يعني نقدروا نلتموا في المكتبه حتى نص ساعه
الكل. تم
جيداء. بأه منوا اليوم دوره أو حاب يهدرز، بأه علي وين مختفي
علي. ها معاكم لكن أنيء مانيش مازلت الحق
جود. تم أنا حنحكي اليوم ارتاحوا،هي سلام انتلاقوا
الكل. تم. سلام 🙋🏻♂️🙋🏻♀️
_______💚 _________
في حوش نجود
أم نجود. ها طالعه توه، غير ديري حتى احويجه في وجك العفو
نجود. اشوي ونطلع؛ ماما ليش مافيش داعي ليهن الحاجات هدي مش ماشيه لعرس واقي شمس ساد
أم نجود. تي ديري عادي باك حد ينعجب بيك ويخطبك ولا هكي، هيا ديري كريمه واشويه روج و
قصت عليها نجود
نجود. قاعده صغيره ويلي كاتبه ربي يا محلاه شن عشان تبيلي عريس انمكيج أنيء مش مقتنعه، عادي راه تو نتخرج ونصرف على روحي، وأصلا حتى انتي بابا يصرف عليك فيعني فيش امضايقتك
وكنك تبيني انتهنى مش هكي راه، سلام توه
أم نجود. ديري يلي تبيه🤷🏻♀️
(راه في أمهات هكي وأهل وعالم حايس مرات ماتضلمش البنت أو الولد لأنه طلع شخص مش كويس في مؤثرات إيأثرن عليه ايبدلنه شخص تاني، يقعد ايدير في شي هو في حد ذاته عارفه غلط لذالك خلونا مانْسِيؤُوش الظن بأي حد لمجرد إنه مش كويس ممكن نقدروا انصلحوا منه🙏🏻)
🎼🎼🎼
في حوش علي.
العم صالح. وين ياليد خيرك من خشيت تقرأ من جديد شفت روحك ماعاد ريناك ألهى هنا عندك هل وعيله فاهم ولا نغظب عليك
علي. شن استفدت ياسيدي كل ماتقولي نغظب عليك وأنيء انقولك تم يلي تبيه نخسر في حاجه وااجد ياحاج راه
والقرايه يلي اتشوف فيها فيها خيره ليا إن شاء الله ساد ماخسرت سااد
أم علي. بأه ساد وانتم ديمه هرجه ياسركم وخلي الولد ايدير يلي يبيه مسؤول عن أعماله تربح هي ياعليوه اسقد لقرايك وإن شاء الله موفق
علي . بأس يد أمه وراسها، ربي ايخليك فوق روسنا يام وإن شاء الله ديمه اصحيحه رضاك بس.
........... في الكليه............
بدأت المحاضره وكل واحد امركز عشان ايحققوا أهدافهم
انتهت وعدوا المكتبه عمت دقيقه صمت😂
نجود. كساد صح اقريب نطربق أخخ
محمد. بكل
جود. عليوه ياعلاوي نسألك سؤال لكن ما تزعلش
علي. اللهم اجعله خير تفضلي ماتريحي إنتي بدون قصقصه😊
جود. علي أنا املاحظه يدك اليمين فيها رعشه خفيفه هكي مرات طبيعيه ولا سبب حادث صار معاك؟ 🙄
علي. 🤨😡مادخلكش ياجود باهي حاجه خاصه
كان سؤال جود محرج مجرح بالنسبه لعلي وسؤالها جاء فجأه فهو طارتله وهذا حق كل شخص موجوع
جود. تم وصلت لكن متزعلش بس
محمد. غيروا الموضوع
نجود. قلتي انك حتحكي إنتي ياجود.
جود. احم تمام
اسمي جود كما تعرفوا انحب الفنون القتاليه واجد بالذات الملاكمه🙄😌انجرحت واجد في حياتي احم المهم نبدوا هي قصتي من كان عمري 10 سنوات ممكن، عيلتي ناس متواضعه انحبوا ان كل شي ايكون واضح وماندسوش على بعضنا شي وهدا يلي صار، أنيء حبيت ولد من أقاربنا كان أكبر مني بـ 10 اسنين أو أكثر بشوي كنت انموت فيه في كل تفاصيله طبعا ماما وبابا يعلموا وخوي الله يرحمه
ESTÁ A LER
بين الماضي والحاضر يوجد الغد(روايات من واقع الشباب) ✨🦍❤️
Ficção geralهل للأقدار دور أم نحن من نختار قدرنا✨ أبطال الروايه كما يبدوا كان القدر هو من اختار لهم مسيرتهم ومهما حاولو لم يقدروا على تغيره @Nowaranona @nowara53 حساب الأنستا
