المخلص "باللهجة العراقية "

البارت الثالث والعشرون

-دمعت عيوني وحضنته.. انتم اهلي ما اريد اشوفه
بعده ما اريده ما عندي هيج اب ما عندي انتم اهلي..

-بت روحي انتي مو بنته حجاها ورجعني لحضنه..

-كمت عنهم سلمت على نورا وليلى ورحت الغرفتي
رغم فرحتي رغم داخلي الي مبتهج بس احس بداخلي
شيء مكسور يمكن خاطري مكسور يمكن كلبي موقف
ابويه اذاني هواي..

-من اجت عيني بعين نورا نزلتها خجلت من نفسي خجلت حتى اقارن ابويه بابوها وشلون هي تحجي عن
حنيته لو ليلى الي بالعرس من اجينا اخذناها جان   حاضنها وكوه سلمها الكرار ما اريد احسدهم بس جنت متمنيه لو عايشه هالشعور لو ابوي حاله حال الاباء..

-ابوي كسرني وحطم صورته بعيني اول مره من
تركني بطفولتي واخرها موقفه وياي من فضل سعادته
على تعاستي..

-سبحت ونمت بدون اكل وحتى ما مشطت شعري روحي مطفيه واريد اهرب من حزني بالنوم..

-بالليل جنه مجتمعين واندك الباب طلع كرار شويه ورجع.. هذا جعفر جاي عليج حجاها واحسه ضايج واني مبتسمه بخجل هسه هي مال احراجات شحجي عليك جعفر..

-صعدت بدلت وعدلت كفشتي ابن الاوادم هي مال مفاجئه غير يكول راح اجي بلا لو اني طالعتله بهاي بجامتي وقميصي مال توم وجيري والكفشه والله يمكن جان شرد الولد ابتسمت على افكاري ورتبت نفسي ونزلت..

-نورا جانت محضره كيك وعصير اخذته منها وبستها بالهوا ورحت دكيت الباب ودخلت سلمت عليه جانوا كرار وامي كاعدين يمه وعلي جان طالع..

-شويه وكاموا كرار وصل يم الباب والتفت عليه جعفر اكسر رجلك مو تلزك عيني عليك..

جعفر.. عمي الله اكبر شنو سيطره ما اكلها والله ما اكلها كاطع ليلة عرسك انت وعلي وما ادري بروحي..

-امي ضحكت عليهم واخذت كرار وطلعوا وهذا اول ما طلعوا كام وقفل الباب اني وكفت مصدومه..

-هاي شنو يا جعف.. بعد ممكله كلامي هو خله ايده على شفتي وسكتني..

-هو شنو من انعل ابو جعفر هم اخوانج يخلون الواحد ياخذ راحته عبالك بايكج  منهم ترى حلالي والعباس حلالي خو ذاك علي بالخطوبة صارلي حارس  ماخلاني اشوف دربي..

-ابتسمت بغرور.. والله فديتهم يخافون على اختهم خاف تاكلها..

-فد وحده انتي حجاها وسحبني عليه كعد وكعدني بحضنه رفع وجهي بأيده وقرب شفته من وجهي والله احس راح اختفي من الخجل نوب ميندفع ليكول جبل وزع قبلاته على كل وجهي بعدها اتقرب من رگبتي ضل يمشي خشمه عليها واني انتهيت خجل على مغص بالبطن مشاعر اول مره احس بيها عبالك مغيبه عن الوعي وحواسي تحس بس على لمساته..

-ايده على القراصة وخرها ونزل شعري نوب حتى ما مشسورته همزين لحكت امشطه وهو دفن وجها بي يبوس بشعري يرجع على شفتي..