ﻗﻤﻊ ﺍﻟﻤﺸﺎﻋﺮ .... ﺍﻟﺒﺎﺭﺕ ﺍﻟﺨﺎﻣﺲ ..
ﻟﻠﻜﺎﺗﺒﺔ ﺯﻫﺮﺍﺀ ( ﺭﻭﺯﺍﻳﻪ )
ﺷﺠﻦ .. ﺛﺎﻧﻲ ﻳﻮﻡ ﺻﺎﺩﻑ ﻳﻮﻡ ﺍﻟﺴﺒﺖ ﻭﻋﻄﻠﻪ ﻛﻌﺪﺕ ﺏ٩ ﻟﻜﻴﺖ ﻣﺎﻣﺎ ﻭﺑﻴﺒﻲ ﻭﺍﺑﺘﻬﺎﻝ ﻛﺎﻋﺪﺍﺕ ﺑﺎﻟﻤﻄﺒﺦ ﻭﻳﺤﺠﻦ ﺑﺴﺎﻟﻔﻪ ﺑﻨﺖ ﺭﺿﺎ ..
ﺳﺎﻟﺖ ﻣﺎﻣﺎ ﻋﻠﻰ ﺑﺸﺎﺭ ﻛﺘﻠﻬﻪ ﻣﺎﻣﺎ ﺭﺍﺡ ﺑﺸﺎﺭ ؟؟
.. ﺍﻱ ﺭﺍﺡ ﻫﻮ ﻭﻋﻤﺞ ﻋﺎﻣﺮ ﻭﺟﺪﺝ ﻣﺎﻗﺒﻠﻮ ﻳﺮﻭﺡ ﻭﺣﺪﻩ ﻭﻫﺴﻪ ﺍﺩﻙ ﻋﻠﻴﻬﻢ ﻣﺎﻳﺠﺎﻭﺏ ..
.. ﻭﺑﺎﺑﺎ ﻣﺎﺭﺍﺡ؟؟
.. ﻻ ﺍﺑﻮﺝ ﺩﻭﺍﻡ ﻭﻣﺎﻗﺒﻠﻮ ﻳﻨﻄﻮ ﺍﺟﺎﺯﻩ ﻭﺭﺍﺡ ﻋﻤﺞ ﻋﺎﻣﺮ ..
ﺍﺑﺘﻬﺎﻝ .. ﻭﺍﻟﻠﻪ ﻛﻞ ﻋﻘﻠﻜﻢ ﺗﺠﻲ ﻫﻲ ﻣﻦ ﺟﺎﻧﺖ ﺻﻐﻴﺮﻩ ﻟﺴﺎﻧﻬﻪ ﻣﺘﺮ ﻫﺴﻪ ﻣﻦ ﻛﺒﺮﺕ ﺍﺣﺴﺒﻲ ﻣﻦ ﺍﻧﻬﺰﻣﺖ ﻋﻤﺮﻫﻪ ١٦ ﺳﻨﻪ ﻭﻫﺎﻱ ٢٠١١ ﻳﻌﻨﻲ ﻋﻤﺮﻫﻪ ٢١ ﺳﻨﻪ ﻛﺒﺮﺕ ﻭﺗﻌﻠﻤﺖ ﻭﺗﻠﮕﻴﻬﻪ ﺗﻤﺮﺩﺕ ﺍﻛﺜﺮ ..
ﺍﻟﺤﺠﻴﻪ .. ﻭﺍﻟﻠﻪ ﻳﺎ ﺍﺑﺘﻬﺎﻝ ﻣﺎﻧﻌﺮﻑ ﺷﻨﺤﺠﻲ ﻟﻮ ﻭﻟﺪ ﺧﻠﻲ ﻭﻳﻦ ﻣﺎﻳﺮﻭﺡ ﺑﺲ ﻫﺎﻱ ﺑﻨﻴﻪ ﻭﻧﺪﺭﻱ ﻣﻦ ﺍﻧﻬﺰﻣﺖ ﺭﺍﺣﺖ ﻻﻫﻞ ﺍﻣﻬﻪ ﻭﻟﻮ ﻣﺘﺰﻭﺟﻪ ﻫﻢ ﺍﺣﺴﻦ ﺑﻬﻮﺍﻱ ﻋﺎﺩ ﻧﻜﻮﻝ ﺑﺮﻛﺒﺔ ﺭﺟﺎﻝ ﺑﺲ ﺑﻨﻴﻪ ﻭﺣﻠﻮﻩ ﻭﻣﻦ ﺑﻴﺖ ﻟﺒﻴﺖ ﺷﻨﻜﻮﻝ ﻭﺍﻟﻠﻪ ﻣﺼﻴﺒﺘﻨﻪ ﻣﺼﻴﺒﻪ ﺭﺑﺞ ﺳﺎﺗﺮﻧﻪ ﻣﻦ ﻛﻼﻡ ﺍﻟﻨﺎﺱ ﺟﺎﻥ ﻫﺴﻪ ﺻﺮﻧﻪ ﻋﻠﺞ ﺑﺤﻠﻮﮔﻬﻢ ..
ﺍﻡ ﺑﺸﺎﺭ .. ﻭﺍﻟﻠﻪ ﮔﻠﺒﻲ ﻣﻔﺮﻓﺢ ﺑﺸﺎﺭ ﻭﺍﻋﺮﻓﻪ ﺭﺍﺳﻪ ﻳﺎﺑﺲ ﻭﻻﺯﻡ ﻳﻨﻔﺬ ﺍﻟﻲ ﻳﺮﻳﺪﻩ ﻭﻫﻮ ﻣﺘﺤﻠﻒ ﺑﻴﻬﻪ ﻣﻦ ﻳﻮﻡ ﺍﻟﺮﺍﺣﺖ ﺑﻲ ﻣﺎﻋﺎﺟﺒﻪ ﺗﺼﺮﻓﺎﺕ ﺍﺑﻮ ﻭﻻ ﻭﺿﻌﻨﻪ ﻭﻳﻜﻮﻝ ﺍﻧﺘﻢ ﻣﺎﺧﺬﻳﻦ ﺍﻻﻣﻮﺭ ﺑﺒﺴﺎﻃﻪ ﻭﻣﻦ ﻳﺼﻴﺮ ﺍﻟﺸﻲ ﺍﻻﻛﺒﺮ ﻫﺬﻳﺞ ﺍﻟﺴﺎﻋﻪ ﺗﺘﻨﺪﻣﻮﻥ ..
ﺍﺑﺘﻬﺎﻝ .. ﺍﺩﺭﻱ ﻳﺎﺩﺍﺩﻩ ﻣﺘﺤﻠﻒ ﺑﻴﻬﻪ ﺷﻴﺴﻮﻱ ﻳﺰﻭﺟﻬﻪ ﻳﻌﻘﺪ ﻋﻠﻴﻬﻪ ﺑﺤﺠﻪ ﺍﺑﻦ ﻋﻤﻬﻪ؟؟
ﺍﻡ ﺑﺸﺎﺭ .. ﻋﻠﻤﻲ ﻋﻠﻤﺞ ﻫﻢ ﺣﺎﻟﻲ ﻣﻦ ﺣﺎﻟﺞ ﻣﺎﺩﺭﻱ ﺑﺘﻔﻜﻴﺮ ﺍﺑﻨﻲ ﺷﻨﻮ ﺑﺲ ﺍﻗﻨﻊ ﺑﺮﻭﺣﻲ ﻭﺍﻛﻮﻝ ﺩﺍﺭﺱ ﻭﻓﺎﻫﻢ ﻭﺟﺒﻴﺮ ﻣﺎ ﻳﺴﻮﻱ ﻫﻴﺞ ﺷﻐﻼﺕ ﻭﻳﺠﺒﺮﻫﻪ ﻫﻢ ﺧﻄﻴﻪ ﻫﻲ ﻣﺤﺪ ﻳﺤﻤﻠﻬﻪ ﺫﻧﺐ ﺗﺮﻯ ﺍﻟﺬﻧﺐ ﻻﻫﻠﻬﻪ ﻭﻟﻠﺒﻴﺌﻪ ﺍﻟﺘﺮﺑﺖ ﺑﻴﻬﻪ ...
ﺷﺠﻦ .. ﻋﻔﺘﻬﻦ ﻳﺴﻮﻟﻔﻦ ﻭﺭﺣﺖ ﺍﻛﻤﻞ ﻗﺮﺍﻳﻪ ﺍﻣﺘﺤﺎﻧﻲ ﺑﺎﺟﺮ ﻭﻛﻠﺴﺎﻉ ﺑﺎﻟﻲ ﻳﺴﺮﺡ ﻟﻐﻴﺚ ﻭﺗﻨﺮﺳﻢ ﺍﺑﺘﺴﺎﻣﻪ ﻉ ﻭﺟﻬﻲ ..
ﻛﺎﻟﻲ ﺍﺭﻳﺪ ﺍﺗﻘﺪﻣﻠﺞ ﻫﺎﻱ ﺍﻻﻳﺎﻡ ﻭﺍﻧﻲ ﻣﺘﺮﺩﺩﻩ ﻣﺎ ﺍﺭﻳﺪ ﺍﺭﺗﺒﻂ ﻭﺍﺩﺭﺱ ﺍﺭﻳﺪ ﺍﻛﻤﻞ ﺩﺭﺍﺳﻪ ﻳﻠﻪ ﻭﺍﺷﻮﻓﻬﻪ ﺑﻌﺪ ﻭﻗﺖ ﻭﺑﻼﺧﺺ ﺑﺎﺑﺎ ﺍﺩﺭﻱ ﺑﻲ ﻣﺎﺭﺍﺡ ﻳﻘﺒﻞ ﻳﺤﺐ ﻏﻴﺚ ﻭﻣﺘﺎﻛﺪﻩ ﺭﺍﺡ ﻳﻜﻠﻪ ﺍﻻﺗﻜﻤﻞ ﺩﺭﺍﺳﺘﻬﻪ ..
ﻣﺜﻞ ﻫﺪﻯ ﺟﺎﻧﺖ ﻣﻌﻬﺪ ﻣﻌﻠﻤﺎﺕ ﻭﺍﺑﻦ ﻋﻢ ﺑﺎﺑﺎ ﻳﺮﻳﺪﻫﻪ ﻭﻛﺎﻝ ﻣﺎ ﺍﻧﻄﻴﻬﻪ ﺍﻻ ﺗﻜﻤﻞ ﻭﺷﻜﺪ ﺩﺯ ﻧﺎﺱ ﻭﺟﺪﻱ ﺟﺎﻥ ﻳﻘﻨﻊ ﺑﺎﺑﺎ ﻭﻛﺎﻝ ﺗﺎﺧﺬ ﺷﻬﺎﺩﺗﻬﻪ ﻳﻠﻪ ﻭﺍﻻ ﺑﺎﻟﺴﻨﻪ ﺍﻻﺧﻴﺮﻩ ﻳﻠﻪ ﺍﻧﺨﻄﺒﺖ ...
ﺑﻴﺖ ﻋﻤﻲ ﻋﺎﻣﺮ ﻳﺒﻨﻮﻥ ﺍﺑﻴﺘﻬﻢ ﻭﺭﺍﺡ ﻳﻜﻤﻞ ﺑﻬﺎﻱ ﺍﻻﻳﺎﻡ ﻳﺸﻴﻠﻮﻥ ﻳﻌﻨﻲ ﺑﻌﺪ ﻣﺎﻛﻮ ﻧﺮﺟﺲ ﻣﺎﻛﻮ ﺑﻨﺎﺕ ﻋﻤﻲ ﻋﺎﻣﺮ ﻋﻠﻰ ﺍﻟﺮﻏﻢ ﺍﺣﻨﻪ ﻧﻔﺲ ﺍﻟﻌﻤﺮ ﺑﺲ ﻭﺍﻫﺴﻬﻦ ﺑﺎﻟﺪﺭﺍﺳﻪ ﻣﻮﺷﻲ ﺍﺛﻨﻴﻨﻬﻦ ﺍﺩﺑﻲ ﻭﺍﺛﻨﻴﻨﻬﻦ ﻋﺎﺩﻥ ﺍﻟﺴﺎﺩﺱ ...
ﻟﺤﺪ ﺍﻟﺴﺎﻋﻪ ﺏ٥ ﺍﻟﻌﺼﺮ ﻳﻠﻪ ﺭﺟﻌﻮ ﺟﻨﺖ ﺍﻏﺴﻞ ﺑﺎﻟﻄﺮﻣﻪ ﻭﻓﺘﺤﻮ ﺍﻟﺒﺎﺏ ﺟﺪﻱ ﺧﻄﻴﻪ ﻭﺟﻬﻪ ﺍﺻﻔﺮ ﻣﻦ ﺍﻟﻄﺮﻳﻖ ﻣﻮﻣﺎﻝ ﻃﺮﻳﻖ ﻃﻮﻳﻞ ﻭﻳﺘﻌﺐ ﺭﺟﺎﻝ ﺟﺒﻴﺮ ..
ﺍﺑﺎﻭﻉ ﻋﻠﻴﻬﻢ ﻭﺍﺩﻭﺭ ﻭﻳﻨﻬﻪ ﺟﺎﻳﻪ ﻭﻳﺎﻫﻢ؟؟ ﻃﺒﻌﺎ ﻻ ﻣﻨﻮ ﻳﻜﺪﺭ ﻳﻘﻨﻌﻬﻪ؟؟١
ﺑﺸﺎﺭ ﻣﺎﻛﻮ ﺑﺲ ﺫﺑﻬﻢ ﺑﺎﻟﺒﺎﺏ ﻭﺭﺍﺡ ﻟﻠﺒﺼﺮﻩ ﺣﺘﻪ ﻣﺎﻣﺎ ﺑﺠﺖ ﻛﺎﻟﺖ ﻫﻮ ﺍﻧﻲ ﺷﻔﺖ ﺷﻲ ﻣﻦ ﻋﻨﺪﻩ ﻭﻟﻴﺶ ﻣﺎﻃﺐ ﺳﻠﻢ ﻋﻠﻴﻪ ﺑﺲ ﺧﺎﺑﺮﻫﻪ ﺍﻋﺘﺬﺭ ﻣﻨﻬﻪ ..
ﻭﻫﻲ ﺷﻠﻮﻥ ﻋﺪﻫﻪ ﮔﻠﺐ ﺩﻛﻠﻪ ﺭﻭﺡ ﻳﻤﻪ ﻣﻨﻮ ﻛﺎﻟﻚ ﺯﻋﻼﻧﻪ ﻣﻮﺳﻠﻤﺖ ﻋﻠﻴﻪ ﺍﻟﺼﺒﺢ ﻭﺍﻟﻲ ﻳﺴﻤﻌﻬﻪ ﻣﺎﻳﻜﻮﻝ ﻧﺼﺒﺘﻬﻪ ﻣﻨﺎﺣﻪ ...
ﻛﻠﻨﻪ ﺭﻛﻀﻨﻪ ﺍﻧﺮﻳﺪ ﻧﺴﻤﻊ ﺷﺼﺎﺭ ﺻﺎﺣﺖ ﻋﻠﻴﻪ ﺑﻴﺒﻲ ﺍﺟﻴﺐ ﻣﻲ ﻟﺠﺪﻭ ﺻﺎﺭ ﺍﻟﻤﻄﺒﺦ ﺷﺒﻌﺪﻩ ﻣﺎ ﺍﺭﻳﺪ ﻳﻔﻮﺗﻨﻲ ﺷﻲ ...
