يحبني و انا غافلة ( روايات ليبية )

حلقة 15🔥

#يحبني_و_أنا_غافلة
#الحلقة_الخامسة_عشر

و مهاب كيف يبي يدور يسمع فـي واحد يقوله أهوا اهوا تلفت و 😳  يلقا سليم
سليم : فتح باب السيارة و نزل دانيا و قاللها هذا الى بعتيني على خاطرة
دانيا : سليم حول أيدكـ قدام الناس توا
سليم : توا متحشمه من الناس توا 
دانيا : سليييم 😠 حول أيدكـ بعدين أنت من تكون باش تحكم فيا حتى الخطبة فسختها
سليم : هههههههههـ توا كان نتصل بـي خوتكـ و نوريهم بنتهم
دانيا : أتصل بـي بوي مرة وحدة مش خوتـي بس يا قنين 😠 وقوللهم أني وين كنت باااهي  و مع من و أهو سجل أسم المحل كنا هني أحفظ و طبعا هذا مش حـ تمسع بيه لانه ماشي تقول لـي بوي أني مروحه لـي حوش جدي وحـ نقوللهم كنت عند مها صاحبتي تموم هـي سلم وليد خالـي توكل 😠
مهاب : سليم أعتقنا لـي وجه الله البنت ما تبيكش ولا علاش تمرض فينا يا خوي توكل على ربي
سليم : من غير ما يحس على روحه ضرب مهاب 😳 و شن عاد مهاااب تبات فـيه طوول من غير نقاش شد قعد يضرب فـيه 👊 و تعافرو فـي هذاكا الشارع و الولاد يحزو
سليم : كيف يبي يكر دانيا و يبي يركبها معاه
مهاب : أني جبتها نردها حول أيدكـ من عليها
دانيا : خلوني و برو أنتو الزوز 😠 زي الصغار أنت تكر و أنت تكر شن تحسابو ما عندبش راي شن الشعب هذا
سليم : دانيا أحني فـي الشارع وقدام الناس
دانيا : الناس كل واحد لاهي بجواجيه ما فيش حد منتبه علينا أصلا و بعدين أنت الى تتكلم على الشارع و الناس مش كنتو قريب تذفنو بعض وين كنت تفكر فـي الناس أنت
مهاب : دانيا أركبي و أنت يا سليم حسابكـ مش هني غير تخش المنطقة بس
سليم : شن تحسابها بنت شارع تركب معاكـ ما عندهاش أهل و شدها من أيدها
دانيا : حول مكسورتكـ 😡 خلاص مهاب توا يروح بيا سليم و شبحتله متع بلكي ينسى
مهاب : لالا نوصلكـ لـي حوشكم 😠 شن يروح بيكـ سليم
سليم : أشي يتكلم و تقول يكونلها أني ولد خالها يعني من العيلة أنت بأي صفة تروحلهم بـ بنتهم
دانيا : جبدت مهاب و قعدت تفهم فيه و تقوله معليش خليه يروح بيا و فـي السيارة نحاول نخليه ما يحكيش شي لانه عارفة أن يقدر يقول لـي اماليا و أنت عارف بعدين شن حـ يصير
مهاب : بس و قطعت عليه
دانيا : لا بس لا شي خلاص حبيبي
مهاب : يشد أيدكـ نذبحكـ فاااهمة
دانيا : حاضر يا عيوني
مهاب : مش عارف نروح بيكـ أني و قولي أن كنتي عندنا و روحت بيكـ شن فيها
دانيا : عارفة بس الفرخ سليم مش حـ يسكت صدقني
مهاب : عاد يمشي يدور بنت تانية خلاص معاش فـي الا أنتي و كيف ماشي يبي يكلمه
دانيا : وين ماشي يا كبدي 😳 حـي على مهاب الى ما فيشي عقل توا ماشي تبي تقوله فوت دانيا
مهاب : خلي يحكي شن فيها
دانيا : حبيبي بعدين نتفاهمو 😘 هـي سلام نحبكـ و مشت من غير ما تسمع منه ولا حاجة
و مهاب قعد واقف يشبح لـي سليم لين ركبو و مشو و هوا طول روح الحوش
( مهاب قاعد مش متع مسؤلية ما يعدلش بكل و ما يحسب لـي شي عادي الى يصير يصير 😂 ) و أول ما درس قدام العمارة لقي عمكـ خالد ضاربها نومة فـي هاذيكا السيارة نزل و طق علييه ما باش يفيق وخبط خبط لين قريب كسر المرش فاق خالد مخلوع طول فتح الباب
مهاب : صحة النوم :/ ما فيش وين ترقد
خالد: ما نندريش على روحـي رقدت
مهاب طول نقز ركب خنبه : قولـي خيركـ شن فـي
خالد : خيرني
مهاب : من مدة متغير و جوكـ مش تمام شن فـي ندوي بجديات ما نبصر ره
خالد : 😤 شي شن متغير ههههههـ
مهاب : خالد ما نبصرش
خالد :ما في شي
مهاب : توا يوسف يعرف و أني لا ماشي ماشي و أني كل شي نقولكـ فيه
خالد : أستغفر الله أمتى حـ تكبر
مهاب : قولـي
خالد : أني كنت نحب بنت و هيا طلعت تحب واحد تاني و خلاص هاذي هيا القصة
مهاب : بالتفصيل 😒 و تكى الكرسي
خالد : مش ضروري
مهاب : يوسف يعرفها ؟
خالد : عرفها بروحه ما قلتش
مهاب : 😠 تحب دانيا ؟ هذا علاش ما تبيش تقولـي
خالد : 😳 شن تقول دانيا لالا
مهاب : من هيا
خالد : وحدة و خلاص المهم هيا طلعت تحب ولد تاني و يحبها و فتت الموضوع أني
مهاب : من هيا
خالد : يا ودي شن دخلكـ
مهاب : شن معنى ما تبيش تقولـي 😡
خالد : هكي خلاص أنزل توا
مهاب : تقولـي  نقولكـ شن صار اليوم
خالد : شن صار
مهاب : مش مقايل المهم هي بالسلامة و ركب و خلاه
خالد : مبرده وااااااك شاد من هيا ناقص باش يذبحني و نزل و سكر السيارة و ركب لـي حوشهم طوول خش رقد
أما مهاب عــاد قريب يهبل باش يعرف من هيا حس أن داس عليه لسبب و كله باله أن يحب دانيا ولا لا و بعدين قال مستحيل نعرفه خالد و قعد يخمم لين نعسه النوم

