« اي والله شفته،،،،ولج اني من
زمان اكولج
انتي ،،،،،،،،،،ماعندج فرصه ويا
بابا ،،،،،انسي هذا بعده عايش بالماضي
« ينسى،،،، وداعتج الا اخلي ينساها
وهسه تشوفين، ،،،،،
دره حجت هيج ومشت وره جلال
« هاي وين
« اروح،،،،،،،، احجي ويا اوكفي
هسه ارجع،،،،
درة طلعت وره جلال وصاحته
بنص،،،،،، الطريق وكفت
من سمعت ،،،،صوت درة تصيحيني
« جلال ممكن لحظه
« اي،،،،،، تفضلي ست درة
« جلال ماكو،،،، داعي لكلمه ست
احنا زملاء ،،،،،، ونشتغل سوى
وهم، ،،،،لاتنسى احنا اقرباء
صفنت على دره ،،،شلون تحجي
وتضحك،،، وعكدت حواجبي من شفت
مكياجها الطوخ،،،،ولبسها الضيگ
للحظه ،،،،،،وبعدين درت راسي منها
وهي كملت كلامها
« جلال،،،، ممكن ادكول لجيهان
اني ،،،،،،،،،جايتها اليوم العصر
« اي ،،،،،،،من ارجع للبيت
ابلغها ،،،،،،،بس ترة تكدرين انتي
تخابريها ،،،،،،وتبلغيها بنفسج
درة،،،،،، ارتبكت،،،،،وجاوبت جلال
وهي،،، تتهزم بعيونها منه
« هااا،،، والله،،، ،،،رقمها ماادري شلون
انمسح من جهازي
عكدت حواجبي بضوجه
وعرفتها تكذب لان هاي مو اول مره توكفني،،،،،،،،، بحجج تافهه
وطلعت جهازي وحجيت بعدم اهتمام
« زين ،،،،، هسه تريدين رقمها
« هاااا ،،،،،،اي انطينيا
دزيتلها ،،،،،،،،،الرقم برساله
لجهازها،،،،ورجعته جهازي بجيبي
« شكر ،،،،،،جلال تعبتك وياي
« ماكو اي تعب،،درة انتي
مثل اختي جيهان،،،،،واسمحيلي هسه
لازم اروح، ،،،،
حجيت هيج وترخصت منها ورحت لسيارتي
ظليت واكفه بمكاني
واباوع،،،،، لجلال بحسره وحجيت
وي روحي
« ياأختك،،،، لخاطر
الله وشوكت تحس وتعرف اني
احبك ،،،،،،وميته عليك
جلال شوكت تنسى وتشوف نفسك
وتشوفني وياك مو تعبت واني انتظرك
ذبيت حسره من قلبي وظليت واكفه وصافنه ،،،،على جلال ،،،،،،
الما ركب سيارته
،،،،،،،
كعدت بسيارتي للحظه وبعدين
حركتها وطلعت بيها للمكان التعودت اروحله كل فتره،،،،،
وصلت،،،،، ونزلت ووكفت للحظه
اخذت نفس ،،،،،بصعوبه وذبيته
بتعب،،،،،،،، وبعدين مشيت
بهدؤ
« السلام عليكم
« وعليكم السلام ورحمه الله
الحارس يعرفني لان هوايه يشوفني
اجي للمقبره،،،،عفته يحجي وي واحد
اجه وراي ،،،،،،ورحت اتمشه للقبر مال
دينا،،،،،،،،وصلت ووكفت كدامه وصفنت ،،،،،،صفنه طويله على اسمها
وكالعاده،،،،،،،، من اظل وحدي
شريط الذكريات ،،،،
يمر من كدام عيوني
ببطأ عكس حياتي الي مشت
بسرعه ،،،،،،ومافتهمت منها شي
اني جلال الدين عثمان احمد القاضي
ابن اسره ،،،،،عريقه ومعروفه ببغداد
عائلتي،،،،،، توارثت مهنه القانون
ابا عن جد
جدي احمد،،، الله يرحمه،،،،،جان قاضي معروف،،،،،والكل جان يشهد بنزاهته