ﺍﺧﺬﺕ ﻛﻼﺹ ﺍﻟﻤﻲ ﻭﺭﺣﺖ ﺍﻧﻄﻴﺘﻪ ﻟﺠﺪﻭ ﺟﺎﻥ ﻛﺎﻋﺪ ﺑﺎﻟﻜﺎﻉ ﻭﻣﺮﺗﺠﻲ ﻉ ﺍﻟﺘﺨﻢ ﻭﻓﺎﺗﺢ ﺩﻛﻢ ﺍﻟﺪﺷﺪﺍﺷﻪ ﻭﻛﻮﻩ ﻳﺎﺧﺬ ﺍﻟﻨﻔﺲ ﻭﻳﻜﻮﻝ ﻻ ﺗﻜﻌﺪ ﺗﮕﺎﺑﻠﻨﻲ ﻋﺎﻣﺮ ﻳﺤﺠﻴﻠﺠﻦ ﻣﺎﺑﻴﻪ ...
ﺍﻡ ﺑﺸﺎﺭ .. ﺍﺑﻮ ﻧﺮﺟﺲ ﺑﺸﺮ ﺷﺼﺎﺭ؟؟
ﻋﺎﻣﺮ .. ﻭﺍﻟﻠﻪ ﻳﺎ ﺍﻡ ﺑﺸﺎﺭ ﺷﻨﺤﺠﻲ ﻣﺎﻧﺮﻳﺪ ﺍﻟﻠﻪ ﻳﻌﺎﻗﺒﻨﻪ ﻫﺎﻟﻌﻘﻮﺑﻪ ﺑﺮﺿﺎ ﻭﻣﻦ ﺑﻌﺪﻩ ﺑﻨﺘﻪ ﺷﻤﺴﻮﻳﻦ ﻭﻫﻴﺞ ﻧﺮﻛﺾ ﻭﺍﻟﻤﺼﺎﻳﺐ ﺗﺮﻛﺾ . ﻭﺭﺍﻧﻪ ..
ﻋﺎﻣﺮ .. ﻃﻠﻌﻨﻪ ﻣﻦ ﺑﻐﺪﺍﺩ ﺏ٥ ﺍﻟﻔﺠﺮ ﻭﻃﻮﻝ ﺍﻟﻄﺮﻳﻖ ﺍﺑﺎﻭﻉ ﺑﺸﺎﺭ ﺑﺸﻨﻮ ﻳﺨﺘﻠﻒ ﻋﻨﻪ ﻟﻴﺶ ﻧﺤﺴﻪ ﻫﻮ ﺍﻟﺠﺒﻴﺮ ﻭﻧﺎﺧﺬ ﺍﻟﺸﻮﺭ ﻣﻦ ﻋﻨﺪﻩ ﺩﺍﺋﻤﺎ ﻳﻤﻴﺰ ﺍﻟﺼﺢ ﻣﻦ ﺍﻟﻐﻠﻂ ﻭﻳﺎﻣﺎ ﻧﻘﺬﻧﻪ ﻣﻦ ﻣﻮﺍﻗﻒ ﻟﻮ ﻭﺍﻛﻌﻴﻦ ﺑﻴﻬﻪ ﺟﺎﻥ ﺍﻟﻠﻪ ﻳﺴﺘﺮ ..
ﺍﻟﺴﺒﺐ ﻭﻳﻦ؟؟ ﺗﺮﺑﻴﻪ ﺍﺑﻮ ؟؟ ﻻ ﻣﺎ ﺍﺗﺬﻛﺮ ﻋﺎﺩﻝ ﺗﻌﺐ ﺑﺘﺮﺑﻴﺘﻪ ﺟﻨﺖ ﺍﻛﻠﻪ ﻣﻦ ﺻﻐﺮﻩ ﻋﺎﺩﻝ ﺍﻫﻢ ﺷﻲ ﺗﺮﺑﻲ ﺍﺑﻨﻚ ﻳﻜﻮﻝ ﻫﻮ ﻳﺮﺑﻲ ﻧﻔﺴﻪ ﺑﺸﺎﺭ ﺭﺟﺎﻝ ﻭﻓﻌﻼ ﻣﻦ ﺻﺎﺭ ﻋﻤﺮﻩ ٢٠ ﺳﻨﻪ ﻭﻟﺤﺪ ﻫﺎﻱ ﺍﻟﻠﺤﻈﻪ ﻣﻌﺘﻤﺪﻳﻦ ﻋﻠﻲ ..
ﺭﺯﻥ ﺷﺨﺼﻴﺘﻪ ﻗﻮﻳﻪ ﻭﻣﺎﺷﻲ ﻃﺮﻳﻖ ﻋﺪﻝ ﻣﺎﻳﻤﻴﻞ ﻭﻋﻨﺪﻩ ﻛﻠﺸﻲ ﻳﻬﻮﻥ ﺍﻻ ﺍﻟﻮﺍﺣﺪ ﻳﺘﻤﺴﻚ ﺑﺎﺧﻼﻗﻪ ﻭﻣﺎﻳﻨﺠﺎﺏ ﺍﺳﻤﻪ ﺑﺎﻟﻤﻮﺯﻳﻦ ..
ﺟﺎﻥ ﻳﺴﻮﻕ ﻭﻣﻄﻠﻊ ﺍﻳﺪﻩ ﻣﻦ ﺍﻟﺠﺎﻣﻪ ﻭﻳﺪﺧﻦ ﺑﺲ ﻣﺒﻴﻦ ﺳﺎﺭﺡ ﻭﻣﺸﻐﻮﻝ ﺑﺎﻟﻪ ﻭﻣﺮﻛﺰ ﻉ ﺍﻟﻄﺮﻳﻖ ..
ﺍﺗﺠﻨﺐ ﺍﺣﺠﻲ ﺑﺎﻟﻤﻮﺿﻮﻉ ﻛﺪﺍﻡ ﺍﺑﻮﻱ ﻻﻥ ﺍﻟﻀﻐﻂ ﻭﺍﻟﺴﻜﺮ ﻣﻦ ﺍﻟﻘﻬﺮ ﻳﺼﻌﺪ ﻋﻨﺪﻩ ﻭﺧﺎﻑ ﻳﺘﺨﺮﺑﻂ ..
ﻣﺎ ﺍﻧﺪﻝ ﺍﻟﻌﻠﻢ ﺭﻏﻢ ﺟﺎﻱ ﺍﻛﺜﺮ ﻣﻦ ﻣﺮﻩ ﻟﺘﻜﺮﻳﺖ ﺑﺲ ﻣﺎ ﺍﻧﺪﻝ ﻫﺎﻱ ﺍﻟﻤﻨﻄﻘﻪ ﺑﺲ ﺑﺸﺎﺭ ﻳﻨﺪﻟﻬﻪ ﻻﻥ ﺟﺎﻥ ﻋﻨﺪﻩ ﺻﺪﻳﻖ ﺑﻴﻬﻪ ..
ﻫﺬﺍ ﺍﻟﺤﺠﻲ ﺟﺎﻥ ﻧﻬﺎﻳﻪ ﺳﻨﻪ ٢٠١١ ﺍﻟﻮﺿﻊ ﺯﻳﻦ ﻭﺍﻣﺎﻥ ﻭﺍﻟﻨﺎﺱ ﺑﺪﺕ ﺗﺮﺟﻊ ﻟﺤﻴﺎﺗﻬﻪ ﺍﻟﻄﺒﻴﻌﻴﻪ ﺑﻌﺪ ﻣﺎﺷﺎﻓﺖ ﺍﻟﻠﻮﻋﺎﺕ ﻣﻦ ﺍﻟﺴﻘﻮﻁ ﻟﻠﻤﻠﻴﺸﻴﺎﺕ ﻟﺘﻨﻈﻴﻢ ﺍﻟﻘﺎﻋﺪﻩ ﻳﻮﻣﻴﻪ ﻃﺎﻟﻌﺘﻨﻪ ﺟﻤﺎﻋﻪ ﺷﻜﻞ ...
ﻃﺒﻴﻨﻪ ﺍﻟﻌﻠﻢ ﻭﻉ ﺍﻟﻌﻨﻮﺍﻥ ﻧﻤﺸﻲ ﻭﻧﺴﺎﻝ ﻟﺤﺪﻣﺎ ﻭﻟﺪ ﺷﺎﺏ ﻛﺎﻝ ﺑﻬﺬﺍﻙ ﺍﻟﻔﺮﻉ ﺛﺎﻟﺚ ﺑﻴﺖ ﺑﺲ ﻣﺎﻳﻌﺮﻓﻬﻢ ﺑﺲ ﺳﺎﻣﻊ ﺑﻴﻬﻢ ﻣﺒﻴﻨﻴﻦ ﺳﻤﻌﺘﻬﻢ ﻣﻨﺘﺸﺮﻩ ﺑﺎﻟﻤﻨﻄﻘﻪ ﻻﻥ ﺑﺲ ﺳﺎﻟﻨﺎ ﻛﺎﻝ ﺑﻴﺖ ﺳﺎﺟﺪﻩ ﻭﺿﺤﻚ ﻳﻌﻨﻲ ﺍﻟﻤﺮﻩ ﻣﻌﺮﻭﻓﻪ ﺑﺴﻤﻌﺘﻬﻪ ..
ﻭﻛﻔﺖ ﺍﻟﺴﻴﺎﺭﻩ ﺑﺎﺏ ﺍﻟﺒﻴﺖ ﺟﺎﻥ ﺍﻟﺒﻴﺖ ﻣﺜﻞ ﻣﺎﻧﻜﻮﻝ ﻋﻠﻲ ﺧﺮﺍﺑﻪ ﻭﻣﻀﻯﺮﻭﺏ ﻗﻔﻞ ﻧﺰﻟﻨﻪ ﺍﻧﺪﻙ ﺑﻲ ﺧﺎﻑ ﺍﺣﺪ ﻣﻮﺟﻮﺩ ﺟﻮﻩ ﻣﺎﻛﻮ ..
ﻋﻠﻰ ﺻﻮﺗﻨﻪ ﻃﻠﻊ ﻭﺍﺣﺪ ﻣﻦ ﺍﻟﺠﻴﺮﺍﻥ ﻛﺎﻝ ﺷﺎﻟﻮ ﻣﻦ ﻫﻴﻦ ﺻﺎﺭ ﺍﺳﺒﻮﻉ ...
ﻇﻠﻴﻨﻪ ﻭﺍﺣﺪ ﻳﺒﺎﻭﻉ ﺑﻮﺟﻪ ﺍﻟﺜﺎﻧﻲ ﻭﻭﻳﻦ ﺷﺎﻟﻮ ؟؟ ﺭﺍﺡ ﺑﺸﺎﺭ ﻳﺴﺘﻔﺴﺮ ﻣﻦ ﺍﻟﺮﺟﺎﻝ ﻭﻣﻨﻄﻲ ﺍﻟﻌﻨﻮﺍﻥ ﺍﻟﺠﺪﻳﺪ ..
ﻋﺎﻣﺮ ... ﻫﺎ ﺑﺸﺎﺭ ﻭﻳﻦ ﺷﺎﻳﻠﻴﻦ؟؟
ﺑﺸﺎﺭ .. ﻫﺬﺍ ﺟﻴﺮﺍﻧﻬﻢ ﻭﻳﻜﻮﻝ ﺷﺎﻟﻮ ﻟﺒﻐﺪﺍﺩ ﻭﻫﺬﺍ ﺍﻟﻌﻨﻮﺍﻥ ﻣﺎﻟﺘﻬﻢ ﺑﺲ ﻟﻴﺶ ﺷﺎﻳﻠﻴﻦ ﻣﺎﻳﺪﺭﻱ !!!
ﻋﺎﻣﺮ .. ﺧﻠﻲ ﻧﺮﺟﻊ ﻭﻧﺮﻭﺡ ﻟﻬﺬﺍ ﺍﻟﻌﻨﻮﺍﻥ ﺑﻠﻜﻲ ﻧﻠﻜﺎﻫﻪ ...
ﺭﺟﻌﻨﻪ ﻃﻮﻝ ﺍﻟﻄﺮﻳﻖ ﻛﻠﺴﺎﻉ ﺗﺠﻲ ﻋﻴﻨﻲ ﻉ ﺑﺸﺎﺭ ﻭﺍﺷﻮﻑ ﺍﻟﻌﺼﺒﻴﻪ ﻭﺍﻟﻐﻀﺐ ﻣﺒﻴﻦ ﻣﻦ ﻋﻴﻮﻧﻪ ﻭﻳﺴﻮﻕ ﺳﺮﻳﻊ ﻭﻳﺘﻤﻨﻰ ﺷﻮﻛﺖ ﻳﻮﺻﻞ ...
ﻋﺎﻣﺮ .. ﻳﺎﺑﻪ ﻛﻞ ﺍﻟﻐﻠﻂ ﻣﻨﻴﻦ ؟؟ ﺍﻟﻐﻠﻂ ﻣﻦ ﻋﺪﻧﻪ ﻻﻥ ﻣﻦ ﻣﺎﺗﻮ ﺍﻫﻠﻬﻪ ﺍﺣﻨﻪ ﺍﻧﻄﻴﻨﺎﻫﻪ ﺩﻻﻝ ﺯﺍﻳﺪ ﺑﺤﺠﻪ ﻳﺘﻴﻤﻪ ﻭﺧﻄﻴﻪ ﻟﻮ ﺷﺎﺩﻳﻦ ﻋﻠﻴﻬﻪ ﻣﺎﻛﺪﺭﺕ ﺗﻨﻬﺰﻡ ..
ﺍﻟﺤﺠﻲ .. ﻳﺎﻋﺎﻣﺮ ﺍﻟﻌﺮﻙ ﺩﺳﺎﺱ ﻭﻟﻮ ﺗﺤﻄﻬﻪ ﺟﻮﻩ ﺳﺎﺑﻊ ﻛﺎﻉ ﻫﻢ ﺗﻨﻬﺰﻡ ﺍﻟﻲ ﺍﻧﻬﺰﻣﺖ ﺑﻨﺺ ﺍﻟﻘﺘﻞ ﻭﺍﻟﺴﻠﺐ ﻭﻣﺎﺧﺎﻓﺖ ﻳﻌﻨﻲ ﻣﺎﺗﻜﺪﺭ ﺗﺤﻜﻤﻬﻪ ﻭﻻﺗﻜﺪﺭ ﺗﺴﻴﻄﺮ ﻋﻠﻴﻬﻪ ..
ﺍﺣﻨﻪ ﻣﺎﻧﻄﻴﻨﺎﻫﻪ ﺩﻻﻝ ﺯﺍﻳﺪ ﺍﺣﻨﻪ ﻋﺎﻣﻠﻨﺎﻫﻪ ﻣﺜﻞ ﺑﻨﺎﺗﻨﻪ ﻣﺎﺗﻔﺮﻕ ﺷﻲ ﻋﻨﻬﻦ ﺑﺲ ﻫﻲ ﻣﻦ ﺍﻭﻝ ﻳﻮﻡ ﺍﺟﺖ ﺣﺎﻗﺪﻩ ﻋﻠﻴﻨﻪ ﻭﺍﺳﺘﻐﻠﺖ ﻃﻴﺒﺘﻨﻪ ...