بينما كانت مها تتصل بــي أحمد ترد سرور تقول مهناش
مها : أول ما يروح قوليله يتصل بيا ضروري
سرور : من عيوني سلام
مها : سلام
و سكرت منه حست أن أحمد يدور فـي سبلة باش يباعد عليها و هيا تجري وراه 💔 بعدين بروحها جتها حاجة قالتلها على أساس أنتي ما تهربيش من خالد و هوا يجري وراكـ  💔  حست أن الى أدير فيه لـي خالد يعاقب فيها أحمد قعدت تقول مستحيل نباعد على أحمد و خالد يباعد عليا ما نبيشي و قعدت تبكي شويا شرين الارضي
مها : الو
أحمد : شن الجو
مها: كيف يبي يكون وينكـ
أحمد : عندي خدمة بعدين خيركـ تكشخي تبي حوش و تبي و تبي و تبي طول الوقت فاضي هلبا
مها : قصدي قبل كنت مداير وقت نهدرزو فيه بس توا بديت أدير فـي حركات ألياس
أحمد : لا يا قلبي لا حركات الياس لا شي 😒 قلت هيا قراية و شهادة نخليها على راحتها و أني نقعد فـي العمل
مها: لا حتى لو شهادة عندكـ علم على قد الوقت الى نقرا فيه و كله نجيب فـي درجات ضعيفة مضااايقة
أحمد : و خالد ما يقدرش يغيرلكـ جوكـ مش حتى هوا يحبكـ
مها : أحمد خيركـ هكـي قصـدي شن دخلني فيه يحبني ولا يقعمز
احمد : أها به
مها : نبحكـ
أحمد :أستاحشتكـ يا حمارة 😍
مها : أنت خطيبها
أحمد : أحترمي نفسكـ
مها : بلا بلا بلا
احمد : ههههههههههـ قوليلي شن صارلكـ في الفترة الى فاتت
مها :أمممممممممم متت
أحمد: هههههههـ
مها : و انت
أحمد : أني شديتها خدمة
مها : هههههههههـ سلمه يا ربي بعدين حبيبي تقولـي تبي حوش و تبي و تبي أني مش طالبة منكـ شي ره عادي نقعد فـي دار مع أميمتكـ ره
أحمد : تبصري 😍
مها : قصدي نبي حد يسايرني فـي الحوش نمموت لما نقعد بروحي ره
أحمد : قصدكـ عندكـ عادي تقعدي فـي داري صغيرة
مها : عادي شن فيها
أحمد : مستعدة حـ ناخد الموضوع بجديات ره
مها : و حق ربي تبي تحطني فـي حوش بروحـي زي الغرسة أنت أطلع للعمل و أني بروحي لا يا بابا نبي نسكن مع أماليكـ
أحمد : تعرفـي مش مصدق 😍 نحبكـ موت يا بنت موووووووت
مها : و اها حاجة تانية الذهب فكنا منه ما نحباش اعوذ بالله منه حتى كان قالت ماما قوللها ما نقدرش
أحمد : تكرهي الذهب أنتي بنت
مها : أي بنت شن رايح زي الدراه الكبد و نقولكـ جيب بداله سبيدروات حاجات حلوة مش ذهب
أحمد : أحم مها بنهبل كان حـ ندير الى تبيه غدوا تكوني حلالي ره
مها : و حق ربي الذهب حـ تشريه على الفاضي مش حـ ندير بيه شي تـي الدبلة و تتلاوح من مكان لـي مكان
أحمد : يا ربي مش مصدق نحبكـ نحبكـ نحبكـ مووووووووووووووووت
مها : نموووت فيكـ يا عنوني
ومشي الوقت و كله يحكو و هوا قريب يطير من الى تقول فيه 💓 و بعدها سكرت منه و خشت رقدت و مع المغرب ناضت طول مشت تاكل فـي الكوجينة
و تجـي حنان تنقز و تنذب
مها : خيركـ
حنان : .............................
مها : نعم 💓 خــالد ....

#يتبع