All You Need Is Love{လိုအပ်သည်ကအချစ်သာ}U+Z(Completed)

PART 5

{UNICODE}

"တီတီတီ တီတီတီ"

နှိုးဆက်မြည်ကို တိမ်ယံကြားနေရပြီ။ သူ့လက်မောင်းလေးပေါ်မှာ နှစ်နှစ်ခြိုက်ခြိုက် အိပ်ပျော်နေသော ပုလုံးလေး နိုးသွားမည်စိုးသောကြောင့် လျင်မြန်စွာ ပင် လက်လှမ်းပိတ်လိုက်သည်။

ထိုကောင်လေးကတော့ အိပ်မက်ကမ္ဘာထဲမှာပဲ ပျော်နေသေးသယောင်ရှိသည်...။

တိမ်ယံ့၏ အကြည့်တို့သည် ပန်းဆီရောင်နှုတ်ခမ်းဖူးလေးပေါ်ပဲ ကျရောက်ကြရပြန်သည်။မနက်ခင်းစောစော မို့လားမသိ အရိုင်းစိတ်အချို့ကလည်း ထကြွနေသည်။ တိမ်ယံ့၏ ခန္ဓာကိုယ် အတွင်းရှိ သွေးကြောတို့ကလည်း ပေါက်ထွက်တော့မတက်...

ဒီကလေး သာသာကောင်လေး ကိုတော့ တိမ်ယံယခုချိန်မှာ အသားမယူချင်သေးပါ။ထို့ကြောင့် ဆန္ဒကို သိက္ခာဖြင့် ထိန်းကာ ချက်ချင်း break အုပ်လိုက်ရသည်။

သို့သော်လည်း ချောမွတ်ပြောင်လက်နေတဲ့ နဖူးဖွေးဖွေးလေးကို တော့ ဖွဖွလေး အကြင်နာပေးလိုက်သည်။ ဒီကောင်လေးကတော့ ဘာမှသိဟန်မတူ...။ "အွန်းအွန်း အဲအဲ" အသံထွက်ပြီး တစ်ဖက်သို့ လှည့်သွားလိုက်လေးသည်...။

"မင်းလေးက ဘာလို့အဲ့လောက်ချစ်ဖို့ကောင်းနေရတာလည်းကွာ..."

တိမ်ယံ တိုးတိုးလေးဆိုလိုက်ပြီးတော့ ပါးလေးကို ဖွဖွညစ်ကာ ခေါင်းကို ညင်ညင်သာသာ မလိုက်ပြီး ခေါင်းအုံးပေါ်တင်ပေးခဲ့လိုက်ပြီး ရေချိုးခန်းထဲသို့၀င်လာခဲ့သည်...။တိမ်ယံကတော့ ထိုကလေးလေးကို စိတ်နှင့်ပင် မပစ်မှားချင်သေး...

တိမ်ယံရေချိုးပြီးထွက်လာ သည်အထိ ပုလုံးလေးကမနိုးသေး..

"ဟိတ် အိပ်ပုတ်တဲ့ကလေးလေး ထတော့ အကိုတို့ ဒီနေ့ flightရှိတယ်လေ ပြီးတော့ ပုလုံးရဲ့ passport ကိစ္စလည်း စီစဉ်‌ပေးရဦးမယ် ထတော့.."

"ဟာဗျာ အိပ်ချင်သေးတယ်သွားခါနီးမှနှိုး"

အိပ်ချင်မူးတူးလေးဖြင့် နှုတ်ခမ်းလေးဆူကာ ပြောနေသော ထိုကောင်လေးကို ကြည့်ရင်း တိမ်ယံကတော့ အသည်းတွေယားနေလျက်...

"ပုလုံးလေးရေ အချိန်ကို လည်းထကြည့်ပါဦး ‌။ တော်တော်နီးနေပါပြီ ဆရာလေးရ။ ထထ ရေချိုးတော့။"