ﻋﺎﻣﺮ .. ﺷﻔﺖ ﺍﺑﻮﻱ ﺗﻌﺐ ﻣﻦ ﻳﺤﺠﻲ ﺳﻜﺘﺖ ﻭﺑﺸﺎﺭ ﺳﺎﻛﺖ ﻣﺎﻧﺎﻗﺶ ﺍﺑﺪ ..
ﻭﺻﻠﻨﻪ ﻟﻠﻌﻨﻮﺍﻥ ﻭﺍﻟﺴﻴﺎﺭﻩ ﻣﺎﺗﻔﻮﺕ ﺑﺎﻟﻔﺮﻉ ﻣﺜﻞ ﻣﺎﻧﺴﻤﻲ ( ﺍﻟﺪﺭﺑﻮﻧﻪ ) ﻣﻨﻄﻘﻪ ﺷﻌﺒﻴﻪ ﻭﺑﻴﻮﺗﻬﻪ ﺻﻐﺎﺭ ﺣﻴﻞ ﻧﻤﺸﻲ ﻭﻧﺴﺎﻝ ﻉ ﺍﻟﻌﻨﻮﺍﻥ ﻭﻣﺤﺪ ﻳﻌﺮﻑ ﻻﻥ ﺟﺪﺩ ..
ﺗﺎﻟﻲ ﻟﻜﻴﻨﻪ ﻣﺤﻞ ﻃﺎﻟﻊ ﻣﻦ ﺍﻟﺒﻴﺖ ﺳﺎﻟﻨﻪ ﻛﺎﻝ ﻫﺬﻭﻟﻪ ﺍﺟﻮ ﻣﻦ ﺗﻜﺮﻳﺖ ﻫﺬﺍﻙ ﺑﻴﺘﻬﻢ ...
ﻭﻛﻔﻨﻪ ﺑﺎﺑﻬﻢ ﺩﻛﻴﻨﻪ ﺍﻛﺜﺮ ﻣﻦ ﻣﺮﻩ ﻣﺎﻛﻮ ﺗﻘﺮﺏ ﺑﺸﺎﺭ ﺩﻙ ﺍﻟﺒﺎﺏ ﺑﺎﻟﺴﻮﻳﺞ ﺣﻴﻞ ..
ﺳﻤﻌﻨﻪ ﺻﻮﺕ ﻣﺮﻩ ﻭﻫﻲ ﺗﺼﻴﺢ ﺍﺍﺍﻱ ﺷﺠﺎﻛﻢ ﺍﻧﻄﻴﺮ ﺍﻧﻄﻮ ﻣﺠﺎﻝ !!
ﻃﻠﻌﺘﻨﻪ ﻭﺣﺪﻩ ﺍﺳﺘﻐﻔﺮ ﺍﻟﻠﻪ ﻣﺎ ﺍﻋﺮﻑ ﺷﻜﻮﻝ ﻋﻠﻴﻬﻪ ﻻﺑﺴﻪ ﺩﺷﺪﺍﺷﻪ ﻗﺼﻴﺮﻩ ﺑﻌﺰ ﺍﻟﺒﺮﺩ ﻭﺑﺪﻭﻥ ﺣﺠﺎﺏ ﻭﺍﻟﺸﻌﺮ ﺍﺻﻔﺮ ﺣﺘﻪ ﺍﺭﻳﺪ ﺍﺳﺎﻟﻬﻪ ﻣﺎﻋﺮﻓﺖ ﺷﻜﻮﻝ ..
ﺗﺎﻟﻲ ﺗﻘﺪﻡ ﺑﺸﺎﺭ ﻭﺳﺎﻟﻬﻪ ﻛﺎﻟﻬﻪ ﺍﻧﺘﻲ ﺳﺎﺟﺪﻩ؟؟
.. ﺍﻱ ﻋﻴﻮﻧﻲ ﺗﻔﻀﻞ ﺍﻧﻲ ﺳﺎﺟﺪﻩ ﻣﻨﻮ ﺍﻧﺖ؟؟
ﺑﺸﺎﺭ .. ﻣﺎﻋﻨﺪﺝ ﺭﺟﺎﻝ ﺑﺎﻟﺒﻴﺖ ﻧﺤﺠﻲ ﻭﻳﺎﺍﺍ ..
.. ﺍﻱ ﻋﻨﺪﻱ ﺑﺲ ﺍﻧﺖ ﻃﺎﻟﺐ ﺳﺎﺟﺪﻩ ﻛﻮﻝ ﻭﺗﺤﺠﻲ ﻭﺗﺘﻤﻮﻉ ﻛﺪﺍﻡ ﺑﺸﺎﺭ ﺑﺲ ﺷﺎﻓﺖ ﻭﺟﻬﻪ ﺣﺪﻱ ﻛﺎﻟﺖ ﺭﺍﺡ ﺍﺻﻴﺢ ﺭﺟﻠﻲ ..
ﺑﺲ ﻃﺒﺖ ﺍﻟﺘﻔﺖ ﻋﻠﻴﻨﻪ ﻛﺎﻝ ﻫﺎﺍﺍ ﻫﺬﺍ ﻋﺮﺿﻜﻢ ﻫﻨﺎ ﻋﺎﻳﺶ !!
ﺷﻮﻳﻪ ﻭﺍﺟﺎﻧﻪ ﺭﺟﻠﻬﻪ ﻛﻨﺎﻟﻪ ﺍﺣﻨﻪ ﺍﻫﻞ ﻗﺒﺲ ﺍﻟﺮﺟﺎﻝ ﺗﻔﺎﺟﺊ ﻭﻣﺎﻋﺮﻑ ﺷﻴﺤﺠﻲ ﺑﺲ ﻛﺎﻝ ﺗﻔﻀﻠﻮ ﻭﻓﺘﺤﻠﻨﻪ ﺍﻟﺒﺎﺏ ..
ﻛﻌﺪﻧﻪ ﻭﻧﻨﺘﻈﺮ ﺍﺑﻮﻱ ﻳﺤﺠﻲ ﻭﻛﻮﻩ ﻳﻠﻪ ﻛﺎﻟﻬﻢ ﺍﺣﻨﻪ ﺟﺎﻳﻴﻦ ﻉ ﻗﺒﺲ ﺑﺘﻨﻪ ﺭﺣﻨﻪ ﻟﺘﻜﺮﻳﺖ ﻭﻛﺎﻟﻮ ﺷﺎﻟﻮ ﻭﺟﻴﺮﺍﻧﻜﻢ ﺍﻧﻄﻮﻧﻪ ﺍﻟﻌﻨﻮﺍﻥ ..
ﺑﻌﺪﻩ ﺍﺑﻮﻱ ﻳﺴﻮﻟﻒ ﻭﻃﺒﺖ ﺳﺎﺟﺪﻩ ﻭﺑﺪﻭﻥ ﺳﺎﺑﻖ ﺍﻧﺬﺍﺭ ﺍﻧﻬﺪﺕ ﺑﻴﻨﻪ ﺑﺎﻟﺤﺠﻲ ﺍﻟﺰﻳﻦ ..
ﻫﺴﻪ ﺗﺬﻛﺮﺗﻮ ﻋﺪﻛﻢ ﺑﻨﻴﻪ ﺷﻠﺘﻮﻫﻪ ﻭﺷﻤﺮﺗﻮﻫﻪ ﻭﺍﻧﻲ ﺭﺑﻴﺘﻬﻪ ﻭﻫﺴﻪ ﺟﺎﻳﻴﻦ ﺍﻃﺎﻟﺒﻮﻥ ﺑﻴﻬﻪ ﺍﺳﻤﻌﻮﻧﻲ ﻣﻦ ﺍﻟﺒﺪﺍﻳﻪ ﻗﺒﻞ ﻻ ﺗﺒﺪﻭﻥ ﺗﺘﻔﻠﺴﻔﻮﻥ ﺑﺮﺍﺳﻲ ﺍﻃﻠﻌﻮﺍ ﻣﻨﺎ ﻻ ﺍﺧﺎﺑﺮ ﺍﻟﺸﺮﻃﻪ ﻋﻠﻴﻜﻢ ﻭﺍﺳﺤﻠﻜﻢ ﺑﺎﻟﻤﺮﺍﻛﺰ ..
ﺑﺸﺎﺭ .. ﻣﻮﺟﻨﺞ ﻣﻨﻄﻠﻘﻪ ﺯﺍﻳﺪ؟؟ ﻣﻨﻮ ﺣﺎﺟﺎﺝ ﺣﺘﻪ ﺗﺤﺠﻴﻦ ﻣﻦ ﻳﻤﺞ ؟؟
ﻭﻣﻨﻮ ﺍﻧﺘﻲ ﺣﺘﻪ ﺗﻬﺪﺩﻳﻦ ﺍﻟﺸﺮﻃﻪ ﺍﻟﺘﺤﺠﻴﻦ ﻋﻨﻬﻪ ﻫﺴﻪ ﺍﺧﻠﻴﻬﻢ ﻳﺴﺤﻠﻮﻛﻢ ﺍﻧﺘﻲ ﻭﺭﺟﻠﺞ ﻭﺍﺧﻠﻴﺞ ﻣﻦ ﻣﺤﻜﻤﻪ ﻟﻤﺤﻜﻤﻪ ...
ﺳﺎﺟﺪﻩ .. ﻳﻤﻪ ﻭﺻﻔﻜﺖ ﺑﺎﺩﻳﻬﻪ ﻓﻮﻙ ﺣﮕﻪ ﺩﻛﻪ ﺟﺎﻱ ﺗﻬﺪﺩﻧﻲ ﺍﺳﻤﻌﻨﻲ ﻋﻴﻮﻧﻲ ﺑﻨﻴﻪ ﻣﺎﻋﺪﻛﻢ ﻳﻤﻲ ﻭﺍﻟﺒﻨﻴﻪ ﺣﺎﻣﻞ ﻟﻮ ﺗﺮﻳﺪﻭﻥ ﺗﺎﺧﺬﻭﻫﻪ ﻣﻦ ﺭﺟﻠﻬﻪ ....
ﻋﺎﻣﺮ .. ﺑﺲ ﺍﻧﺮﻳﺪ ﻧﺴﺘﻮﻋﺐ ﻛﻼﻣﻬﻪ ﺍﻟﻲ ﻃﻠﻊ ﻣﻦ ﺣﻠﻜﻬﻪ ﻣﺎ ﺟﺎﻱ ﻧﻜﺪﺭ ﺣﺘﻪ ﺑﺸﺎﺭ ﺳﻜﺖ ﻭﻣﺎﻋﺮﻑ ﺷﻴﺠﺎﻭﺑﻬﻪ ..
ﺍﻟﺤﺠﻲ .. ﺍﺣﻨﻪ ﻣﺎﺟﺎﻳﻴﻦ ﻧﺘﻌﺎﺭﻙ ﻋﺪﻧﻪ ﺑﻨﻴﻪ ﻳﻤﻜﻢ ﻣﻦ ﺣﻘﻨﻪ ﻧﺸﻮﻓﻬﻪ ﺍﺫﺍ ﺣﺎﻣﻞ ﻭﻣﺘﺰﻭﺟﻪ ﻧﻄﻤﻦ ﻋﻠﻴﻬﻪ ﻭﻧﺮﻭﺡ ﻭﺍﺫﺍ ﺟﺬﺏ ﻛﻼﻣﻜﻢ ﺍﻟﻨﻪ ﺣﺠﻲ ﺛﺎﻧﻲ ..
ﺭﺟﻞ ﺳﺎﺟﺪﻩ .. ﻛﻮﻣﻲ ﻳﺎﻣﺮﻩ ﺻﻴﺤﻲ ﻗﺒﺲ ﺧﻠﻲ ﺗﺠﻲ ﺗﺤﺠﻲ ﻭﻳﺎﻫﻢ ﺍﻫﻠﻬﻪ ﻫﺬﻭﻟﻪ ..
ﻛﺎﻣﺖ ﺳﺎﺟﺪﻩ ﻭﻓﻮﻙ ﺍﻟﺮﺑﻊ ﺳﺎﻋﻪ ﺍﺟﺖ ﻗﺒﺲ ﻳﻤﻪ ﺍﻧﻲ ﻋﻤﻬﻪ ﻭﺻﻔﻨﺖ ﻉ ﺟﻤﺎﻟﻬﻪ ..
ﻛﺒﺮﺍﻧﻪ ﻭﺷﻄﺒﻪ ﻃﻮﻳﻠﻪ ﻣﺜﻞ ﺍﻟﺴﻤﺞ ﺍﻟﺸﺒﻮﻁ ﺟﺴﻤﻬﻪ ﻭﺑﺪﻭﻥ ﺣﺠﺎﺏ ﻭﺍﻟﺸﻌﺮ ﻃﻮﻳﻞ ﻣﺜﻞ ﻣﺎ ﺍﺟﺘﻨﻪ ﻭﺑﻌﺪ ﺍﻃﻮﻝ ..
ﻣﺎﺳﻠﻤﺖ ﻋﻠﻴﻨﻪ ﺑﺲ ﻛﺎﻟﺖ ﺧﻴﺮﻛﻢ ﺭﺍﻳﺪﻳﻦ ﺷﻲ؟؟
ﻛﺎﻟﻬﻢ ﺍﻟﺤﺠﻲ ﻋﻮﻓﻮﻧﻪ ﻭﻳﺎﻫﻪ ﺑﺪﻭﻥ ﺯﺣﻤﻪ ﻃﻠﻌﻮ ﻭﺍﺣﻨﻪ ﻛﺎﻋﺪﻳﻦ ﻣﺎﺍﺩﺭﻱ ﺷﺮﺍﺡ ﻧﺤﺠﻲ ..
ﺍﻟﺤﺠﻲ .. ﺷﻠﻮﻧﺞ ﺑﻨﺘﻲ ﻗﺒﺲ؟؟
.. ﺯﻳﻨﻪ ﻣﺜﻞ ﻣﺎﺗﺸﻮﻓﻮﻥ ﺑﻨﺺ ﺍﻟﺨﻴﺮ !!
.. ﺍﻟﺴﻤﻌﻨﺎﻩ ﺻﺢ ﻳﺎﺑﻮﻳﻪ ﺧﺎﻟﺘﺞ ﺩﻛﻮﻝ ﺍﻧﺘﻲ ﻣﺘﺰﻭﺟﻪ ﻭﺣﺎﻣﻞ ﻣﻨﻮ ﺯﻭﺟﺞ؟؟
ﻗﺒﺲ .. ﻫﺎﻱ ﻣﻮﺧﺎﻟﺘﻲ ﻫﺎﻱ ﺑﻨﺖ ﺧﺎﻟﻪ ﻣﺎﻣﺎ ﻭﻋﺸﺖ ﻳﻤﻬﻪ ﻭﻣﺘﺰﻭﺟﻪ ﺍﺧﻮ ﺭﺟﻠﻬﻪ ﻭﺣﺎﻣﻞ ﺍﻃﻠﺒﻮﻥ ﺷﻲ ﻟﻮ ﺗﺮﻳﺪﻭﻥ ﺗﺎﺧﺬﻭﻧﻲ ﻏﺼﺐ ...
