المخلص "باللهجة العراقية "

البارت الثالث

-لبسته على السريع وامسح بالدم الي بيدي وهو الولد
يتلفت رجع شال سجينه وخلاها بيدي.. يا جلب يصير كبالج خليها بكلبه وروحي لا تخافين ولا تترددين وحدتجن الف رجال لو قذر صار كبالها..

-احس كلامه ترسني امل يمكن لو كبالي واحد منهم
جان كتلته.. شكرا بس ليش تشتغل وياهم؟!..

-قصة طويله هاي هسه اطلعوا بالعجل منا ودليت الولد
لا تلتفتون لو تحترك الموصل ولا توكفون..

-علي جرحك شلونه؟!..

-ما احس بي بعد المسكن عاشت ايدك حجاها الولد علي الي من الح..شد وجان هم لابس مثل ملابسهم..

-البدوي ضربه على كتفه.. بطل امانه مخلي بيدك
شرفك و وطنك الامانه تسلمها ما اوصيك بعد اخوك
ولو صار شيء لا سامح الله لا تخليهن يوكعن بيد الانذال وهلا هلا بنورا..

-علي حضنه.. يحفظك الله امانه موسى ابن جعفر
ابو تراب دير بالك على نفسك..

-المشهد مؤثر عيوني يصبن دمع عليهم احنا طالعين
وهو هنا على اقل خطا يروح بيها يارب احفظه بعينك التي لا تنام..

-طلعنا وهو ويانا وصلنا لسياج جان مو عالي رفعني
ومن الجهه الثانيه علي سندني ما عندي غير حل المهم
اطلع منا لاخر محطه جان هو ويانا وكلبي تكطع عليه
تركنا وحده يحارب وطلعنا اوف شكد صعب شغله بحيث متحمل كل هاي المخاطر..

-وبدت رحله جديده من رحله السجون والتعذيب النفسي
والجسدي من رحله لمساتهم القذره ونظراتهم الشهوانية
الى رحله الهروب منهم ومن ظلمهم..

-اول مره بحياتي اركض هيج مسافه جان الموت يخطف من يمنا واحنا نتراكض الروح عزيزه وحك
الخلقها عزيزه وبهيج مواقف تعرف غلاوة روحك..

-ابو عيون جانت خطته عظيمه بحيث احنا نركض ويا
الجنود والكهرباء ما تخليهم يميزونا وصلنا لبوابه وهنا
واحد يباوع للثاني بقلق لحظات شايلين كلوبنا بيدنا
ونمشي ما توقفنا ولا ثانيه..

-امشي ودموعي تصب معقوله هاي موصلنا هاي ام
الربيعين هيج يصير بيها بيوتها تهدمت مساجدها صارت مقرات لاسلحتهم شوارعها مهجوره وريحتها
ريحة دم وحرب..

-كل ما نسمع صوت نختل بهيكل احس هلكت روحي
والولد الي بالحش..د بدا يهيج عليه الالم اتوقع جان متصوب شوي شوي صارت  مشيته بطيئة فجاة كعد على الأرض وصار يتقيأ..

-من الصوت الي جان يصدر منه مبين عليه تعب وانو معدته جانت فارغة وكأنو يتقيأ أحشاءه تقربت منه  بخوف لان هو املي الوحيد حالياً إذا صار عليه شيء اني وين اروح انطيته  بطل المي الي جان بي نص انطانياه ابو عيون الي ساعدنا نهرب وهذا كان كل الي نملكه بهذا المكان الشبه مهجور اخذه مني وغسل وجه وحجه بصوت تعبان ..