فوت قبل القراءة من فضلكوا❤
الفصل طويل❤🔥
#الفصل_السادس_عشر
#أنين_الغرام
_ و أنت الذي جئت مختلفاً .. لست صديقاً ولا حبيباً .. لكنك حياة..
يُقال أن أشد أنواع العقاب للعاشقين هو الفراق لذلك دائماً يكون ذلك هو الحل الأخير بعدما تيأس من جميع الحلول المطروحه .. و للأسف نتائجه ليست مضمونه فبعضهم تكون نتيجته إيجابيه و الأخر سلبيه ..
لذلك عندما تأخذ قرار الفراق يجب ان تكون راضي بنتيجته أياً كانت .. ف في كلتا الأحوال هى الأنسب و المقدرة لك ..
فتح باب المكتب و دخل ليجلس على المقعد امام المكتب و هو يغمض عينيه بأرهاق .. فقد تعب من كثرة البحث عن عشقه و لم يجدها ولا أحد يعلم عنها شيئاً ..
هو يريدها و بشده فقد أصبح لا يستطيع العيش بدونها .. هو الأن يعترف بخطئه و يقسم بأنه لن يكرره .. هو فقط يريد أن يجدها و سوف يصلح كل شئ و سيعتذر لها على كل ما بدر منه ..
_ و بعدين يا حمزه .. أنت بقالك شهرين على نفس الوضع دا؟!
هذا ما أردف به متين و هو ينظر إلى حمزه الجالس أمامه بأشفاق على حالته..
تنهد حمزه بحزن مردفاً..
_ مش لاقيها يا متين .. دورت عليها في كل مكان و مفيش فايده حتى أبوها مش عنده و نور كمان بتقول إنها مش عندها و دورت عليها كتير و بردوا مفيش!!
أردف متين بجديه..
_ هتلاقيها يا حمزه .. صبا بتحبك زي ما انت بتحبها و أكتر كمان و هترجعلك .. هى بس علشان أستحملت كتير منك فالبعد كان الحل الوحيد بالنسبه ليها يمكن تفوق من اللي أنت كنت فيه
_ و انا فوقت والله فوقت .. و نفسي ترجع بقى مبقتش قادر استحمل بعدها اكتر من كدا
_ متقلقش يا حمزه ربنا إن شاء الله هيقف جنبك و أمورك هترجع طبيعيه تاني .. المهم بقى نفوق للشغل ولا إيه
نظر له حمزه بغيظ مردفاً..
_ شوف أنا بقول ايه و أنت جاي تقولي الشغل
اردف متين ببرود..
_ مشكلك الشخصيه حاجه و شغلك حاجه تانيه و مينفعش تقصر فيه
تنهد حمزه بضيق مردفاً..
_ حاضر يا متين .. الشغل ايه اللي عاوزيني فيه؟!
أرجع متين ظهره للخلف بأريحيه مردفاً بجديه..
_ هتروح تتابع مشروع جديد في الجونه .. و اهو بالمرة تغير جو بدل اللي انت فيه دا
أومأ له حمزه بأيجاب مردفاً بأرهاق..
_ تمام .. هسافر امتى
_ بكرة علشان فيه هناك شويه مشاكل مع المهندسين
ثم نهض متين من مكانه و أخذ أشيائه مكملاً حديثه..
_ و دلوقتي قوم يلا علشان تروح معايا .. العيله كلها متجمعه إنهارده
نهض حمزهومن مكانه مردفاً بأرهاق..
_ مش هقدر يا متين .. أنا هروح
جذبه متين من ذراعه و تجه به للخارج قائلاً بمزاح..
_ يا عم تعالى دا احنا هندلعك و بعدين أنت وحشت ليا و بتسأل عليك كتير
أنت تقرأ
أنين الغرام
Romance..أحبت بصدق لتكتشف بعدها أن ما تعيشه لم يكن سوى خدعه و وهم مثل الفقاعه بمجرد لمسها سقطت لتصطدم بالواقع المرير لتكون النتيجه.. ..كل ما يخص القلب لم يكن سوى ضعف و إنكسار بالنسبه له و هو لم لن يكن يوماً بضعيف و لكن ظهورها أربكه لم يستطيع السيطرة على قل...
