المشرملة والمافيوزي(أسير عينيها) مكتملة

part 2(new)

غيثة(رمقاتو بدهشة):بصح ولكن مكانش فراسي عندك ولد

مصطفى:بلاماتجبديه عليا راه بسبابو هاد ربع سنين كان خرج ليا لعقل ومزال غيخرج

غيثة:واش هو قبيح

مصطفى:كيطييييير فينما كانت شي مصيبة ولا كارثة ولا حباسات ولا مضاربات هو لول فيهم نفكو من هنا لقاه دخل هنا ولد قاف داك عام لفات في ليلة وحدة دوزني من ربعة كوميسيرات ششنقت على مو تم صدقو مدخلينا بجوج

جواد(قهقه باستمتاع وهمس لغيثة):شتي وخا هكاك راه كيموت عليه وخا مصايب لاخور راه في وقت الشدة كيخليه مفتاخر به

غيثة(اومأت ليه راسي بالفهم ونظرت لعمي مصطفى بحماس):دابا هو غيولي خويا لكبير

توقف كل من مصطفى وجواد عن السير ونظروا ليا كأني درت شي جريمة دابا

غيثة:شنو واش قلت شي حاجة خايبة (ياك عمي قال ليا غيتبناني)

مصطفى(شعر بالقشعريرة كتمر في عمودو الفقري منين طاحت في مخيلتو شكل ولدو منين غيقول ليه عندك ختك):مبغيتش نتخيل منظر حيث عارفو غيجعر

جواد:ههه غيثة مشكل ماشي منك راه داك الجن مكيحملش النسا كاع لدرجة جميلة ياك ومكيقدرش يبقى معاها في نفس بلاصة داكشي علاش هو ومصطفى ديما مضاربين

غيثة:وهو علاش مكيحملش البنات

جواد(تنهد بعمق)قصة طويلللللة

مصطفى(نطق بعد ماحاول يهدأ نفسو):أصلا مغيقرربش ليك وخا مكيسواش غيحامي عليك يلا تهجم عليك شي حد

غيثة:ولعيرني شي نهار

مصطفى:وهادي هي قشة لغتهرس الظهر واصلا وخا عايشين في نفس قصر هو كيخرج من باب اخر وعاد بيتو بعيد حد غيتجمع معانا في طابلة ماكلة ديال فطور ولعشا

همهمت ليه بالفهم وتوجهت معاه للخارج

مصطفى:منقدروش نكملو معاك باش منجبدوش عليك صدااع

غيثة:ميبقاش فيك الحال عمو مهم وانني عرفتك وشفتك

قبل جبيني وضمني لحضنو مؤقتا اما جواد اكتفى يربت على رأسي ودعتهم وانا فرحانة ومتأكدة هاد الليلة مغنعسش بالفرحة

في اليوم الموالي

كانت حصة ديال رياضيات فقط هي لغندرسو ومن بعد عدنا نصف نهار خاوي وهادشي راجع للرحلة لكينظمو فيها ولغريبة عن سابق الرحلات وهادشي حيث عام دراسي مزال جديد ورحلات ماشي وقتهم ثانيا الرحلة مدتها خمسطاش اليوم ...وضعت راسي فوق الطاولة بتعب بارح كانو اللجنة الوصايا جاو بعد ماتلقاو شكوى كالعادة ولقيت مراة عمي واقفة ليا في طريق بسرعة لزمات عليا نغير ملابسي وناكل بعض المثلجات باش منين ندخل القصر يبان عليا انني مدللة بارح بسباب صراخ مريم وغضبها عليا اللجنة شكات في معاملتهم ليا وقرروا يبقاو هاد اليومين عدنا حتى يتطمأنو على الوضع ولسأللتوني علاش خايفة من أني نقول ليهم حقيقة فايتة تشجعت وقمت بها ولكن النتيجة مكانتش كتطمأن ومشيت عند عائلة ثانية ولكانت كتعاملني بقسوة على عائلة عمي ممنوع عليا قرايا وحتى صحتي ذبلاات وعاد رب الاسرة كان غيتعدا عليا منين سكر لهذا فصلت نتذوق الم مرارة مع عمي ومع ذلك نقرا وهذا هو الشرط لشرطتو عليهم مقابل نرجع عندهم