الفصل الرابع
عثمان
طمنى يابنى ايه ال حصل
رعد
ال حصل انى ربيت شويت العيال دول
عثمان
عملت ايه سيف بيقول انهم ولاد رجال اعمال
رعد بكل ثقه
وايه يعنى ال يتعدى حدوده مع حاجه تخص عيله الريدى انسفه مع ان اهاليهم ناس محترمه ولما وصلوا القسم بهدلوا ولادهم واعتزروا بس بعد ما كنت ظبطهم وعلمتهم ان الله حق
سيف
يا جامد
رعد بنظره غرور
طول عمرى اسيبكم هطلع اغير هدومى وانزل كل ده وبيحاول يتجنب ان يبص ل فيروز لانه اخد باله انها بتبصله
بعد ما طلع
جومانا بتهز فيروز
رحتى فين
فيروز
ايه انا معاكى اهو
جومانا
مش باين سرحتى فى ايه
فيروز
ولا حاجه
امينه
انا هقوم اشوف العشا
حنان
استنى هاجى معاكى
امينه
لا خليكى انا هشوف الطباخ خلص ولا لسه اقعدى انتى
وهيا راحه على المطبخ لفت بصت على اخوها ودعت ان يوفقه ربنا وحنان تبقى من نصيبه لانها حست فى عنيه نظره اعجاب ليها واتمنت ان ربنا يعوضه بعد سنين وحدته من بعد وفات زوجته
سيف للبنات
تحبوا نطلع فى الجنينه شويه لحد العشا ما يجهز
جورى
ماشى اهو الواحد يشم شويه هوا
وخرج سيف مع البنات الجنينه وقعدوا يتكلموا وسيف لكل شويه يبص ل جومانا وفيروز وجورى اخدوا بالهم
وكان فى ال بيبص عليهم من بلكونت اوضته وبيشرب سجاره
ومره واحده فيروز بترفع عنيها شافته وعنيهم اتقابلت
رعد نزل عينه بسرعه ورمى السيجاره من ايده ودخل بسرعه
اما داخل الفيلا كان عثمان وحنان بيتكلموا وبيتبدلوا اطراف الحديث وحس عثمان انها انسانه عقلها كبير وهاديه جدا ورقيقه واتمنى انها تشاركه الايام ال فضله ليه فى عمره
خرجت امينه من المطبخ يلا العشا جاهز ونادت على سيف والبنات ونزل رعد وهو بيحاول ميبصش ل فيروز
وخلص العشا وكل واحد طلع اوضته
جورى
فيروز فيروز
فيروز
ايه يا جورى عاوزه حاجه
جورى
سرحانه فى ايه
فيروز
ولا حاجه عادى
جورى
عليا برضوا سرحانه فى عاصفت الرعد
فيروز
مش كده بس انسان غامض مخيف بحس فى عنيه حاجه غريبه مش فهماها فعلا اسمه على مسمى
جورى
طب خلى بالك من نفسك لان الرعد سعات بيدمر
فيروز
قصدك ايه
جورى
ولا حاجه يلا بينا ننام عشان الكليه الصبح
فيروز
ماشى هقوم اصلى وادخل انام تصبحى على خير
جورى
وانتى من اهله
تانى يوم الصبح البنات جهزوا عشان الكليه ونزلوا على الفطار
البنات صباح الخير
عثمان
صباح النور على اجمل بنات
امينه
جهزتوا يا بنات عشان الكليه
فيروز
ايوه يا ماما
حنان
خلى بالكم من نفسكم
فيروز
متقلقيش يا عمتو وبعدين سيف معانا فى الكليه
سيف وهو نازل مين جايب فى سرتى
صباح الخير
الكل صباح النور
سيف
جايبين فى سرتى ليه
فيروز
اصل ماما بتوصينا فقلتلها متقلقيش سيف معانا
سيف
كده برضوا يا عمتو تقلقى عليهم وهما معايا وهو انا مش مالى عينك ولا ايه
امينه
لا يا حبيبى ده انت سيد الرجاله ربنا يحميك يا غالى
