جميلهۿ ڪبغدَاد 💛🌻📝*.

ضـمـيـنـي ... ضـمـيـنـي ✨

سجاد الغريب يــگــول :-

ضميني … ضميني

وكتمي بداخلج ضمي العشك جوه …

احنه بوطن مابي شوك

وطن مايفهم اليهوى

لايفهم شكو بصدرج ولا يفهم شكو بصدري

انه ادري عشكتني بس الوطن مايدري

لاتسهرين ولا تحلمين

ودموعج طيح اركاض

مثل هدت بنادم لو فزع هادود

وطن عطره نتن يتنفس البارود

لاتعشكين مايفهم حجي زلوفج ولايتمنه تنحبين

وطن صاير صخر بس انتي بعدج طين

ضميني …  ضميني

ضميني يابت الناس مثل ضمت تراجي

عيونه على العيد

مثل معضد وحيد ومختنك بايد

مامش امل نلتم والوطن بي خوف

عيشي بلا حلم عيشي على كد اسمي

و لاتحجين للحيطان خاف ينهدر دمي

هذا الوطن بس للموت هاي الديره مو النه

و لا بيه اثر منج و لا مني

ما غنو غنى العشاك بس المكبره تغني

يـ بت باجر ……  يـ بت باجر

يـ بت باجر يـ بت السهر يا كحيله ولاتبجين

هاي الوادم تميز عيون الزين

دموع العاشگه يلمعن

مثل نجمه عشگ متروگه على شباج

مثل لمضت الشيب الطلع لليهواج

ولاتحجين ولاتكولين انه العاشگه البعيونه مسبيه

ولا تفضحين كلبج انتي بدويه

ادفني عيونج بجفج يابت الكمر والنجمه

ياسباحه الروح التدفن بالروح

ياشهگه مسك من تختنك وتفوح

وعوفي سوالف العشاك هاي الوادم تعور

وعذريني يـ بت الناس ضل العشك مايشور ☹