وحكمه العادل،،،،
جدي اصله من تركيا،،،،،
بس ابوه اجه من زمان للعراق
واستقر بي وتزوج عراقيه
وصار عنده بس جدي،،،،،،،،،،
وهم تزوج عراقيه،،،،،،
وصار ،،،،،،عنده ابويه عثمان
وعمتي فخريه ،،،،،،،،،
ابويه درس بتركيا،،،، وتعرف على امي
الي ابوها يصير من اقرباء جدي، ،،،،وبعد علاقه حب تزوجها بتركيا،،،،،،
واجيت اني للدنيا،،،
ابويه كمل دراسه وره فتره ومن رادها ترجع ويا للعراق،، ماقبلت وفضلت
تبقى بتركيا
ابويه،،،،، حاول يقنعها ترجع ويا بس
هي ظلت مصممه علي رايها،،،،،،،،
وهو من شاف
رفضها وعنادها اخذني ورجع
وجان عنده امل تجي وارنا،،،،
وهذا الصار اجتي بس ماكدرت
تتأقلم بعيشتها بالعراق وظلت تروح وتجي، ،،،،وصارت مشاكل خلت ابويه يهجرها،،،،،،،،،،، ويتزوج
وره،،،،،،،،،،،فتره ام جيهان
سنتين عاشت ويانا
ووراها ماتت بحادثه سياره،،،،،،ومن توفت امي وره فتره رجعت
وعاشت ويانا
وسنه وره سنه انجح وحلم
ابويه حققته من دخلت كليه القانون وتخرجت محامي وبديت اشتغل وي ابويه ،،،،،،وهو وره فتره
تمرض ،،،ومرضه طول،،،،وراها مات
ووره وفاته امي رجعت لتركيا ،،،،،،،،،واستقرت يم جدي مراد
اني جنت ،،،،،كل فتره اروح الها
واظل شهر وارجع،،،،،والحب تسلل
لقلبي. ،،،،،،بيوم من تعرفت على
دينا من اجتي تشتغل ويانا
بعد علاقه جميله،،،،،
تزوجتها،،،،،،وجنت عبالي
راح اكون،،،،،،، اسره واعيش
بحب وياها
مثل،،،،،، كل قصص الحب الحلوه
بس مع مرور الايام،،،،اكتشفت رفضها
نسوي طفل،،،،،،،لان حسب كلامها
هي ،،،،ماتريد طفل يعطلها عن عملها وتقدمها بشغلها،،،،،،
وجانت كلما افتح وياها
موضوع،،،،،،، الاطفال تأجله،،،
ومرت ،،،،،،،السنيين والي جان
بقلبي برد ،،،،وي برودها،،،،
والموضوع صار مثل القضيه
الي،،،،،،،،،،، مالها حل وذبيتها
بركن النسيان،،،،،،،،
والايام،،،،،،،والاشهر والسنيين
فأجاتني بيوم
وعرفت بدينا مريضه،،،،بمرض خبيث
ومتقدم ،،،سافرت بيها للخارج
وهم ،،،،،،،،،،نفس الكلام السمعته بالعراق وماكو فايده من العلاج ،،،،،،،،،ورجعنا
للعراق ودينا ماطولت هوايه،،،،شهر
وماتت وباخر ايامها ،،،،حجت باسف ودموع وندم،،،،
« جلال،،،لو اكدر ارجع الزمن جان رجعته
صدك ،،،،راح اعوف كلشي واعيش
الك انته بس،،،،راح اسمع كلامك واسوي بدل الطفل طفلين واكثر، ،،،،،جلال
اني،،،، راح اروح واني ندمانه على
على،،،،،،،، كل لحظه ماعشتها وياك،،
علي كل لحظه رفضت اعوف شغلي واتفرغ الك ولحياتنا،،،،،،،الخسران
الوحيد مو بس،،،،،،اني
لاااا،،،،،،، انته هم جلال لان
ضيعت عمرك وي ،،،وحده انانيه
ومافكرت غير بس بروحها ،،،،