سيف وهو بيميل يبوس عمته تسلميلى يا رب ومتقلقيش دول فى عنيا
حنان
وجومانا كمان خلى بالك منها معلش لو هتعبك
سيف وبيرفع وشه وبيبص ل جومانا دى فى عنيا يا طنط متقلقيش ابدا
شويه وهما بيفطروا نزل بطلته الجذابه
رعد صباح الخيرالكل صباح النور
عثمان
تعالى يا حبيبى افطر
رعد
معلش متأخر القائد عوزنى ضرورى
عثمان بقلق
انت طالع مهمه ولا ايه
رعد
مش عارف بس اكيد
عثمان
طب خلى بالك من نفسك
رعد حاضر سلام
عثمان
ربنا يحميك يابنى
حنان
شكل الشغل بتاعه صعب
عثمان
شغل مرعب كل يوم وهو خارج ببقى ماسك قلبى ب ايدى
امينه
ربنا يسترها معاه ويرجعه بسلامه
الكل امين
سيف
يلا يابنات على الكليه
عثمان
هتوصلهم معاك
سيف
طبعا يابابا
جومانا بكسوف
مش عوزين نتعبك
سيف بابتسامه جذابه تعبكم راحه يلا بينا
وراحوا على الجامعه وصل جورى الاول وبعدين دخل هو وفيروز وجومانا الكليه ووراهم المدرج بتاعهم
اما عند رعد راح مكتبه لقى عدى مستنيه
رعد صباح الخير
عدى صباح النور عامل ايه
رعد تمام
عدى
احم وبنات عمتك
رعد
كويسين عدت على خير
عدى بتردد
وانسه جورى هديت عن امبارح
رعد ضيق عنيه وبنظره ثاقبه
اشمعنا
عدى بتوتر
اصل كانت بتعيط جامد امبارح
رعد بمكر
لا اطمن كويسه
عدى
هيا فى كليه ايه
رعد بدهاء
هيا مين
عدى
مالك متركز معايا اقصد جورى
رعد
اه فى اولى صيدله ليه فى حاجه
عدى
لا ابدا بسأل عادى
رعد
والله عادى طيب
عدى تقصد ايه
رعد ولا حاجه نتكلم بعدين تعالى نشوف القائد عاوز ايه
عدى
يلا بينا
فى اوضه القائد دخل رعد وعدى وقدموا التحيه العسكريه
القائد
اهلا يا وحوش
رعد وعدى
اهلا يا فندم
القائد اقعدوا
اخبار جاك ايه
رعد
متقلقش يا فندم قريب اوى هيتكلم احنا مظبطينه
القائد
تمام ركزوا معايا بقا فى مهمه هتطلعوها كمان شويه
عدى
خير يا فندم
القائد
فى مجموعه مسلحه عبرت الحدود عشان تنفذ عمليت اغتيال لوزير الاقتصاد الكويتى جاى زياره ل مصر
رعد
وهما عوزين يغتالوه ليه
القائد
عشان فى مشروع اقتصادى هيتم بنا وبنهم على ارض سينا وهما مش عوزينه يتم
عدى
هما مين يا فندم
القائد
هى دى عوزه سؤال ال مش عوزين مصر تتقدم وعوزين يخدوا ارضنا تانى
عدى
ولاد الكلب
رعد
المطلوب ايه يافندم
القائد المعلومات ال جات بتقول انهم هينفذوا العمليه اثناء توقيع الاتفاقيه عشان هتكون الدنيا زحمه فى القاعه ومحدش هياخد باله المطلوب منكم تأمين قاعه الاجتماعات ال هيتم فيها الاتفاق كويس جدا ومن غير ما حد ياخدوباله لان الاتفاق هيتذاع على الهوا وتقبضوا على الجماعه دى او تصفوهم وتفضلوا مع الوزير لحدما يركب الطياره لانه هيسافر بعد الاجتماع على طول
رعد وعدى
تمام يافندم
القائد
يلا يا وحوش رحوا جهزوا نفسكم
راح رعد وعدى يجهزوا عشان المهمه
اما فى الكليه عند عند فيروز وجومانا قاعدين فى المدرج مستنين الدكتور يدخل وشويه ولقوا سيف داخل