ﻛﻼﻣﻬﻪ ﻭﺗﻨﺘﺮ ﺑﺎﻟﺤﺠﻲ ﺧﻠﻪ ﺑﺸﺎﺭ ﻳﻜﻮﻡ ﺑﻌﺼﺒﻴﻪ ﻭﻛﺎﻟﻬﻪ ﺷﻜﺪ ﺭﻋﻨﻪ ﺍﻧﺘﻲ ﺍﻧﻬﺰﻣﺘﻲ ﻭﺍﺗﺰﻭﺟﺘﻲ ﻭﻋﺎﻳﺸﻪ ﺑﻨﺺ ﺑﻴﺌﻪ ﺯﺑﺎﻟﻪ ﻣﺎﺧﻔﺘﻲ ﻉ ﻧﻔﺴﺞ ﻣﺎﻛﺪﺭﺗﻲ ﺍﻃﻠﻌﻴﻦ ﻣﻦ ﻫﺎﻱ ﺍﻟﻌﺎﺋﻠﻪ؟؟
ﻗﺒﺲ .. ﺍﻧﺘﻢ ﺍﺧﺮ ﻣﻦ ﻳﺤﺠﻲ ﻭﻳﻌﻠﻤﻨﻲ ﺍﻧﻲ ﻣﺎﺗﺮﺑﻄﻨﻲ ﺷﻲ ﺑﻴﻜﻢ ﻭﻻ ﺗﺒﻴﻌﻮﻥ ﻣﺜﺎﻟﻴﺎﺕ ﺑﺮﺍﺳﻲ ﻋﺸﺖ ﺑﻌﻴﺪﻩ ﻋﻨﻜﻢ ﻻﻥ ﺍﻧﺘﻢ ﻣﺠﺮﻣﻴﻦ ﻭﻋﺎﺩﻱ ﻋﺪﻛﻢ ﺗﻜﺘﻠﻮﻧﻲ ﻣﺜﻞ ﻣﺎﻛﺘﻠﺘﻮ ﻋﺎﺋﻠﺘﻲ ﻛﻠﻬﻪ ..
ﻣﺎ ﺍﺗﺤﻤﻞ ﺑﺸﺎﺭ ﻛﻼﻣﻬﻪ ﻭﺻﻮﺗﻬﻪ ﺍﻟﻌﺎﻟﻲ ﻭﻛﺎﻡ ﺗﻘﺮﺏ ﻋﻠﻴﻬﻪ ﻭﻛﻮﻩ ﻻﺯﻡ ﻧﻔﺴﻪ ﻋﻨﻪ ﻭﻫﻲ ﻭﺍﻛﻔﻪ ﻭﺗﺒﺎﻭﻋﻠﻪ ﻭﺩﻛﻠﻪ ﻳﻠﻪ ﻣﺪ ﺍﻳﺪﻙ ﺍﺿﺮﺏ ﻻﻥ ﺍﻧﺖ ﺍﺑﻦ ﻋﻤﻲ ﻭﺗﻤﻮﻥ ﻭﻻﺯﻡ ﻧﺘﺤﻤﻞ ...
ﻋﺎﻣﺮ .. ﻛﻼﻣﻬﻪ ﺩﻻﻟﻪ ﻉ ﺗﺮﺑﻴﺘﻬﻪ ﻭﻋﻨﻄﺰﺗﻬﻪ ﺑﺎﻟﺤﺠﻲ ﺍﺑﻮﻱ ﺳﺤﺐ ﺑﺸﺎﺭ ﺍﻟﻲ ﺯﻭﺍﺟﻬﻪ ﺟﺎﻥ ﺻﺪﻣﻪ ﻭﺍﻻﻛﺜﺮ ﻣﻦ ﻫﺬﺍ ﺍﻟﺒﻴﺌﻪ ﺍﻟﻌﺎﻳﺸﻪ ﺑﻴﻬﻪ ..
ﺟﺎﻧﺖ ﻻﺑﺴﻪ ﺣﻠﻘﻪ ﻭﻛﻠﺸﻲ ﻳﺪﻝ ﻉ ﺍﻧﻮ ﻫﻲ ﻣﺘﺰﻭﺟﻪ ﻣﺎ ﺧﻠﺘﻨﻪ ﻛﻼﻡ ﻭﻻﻛﺪﺭﻧﻪ ﻧﺤﺠﻲ ﺷﻲ ﻗﺎﺑﻞ ﺷﻨﺴﻮﻱ ﻧﺠﻴﺒﻬﻪ ﻏﺼﺐ ﻣﻦ ﺭﺟﻠﻬﻪ ﺑﺎﻱ ﺣﻖ ..
ﻃﻠﻌﻨﻪ ﻣﻦ ﺍﻟﺒﻴﺖ ﻭﺑﺸﺎﺭ ﺳﺎﻛﺖ ﺑﺲ ﻟﻮ ﻧﺤﺠﻲ ﻭﻳﺎ ﻛﻠﻤﻪ ﻭﺣﺪﻩ ﻳﻨﻔﺠﺮ ﻋﻠﻴﻨﻪ ﻫﺎﻱ ﺳﻮﺀ ﺗﺼﺮﻓﺎﺗﻨﻪ ﻭﻫﺬﺍ ﻋﺮﺿﻨﻪ ﻛﻠﻪ ﺍﻟﺴﺒﺐ ﻳﺮﺟﻊ ﺍﻟﻨﻪ ..
ﺍﻟﺤﺠﻴﻪ .. ﺍﻟﻠﻪ ﻳﻌﻴﻨﻪ ﻭﻳﺴﺘﺮﻧﻪ ﻣﺪﺍﻣﻬﻪ ﻣﺘﺰﻭﺟﻪ ﻫﺎﻫﻲ ﺑﺮﻛﺒﻪ ﺭﺟﺎﻝ ﻉ ﺍﻻﻗﻞ ﻣﺎ ﻧﻜﻮﻝ ﺑﻨﻴﻪ ﻭﻧﺨﺎﻑ ..
ﻋﺎﻣﺮ .. ﻟﻴﺶ ﻳﻤﻪ ﺍﻟﻤﺘﺰﻭﺟﺘﻪ ﺷﻨﻮ ﺳﻤﻌﻪ ﺳﻜﻂ ﻭﺧﺎﻟﺘﻬﻪ ﺍﻟﻌﺎﻳﺸﻪ ﻭﻳﺎﻫﻪ ﺗﻌﻠﻤﻬﻪ ﻣﻮﻫﺴﻪ ﺑﺎﺟﺮ ﻭﻣﺮﺟﻌﻬﻪ ﺍﻟﻨﻪ ..
ﺍﺑﺘﻬﺎﻝ .. ﻟﻌﺪ ﺷﺘﺴﻮﻭﻥ ﺍﻃﻠﻜﻮﻫﻪ ﻣﻦ ﺭﺟﻠﻬﻪ ﻣﺎﻟﻜﻢ ﺣﻖ ﺗﺤﺠﻮﻥ ﺍﺑﺪ ﺍﻧﺴﻮﻫﻪ ﻭﺍﻟﻲ ﻳﺴﺎﻟﻜﻢ ﻋﻠﻴﻬﻪ ﻛﻮﻟﻮ ﺗﺰﻭﺟﺖ ﻭﺧﻠﺼﻮﺍ ﺍﻟﻲ ﻋﻠﻴﻜﻢ ﺳﻮﻳﺘﻮ ...
ﺷﺠﻦ .. ﻓﺪ ﺍﻧﻘﻬﺮﺕ ﻣﻦ ﺳﻤﻌﺖ ﻛﻼﻣﻬﻢ ﻫﻴﺞ ﺑﻨﻴﻪ ﺣﻠﻮﻩ ﺷﺎﺑﻪ ﺭﺍﺣﺖ ﺿﺤﻴﻪ ﺣﻘﺪ ﻭﺍﻧﺘﻘﺎﻡ ﺑﻴﺖ ﺍﻣﻬﻪ ﻳﺤﺠﻮﻥ ﺑﺮﺍﺳﻬﻪ ﻭﺧﻠﻮﻫﻪ ﺗﻜﺮﻫﻨﻪ ..
ﻟﻮ ﻋﺎﻳﺸﻪ ﻭﻳﺎﻧﻪ ﺟﺎﻥ ﺍﺣﺴﻦ ﺩﻻﻝ ﺷﺎﻓﺖ ﻭﻛﻤﻠﺖ ﺩﺭﺍﺳﻪ ﺑﺲ ﺍﺧﺘﺎﺭ ﺍﻟﻄﺮﻳﻖ ﺍﻟﻐﻠﻂ ﻭﺭﺍﺡ ﺗﻌﺎﻧﻲ ﻫﻮﺍﻱ ...
ﺛﺎﻧﻲ ﻳﻮﻡ ﺭﺣﺖ ﻟﻠﺪﻭﺍﻡ ﺍﻣﺘﺤﻨﺖ ﻭﻃﻠﻌﺖ ﺑﺮﺍ ﻭﺍﺷﻮﻑ ﻏﻴﺚ ﻭﺍﻛﻒ ﺑﻨﻔﺲ ﺍﻟﻤﻜﺎﻥ ﺍﻟﻲ ﺍﻭﻛﻒ ﺑﻲ ﺩﺍﺋﻤﺎ ..
ﺍﻣﺸﻲ ﻭﻛﻠﺴﺎﻉ ﺍﺭﻓﻊ ﺭﺍﺳﻲ ﺑﺨﺠﻞ ﻭﻫﻮ ﻳﺒﺎﻭﻋﻠﻲ ﻟﺤﺪﻣﺎﻭﺻﻠﺖ ﻳﻤﻪ ...
ﺷﺠﻦ ... ﻏﻴﺚ ﺷﺠﺎﺑﻚ؟؟
ﻏﻴﺚ .. ﺑﻼﻭﻝ ﺳﻠﻤﻲ ﻏﻴﺮ ﺍﺷﺘﺎﻗﻴﺘﻠﺞ ؟؟
ﺷﺠﻦ .. ﻣﻮﺧﺎﻑ ﻭﺍﺣﺪ ﻳﺸﻮﻓﻨﻪ ﻭﻳﺮﻭﺡ ﻳﻜﻮﻝ ﻻﻫﻠﻲ ..
ﻏﻴﺚ .. ﺗﺮﻯ ﺍﺑﻦ ﺧﺎﻟﺞ ﺍﻧﻲ ﻭﺍﺫﺍ ﻛﺎﻟﻬﻢ ﻳﺴﻮﻱ ﻓﻀﻞ ﻭﻳﺨﻔﻒ ﻋﻨﻲ ﺣﺘﻪ ﺍﺧﻄﺒﺞ ..
ﺷﺠﻦ .. ﻣﻮﻛﻠﻨﻪ ﻣﻮﻫﺴﻪ ﺧﻠﻲ ﺍﻛﻤﻞ ﺍﻟﻤﺮﺣﻠﻪ ﺍﻟﺜﺎﻧﻴﻪ ﻭﻧﻨﺨﻄﺐ !!
... ﻭﻟﻴﺶ ﻫﺎﻟﺘﺎﺧﻴﺮ ﺗﺮﻯ ﺍﻧﻄﻴﺘﺞ ﻭﻋﺪ ﺗﻜﻤﻠﻴﻦ ﺩﺭﺍﺳﺘﺞ ﺷﺠﻦ ﺧﻠﻲ ﺑﺲ ﺧﻄﻮﺑﻪ ﻫﺴﻪ ﻭﺷﻮﻛﺖ ﻣﺎﻳﻌﺠﺒﺞ ﻧﺘﺰﻭﺝ ..
ﺷﺠﻦ .. ﻏﻴﺚ ﺑﺎﺑﺎ ﻣﻴﻘﺒﻞ ﻣﺎﺗﺬﻛﺮ ﺳﺎﻟﻔﻪ ﻫﺪﻯ ﺷﻜﺪ ﺧﻼﻫﻢ ﻳﻨﺘﻈﺮﻭﻥ ﻭﻗﺒﻞ ﻓﺘﺮﻩ ﺳﻤﻌﺖ ﻣﺎﻣﺎ ﻛﺎﻟﺖ ﻻﺑﺘﻬﺎﻝ ﻋﺎﺩﻝ ﻳﻜﻮﻝ ﻳﺎﺧﺬﻥ ﺍﻟﺸﻬﺎﺩﻩ ﻳﻠﻪ ﺍﻓﻜﺮ ﺍﺯﻭﺟﻬﻦ ..
ﻏﻴﺚ .. ﺍﻧﺘﻲ ﺑﺲ ﻛﻮﻟﻲ ﺍﻱ ﻭﻣﺎﻟﺞ ﻋﻼﻗﻪ ﺑﺎﺑﻮﺝ ﺍﻧﻲ ﺍﺣﺠﻲ ﻭﻳﻪ ﺑﺸﺎﺭ ﻣﺎﺑﻲ ﺩﺍﻋﻲ ﺍﻟﺘﺎﺧﻴﺮ ﻭﺍﻧﻲ ﻣﺘﻌﻴﻦ ﻭﻣﻜﻮﻥ ﻧﻔﺴﻲ ﻳﻌﻨﻲ ﺑﺲ ﻣﻮﺍﻓﻘﺘﺞ ﻇﺎﻟﻪ ..
ﺷﺠﻦ .. ﻏﻴﺚ ﺧﻠﻲ ﺍﻛﻤﻞ ﺍﻟﻤﺮﺣﻠﻪ ﺍﻻﻭﻟﻰ ﻣﺎﻇﻞ ﺷﻲ ﻋﻨﻬﻪ . ﺭﺍﺡ ﺗﺠﻲ ﻧﺼﻒ ﺍﻟﺴﻨﻪ ﻭﺑﺎﻟﻌﻄﻠﻪ ﺍﻟﺼﻴﻔﻴﻪ ﺗﻌﺎﻝ ﺑﺲ ﺧﺎﻑ ﻣﺎﻳﻘﺒﻞ ﺑﺎﺑﺎ ﻭﻫﻮ ﻳﻌﺮﻑ ﻧﻴﺘﻚ ﻭﺑﻌﺪ ﻣﺎﻳﺨﻠﻴﻚ ﺗﺠﻴﻨﻪ ..
... ﺑﺲ ﻻﺗﻔﺎﻭﻟﻴﻦ ﻭﺍﺳﻜﺘﻲ ﺭﺍﺡ ﺍﻧﺘﻈﺮ ﺗﻜﻤﻠﻴﻦ ﻫﺎﻱ ﺍﻟﺴﻨﻪ ﻭﺑﻌﺪ ﻣﺎﻋﻨﺪﺝ ﺣﺠﻪ ﻭﺍﺫﺍ ﺭﻓﺾ ﺍﺑﻮﺝ ﻋﺎﺩﻱ ﺍﺧﻄﺐ ﻣﺮﻩ ﺧﺎﻣﺴﻪ ﻭﻋﺎﺷﺮﻩ ﻣﻨﺎ ﻟﻤﻦ ﻳﻮﺍﻓﻖ ..
