#نصف عذراء بين أنيابك قاتلي

البارت الاخير

البارت الاخير
رواية نصف عذراء بين أنياب قاتلي
بقلمي ...نور سمو العراق

💔❤💔❤💔❤💔❤

الا يا مرض ... لا تخجل
وتؤلم قلب من اناجيها
جلست اراقب الساعة
وأحصي سنين ثوانيها
سهرت أهدهد القلب
وأدعو الله يشفيها
وكنت اسألها عن حالها
تجيب والبسمة تبديها
أنا بخير يا قمري
ودمعة عين تخفيها...

...................................

بلعت ريكي مستغرب من كلامها شنو هي،السبب جاوبتها...شنوو انتي السبب

ردت ببكاء...تعاااال وانت تعرف

هزيت راسي بأي حاليا مالي خلك نفسي مو نديمه قفلت الخط بس اكييد الشئ يخص تاااج وهذا الشئ يهمني لان مصيبه اذا تاج انتحرت من دوون سبب...

اجت ميس،تركض وتبجي باوعتلها بخووف...شكوو هاا ميس تاج بيها شئ

جاوبتني بقهر...خبصت الدنيا بالبجي تريد تشوف طفلها قبل لا تدفنه والدكتوره دكول مو زين عليها

جريت نفس حزين...مو قبل شوويه جنت يمها ما حجت شغير راييها ياااربي اني ما اريد اعذبها

ردت عليه...بالحالتين تتعذب ابا ذر اذا شافت طفلها ميت ومتاذي من حركها واذا دفنته وخليته حسره بكلبها...

تافئفت بضييق رحت الها باوعتلها من جام الباب تحجي ويه الدكتوره وتتوسلها...

دكيت الباب اجت الدكتوره فتحتلي كالت البس ملابس معقمه وادخل احجي وياها هاي البنيه حييل عنوديه...

ابتسمت صح تاج عنييده حييل واذا تريد شئ تسوي بس الوحيد اني الي ماكدرت تعاندني رغم تمردها وهروبها بس رجعت الوعيها وعاشت تحت جناحي...

لبست ملابس معقمه ودخلت عليها شفتها ملابسها كلها منزوعه ولافيها بشاش واكتافها عاريه...

بستها بكتفها جريت نفس...تاجي يروحي شبيييج ؟

ردت بنحيب...اريد اشوف ابني لا تدفنه قبل ما اشوفه واذا مسويتلي هيج ممبري الذمه

مسحت علئ لحيتي بتوتر...بس يا تاج انتي متنقهرين عليه اببد ما تهمج امج؟ يعني طفل مات وهذا قدره ويومه اذا شفتي ححتاذين واحنه اهم شيء عدنا صحتج

الطفل يروحي يتعوض بس انتي ما تتعوضين لو مهما كان ومهما صار...

ردت بشهكات وثكل لسانها ...بب بس انن اني اريده ارر اريد اشوفه لاا تحرمني

جريت نفس...والله يا تاج اني ابوه ما الي نفس وجرئه اشووفه مو انتي ...لا تنسين حالتج ما تسمح ليش تعذبيني ما اهمج يعني ابببد ما الي خاطر عندج...

دارت وجهها وهي تبجي عرفتها مراح تسكت ولا يغفئ الها جفن اله تشوف ابنها....

واني،خايف عليها حييل من تشوفه تتاذه