رغم نار الحب

البارت الثالث

خله جدي وماهر يكمزون اجه يضاربون ماهر ونصير
نسمع ماهر يصيح انت خيسه سا.... شنو سكران وماادري بروحي واضربه لك انت حيوان وين رجوليتك
وتعترف بطياح حضك

ذاك ماسكتله كله اني رجال ومن اخذته تعرف بيه اشرب ماضربته على ايده وكتله اقبلي بيه

عاط ماهر لك مو تحبه وتحبك موكتلت نفسك عليه شتمسلت انت شنو كدامك زعاطيط لو ماخذنه على كد عقلك

جدو صاح ماهر اكعد لا تاخذنه بلصوت والهوسه خل نفتهم

جره عمو باقر وكعده جنت واكفه والباب شويه مفتوح والكل ملتهي اشوف اليصير جوه ورد لازمتني وتباوع وياي بس وداد كاعده على صفحه تباوع ومعاجبه

طال الحجي وصار اخذ وعطه ابويا ماخله شي ماحجا وخلا امام امر الواقع لو تبطل شرب لو بتنه ضل يمنه وبيناتكم المحاكم تطلكون وكلشي يكعد بمكانه

جدي كذالك ايد كلام بابا طلع نصير وهوه اخر جمله كالهه اذا تردون ترجعوهه تتقبلوني كما كنت غير هذا ماعندي

عاد كام جدي طرده وكله انتضر ورقت طلاكه ولا جهرتك الزفره

بيومه رانيه دكت ولطمت وتبجي وصيح تالي التعب والضيم اطلك ساعه كامله تبجي وتحجي لحد ما جدي طب زمخ بيه كله سدي حلكج هذا الكتلتي نفسج عليه وضربتي حجينه عرض الحايط

سكتت ما كدرت ترد تخاف منه التفتلي كومي بويا سويلي ستكين جاي الوجع يدك براسي

طلع وامي وعمتي سكتنه ويحجين وياهه

سبوع يجر سبوع والوضع بين رانيه وبجيه ومتريد تطلك وبين وضع بغداد وخصوصاً قطاعنه يوميه سامعين نفجار ونلزم كلوبنه وكل شويه مخابرين عمامي بسبب شغلهم ومحلاتهم قريبه يم السوك والاماكن الشعبيه والارهاب يتصيدون الفرص وكثرت الانفجارات بلاسواق

كانت ٢٠٠٨ عباره عن تفجيرات غزة بغداد بمختلف المناطق والاسواق كل شهر شهد انفجار او انتحاري

كانت مضمن تلكه المناطق الشعله المدينه اكادمية الشرطه في شارع فلسطين

اليوسفيه المقداديه استهداف زوار المتوجهين صوب كربلاء لاحياء مراسيم الاربعينيه للامام الحسين سبط الرسول (عليهم افضل الصلاة والسلام )

لكن من ضمن تلك التفجيرات واحد كان في شهر ايار وسط حفل زفاف راح ضحيته ٣٥ شخص في بعقوبه

الخبر كان صادم الأهلي خوال جدي واقاربه في بعقوبه بيومه جدي وبيبي وعمامي وابويه وماهر راحو

كان من ضمن المستشهدين ابن خاله و٢ من احفاده ولده ٣ ونسيبه وبنته ومرته صدك فاجعه كبره
عائله كامله يروح من عده ٩ نفرات 

ايام الفاتحه ثلث ايام ماانقطعو امي وعمتي ثاني يوم راحو ادو الواجب ورجعو

اجت امي سولف بجنتهم وبجيه وعياطهه على ولده شباب بعمر الورد راحو بلاحق ولا باطل اخذتهم عديمي الانسانيه المتعطشين للدماء