ﺷﺠﻦ ... ﺟﻨﺖ ﻃﺎﻳﺮﻩ ﺑﻜﻼﻣﻪ ﺣﺘﻪ ﻣﻦ ﺍﻟﺨﺠﻞ ﻣﺎﻛﺪﺭﺕ ﺍﺭﻓﻊ ﺭﺍﺳﻲ ﻭﺍﺑﺎﻭﻉ ﺑﻌﻴﻮﻧﻪ ﻏﻴﺚ ﺍﻟﺸﺨﺺ ﺍﻟﻲ ﺟﻨﺖ ﺍﺣﻠﻢ ﺑﻲ ﻣﻦ ﻛﻠﺸﻲ ﻛﺎﻣﻞ ﻭﺍﻟﻜﻤﺎﻝ ﻟﻠﻪ ...
ﺷﻬﺎﺩﻩ ﻭﻣﺘﻌﻴﻦ ﻭﺍﺧﻼﻕ ﻭﺣﻨﻮﻥ ﻭﻣﻦ ﻏﻴﺮ ﺷﻜﻠﻪ ﺍﻟﻲ ﻛﻮﻣﻪ ﺑﻨﺎﺕ ﻛﺎﻟﻦ ﻫﺬﺍ ﻣﻨﻴﻠﺞ ﻭﻣﻦ ﺍﻛﻠﻬﻢ ﺍﺑﻦ ﺧﺎﻟﻲ ﻳﻜﻠﻮﻟﻲ ﻣﺎ ﺗﺴﻮﻳﻠﻨﻪ ﻭﻳﺎ ﻭﺍﺳﻄﻪ ...
ﺣﺘﻪ ﻣﺮﺕ ﺧﺎﻟﻲ ﺍﻣﻪ ﺟﺎﻧﺖ ﺣﻴﻞ ﺣﺎﺑﺘﻨﻲ ﻭﺗﻤﻬﺪ ﻟﻤﺎﻣﺎ ﻭﻋﻴﻨﻬﻪ ﻭﺭﺍﻱ ﻭﻳﻦ ﻣﺎ ﺍﻛﻮﻡ ﻭﺷﻠﻮﻥ ﺍﺳﻮﻟﻒ ..
ﺑﻴﻮﻣﻬﻪ ﻇﻞ ﺳﺎﻋﻪ ﻛﺎﻣﻠﻪ ﻳﻤﻲ ﻭﻛﺎﻝ ﺭﺍﺡ ﺍﺭﻭﺡ ﻟﻠﺪﻭﺍﻡ ﻻﻥ ﺍﺧﺬﺕ ﺍﺟﺎﺯﻩ ﺯﻣﻨﻴﻪ ﻳﻤﺸﻲ ﻭﺍﻧﻲ ﺍﺑﺎﻭﻉ ﻋﻠﻲ ﻭﺍﺩﻋﻲ ﻣﻦ ﻛﻞ ﻛﻠﺒﻲ ﻛﻮﻥ ﻳﺼﻴﺮ ﻣﻦ ﻧﺼﻴﺒﻲ ...
ﺭﺟﻌﺖ ﻟﻠﺒﻴﺖ ﻭﺍﻧﻲ ﻣﺤﻤﻠﻪ ﻃﺎﻗﻪ ﻭﺣﻴﻮﻳﻪ ﻣﻔﻌﻤﻪ ﺑﺎﻟﺤﺐ ﻣﺎ ﺍﺧﻠﻲ ﺷﻐﻠﻪ ﻣﺎ ﺍﺧﻠﺼﻬﻪ ﻭﻏﻴﺚ ﺍﺑﺎﻟﻲ ...
ﺗﻘﺮﻳﺒﺎ ﺑﻴﺘﻨﻪ ﻫﺪﺀ ﻣﻦ ﺳﺎﻟﻔﻪ ﻗﺒﺲ ﺑﻨﺖ ﻋﻤﻲ ﻭﺍﻟﻜﻞ ﻣﻠﺘﻬﻲ ﺑﺪﻭﺍﻣﻪ ﻭﺍﻧﻲ ﻣﺎ ﺍﺭﻭﺡ ﻟﺒﻴﺖ ﺧﺎﻟﻲ ﻫﻮ ﻏﻴﺚ ﻳﺠﻲ ﻋﻠﻴﻨﻪ ﻋﻠﻤﻮﺩ ﻋﻤﺮ ﻭﺍﺷﻮﻓﻪ ﻭﻣﺮﺍﺕ ﻳﺠﻴﻨﻲ ﻟﻠﻜﻠﻴﻪ ...
ﻛﻠﺸﻲ ﺟﺎﻥ ﺑﺤﺪﻭﺩ ﻣﺎﻳﻮﻡ ﺍﺗﺠﺮﺃ ﻭﺣﺠﻪ ﻛﻠﻤﻪ ﻣﻮﺣﻠﻮﻩ ﻭﻻ ﻟﺰﻡ ﺍﻳﺪﻱ ﺑﺲ ﺟﺎﻥ ﻳﺸﻊ ﺣﺐ ﺑﻌﻴﻮﻧﻪ ﻭﺑﻜﻼﻣﻪ ﺧﺎﻳﻒ ﺍﻟﻠﻪ ﺑﺸﻜﻞ ﻭﺩﺍﺋﻤﺎ ﻳﻠﺢ ﺑﺎﻟﺨﻄﻮﺑﻪ ﻳﻜﻮﻝ ﺣﺘﻪ ﺗﺼﻴﺮﻳﻦ ﺣﻼﻟﻲ ....
ﺍﺟﺖ ﻋﻄﻠﻪ ﻧﺼﻒ ﺍﻟﺴﻨﻪ ﻭﺍﺷﻮﻑ ﻭﺍﺋﻞ ﻳﺠﻴﻨﻪ ﺑﺲ ﻋﺎﺩﻱ ﺷﺨﺺ ﻋﺎﺩﻱ ﺑﺤﻴﺎﺗﻲ ﻭﻣﺮﺍﺕ ﺣﺘﻪ ﻣﺎ ﺍﺳﻠﻢ ﻋﻠﻲ ﻛﻞ ﻓﻜﺮﻱ ﻭﻳﻪ ﻏﻴﺚ ...
ﺑﻴﻮﻡ ﺍﻟﻲ ﺍﺟﻪ ﺑﺸﺎﺭ ﻭﻋﻤﻲ ﻋﺎﻣﺮ ﺟﺎﻥ ﻳﺮﻳﺪ ﻳﺸﻴﻞ ﻣﺘﺤﻀﺮ ﻣﺎ ﺍﺩﺭﻱ ﺷﻠﻮﻥ ﺑﻠﻴﻞ ﻭﻛﺎﻝ ﻋﻤﻲ ﻋﺎﻣﺮ ﺑﺸﺎﺭ ﻣﺎﺗﺎﺧﺬ ﺍﻟﺒﻨﺎﺕ ﻟﻠﻤﻮﻝ ..
ﺑﻮﻗﺘﻬﻪ ﻛﺎﻟﻪ ﺑﺸﺎﺭ ﻭﻳﻦ ﺍﺭﻳﺪ ﺑﻴﻬﻦ ﺧﻠﻲ ﻋﻤﺮ ﻳﺮﻭﺡ ﻭﻳﺎﻫﻦ؟؟ ﻭﺳﺎﻋﻪ ﻳﻜﻮﻝ ﺍﻧﺖ ﺍﺧﺬ ﺳﻴﺎﺭﺗﻲ ﻭﺍﺧﺬﻫﻦ ..
ﺑﺲ ﺗﻮﺍﺳﻴﻞ ﺑﻨﺎﺕ ﻋﻤﻲ ﺍﻟﻲ ﻣﺘﻌﻮﺩﺍﺕ ﻋﻠﻲ ﺧﺎﺻﻪ ﻧﺮﺟﺲ ﺗﺤﺐ ﺑﺸﺎﺭ ﺣﺐ ﺍﺧﻮﻱ ﻋﻈﻴﻢ ﻻﻥ ﻣﺎﻋﺪﻫﻦ ﺍﺥ ﻭﻫﻮ ﻣﻌﺘﺒﺮﻫﻦ ﻣﺜﻠﻨﻪ ..
ﻛﺎﻋﺪﺍﺕ ﻛﺪﺍﻣﻪ ﻭﻳﺘﻮﺳﻠﻦ ﺣﺒﺎﺏ ﺑﺸﺎﺭ ﺭﺍﺡ ﻧﺸﻴﻞ ﻭﻣﺎﻧﺘﺬﻛﺮ ﻃﻠﻌﺘﻨﻪ ﻭﻫﻮ ﻳﻜﻠﻬﻦ ﻭﻟﺠﻦ ﻣﺎ ﺍﻋﺮﻑ ﺍﻃﻠﻊ ﻭﻳﻪ ﻧﺴﻮﺍﻥ !!!
ﺗﺎﻟﻲ ﻣﺎﺩﺭﻱ ﺷﻠﻮﻥ ﺍﻗﺘﻨﻊ ﻭﻫﺎﻱ ﺗﺴﺠﻞ ﺑﺎﻟﺘﺎﺭﻳﺦ ﻛﺎﻝ ﺑﺎﺟﺮ ﺍﻟﻌﺼﺮ ﺍﺧﺬﺟﻦ ...
ﻭﺛﺎﻧﻲ ﻳﻮﻡ ﺍﻟﻌﺼﺮ ﺑﺪﻟﻨﻪ ﻭﺭﺍﺣﺖ ﻭﻳﺎﻧﻪ ﺍﺑﺘﻬﺎﻝ ﻭﺍﺧﺬﻧﻪ ﻟﻠﻤﻮﻝ ﻻﻥ ﻣﺎﻃﺎﻟﻌﻴﻦ ﻭﻳﺎ ﺍﺑﺪ ﻟﺬﻟﻚ ﻓﺮﺣﺎﻧﺎﺕ ...
ﻣﺎ ﺍﻓﺘﺮ ﻭﻳﺎﻧﻪ ﻫﻲ ﺍﺑﺘﻬﺎﻝ ﺗﻔﺘﺮ ﻭﻳﺎﻧﻪ ﻭﻫﻮ ﻛﺎﻝ ﺍﻧﺘﻈﺮﻛﻢ ﺟﻮﻩ ﺗﺎﺧﺮﻧﻪ ﺟﺎﻥ ﺍﺯﺩﺣﺎﻡ ﻭﻧﺮﺟﺲ ﺗﺸﺘﺮﻱ ﻣﻼﺑﺲ ..
ﺍﻧﻘﻬﺮ ﻋﻠﻴﻬﻦ ﻃﻠﻌﺘﻬﻦ ﻗﻠﻴﻠﻪ ﻻﻥ ﻣﺎﻋﺪﻫﻦ ﺍﺥ ﺍﺣﻨﻪ ﺩﺍﺋﻤﺎ ﻋﻤﺮ ﻭﻳﺎﻧﻪ ﻭﻣﺎﻣﺎ ﻭﻧﻄﻠﻊ ﻫﻲ ﺍﻣﻬﻦ ﺗﺘﻌﺎﺟﺰ ﻭﻇﺎﻻﺕ ﺑﺎﻟﺒﻴﺖ ...
ﺟﻨﻪ ﻭﺍﻛﻔﻴﻦ ﻳﻢ ﻣﺤﻞ ﻧﺮﻳﺪ ﻧﺸﺘﺮﻱ ﻭﻣﺎﻧﺤﺲ ﺑﺸﺎﺭ ﻳﺼﻴﺢ ﺑﻴﻨﻪ ﻧﻤﺘﻦ ﻫﻨﺎ ﺷﻮﻓﻦ ﺻﺎﺭﻟﺠﻦ ﺷﻜﺪ؟؟؟
ﺻﺪﻙ ﻣﺎﺣﺴﻴﻨﻪ ﺑﺎﻟﻮﻗﺖ ﺳﺎﻋﺘﻴﻦ ﺍﺣﻨﻪ ﻧﻔﺘﺮ ﺑﺲ ﻣﻮﺫﻧﺒﻨﻪ ﻫﻮ ﺍﺯﺩﺣﺎﻡ ﻭﻧﺮﺟﺲ ﺻﻌﺒﻪ ﺑﻼﺧﺘﻴﺎﺭ ...
ﻛﺎﻟﺖ ﻏﻴﺮ ﻣﺮﻩ ﺍﺷﺘﺮﻱ ﺷﻮ ﻣﺎﻋﺠﺒﻨﻲ ﻭﺍﻧﺮﻳﺪ ﻧﻨﺰﻝ ﻣﺎ ﺍﻋﺮﻑ ﺷﻠﻮﻥ ﺍﻟﺘﻔﺘﺖ ﺍﺑﺎﻭﻉ ﻉ ﺍﻟﻔﺴﺎﺗﻴﻦ ﻭﺍﻧﺼﺪﻡ ﺑﻠﻲ ﻛﺪﺍﻣﻲ ..
ﻫﻲ ﻟﻮﻣﻮﻫﻲ؟؟ ﺧﺎﻑ ﻻﻥ ﻛﺒﺮﺕ ﻣﺎﻋﺮﻓﺘﻬﻪ ﺑﺲ ﻧﻔﺲ ﺍﻟﻤﻼﻣﺢ ﻭﻫﻲ ﺻﻮﺭﺗﻬﻪ ﺍﺑﺎﻟﻲ ﻻﻥ ﺟﻨﺖ ﺍﺣﺐ ﺷﻜﻠﻬﻪ ﻫﻲ ﻗﺒﺲ ﺑﻨﺖ ﻋﻤﻲ ...
ﻻﻣﻮﻫﻲ ﻣﺴﺘﺤﻴﻞ ﻫﻲ !!! ﺟﺎﻧﺖ ﻻﺑﺴﻪ ﺑﻨﻄﺮﻭﻥ ﻗﻤﺎﺵ ﺍﺳﻮﺩ ﻭﻓﻮﻛﺎ ﻗﻤﻴﺺ ﻭﺷﺎﻳﻠﻪ ﺷﻌﺮﻫﻪ ﺫﻳﻞ ﺣﺼﺎﻥ ﻭﺍﻛﻔﻪ ﺗﺒﻴﻊ ﺑﻜﻮﺯﻣﺘﻚ ﻭﻛﻮﻣﻪ ﻧﺎﺱ ﻳﻤﻬﻪ ﻭﺍﻻﻛﺜﺮ ﺷﺒﺎﺏ ..
ﻟﺰﻣﺖ ﺍﻳﺪ ﺍﺑﺘﻬﺎﻝ ﻭﻛﺘﻠﻬﻪ ﺗﻌﺎﻟﻲ ﻫﺎﻱ ﻣﻮﻗﺒﺲ ﻓﺘﺤﺖ ﻋﻴﻨﻬﻪ ﻉ ﻭﺳﻌﻬﻪ ﻭﻫﻲ ﺻﺎﻓﻨﻪ ﻋﻠﻴﻬﻪ ﻭﺗﺼﻴﺢ ﺍﻱ ﻭﻟﺞ ﻫﻲ ﻫﻲ !!!
ﻣﺎ ﺍﺗﺤﻤﻠﺖ ﺟﺎﻥ ﺑﺸﺎﺭ ﻭﺍﻛﻒ ﺑﻌﻴﺪ ﻫﻮ ﻭﺑﻨﺖ ﻋﻤﻲ ﺍﻟﺼﻐﻴﺮﻩ ﺭﻛﻀﺖ ﻋﻠﻲ ﻛﺘﻠﻪ ﺑﺸﺎﺭ ﻫﺎﻱ ﻳﻤﻜﻦ ﻗﺒﺲ ﻫﻮﺑﺴﺮﻋﻪ ﺍﻧﺪﺍﺭ ﻛﺎﻝ ﻭﻳﻨﻬﻪ !!!