سيف
السلام عليكم
الشباب وعليكم السلام
سيف
سكشن النهارده مهم جدا ومحتاج الكل يركز معايا
البنات ورا فيروز وجومانا قاعدين يتغزلوا فى سيف ويقولوا عليه جان وقمر
جومانا حست انها اديقت ومفسرتش سبب انها اديقت ليه او بتحاول تكدب على نفسها وتحاول تعمل انها مش واخده بالها من احساسها نحيته
وبعد المحاضره سيف راح ل فيروز وجومانا
سيف يلا بينا مفضلش ليكم محاضرات تانى النهارده
فيروز
ماشى يلا وجومانا ساكته
سيف
جومانا مالك فى حاجه زعلتك
جومانا بتوتر
لا ابدا يلا بينا
وهما ماشين البنات ال كانت بتكلم على سيف جم وقفوا معاه وبيحاولوا يسالوه فى اى حاجه بس واقفين بيتكلموا بدلع
وجومانا
كانت هطق منهم
وسيف كان بيرد عليهم بعمليه شديده ومش بيبصلهم
وفيروز اخدت بالها من جومانا وغمزتلها ايه مالك
جومانا
مفيش شايفه البنات بتدلع ازاى
فيروز
اه وانتى ايه ال مديقك
جومانا بتحاول تهرب بعنيها
ابدا هدايق ليه
فيروز
ماشى لما نشوف الموضوع ده بعدين
وخلص سيف الكلام مع البنات وبص ل فيروز وجومانا يلا بينا عشان نعدى على جورى
يلا
وراحوا ل جورى واخدها وروحوا البيت
اما رعد وعدى راحوا المكان ال هيتعمل فيه الاجتماع وامنوه كويس وكانوا وقفين وعنيهم زى عيون الصقر واثناء الاجتماع لمح رعد شخص واقف بعيد وبيبص حوليه وحاطط ايده فى جيبه وبيبص ل واحد تانى
رعد
عدى تعالى معايا
عدى فى ايه
رعد
انا هسحب الشخص ال واقف هناك ده وانا خد بالك من ابو تشرت احمر ده وحاول تخرجه بره القاعه وخليك معايا على اتصال
عدى
تمام واتكلم عدى فى السماعه ال فى ودنه للفرقه بتاعته يا رجاله كله يركز كده وخالوا بالكم ممكن يحصل اشتباك
رعد سحب الشخص ال كان شاكك فيه بكل تمكن وخبره وفعلا اكتشف انه هوال هينفذ العمليه واثناء وهو بيحاول يقبض عليه ويحط الكلبش فى ايده الراجل حط حبايه فى بوقه ومات فى وقتها
عدى لاحظ ان الشخص ال لابس تشرت احمر بيكلم حد فى التلفون وبيحاول يفتح الجاكت بتاعه
عدى كان عنده سرعت بديهه وحس انوا لابس حزام ناسف وبسرعه راح عنده ورش على وشه بنج خدره وسحبه ل بره
ولما خرج وفتح الجاكت بتاعه براحه اكتشف فعلا انوالبس حزام ناسف
عدى فى السماعه ال فى ودنه
رعد عوزين خبير مفرقعات حالا
رعد طيب
وبعديها بشويه جه الخبير وابطل الحزام الناسف
والاتفاقيه تامت وامن عدى ورعد الوزير لحد ما ركب الطياره
فلا احد يستطيع التغلب على الاسود فى رعد وعدى اسمهم كفيل ان يرعب اى احد لقوتهم وذكائهم
وجاء اليل وكل شخص لديه ما يقلق باله
دخل رعد الفيلا بعد منتصف اليل وهو ماشى شاف فيروزوقاعده فى الجنينه وراح عندها
رعد
انتى قاعده كده ليه دلوقتى
فيروز بخوف
خضتنى
رعد بسخريه
ليه بخوف
فيروز ا
نت بتتكلم كده ليه
رعد بنرفزه
بتكلم ازاى و٠٠٠٠٠٠٠٠
يتبع