وحرمتك من ابسط حقوقك
حرمتك تصير اب،،،،وتستقر بحياتك
العائليه حرمتك وحرمت روحي
من اجمل،،، ايام وياريت جبت ولد بنيه
جان عفتهم ،،،،، ذكرى تذكرگ بيه
وماتنساني،،،،
كلامها هذا،،،،،،الحجته بتعب
وهي ،،،،،تبجي وتتنفس بصعوبه،،
خلاني مااتحمل واطلع اوكف بره،،،،
وبنفس اليوم وبليل،،،،،ماتت دينا
ومن ماتت مات وياها شعوري بالحياه
يمكن بذاك اليوم اني من دفنتها دفنت روحي وياها،،،،،،،
نسيت اني رجل ونسيت شي اسمه مشاعر واحاسيس،،،،،،،، وعشت
بس لشغلي
ذبيت حسره من قلبي
وكعدت يم قبرها ومسحت
على اسمها بأيدي،،،،، وسندت
راسي على الحجر
وبديت،،،، اهمس باسمها بصوت
ناصي واحجيلها الي بقلبي ،،،،
هاي ،،،،،،عادتي من ماتت ومابطلتها
جنت،،،،،، اجي كل فتره واكعد يمها
واحجي وياها واشكليها همي
راحتي الوحيده جانت يمها وبهذا
المكان ،،،الخالي من الحياة
وره فتره طويله
كمت بتعب وصفنت على اسمها بحزن وغمضت عيوني وذبيت حسره وجعت قلبي ،،،،،ورفعت راسي للسما
فتحت عيوني وصفنت بضياع واني احس بروحي مشتت ومالي مكان
بهل الدنيا
ذبيت حسره الخ،،،،،،،،، ونزلت راسي
وظليت،،،،،،،، اباوع لاسمها وتاريخ
وفاتها،،،جلال مسح وجهه وحجه بتعب
« الفراگ تعبني،،، دينا وصرت امشي
بجسد مابي روح،،،،، تعبت
من الوحده،،،،،،، وتعبت من حياتي
دينا انتي جنتي كلشي ،،،،،حلو بحياتي،،،،،، ومن رحتي
حياتي صارت بلا طعم ،،،،،
تدرين ،،،،،،،غرفتج بعدها نفسها
وماغيرت شي بيها،،،،
وتدرين هدومج يوميه اشم بيها
دينا يوميه من اظل وحدي بالغرفه
ادور عليج بصورج بريحتج بهدومج
بكلشي عفتي وراج،،،،
جلال سكت للحظه ونزلت دمعه بغصه
وحجه بصوت مخنوك
«5سنوات مرت دينا واني
بعديني،،،،،،،،،،، اشوفج بكل مكان ببيتنا،،،،،بعديني اسمع صوتج باذني، ،،،،تعبت من فزتي بليل واني عبالي الصار حلم وهسه اشوفج نايمه بصفي ،،،،بس ماكو والصار صدك وانتي رحتي،،،،، وعفتني
جلال سكت بغصه،،،،، ومسح وجهه، ،،،،ووره لحظه انتبه
الوقت مشه بدون مايشعر والدنيا
صارت مغرب ،،،،،،،اخذ نفس طويل
وذبه وصفن على قبر دينا وطول وراها
ودعها ومشه وهو يحس بروحه مخنوگ وتعبان،،،،خطوات وشاف الحارس واكف يم غرفته،،،،،،،،، وكف يمه وانطاه فلوس ،،،،،،وكله
« نظف قبر دينا
واسقي شتلات الورد ،،،،،
« تأمر استاذ ،،،،،،اني كل كم يوم انظف القبر واسقي الشتلات مثل ماطلبت
هزيت راسي للحارس وطلعت
ركبت سيارتي وكعدت ولزمت الستيرن بقوه وصفنت بضياع على المقبره وحجيت بحزن
« هنا دفنت روحي وهنا انتهت حياتي
وهسه اني مجرد جسد يمشي وينتظر
الموت باي لحظه