.. ﻫﻨﺎ ﺑﻜﻮﺯﻣﺘﻚ ﺗﺸﺘﻐﻞ ﺑﺲ ﻳﻤﻜﻦ ﻫﻲ ﺷﻮ ﺗﺸﺒﻬﻪ؟ ﻣﺸﻪ ﻛﺪﺍﻣﻲ ﻭﺍﺩﻱ ﺑﺠﻴﻮﺑﻪ ﺟﺎﻥ ﺍﻟﻤﺤﻞ ﺧﻔﻴﻒ ﻭﺍﺑﺘﻬﺎﻝ ﻭﺑﻨﺎﺗﻬﻪ ﻭﺍﻛﻔﺎﺕ ﺑﺎﻟﺒﺎﺏ ﺻﺎﻓﻨﺎﺕ ...
ﻓﺎﺕ ﻛﺪﺍﻣﻲ ﻭﻫﻮ ﻉ ﻧﻔﺲ ﺍﻟﻤﺸﻴﻪ ﻭﺍﺩﻱ ﻣﺎﻃﻠﻌﻦ ﺟﺎﻥ ﻻﺑﺲ ﺑﻨﻄﺮﻭﻥ ﺍﺳﻮﺩ ﻭﻗﻤﻴﺺ ﺑﻴﺠﻲ ﻭﻣﻌﺒﻲ ﺑﺎﻟﺒﻨﻄﺮﻭﻥ ﻭﺟﺴﻢ ﺑﺸﺎﺭ ﻃﻮﻳﻞ ﻭﺿﺨﻢ ﻋﻨﺪﻩ ﺍﻛﺘﺎﻑ ﻳﻌﻨﻲ ﻳﺠﺬﺏ ..
ﺑﺎﻟﻤﺤﻞ ﺑﺲ ﻧﺴﻮﺍﻥ ﺍﺛﻨﻴﻦ ﻭﺑﺸﺎﺭ ﻭﺍﻛﻒ ﻭﺍﻧﻲ ﻭﺭﺍ ﺑﺲ ﺷﺎﻓﺘﻪ ﺑﻴﻦ ﻋﻠﻴﻬﻪ ﺷﻠﻮﻥ ﻓﺰﺕ ﺑﺲ ﻇﻠﺖ ﺗﺒﺎﻭﻉ ﺑﻨﺺ ﻋﻴﻨﻪ ..
ﺗﻘﺮﺏ ﺑﺸﺎﺭ ﻋﻠﻴﻬﻪ ﻭﻫﻲ ﻭﻛﻔﺖ ﻭﻛﺘﻔﺖ ﺍﺩﻳﻬﻪ ﻭﺭﻓﻌﺖ ﺗﻚ ﺣﺎﺟﺐ ﻭﻛﺎﻟﺘﻠﻪ ﺗﺮﻯ ﻣﺤﻞ ﻣﺎﻝ ﻧﺴﻮﺍﻥ ﻣﺤﺘﺎﺝ ﺷﻲ ؟؟؟
ﻫﺎﻱ ﺍﻟﻜﻠﻤﻪ ﺧﻠﺖ ﺑﺸﺎﺭ ﻣﻦ ﻭﺭﺍ ﺍﻟﻤﻴﺰ ﻳﺴﺤﺒﻬﻪ ﻣﻦ ﺍﻳﺪﻫﻪ ﻭﻟﻮﺍﻫﻪ ﻛﻠﺖ ﺍﻧﻜﺴﺮﺕ ﻭﺍﻟﻨﺴﻮﺍﻥ ﺍﻟﻲ ﺑﺎﻟﻤﺤﻞ ﻃﻠﻌﻦ ﻣﻦ ﺷﺎﻓﻨﻪ ﻭﺍﺑﺘﻬﺎﻝ ﻭﺑﻨﺎﺗﻬﻪ ﻣﺴﻮﻳﺎﺕ ﺣﺎﺟﺰ ﺑﺎﻟﺒﺎﺏ ...
ﺑﺸﺎﺭ .. ﻋﺪﻳﻤﻪ ﺗﺮﺑﻴﻪ ﻣﻮﻋﺒﺎﻟﺞ ﻣﺘﺰﻭﺟﻪ ﻭﻫﺬﺍ ﺍﻟﺴﺎﻥ ﻣﺎﻳﻨﻜﺺ ﺗﺤﺘﺮﻣﻴﻦ ﻧﻔﺴﺞ ﻻ ﺍﺗﺼﺮﻑ ﻭﻳﺎﺝ ﻏﻴﺮ ﺗﺼﺮﻑ ..
ﺑﻌﻴﻦ ﻭﻗﺤﻪ ﺗﺒﺎﻭﻉ ﺑﻨﺺ ﺍﻟﻌﻴﻦ ﻭﻣﺎﺍﻧﻬﺰﺕ ﺍﺑﺪ ﺍﺑﺎﻭﻉ ﻻﻳﺪﻫﻪ ﺍﻟﻲ ﻉ ﺍﻟﻤﻴﺰ ﺟﺎﻧﺖ ﺿﺎﻏﻄﻪ ﻋﻠﻲ ﺑﻘﻮﻩ ﻭﺗﺮﻳﺪ ﺗﻨﻔﺠﺮ ﻗﺒﻀﻪ ﺍﻳﺪﻫﻪ ..
ﻗﺒﺲ .. ﻫﺴﻪ ﺷﺘﺮﻳﺪ ﺍﻧﻲ ﺍﺷﺘﻐﻞ ﻫﻨﺎ ﻣﺎ ﻋﺎﺟﺒﻜﻢ ﻭﻣﻮ ﻣﻦ ﺍﺧﻼﻗﻜﻢ ﻭﻗﻴﻤﻜﻢ ﺍﺗﺒﺮﻭ ﻣﻨﻲ ﺗﺮﻯ ﻣﺎﺭﺍﺡ ﺍﻣﻮﺕ ﻭﺭﺍﻛﻢ ﻫﺎﻙ ﺷﻮﻓﻨﻲ ﻋﺎﻳﺸﻪ ﺻﺎﺭ ﺍﺳﻨﻴﻦ ﺑﺪﻭﻧﻜﻢ ..
ﺑﺸﺎﺭ .. ﺗﺮﺑﻴﻪ ﺳﺰﺯ ﺍﻟﺼﻮﺝ ﻣﻮﺑﻴﺞ ﺑﺎﻟﻌﺎﻓﺞ ﺑﻼ ﺭﺩﺍﺩ ﻭﺑﺮﺟﻠﺞ ﺍﻟﻌﺎﺭ ﺍﻟﻌﺎﻳﻔﺞ ﻛﻮﻡ ﻟﺤﻢ ﺑﻨﺺ ﻫﺎﻱ ﺍﻟﺸﺒﺎﺏ ..
ﺷﺠﻦ .. ﻧﻌﺮﻑ ﺑﺸﺎﺭ ﻣﻦ ﻳﻌﺼﺐ ﺍﻻ ﺷﻮﻳﻪ ﻭﻳﻤﺪ ﺍﻳﺪﻩ ﻋﻠﻴﻬﻪ ﻭﺍﻧﻮﺏ ﺍﺟﻪ ﺻﺎﺣﺐ ﺍﻟﻤﺤﻞ ﺑﺲ ﺍﺑﺘﻬﺎﻝ ﺍﺗﻼﻓﺖ ﺍﻟﻤﻮﺿﻮﻉ ﻭﺗﺘﻮﺳﻞ ﻟﺒﺸﺎﺭ ﺑﺪﺍﻋﻪ ﺍﻣﻚ ﺧﻠﻲ ﺍﻧﺮﻭﺡ ﻻﻧﻌﺮﻓﻬﻪ ﻭﻻﺗﻌﺮﻓﻨﻪ ﻫﺎﻱ ﻣﺎﺗﺖ ﻣﻦ ﺯﻣﺎﻥ ﻻ ﺗﻘﻬﺮ ﻧﻔﺴﻚ ﻋﻠﻤﻮﺩﻫﻪ ..
ﻣﻦ ﺟﺎﻧﺖ ﺗﺤﺠﻲ ﺍﺑﺘﻬﺎﻝ ﻫﻴﺞ ﻗﺒﺲ ﻛﻮﻩ ﻣﺼﺒﺮﻩ ﻉ ﻧﻔﺴﻬﻪ ﺑﺲ ﺳﺎﻛﺘﻪ ﻣﺎﺟﺎﻭﺑﺖ ...
ﺑﺸﺎﺭ ﺗﺮﻙ ﺍﻳﺪﻫﻪ ﺑﻘﻮﻩ ﺣﺘﻪ ﺻﺎﺣﺖ ﺍﺥ ﻭﻛﺎﻟﻬﻪ ﺍﺣﻔﻀﻲ ﻭﺟﻬﻲ ﺯﻳﻦ ﻻﻥ ﺭﺍﺡ ﺗﺸﻮﻓﻴﻨﻲ ﻫﻮﺍﻳﻪ ﻭﻟﻮ ﺍﻧﻲ ﻟﻮ ﺍﻧﺘﻲ ﻟﻮ ﺍﺩﻓﻨﺞ ﺑﺼﻒ ﺍﻣﺞ ..
ﻃﻠﻌﻨﻪ ﻛﻠﻨﻪ ﻭﺟﻨﺖ ﺍﺧﺮ ﻭﺣﺪﻩ ﺍﻧﻲ ﻃﻠﻌﺖ ﻣﻦ ﺍﻟﻤﺤﻞ ﺍﻟﺘﻔﺘﺖ ﻋﻠﻴﻬﻪ ﺷﻔﺘﻬﻪ ﺷﻠﻮﻥ ﻛﻌﺪﺕ ﻉ ﺍﻟﻜﺮﺳﻲ ﻭﺩﻧﻜﺖ ﺭﺍﺳﻬﻪ ﺑﺄﺳﻰ ﻭﻛﺎﻧﻮ ﻫﺎﻱ ﺍﻻﻧﺴﺎﻧﻪ ﻣﺤﻤﻠﻪ ﻫﻤﻮﻡ ...
ﺭﺩﺕ ﺍﺭﺟﻊ ﺍﺣﺎﺟﻴﻬﻪ ﺑﺲ ﺧﻔﺖ ﻣﻦ ﺑﺸﺎﺭ ﻭﺭﺣﺖ ﺍﺭﻛﺾ ﻭﺭﺍﻫﻢ ﺑﺤﻴﺚ ﻣﻦ ﺻﻌﺪﻧﻪ ﺑﺴﻴﺎﺭﻩ ﺑﺲ ﻧﺮﻳﺪ ﻧﺎﺧﺬ ﻧﻔﺲ ﻣﻦ ﺍﻟﻤﺸﻲ ﺍﻟﺴﺮﻳﻊ ...
ﻛﻠﻨﻪ ﺳﺎﻛﺘﻴﻦ ﻟﺤﺪﻣﺎﻭﺻﻠﻨﻪ ﻟﻠﺒﻴﺖ ﺑﺸﺎﺭ ﻣﺎﻃﺐ ﻭﻳﺎﻧﻪ ﻃﻠﻊ ﻭﺍﺣﻨﻪ ﺣﺠﻴﻨﻪ ﺍﻟﺘﻔﺎﺻﻴﻞ ﻟﺒﻴﺒﻲ ﻭﺍﻟﺠﺪﻭ ﻭﺟﺎﻥ ﺑﺎﺑﺎ ﻛﺎﻋﺪ ..
ﺻﻔﻚ ﺍﺩﻱ ﺟﺪﻭ ﻭﻛﺎﻝ ﻻﺣﻮﻝ ﻭﻻﻗﻮﻩ ﺍﻻ ﺑﺎﻟﻠﻪ ﻫﺎﻱ ﺍﻻ ﺗﺤﻄﻨﻲ ﺑﺼﻒ ﺍﺑﻮﻫﻪ ﻳﻠﻪ ﺗﺮﺗﺎﺡ ﻭﻓﻮﻛﺎﻫﻪ ﺍﻋﺮﻑ ﺑﺸﺎﺭ ﻣﺎﻳﺴﻜﺖ ﻋﻨﻬﻪ ...
ﺟﻨﺖ ﺍﺣﺲ ﻋﺎﺋﻠﺘﻨﻪ ﻣﺎﺧﺬ ﺍﻻﻣﻮﺭ ﺑﺒﺴﺎﻃﻪ ﻭﺧﺎﺻﻪ ﺳﺎﻟﻔﻪ ﻗﺒﺲ ﻣﺎﻣﻨﻄﻴﻬﻪ ﺍﻫﻤﻴﻪ ﻛﻞ ﺍﻟﻲ ﻋﻠﻴﻬﻢ ﺭﺍﺣﻮ ﻭﺩﻭﺭﻭ ﻋﻠﻴﻬﻪ ﻋﺮﻓﻮ ﻣﺼﻴﺮﻫﻪ ﻫﺎﻫﻲ ﺳﻜﺘﻮ ..
ﻋﺪﻫﻢ ﺍﻫﻢ ﺷﻲ ﻛﻼﻡ ﺍﻟﻨﺎﺱ ﻣﺪﺍﻡ ﻛﻞ ﺍﻟﻨﺎﺱ ﻣﺘﻌﺮﻑ ﺷﻲ ﻋﻨﻬﻪ ﻭﻣﺎﻳﺬﻛﺮﻭﻫﻪ ﻭﺣﺘﻪ ﺍﻻﻗﺮﺑﺎﺀ ﻭﻋﻤﺎﻡ ﺑﺎﺑﺎ ﻧﺎﺳﻴﻬﻪ ﻣﻌﺘﺒﺮﻳﻬﻪ ﻳﻢ ﺑﻴﺖ ﺟﺪﻫﻪ ﻭﻣﺜﻞ ﻣﺎﻧﺪﻓﻦ ﺭﺿﺎ ﻫﻲ ﺭﺍﺣﺖ ﻭﻳﺎ ...
ﻟﺬﻟﻚ ﺑﻴﺖ ﺟﺪﻭ ﻣﺎ ﺫﺍﺑﺤﻴﻦ ﻧﻔﺴﻬﻢ ﻋﻠﻴﻬﻪ ﻻﻥ ﻣﺮﺗﺎﺣﻴﻦ ﻣﻨﻬﻪ ﻭﺍﻟﻨﺎﺱ ﻣﺎﺗﺬﻛﺮﻫﻪ ﻭﻟﻮ ﻭﺍﺣﺪ ﺟﺎﻱ ﻟﺠﺪﻭ ﻭﻛﺎﻳﻠﻪ ﺑﻨﺘﻜﻢ ﻫﻴﺞ ﺟﺎﻥ ﻣﺎﺗﺼﺮﻓﻮ ﻫﻴﺞ ﻛﻠﻬﻢ ﻭﻛﻔﻮ ﻭﻳﻪ ﺑﺸﺎﺭ ﻭﺟﺎﺑﻮﻫﻪ ..
