عيون قمر

عدة مشاهد

///عيون قمر ///

بقلمي ✍🏻(( رونق سلطان ))

دخل ابويه للغرفه يصيح ويضرب بيه كافي دمرتوني تعبتوني
انوب فوك السطوح تردين اجيبيلي العار ودنجين راسي وتخليني سالفه بحلوك الناس !
يضرب بيه ويحجي ... يابه ماسويت وروح امي ماسويت
شوكت اصدكني مو تعرف سوالف لميعه شريت الملابس ونزلت
شسويت فهمني شسووويت كافي حرام عليكم ماضل مكان بجسمي

ابوك جكاير من باكيت ابويه واصعد فوك السطح  اشر الملابس واكعد ورا التانكي مال الماي وادخن نفس اسحبه احسه يحرك روحي حرك !
صار متنفسي الوحيد الجكاره اي كمت اشرب جكاير من القر والظلم
اخدم وانظف اسكت ما يفيد اطول لساني واراد تزيد اكثر واكثرر
ليش ما متت ويه امي وخلصت المن ظليت !؟

نمت كلبي مبقبوض ورحي مختنكه واحس حسره وثكل بصدري
تعوذت من الشيطان ونمت فزيت ساعه سته على دكت باب الغرفه
واسمع صوته قمرر قمررر اكعدي
لميت شعري وكمت فتحت الباب ... اسامه بوجهي تفاجأت !
صباح الخيررر
صباح النور هاا راح تروح
اي كلت اسلم عليج قبل ما انزل هاج هاي فلوس خليه عندج خاف اطول وما اريدج تاخذين من احد وهاي رغد يمج خاف تحتاجين شي

عجبني اسبح بحمام غرفته يخبل
كملت تنظيف البيت وغديت  الجهال ونومتهم اخذت ملابسي ورحت لغرفته
سبحت وكملت شكد حلو احس نظفت مدري لان الحمام حلو ومرتب
لبست البرنص وطلعت ... صار بوجهي رجعت ورا وكلبي يدك سريع غير انهبطت هبطه نسيت حتى اسمي مديت ايدي اخذ ملابسي حطيتهم عالجربايه اريد بس اطلع .... ارتبكت وجسمي كله يرجف وينفض
هو واكف بس يباوع لحركاتي جان يتقدم ويلزم ايدي من المعصم
اشهادت كلت خلاص اليوم مامنه مفر ؟!

يمه كلت لج ما ازوج كافي تلحين بالموضوع كل ما اجي
اطلعين هالجيه من عيني كلهن نفس شي كلهن كح****** كافي رحمة للكائنات
يمه وجهالك ماشوفهم يكسرون الكلب هاي الطفله شنو ذنبه نافره ولا تحن عليه ليش يمه هيج كلبك قاسي ليش ولك مو كل اصابع سوى
يمه لا تبجين كله ولا اشوف دمعه منج تنزل بسببي وهاي بوسة راسج وجهالي انتي ما مقصره وياهم ربي يحفظج النا لا تفتحين هالموضوع بعد كلبي ما يتحمل ولو ما انتي اشتاقلج وكلبي يفرفح عليج فلا انزل وهالأجازه ما اريدها ........

عدة مشاهد متفرقه
قصه حقيقيه وحده من البنات حبت تشاركنه قصته

متابعه ممتعه