سكتت للحظات واني صافن وبعدين
شغلت،،،،،، السياره ومشيت بيها
وصلت لمزرعتنا ،،،،واول ماشافوني
الحرس
فتحو باب الكراج وطبيت
« اهلا استاذ جلال، ،،
نزلت من سيارتي بتعب
ووكفت ،،،،،ورجعت كتفي ليوره
والتفت،،،،، من سمعت صوت بلاك
ينبح وراي
ودنكت علي من اجه يفتر داير
مدايري،،،،، وهو يهز بذيله
« سمع سيارتك واجه يركض عليك
انطيت الجنطه للعمو هادي
من اجه عليه ومد ايده وجاوبته
« هلا عمو هادي شلونك اليوم
« الحمد لله استاذ صرت احسن وهذا بفضل الله وفضلك انته وفخريه خاتون
خليت ايدي على كتف عمو هادي وابتسمت بوجهه
« عوف الشغل وروح ارتاح الولد موجودين، ،،،،
« لا استاذ غير اموت اني اذا مااتحرك
جسمي،،،،، كله يكوم يوجعني
« اي والله صدك الواحد اذا مايتحرك
يتكسر جسمه،،،
حجيت هيج ورحت اتمشه بالحديقه
اني وبلاك اخذت نفس طويل وذبيته
ببطأ،،،جان الجو بدايه ربيع والاشجار
بدت تنترس قداح، ،،الي ورد
وترس الجو بريحه حلوه ،،،،
سمعت ،،،،صوت بلاك ودنكت علي
وفركت راسه بحنيه،،،،وحجيت ويا
« ابقى اهنا لاتطب وراي تره فخريه خاتون تطردك بالعصى
بلاك افتهم وكعد وظل يباوع عليه
اني ابتسمت ومشيت للبيت
طبيت وشفت عمتي كاعده بالصاله وتباوع مسلسل تركي،،،،
«ايي اكشاملار ،،،،مساء الخير
سلمت على عمتي وهي جاوبتني بابتسامه
« اكشم كوليري،،،،،مساء الورد
كعدت يم عمتي، ،،،ورجعت
ظهري ليوره
واخذت نفس طويل وذبيته بصوت
فخريه خاتون صفنت على ابن اخوها
للحظه وبعدين حجت بحنيه
« جنت يمها، ،،،،،،جلال
رفعت راسي لعمتي وهزيت راسي باي
لحظات صمت وبعدين حجت فخريه خاتون
« اولم،،،،،(ابني)
حاول تنسه وتعيش حياتك
تره الدسوي حرام
« مااكدر انسه، ،،،،،ولا عمري راح اكدر انسه دينا رغم موتها احسها بعدها
عايشه وياي،،،،
فخريه خاتون مدت ايدها ولزمت ايد جلال وبدت تمسح عليها بحنيه
وحجت وعيونها بعيونه،،،،
« الحزن مكتوب علينا
ويجي فجأه مثل ضيف ثگيل
ويظل ويانا فتره نتذكر عزيزنا الفقدنا ونحن اله،،،،،،وقلبنا يبدي يوجعنا من فراقه،،،، بس الله سبحانه وتعالى بالمقابل خلق النسيان،،،،،، لبني ادم حتى يكدرون ينسون ويستمرون بحياتهم ويعيشون الفرح مره ثانيه،،،،،،
سكتت للحظه وبعدين جاوبتها
بتنهيده وحسره
« كلها تنسى الا اني
« لان انته ماحاولت تنسى
وعشت وي ذكرياتك،،،ودفنت روحك بالحزن وانته بعدك شاب ،،،،،
ابتسمت بهم،،،،،،،وجاوبت عمتي
« عمه ياشاب،،،،،،،دشوفيني
عمري صار اربعين سنه والشيب
ترس شعري
فخريه خاتون ابتسمت ومسحت
على شعر جلال وحجت بحنيه
« وينه الشيب اصلان ،،،هي كم شيبه
طالعه،،،،،،وزايدتك حسن ووقار