ﻣﺮﺍﺕ ﺍﺣﺠﻲ ﻟﻬﺪﻯ ﺍﻛﻠﻬﻪ ﻟﻴﺶ ﺑﺸﺎﺭ ﻣﻨﻄﻴﻬﻪ ﺍﻫﻤﻴﻪ ﻟﻴﺶ ﻣﺎﻳﺘﺼﺮﻑ ﻣﺜﻞ ﺑﺎﺑﺎ ﻭﻋﻤﻮ ﺍﻟﻮﺣﻴﺪ ﺣﺎﺭﻙ ﺩﻣﻪ ﻭﻳﺮﻳﺪ ﻳﺠﻴﺒﻬﻪ ﺑﺎﻱ ﻃﺮﻳﻘﻪ ...
ﺩﻛﻠﻲ ﻫﺪﻯ ﻫﻮ ﻫﺬﺍ ﺍﺧﻮﺝ ﺍﺫﺍ ﺧﻠﻪ ﺷﻲ ﺑﺮﺍﺳﻪ ﻳﺠﻴﺒﻪ ﻳﺠﻴﺒﻪ ﻻﺗﻌﺒﻮﻥ ﻧﻔﺴﻜﻢ ﻭﻳﺎﺍ ...
ﻭﻓﻌﻼ ﺻﺎﺭ ﺣﺘﻪ ﻣﺎﻳﺸﺎﺭﻙ ﺟﺪﻭ ﻭﺑﺎﺑﺎ ﺑﺎﻱ ﺷﻲ ﻭﺑﺲ ﻳﺤﺠﻮﻥ ﻳﺴﻜﺘﻬﻢ ﻭﺩﺍﺋﻤﺎ ﻫﺎﻱ ﺍﻟﻜﻠﻤﻪ ﺗﺘﺮﺩﺩ ﻉ ﻟﺴﺎﻧﻪ ﻣﻮﺷﻐﻠﻜﻢ !!!
ﺧﻠﺼﺖ ﻋﻄﻠﻪ ﻧﺼﻒ ﺍﻟﺴﻨﻪ ﻭﺗﻔﺎﺟﺎﺕ ﺑﻴﻮﻡ ﺍﻟﻲ ﺍﺟﻪ ﺑﺸﺎﺭ ﻭﺟﺎﻥ ﺟﺎﻳﺒﻠﻲ ﺗﻠﻴﻔﻮﻥ ﻭﺧﻂ ﻭﻛﺎﻝ ﻣﺎ ﺍﺩﺭﻱ ﻣﺎﻋﻨﺪﺝ ﻋﺒﺎﻟﻲ ﻣﺸﺘﺮﻳﻠﺞ ..
ﺷﻜﺪ ﺟﻨﺖ ﻓﺮﺣﺎﻧﻪ ﺑﻲ ﺑﻌﺪ ﻣﺤﺎﻇﺮﻩ ﻃﻮﻳﻠﻪ ﻋﺮﻳﻀﻪ ﻣﻦ ﺑﺸﺎﺭ ﻻﺗﺴﺘﺨﺪﻣﻲ ﻏﻠﻂ ﻭﺍﻧﺘﺒﻬﻲ ﻭﻻﻳﻀﻴﻊ ﻣﻦ ﻋﻨﺪﺝ ﻭﺑﻲ ﺻﻮﺭﺝ ﻭﻻﺗﻨﻄﻲ ﻟﺼﺪﻳﻘﺘﺞ ﻭﺧﺎﻑ ﻭﺣﺪﻩ ﺩﻛﻠﺞ ﺍﺧﺎﺑﺮ ﻣﻦ ﻋﻨﺪﻩ ﻣﻤﻨﻮﻉ ..
ﺗﻮﺻﻴﺎﺕ ﺍﻟﺴﻴﺪ ﺑﺸﺎﺭ ﺣﺎﻓﻈﺘﻬﻦ ﻛﻠﻬﻦ ﻭﺍﺧﺮ ﺷﻲ ﻛﺎﻝ ﺷﺠﻦ ﺍﻳﺎﺝ ﺍﺳﻤﻊ ﻛﻠﻤﻪ ﻣﻮﺣﻠﻮﻩ ﺑﺤﻘﺞ !!!
ﺷﺠﻦ .. ﻟﻴﺶ ﺩﻛﻮﻝ ﻫﻴﺞ ﻣﻮﺣﺎﻟﻲ ﻣﻦ ﺣﺎﻝ ﻫﺪﻯ ﻣﻮﺩﺭﺳﺖ ﻗﺎﺑﻞ ﺑﺲ ﺍﻧﻲ؟؟
ﺑﺸﺎﺭ .. ﺗﺨﺘﻠﻔﻴﻦ ﻻﻥ ﻫﺪﻯ ﺩﺭﺳﺖ ﺑﻮﻗﺖ ﻣﻮﻣﺜﻞ ﻫﺬﺍ ﺟﺎﻧﺖ ﺍﻟﻨﺎﺱ ﻃﻴﺒﻪ ﻫﺴﻪ ﻣﺎ ﺗﺎﻣﻦ ﺑﺎﺑﻦ ﻋﻤﻚ ..
ﻭﻫﺪﻯ ﺩﺭﺳﺖ ﻣﻌﻬﺪ ﻣﻌﻠﻤﺎﺕ ﺍﻧﺘﻲ ﻛﻠﻴﻪ ﻭﺟﺎﻣﻌﻪ ﺑﻐﺪﺍﺩ ﻳﻌﻨﻲ ﻣﺎﻛﻮ ﺩﺍﻋﻲ ﺍﻛﻌﺪ ﺍﻋﻠﻤﺞ ﺍﻟﺼﺢ ﺷﻨﻮ ﻭﺍﻟﻐﻠﻂ ﺍﻧﺘﻲ ﻣﻮﺻﻐﻴﺮﻩ ..
ﻭﺍﻧﻲ ﻭﻳﺎﺝ ﺗﻤﺮﻳﻦ ﺑﺎﻱ ﺷﻲ ﻣﺸﻜﻠﻪ ﻣﺎﺗﻌﺮﻓﻴﻦ ﺗﺼﺮﻓﻴﻦ ﻳﺎﺷﺠﻦ ﻻﺗﻀﻤﻴﻦ ﻋﻠﻴﻪ ﺗﻌﻠﻤﻲ ﻣﻦ ﺍﻻﻭﻝ ﻻﺗﻀﻤﻴﻦ ﺣﺘﻪ ﻣﺎﻳﻮﻡ ﻧﺴﻤﺢ ﻟﻨﻔﺴﻨﻪ ﺍﻧﺸﻚ ﺑﻤﻘﺪﺍﺭ ﺫﺭﻩ ..
ﺷﺠﻦ .. ﺍﻃﻤﺌﻦ ﺣﺘﻪ ﺻﺪﻳﻘﺎﺕ ﻭﺍﺳﺮﺍﺭ ﻣﺎﻋﻨﺪﻱ ﺗﺪﺭﻱ ﺑﻴﻪ ﺣﺘﻪ ﻣﻦ ﺟﻨﺖ ﺑﺎﻟﻤﺪﺭﺳﻪ ﻣﺎﻋﻨﺪﻱ ...
ﻫﺰ ﺭﺍﺳﻪ ﻭﻃﻠﻊ ﻭﺍﻧﻲ ﺣﺘﻪ ﻓﺮﺣﺘﻲ ﺑﺘﻠﻴﻔﻮﻥ ﺍﺧﺘﻔﺖ ﻭﺍﻓﻜﺮ ﺍﺫﺍ ﻋﺮﻑ ﺑﺴﺎﻟﻔﻪ ﻏﻴﺚ ﺷﻴﺴﻮﻱ ﻳﻤﻜﻦ ﻳﻮﺯﻋﻨﻲ ﺛﻮﺍﺏ ﻉ ﺍﻟﺠﻴﺮﺍﻥ ...
ﺧﻠﻴﺖ ﺍﻟﺨﻂ ﻭﺍﻭﻝ ﻣﺎ ﺍﺗﺼﻠﺖ ﺑﻬﺪﻯ ﻭﻋﻨﺪﻱ ﺻﺪﻳﻘﻪ ﺍﺧﺬ ﻣﻨﻬﻪ ﻣﺤﺎﻇﺮﺍﺕ ﺿﻔﺖ ﺭﻗﻤﻬﻪ ﺭﻗﻢ ﻏﻴﺚ ﺣﺎﻓﻈﺘﻪ ﻭﺗﺮﺩﺩﺕ ﺍﻛﻠﻪ ﺍﺷﺘﺮﻳﺖ ﺗﻠﻴﻔﻮﻥ ...
ﻛﻠﺖ ﺍﺗﻔﻖ ﻭﻳﺎ ﺑﻌﺪﻳﻦ ﻣﺎﻳﺪﺯ ﺍﻱ ﺷﻲ ﻭﻻﻳﺨﺎﺑﺮ ﺑﺲ ﺧﺎﻑ ﺍﺣﺘﺎﺟﻪ ﺑﻴﻮﻡ ﻻﻥ ﺑﺸﺎﺭ ﺣﺘﻪ ﻣﻦ ﻳﻨﺎﻡ ﻋﻴﻨﻪ ﻣﻔﺘﻮﺣﻪ ﻳﺨﻮﻑ ..
ﺭﺟﻌﺖ ﻟﺪﻭﺍﻣﻲ ﻭﻫﺎﻟﻤﺮﻩ ﻏﻴﺚ ﺍﺟﺎﻧﻲ ﻟﻠﻜﻠﻴﻪ ﻭﻛﺎﻝ ﺭﺍﺡ ﺍﺳﺎﻓﺮ ﻻﺭﺑﻴﻞ ﺍﺳﺒﻮﻉ ﻭﺍﺟﻲ ﻋﻠﻤﻮﺩ ﺩﻭﺭﻩ ﻣﻨﻈﻤﺘﻬﻪ ﺷﺮﻛﻪ ﺍﺳﻴﺎﺳﻴﻞ ..
ﺍﺿﻄﺮﻳﺖ ﺍﻛﻠﻪ ﻋﻨﺪﻱ ﺗﻠﻴﻔﻮﻥ ﺣﺘﻪ ﺍﻃﻤﺌﻦ ﻋﻠﻲ ﺑﺲ ﻛﺘﻠﻪ ﺍﻟﺒﺎﺭﺣﻪ ﺟﺎﺑﻮ ﺧﺎﻑ ﻳﻜﻮﻝ ﻟﻴﺶ ﻣﺎﻛﺘﻴﻠﻲ ﻭﺻﻴﺘﻪ ﻣﺎﻳﺪﺯ ﺍﻻ ﺍﻧﻲ ﺍﺭﻣﺸﻠﻪ ﻭﺧﺎﺻﻪ ﺑﺎﻻﻳﺎﻡ ﺍﻟﻲ ﺑﻴﻬﻪ ﺑﺸﺎﺭ ﻣﻮﺟﻮﺩ ..
ﺍﺧﺬ ﺍﻟﺮﻗﻢ ﻭﺭﺍﺡ ﻭﻛﺎﻝ ﺩﻳﺮﺑﺎﻟﺞ ﻉ ﻧﻔﺴﺞ ﻭﺻﻠﺖ ﻭﻳﺎ ﻟﺒﺎﺏ ﺍﻟﻜﻠﻴﻪ ﻭﻟﺤﺪﻣﺎﺻﻌﺪ ﺑﺴﻴﺎﺭﺗﻪ ﻭﺍﻧﻲ ﺭﺣﺖ ﻟﻠﺨﻂ ..
ﺟﺎﻥ ﺍﻟﺨﻂ ﺑﻲ ٣ ﻃﺎﻟﺒﺎﺕ ﺑﻌﺪﻧﻪ ﻣﺎﻣﺠﻤﻮﻋﻴﻦ ﻛﻠﻨﻪ ﻛﻌﺪﺕ ﻭﻃﻠﻌﺖ ﺗﻠﻴﻔﻮﻧﻲ ﻣﺎ ﺍﺩﺭﻱ ﺷﻠﻮﻥ ﺍﻧﺘﺒﻬﺖ ﻉ ﺳﻴﺎﺭﻩ ﻭﺍﺋﻞ ﺍﻋﺮﻓﻬﻪ ﻛﻠﺶ ﺯﻳﻦ ﻣﻌﻘﻮﻟﻪ ﻟﻮﺗﺨﻴﻠﻲ ..
ﻇﻠﻴﺖ ﻣﺮﻛﺰﻩ ﻫﻮﺍﻳﻪ ﻭﺍﺩﻭﺭ ﻋﻠﻲ ﺷﻔﺘﻪ ﻭﺍﻛﻒ ﻭﻳﻪ ﻭﺍﺣﺪ ﻣﻦ ﺍﻻﻣﻦ ﻭﺑﻌﺪﻳﻦ ﺭﺟﻊ ﻟﺴﻴﺎﺭﺗﻪ ﺑﺲ ﺟﺎﻥ ﻋﺼﺒﻲ ﺣﺘﻪ ﺳﺪ ﺑﺎﺏ ﺍﻟﺴﻴﺎﺭﻩ ﺑﻘﻮﻩ ..
ﻟﺰﻣﺖ ﮔﻠﺒﻲ ﺑﺨﻮﻑ ﻣﻌﻘﻮﻟﻪ ﺷﺎﻑ ﻏﻴﺚ ﻣﻦ ﻃﻠﻌﻨﻪ ﺳﻮﻩ؟؟ ﻭﺷﻌﻨﺪﻩ ﺟﺎﻱ ؟؟
ﻏﻴﺚ ﺟﺎﻥ ﻳﻌﺮﻑ ﻭﺍﺣﺪ ﻣﻦ ﺍﻣﻦ ﺍﻟﺠﺎﻣﻌﻪ ﻭﻳﺨﻠﻮ ﻳﺪﺧﻞ ﻭﻭﺍﺋﻞ ﻫﻮ ﺭﺗﺒﺘﻪ ﺷﻜﺒﺮﻫﻪ ﻓﻌﺎﺩﻱ ﻳﺨﻠﻮ ﻭﻣﺒﻴﻦ ﻳﻌﺮﻓﻬﻢ ..
ﻇﻠﺖ ﺣﺴﺒﻪ ﺗﺎﺧﺬﻧﻲ ﻭﺣﺴﺒﻪ ﺗﺮﺟﻌﻨﻲ ﺧﻔﺖ ﻉ ﻏﻴﺚ ﺍﻛﺜﺮ ﻣﻦ ﻣﺎﺧﻔﺖ ﻉ ﻧﻔﺴﻲ ﺧﺎﻑ ﻳﺘﻌﺎﺭﻛﻮﻥ ﻟﻮ ﻭﺍﺋﻞ ﻳﻜﻠﻪ ﺍﺣﺒﻬﻪ ﺟﻨﺖ ﻛﻤﺖ ﺍﺑﻌﺪ ﺍﻻﻓﻜﺎﺭ ﺍﻟﺴﻠﺒﻴﻪ ﻭﺍﺭﺟﻊ ﺍﻟﻜﻪ ﻧﻔﺴﻲ ﺑﻤﺘﺎﻫﺎﺕ ﻣﻦ ﺍﻻﻓﻜﺎﺭ ﻣﺎﻟﻬﻪ ﻧﻬﺎﻳﻪ ...
