سمارا اليسار (انبلاج السوسن)

البارت 49

صفن بوجهي ودنك راسه فرك وجهه ورفعه
حسيته حابس انفاسه ويحجي :- سمارا اني كتلج سابقاً اذا تتزوجين اخذ جوان لذلك اجيت حتى اخذ بنتي مستحيل اخليهه تربى يم ناس غربه ..

سمارا :- شنو ناس غربه ؟! اني الي اربيهه مو همهه انت بأي حق جاي دتاخذهه وانت اصلا ماتدري بيهه بالشمس بالفي ..

يسار :- غير علمودج علمود ماتتأذين بدونهه بس هسه تزوجتي ومافكرتي بيهه اذاً مالج صلاحيه بيهه .

سمارا :- لو على كص ركبتي مانطيهه ان تزوجت او لا شنو الي راح يفرق هي او وتالي راح تبقى عندي ..

مؤتمن :- اذا انتَ مصر هيج عليهه فخلي المحكمه هي الي تقرر ولا عبالك يوكف وياك القاضي هههه اكبر غلطان اذا تفكر هيج ..

صاح بصوت عالي :- يي طبعاً تكسبون القضيه انتم غير واسطه ..

مؤتمن :- انجببب لك سكتتلك هواي يله البس الباب ولاتشوفنه خلقتك مره ثانيه البنيه يم امهه وماتطلع من حضنهه ..

يسار تخبل من كلام مؤتمن ضل يصيح ويغلط وكوه طلع حسيت حيلي نهد اني شسويت جنيت على نفسي وعلى جوان كعدت على التخم وخليتهه بحضني دخلت امي وبسمله ..

امي :- وين راحوا ؟

مسحت دموعي وكلت :- برا

بسمله :- شصار سمارا ..

سمارا :- يسار مصر على قراره ويريد ياخذ جوان ..

دخلوا مؤتمن ومرتضى

مرتضى :- انعل الساعه الي عرفنه بيهه هالشكول لك ماعنده ذره ضمير ميت على بنته وكاعد يطالب بيهه ..

مؤتمن :- خلي يفكر يحجي مره ثانيه وتأديبه عندي ..

مر اليوم واني القلق ماكلني ثاني يوم الصبح داومت للصيدليه يسار موجود يباوعلي ويخزر رامي ماجان مداوم ..

بنص الدوام قررت اروح احاجي وكف
كباله وكلت :- يسار

لتفتت عليه وباوعلي خلى ايده بجيبه وتنهد
:- سمارا ليش هيج سويتي

رفعت حاجبي وكلت :- شنو الي سويته ؟! تريدني اضل مكابلتك طول عمري حتى ترضه حضرتك مثل مانته عفتني ورحت تزوجت اني هسه هم داشوف حياتي مالك حق تحاسبني وتكسر ايدي ببنتي لان انت العفتنييي مو اني الي كتلك عوفنييي تذكر هالشيء الغلط غلطك لذلك لاتكعد تسوي هالتصرفات وتتحكم بيه بنقطه ضعفي ..

باوعت لعيونه دمعت كال :- سمارا الضروف هي الي رسمت طريقي موبيدي عفتج ولا بأرادتي وانتي شفتي اهلج شسووي تتصورين
بعد كلشي اطلع ماحبج ؟ وماريدج اني كل ماتذكر الاربع سنين الي عشانهم سوه اتحطم من داخلي ضاعت طرقنه بسبب اهلج ورفضهم بسبب تفرقتهم شنو ذنبي كل ماروح اخطبج يطردوني ويطلعوني مجرد من كرامتي ..