بست ايد عمتي وكمت من مكاني
وجاوبتها، ،،،،
« هاي لان انتي تحبيني تشوفيني
هيج،،،،
حجيت هيج وسمعت هوسه رهف
« اصلان اجيت
ابتسمت لرهف من طبت واخذتها
لحظني من اجتي تركض عليه
« اهداي جلدم،،،،(اهدئي مجنونه)
« عوفيني بيبي وي الكبد مالي
« بيوكانيه ( بيبي) كولي
وخرت رهف مني
« اوي صعبه بيوكانيه،،،،،،،،بيبي
احلى ،،،،،،
ابتسمت بحنيه لرهف من باوعت عليه وظليت ساكت،،،واسمع كلامهن
« رهف انتي،،،، اصلج تركي ولازم
تتعلمين تركي
« لا بيبي اني اصلي عراقي، ،،لان بابا
عراقي ابا عن جد مو جلال
« ليكه، ،،(عيب)، ،،كم مره كتلج كولي
خالو،،،
رهف ضحكت ،،،،،وحضنت جلال
وحجت وهي تباوع علي بأعجاب
« تخبلت اذا صحته خالو لو ديه،،،،،
دشوفي شلون صاك ،،،ويخبل، ،،،،
فخريه خاتون كتمت ابتسامتها
بصعوبه وحجت وي رهف، ،،
« ليكه (عيب)،،،،رهف شنو صاك هاي منيين ديجيبين هاي الالفاظ
« ههههه والله فخريه خاتون شبي
الانستا والفيس، ،،،
« وشبيها المدرسه،،،،خاتون
رهف سكتت من حجه جلال
وجاوبته بخووف من شافت نظراته
شلون مركزه عليها وينتظر جوابها وحجت بسرعه
« خالو والله اني ماغشيت بدرس الرياضيات،،،،واذا ماتصدك اسال قمر صديقتي،،،،
« هسه صار خالو
جلال ابتسم لعمته وجاوب رهف
« اصلا المديره من خابرتني كالت
قمر هي الي منطيتج الغش على شنو دسالها بعد،،،،امج وين المفروض من خابروها تروح عليهم
رهف سكتت للحظه وبعدين
جاوبت خالها وهي منزله عيونها،،،
« اني خابرت ماما ورفضت تجي لان
طالعه وي صديقاتها، ،،،
« جلال ابني هي شوكت سالت عليها
دشوفها طلعت من الصبح وصار الليل وهي ماأجتي، ،،،
عكدت حواجبي بضوجه وطلعت فوني وخابرت،،،جيهان،،،
« الو جيهان انتي وين
« كاعده وي صديقاتي بكوفي،،،،،
« ارجعي للبيت بسرعه، ،،،،
« ليش شصاير
« ليش هو الي يصير شي يله ترجعين للبيت، ،،،الدنيا صارت ليل وانتي بعدج بره
« اييي جلال جايه لاتلح
جزيت على سنوني وحجيت بعصبيه
« انتبهي لكلامج جيهان،،،،
جيهان سكتت من سمعت نبره التهديد بصوت جلال وجاوبته
« هسه ارجع، ،،،
سديت الخط وباوعت لعمتي الي هزت راسها وهي مو عاجبها وضع اختي
« باجر اني جاي لمدرستج وبلكي اكدر
احجي وي المديره حتى ماتفصلج
« خالو وقمر هم،،،
عكدت حواجبي وسألت رهف
« وشبيها قمر
« عفيه خالو لاتخلي المديره تفصلها
« ليش اهلها وين مايجون عليها
« ابوها مقعد وامها ماتكدر تعوفه
وتعوف خواتها الصغار
سكتت من شفت رهف تتوسل بيه وهزيت راسي،،،،، الها بأي وحجيت
وي عمتي
« عمه اني صاعد فووك عندي قضيه اريد اراجعها من يجهز العشه انزل
« براحتك جلال