ﺑﺲ ﻃﻠﻌﺖ ﺍﻟﺘﻠﻴﻔﻮﻥ ﻭﺩﺯﻳﺖ ﺭﺳﺎﻟﻪ ﻟﻐﻴﺚ ﻛﺘﺒﺘﻠﻪ ﺷﻔﺖ ﻭﺍﺋﻞ ﺍﺧﻮﻙ ﺑﺎﺏ ﺍﻟﺠﺎﻣﻌﻪ ﻭﺭﺍﻙ ﻭﺧﺎﻑ ﺷﺎﻓﻨﻪ ؟؟
ﻣﺨﻠﻴﻪ ﻣﻮﺑﺎﻳﻠﻲ ﻉ ﺭﺟﻠﻴﻪ ﻭﺻﺎﻓﻨﻪ ﺑﻬﺎﻱ ﺍﻟﺴﺎﻟﻔﻪ ﺍﻟﻌﻮﺟﻪ ﻭﺭﻥ ﺍﻟﺘﻠﻴﻔﻮﻥ ﺭﺳﺎﻟﻪ ﻣﻦ ﻏﻴﺚ ﻓﺘﺤﺘﻬﻪ ..
ﺟﺎﻥ ﻛﺎﺗﺐ ﻭﺍﺫﺍ ﺷﺎﻓﻨﻪ ﻗﺎﺑﻞ ﻣﺴﻮﻱ ﺟﺮﻳﻤﻪ ﻋﻮﺩ ﺍﺫﺍ ﺣﺠﻪ ﺑﻼﺧﻼﻕ ﻣﻦ ﺍﻟﺼﺒﺢ ﺗﻠﻜﻴﻨﻲ ﺍﺑﻴﺘﻜﻢ ﻻﺗﺨﺎﻓﻴﻦ ﺣﺒﻴﺒﺘﻲ ﻭﻻﺗﻔﻜﺮﻳﻦ ﺑﺸﻲ ﺳﻲﺀ ﻣﺎﻛﻮ ﺷﻲ ...
ﺭﺳﺎﻟﻪ ﻏﻴﺚ ﺑﻌﺜﺖ ﺑﺪﺍﺧﻠﻲ ﺍﻻﻃﻤﺌﻨﺎﻥ ﺑﺲ ﻇﻠﻴﺖ ﺍﻓﻜﺮ ﺑﻮﺍﺋﻞ ﺷﻌﻨﺪﻩ ﺟﺎﻱ ﻟﻠﺠﺎﻣﻌﻪ ﻭﺷﺒﻲ ﻋﺼﺒﻲ؟؟؟
ﺭﺟﻌﺖ ﻟﻠﺒﻴﺖ ﻟﻜﻴﺖ ﻫﺪﻯ ﻳﻤﻨﻪ ﻭﻋﻤﺘﻲ ﺑﺴﻤﻪ ﻭﺑﺘﻬﻪ ﻓﺮﺡ ﻫﻠﻮﻭﻭ ﺍﻓﺮﺡ ﺑﺎﻻﻛﺸﻦ ﺍﻟﻴﻮﻡ ﺑﺸﺎﺭ ﻫﻨﺎ ﻭﺭﺍﺡ ﺍﻇﻞ ﻋﻴﻮﻧﻲ ﻳﺎﺭﺍﻳﺤﻪ ﻳﺎﺟﺎﻳﻪ ...
ﻫﻮﺳﻪ ﻭﻛﻠﻬﻪ ﺑﺎﻟﻤﻄﺒﺦ ﻭﺍﻧﻲ ﺑﺪﻟﺖ ﻭﺍﺟﻴﺖ ﺍﺳﺎﻋﺪ ﻣﺎﻣﺎ ﺳﻮﺍﻟﻒ ﻭﺿﺤﻚ ﺷﻮﻳﻪ ﻭﺍﻧﺪﻙ ﺍﻟﺒﺎﺏ ﺭﺣﺖ ﺍﺭﻳﺪ ﺍﺷﻮﻓﻪ ﺻﺤﺖ ﻣﻨﻮﻭﻭ؟؟
ﺍﺟﺎﻧﻲ ﺻﻮﺕ ﻭﺍﺋﻞ ﺍﻧﻲ ﺷﺠﻦ ؟؟ ﺑﺴﺮﻋﻪ ﻟﺒﺴﺖ ﺍﻟﻜﺒﻮﺱ ﻣﺎﻝ ﺍﻟﺘﺮﺍﻙ ﻻﻥ ﺟﺎﻥ ﺷﺘﻪ ﻭﻓﺘﺤﺘﻠﻪ ﺍﻟﺒﺎﺏ ..
ﻃﺐ ﻭﻫﻮ ﻭﺍﻛﻒ ﺑﺎﻟﺒﺎﺏ ﺍﺭﻳﺪ ﺍﻣﺸﻲ ﺍﺻﻴﺢ ﻣﺎﻣﺎ ﻛﺎﻝ ﺷﻠﻮﻧﺞ ﺷﺠﻦ؟؟
ﺑﺪﻭﻥ ﻣﺎ ﺍﻟﺘﻔﺖ ﻋﻠﻲ ﻛﺘﻠﻪ ﺍﻟﺤﻤﺪﻟﻠﻪ ﻭﻣﺸﻴﺖ ﺳﻤﻌﺖ ﺍﻟﻜﻼﻡ ﺍﻟﻲ ﻛﺎﻟﻪ ﺍﺟﻪ ﺑﺎﺫﺍﻧﻲ ﻭﻻ ﺍﻧﺴﺎﻫﻪ ..
ﻛﺎﻝ ﻫﺎﻧﺖ ﻣﺎﻇﻞ ﺷﻲ ﻳﺎﺷﺠﻦ !!!
ﺑﺴﺮﻋﻪ ﻃﺒﻴﺖ ﻟﻴﺠﻮﻩ ﻭﻃﻠﻌﺘﻠﻪ ﻣﺎﻣﺎ ﻭﺍﻟﺨﻮﻑ ﻣﺘﻤﻠﻜﻨﻲ ﺷﻴﻘﺼﺪ ﻫﺬﺍ ﻳﺎﺭﺑﻲ ﺑﺴﻼ ﺭﺍﺡ ﻳﺨﺮﺏ ﺑﻴﻨﻲ ﻭﺑﻴﻦ ﻏﻴﺚ ..
ﺑﻠﺤﻈﻪ ﺭﺩﺕ ﺍﺧﺎﺑﺮ ﻉ ﻏﻴﺚ ﻭﺍﺣﺠﻴﻠﻪ ﻭﺧﻔﺖ ﻻ ﺍﺧﺴﺮﻩ ﻭﺭﺩﺕ ﺍﺧﺎﺑﺮ ﻟﺒﺸﺎﺭ ﻭﺍﺣﺠﻴﻠﻪ ﺑﺲ ﺧﺎﻑ ﺗﻜﺒﺮ !!!
ﻛﻞ ﺍﻻﺣﺘﻤﺎﻻﺕ ﺻﺎﺭﺕ ﻛﺪﺍﻣﻲ ﻭﻛﻞ ﺍﻟﺤﻠﻮﻝ ﺑﺲ ﻣﺎ ﺍﺗﺠﺮﺍﺕ ﻭﻧﻔﺬﺕ ﻭﺍﺣﺪ ..
ﺭﻏﻢ ﺍﻟﻬﻮﺳﻪ ﻭﻣﻠﺘﻬﻴﻦ ﺑﺲ ﺑﺎﻟﻲ ﻣﺸﻐﻮﻝ ﻭﺍﺑﺪ ﻣﺎﻣﺮﺗﺎﺣﻪ ﺣﺘﻪ ﻋﺸﻪ ﻣﺎﺗﻌﺸﻴﺖ ﺍﺣﺲ ﻧﻔﺴﻲ ﺍﻧﺴﺪﺕ ﺑﺲ ﻣﻦ ﺍﺷﻮﻓﻪ ...
ﻭﺭﺍ ﺍﻟﻌﺸﺎ ﺟﺒﺖ ﺍﻟﺠﺎﻱ ﻭﻛﻠﻬﻪ ﻛﺎﻋﺪﻩ ﻭﺍﺷﻮﻑ ﻓﺮﺡ ﺍﻟﻲ ﺳﺎﺣﻠﻪ ﻧﻔﺴﻬﻪ ﺑﺎﻟﻜﺎﻉ ﺑﺲ ﺻﺎﻓﻨﻪ ﻉ ﺑﺸﺎﺭ ...
ﺍﻟﻲ ﺍﺻﻼ ﻫﻮ ﺑﻌﺎﻟﻢ ﺛﺎﻧﻲ ﺻﺎﻓﻦ ﻣﺪﺭﻱ ﻭﻳﻦ ﻭﺍﻟﺠﻜﺎﺭﻩ ﻣﺎﻭﻛﻌﺖ ﻣﻦ ﺍﻳﺪﻩ ﺍﺑﺪ ﻭﺣﺪﻩ ﻭﺭﺍ ﺍﻟﺜﺎﻧﻴﻪ ...
ﺗﺤﺎﻭﻝ ﺗﺠﺬﺏ ﻧﻈﺮﻩ ﺣﺘﻪ ﻧﺮﺟﺲ ﻛﺎﻟﺖ ﺷﻮﻓﻲ ﻓﺮﻳﺤﻪ ﺷﻠﻮﻥ ﺳﺤﻠﺖ ﻧﻔﺴﻬﻪ ﻉ ﺑﻴﺸﻮ ﻭﻫﻮ ﻣﻮﻳﻤﻬﻪ ..
ﻫﻲ ﻣﺨﻠﺼﻪ ﺍﺩﺍﺭﻩ ﻭﺍﻗﺘﺼﺎﺩ ﻭﺍﺛﻨﺎﺀ ﺍﻟﺤﺪﻳﺚ ﻛﺎﻟﺖ ﻋﻤﺘﻲ ﺑﺸﺎﺭ ﻣﺎﻛﻮ ﻭﺍﺳﻄﻪ ﻣﻨﺎ ﻣﻨﺎ ﺗﺘﻌﻴﻦ ﺑﻴﻬﻪ ﻓﺮﺡ ﺍﺑﻮ ﻓﺮﺡ ﻛﺎﻝ ﺑﺸﺎﺭ ﻣﺴﻮﺅﻝ ﻋﻦ ﺷﺮﻛﻪ ﺍﻟﻤﻮﺍﺭﺩ ﻣﺎﻣﺤﺘﺎﺟﻴﻦ؟؟
ﺑﺸﺎﺭ .. ﻭﺍﻟﻠﻪ ﻳﺎ ﻋﻤﻪ ﺑﻌﺪﻧﻲ ﻣﺎﺩﺍﻭﻣﺖ ﺑﺸﺮﻛﻪ ﺑﻐﺪﺍﺩ ﺍﻧﻲ ﻣﺪﻳﺮ ﺍﻟﻤﻮﺍﺭﺩ ﺍﻟﻲ ﺑﺎﻟﺒﺼﺮﻩ ﺑﺲ ﻫﺴﻪ ﺭﻓﻌﻮ ﻛﺘﺎﺏ ﺗﻨﺴﻴﺐ ٣ ﺍﻳﺎﻡ ﺑﺒﻐﺪﺍﺩ ﺑﺲ ﺑﻌﺪﻧﻲ ﻣﺎﻣﺪﺍﻭﻡ ..
ﺑﺴﻤﻪ .. ﺧﻠﻴﻬﻪ ﻉ ﺑﺎﻟﻚ ﺍﺫﺍ ﻣﺤﺘﺎﺟﻴﻦ ﺣﺘﻠﻮ ﻋﻘﺪ ﺷﻌﺪﻫﻪ ﻛﺎﻋﺪﻩ ..
ﺑﺸﺎﺭ .. ﺍﻥ ﺷﺎﺀ ﺍﻟﻠﻪ ...
ﺷﺠﻦ ... ﻣﺮ ﺍﺳﺒﻮﻉ ﻭﺍﺟﻪ ﻏﻴﺚ ﻛﻌﺪﻧﻪ ﺑﻨﻔﺲ ﻣﻜﺎﻧﻪ ﻭﺣﺠﻴﻨﻪ ﻉ ﻭﺍﺋﻞ ﺟﺎﻥ ﻳﻀﺤﻚ ﻭﻳﻜﻠﻲ ﺷﺒﻴﺞ ﺟﺒﺎﻧﻪ ﻫﻮ ﻣﻮ ﺍﺧﻮﻱ ﻭﺍﺫﺍ ﺷﺎﻓﻨﻪ ﻳﺪﺭﻱ ﺍﺣﺐ ﺑﺲ ﻣﺎﻛﺎﻳﻠﻪ ﺍﻧﺘﻲ ..
ﺍﺭﻳﺪ ﺍﺣﺠﻲ ﻭﺍﻛﻠﻪ ﺗﺮﻯ ﻫﻴﺞ ﻭﻫﻴﺞ ﻭﺍﺑﻄﻞ ﺟﻨﺖ ﺍﺣﺲ ﻧﻔﺴﻲ ﺑﻀﻴﺎﻉ ﻭﻣﺎ ﺍﻋﺮﻑ ﺷﻠﻮﻥ ﺍﺗﺼﺮﻑ ﻭﻻﻋﻨﺪﻱ ﺍﺣﺪ ﺍﺣﺠﻴﻠﻪ ﻭﺍﺧﺬ ﺭﺃﻳﻪ ..
ﻃﻠﻊ ﻏﻴﺚ ﻭﺍﻧﻲ ﺭﺣﺖ ﺣﻀﺮﺕ ﺍﺧﺮ ﻣﺤﺎﻇﺮﻩ ﻭﺑﻄﻠﻌﻪ ﻣﺎ ﺍﺣﺲ ﻏﻴﺮ ﻭﺍﺋﻞ ﺑﻮﺟﻬﻲ ﻭﻣﺨﻨﺰﺭ ﻭﻋﺼﺒﻲ ..
ﺍﺭﺗﺪﻳﺖ ﻟﻴﻮﺭﺍ ﻭﺻﺎﺭﺕ ﺍﻟﺒﻨﺎﺕ ﺍﻟﻲ ﺍﻋﺮﻓﻬﻢ ﺷﺤﻪ ﺑﺲ ﺍﺭﻳﺪ ﻭﺣﺪﻩ ﺍﻣﺸﻲ ﻭﻳﺎﻫﻪ ﻳﺘﻘﺮﺏ ﻋﻠﻴﻪ ﻭﺍﻧﻲ ﺍﺣﺎﻭﻝ ﺍﻃﻠﻊ ﻣﻦ ﺍﻟﻬﻮﺳﻪ ﻣﺎﻝ ﺑﺎﺏ ﺍﻟﺠﺎﻣﻌﻪ ..
ﻣﺎ ﺍﺣﺲ ﻏﻴﺮ ﺍﻳﺪﻩ ﺗﻠﺰﻡ ﺫﺭﺍﻋﻲ ﻭﻛﺎﻝ ﻭﻳﻦ ﺳﺖ ﺷﺠﻦ ﻋﻨﺪﻱ ﻛﻼﻡ ﻭﻳﺎﺝ !!!!
ﻳﺘﺒﺒﺒﺒﻊ .... ﺍﺣﺒﻜﻢ