صعدت للجناح مالتي واني ضايج من تصرفات جيهان،،،،
اختي جانت مزوجه صديقي واخويه مقداد ابن عمو جابر،،،،،بس تصرفاتها وغرورها وطلعاتها الهوايه
خلقت فجوه
جبيره بينها وبين مقداد الي ماتحمل تصرفاتها ومشاكلها،،،،،
اكثر من مره،،،، اجتي زعلانه لبيتنا
ووراها بفتره ترجع ومن صار عدها رهف
ذبيت مسوؤليتها على ام مقداد
وظلت بسوالفها الي خلت مقداد بيوم
وبعد مشكله جبيره ومن وره لسانها
يطلكها، ،،،،،
اني ماعاتبت صديقي على السواه
لان اني اعرف اختي الصغيره وسوالفها
الي ،،،،،،،،مابطلتها لحد هاي اللحظه
رغم عمرها صار35 سنه
جيهان من النوع الي يحب نفسه
ومايهتم باي احد وحتى
بنتها مودايره بال الها وعايفه
مسؤليتها عليه اني وعمتي
اني من اجتي رهف وهي طفله عمرها
سنتين فرحت بيها وحسيتها بنتي
مو بنت اختي ،،،،،،،،،،،وكبرت
واني بالنسبه الها الاب والصديق
والخال
وجنت مدللها دلال مو صاير
وحتى ابوها
عافها الي والتهى بزواجه الثاني
واطفاله،،،،رهف جانت نعمه بالنسبه الي وجانت مسويه حس بهذا القصر المابي روح ،،،،،،نعمه خايف عليها لايجي يوم وتصير مثل امها،،،،،وجنت متابعها بالصغيره والجبيره خوفا عليها من تصرفات امها، ،،،،
،،،،،،،،
بدلت ملابسي وطبيت للمكتب مالتي
وطلعت قضيه يحيى وبديت اقره بيها
وره ساعه كمت بتعب وفركت عيوني
وطلعت من المكتب مالتي ورحت
اتمشه بالصاله
فتحت باب الدرج الخارجي
ونزلت من جناحي منه للحديقه بصف البيت، ،،،،،،
ابتسمت من سمعت صوت بلاك وصحته
« بلاك تعال
من اجه بلاك عليه اخذته من طوقه
وتمشيت اني ويا بالحديقه
وره ربع ساعه صاحتني ام رزاق
« استاذ العشه جهز
« جاي ام رزاق
عفت بلاك بالحديقه
وطبيت جوه ورحت لغرفه الطعام
وشفت عمتي كاعده هي وجيهان ورهف
جانت اختي،،، مو على بعضها والجو متوتر، ،، الظاهر
عمتي ،،،،،،حاجيه وياها كلام يوجع
ظلينا ناكل بهدؤ وصمت وماكسره غير صوت جيهان من حجت
« جلال اني راح اسافر للبنان بعد
كم يوم
« استغفر الله ياربي، ،،،،انتي
مو قبل شهر رجعتي من تركيا
شعندج مسافره للبنان
« عمه ضايجه واريد اتونس بيها شي
« اي بيها اذا عندج باره،،،(فلوس)
جيهان ،،،،سكتت وبعدين باوعت لجلال وحجت بحقد
«عدنا ،،،،كل هاي الاملاك والفلوس
ومااكدر اسافر ،،،،
« قصدج،،،،،،املاك جلال وفلوسه
« ونصيبي وينه
« اخذتي من توفى ابوج،،،،وانتي ماقصرتي ،،،رحتي
صرفتيهن على الملابس والسفرات والطلعات،،،،المالها داعي،،،
جيهان كامت من مكانها بعصبيه
وحجت،،،،،،، وي عمتها وهي ترجف
« انتي ليش دائما واكفه ضدي
وليش دائما تدافعين لجلال
« كافي جيهان عيب هذا الحجي
« ليش عيب جلال لان كلامي صح
ولان انته اخذت الزين من ورث بابا وانطيتني الفضاله،،،،
جسمي تقلص من العصبيه
وكمت من
مكاني واشرت لرهف الي جانت
تباوع علينا بخوف
« رهف روحي لغرفتج ،،،،
رهف كامت واني
ظليت اباوع الها شلون تمشي وتباوع
علينا الما سدت الباب اندرايت
على اختي الصغيره وجاوبتها بهدؤ
« اني انطيتج الفضاله جيهان كلشي ردتي
حولته باسمج،،،،،،واكثر من حقج وانتي شسويتي رحتي سويتي علاقه وي واحد واصغر منج بسنيين وسويتله وكاله ،،،،وهو نصب عليج وره فتره وباع املاكج ،،،،،،،،واخذ فلوسج كلها
وانهزم للخارج ورغم الصار. والسويتي وفضحيتج اني
خليت الج رصيد محترم بالبنك
وانتي من وره سؤ تصرفج بفتره قصيره صرفتيها بلمح البصر ،،،،،
« قاسم ماباكني هو راح يشغل فلوسي
وبعدين يدزلي الارباح
« ولج انتي غبيه لو دتضحكين على روحج بهذا الحجي، ،،،،
فخريه خاتون صاحت بيها بعصبيه
وجلال كمل
« اي،،،، وفرضا هو ديشغل فلوسج
وينه هو هاي صارله سنه مختفي
ومابين شي منه،،،
جيهان ارتبكت وسكتت وبعد ماتعرف شجاوب،،،،، عمتها واخوها ونزلت راسها
« احجي ام حق وين صار لسانج، ،،،
لوما اخوج يتلاحك للموضوع جان صارت فضيحه جبيره ،،،وسيرتنا تصير بحلك اليسوه والمايسوه
« اني ماسويت شي غلط اني حبيت
حالي حال الغير
« اي وتحبين واحد انتي اكبر منه بعشر سنيين، ،،،،،واحد صايع ضايع كاضي
وكته كله بالملاهي والبارات،،،
« احجي اشو سكتي جاوبي لاخوج
لمياء باوعت بحقد،،،، لعمتها ولجلال
وحجت بسم
« حقي،،، اخذه بالعين بالقوه اخذه
وهسه تشوف ،،،،،،
جيهان حجت هيج وطلعت
« مع الاسف هاي بنت عثمان،،،،،
شلون عين اجتي وطالبت بالورث
واخويه ترابه بعده ما نشف ،،،،،
وراحت،،،،،،،، حبت واحد مهتلف
وانطت توكيل باملاكها،،،،وهو شسوه
باكها وانهزم
« عوفيها عمه اني راح اسجل العماره
الي بالكراده باسمها، ،،،،،،
« ابد ابني لاتسويها هم تبعيها وتصرفها
على صديقاتها وسوالفها التعبانه
« عمه الفلوس تروح وتجي بس الاخوه اذا راحت ماترجع، ،،،،
« استغفر الله يارب مو وياها ابني هاي حاقده عليك لان ابوك خلاك المتصرف الوحيد باملاكه ،،،،
« فخريه،،،،،، خاتون عوفج من
هذا الموضوع هسه وتعالي
نطلع بالحديقه نشرب جاي بالحديقه
الجو صاير حلو
جلال حجه هيج لان حب يغير
الموضوع،،،،،
وفخريه خاتون حست بي وكامت
من مكانها،،،،،
وحجت وي ام رزاق من طبت،،،
« قهوه ساده سويلنا وجيبها للحديقه
« تأمرين خاتون
« واني هم ام رزاق، ،،،،
حجيت،،،،،، هيج ولزمت ايد عمتي
وطلعنا للحديقه ،،،،،،
بارت1
Start from the beginning
