اضاءت قلبى بعد ظلمته
بقلم رباب احمد
الفصل الثالث
تانى يوم على الصبح والكل على الفطار
وسيف بيبص ل جومانا من غير ما حد ياخد باله لانه حس انو مشدود ليها
وبعد شويه نزل رعد بثقه وجاذبه صباح الخير
الجميع صباح النور
عثمان
يلا عشان تفطر
رعد
لا يابابا انا متأخر اشوفكم بعدين
جورى ميلت على اختها
شوفتى مش طايق يقعد معانا
فيروز
اسكتى ورفعت وشها تبص ل رعد شافت فى وشه الضيق وفى عيونه حاجه غريبه ظلمه خنقاه وفجاه لقت رعد رفع وشه وعنيهم اتقابلت لمده ثوانى نزلت فيروز عنيها بسرعه
ورعد بعد نظره عنها لان حس ان عنيها فيها حاجه هتشده
رعد
عاوز حاجه يابا قبل ما امشى
عثمان
ايوه متنساش تكلم المهندس
رعد
متقلقش كلمت واحد صاحبى مهندس هيجى بعد الظهر النهارده
عثمان
طيب يا حبيبى
رعد
بعد اذنكم مع السلامه
بعد ما مشى
امينه
ماله رعد يا عثمان مكنش كده
عثمان
رعد حكايته حكايه
فيروز شدها الكلام وعوزه تعرف هو ماله وبيتعامل كده ليه وبصت لخالها وهو بيتكلم
امينه
حصله ايه رعد مكنش بيبطل هزار وضحك حصل ايه
عثمان
منها لله ال كانت السبب فى ال هو وصل ليه
ويابنات مش عوزكم تدايقوا من اسلوبه وطريقه كلامه معاكوا معلش اعزروه
جويريه بفضول ليه يا خالو حصلوا ايه
سيف متدخلا فى الكلام
خطبته باعته وخانته مع صاحبه قبل فرحهم بشهر واتجوزت صاحبه
امينه
ياعينى يابنى بس هيا ال خسرانه
عثمان
المشكله الكبيره انها تبقى ريتاج بنت خالته
امينه
بنت سعاد
عثمان ايوه
امينه
مش سهله زى امها كانت بتغير من مراتك ال هيا اختها
برضوا الصراحه كانت غير منى مراتك الله يرحمها منى كانت بلسم
عثمان
الله يرحمها
امينه
بس ايه ال وقعه فى بنت سعاد
سيف
كانت بتمثل عليه الحب لحد ما رعد سلمها قلبه وكسرته ومن ساعتها رافض الجواز والارتباط وبيكرهه الستات بطريقه غريبه
فيروز بتسمع الكلام ومتأثره جدا ب ال حصله لان اسواء حاجه كسر القلوب خصوصا لما تدى الشخص ده كل الحب والاهتمام ويبيعك فى لحظه
عثمان
بس ياريت محدش يفتح السيره دى معاه خالص عشان ميتعصبش انا قولتلكم بس عشان متفسروش تصرفاته غلط اعزروه
حنان
لو وجودنا هيديقه ممكن نمشى يا عثمان بيه
سيف قلبه وقع فى رجليه خاف ل جومانا تمشى وميقدرش يشوفها كل يوم
عثمان بسرعه
انتى بتقولى ايه يا مدام حنان البيت بتكم انا بس كنت بعرفكم شخصيه رعد لكن هو طيب جدا والله
حنان
ربنا يهون عليه
الجميع يارب
سيف
طب يلا يا فيروز انتى وجومانا وجورى روحوا البسوا عشان نروح الكليه ونخلص الاجراءت كلها النهارده عشان تبتدوا دراسه على طول
البنات
حاضر وطلعوا يلبسوا
عثمان
تعالى يا امينه انتى ومدام حنان نشرب القهوه فى الجنينه
امينه
انت مش هتروح الشغل النهارده
عثمان
لا طبعا المهندس جاى ومينفعش اسيبكم لوحدكم معاه فى البيت
حنان بصتله بصت احترام وتقدير وهو رفع عينه وبصلها نظره اعجاب
امينه
طيب يلا بينا
وخرجوا يشربوا قهوتهم بره اما سيف اخد البنات فى عربيته وراح الجامعه وكل شويه سيف يبص ل جومانا وهيا اخدت بالها وكانت مكسوفه جدا
وجورى اخدت بالها وميلت على جومانا ايه الحكايه سيف مش بينزل عينه من عليكى
جومانا
بس يابت بطلى هبل واسكتى هتفضحينا
جورى
ماشى اما نشوف اخرتها
وخلص سيف الورق ل البنات
سيف كده من بكرا تبدأو دراسه وعلى فكره انا هدى فيروز وجومانا فى السكشن
جورى وبتغمز ل جومانا الله يسهلوا مش كنت دخلت اسنان انا كمان على الاقل لقيتم حد يذكرلكم
سيف بضحك
شكلك شقيه يا جورى على العموم لو احتاجتى اى حاجه ممكن اشرحهالك وعندى زمايل فى صيدله يسعدوكى لو احتاجتى حاجه
جورى
شكرا يا سيف
سيف
طب يلا هعزمكم على الغدا
فيروز
معلش يا سيف مقلتش ل ماما
جومانا
ولا انا كمان
سيف
هو انا غريب يا فيروز انا ابن خالكم واخوكم واخاف عليكم زى خواتى
فيروز
مش قصدى والله ربنا يعلم انى اعتبرتك اخونا من ساعت ما شفتك
سيف بابتسامه
وانتم احلى خوات ومتفلقيش هكلم عمتى وهقلها
وفعلا اتصل سيف بعمته واستأذنها انو هيغدى البنات بره
سيف
يلا بينا بقا هوديكم مكان هيعجبكم جدا
وراحوا مطعم شيك جدا اتغدوا وفضل سيف يتكلم معاهم ويتعرف عليهم كويس وكل شويه يحاول يكلم جومانا لانه ببحب يسمع صوتها عجباه رقتها وهدوءها وطريقتها فى الكلام غير جمالها ال سيطر عليه
جورى لحظت اهتمام سيف بجومانا فيروز تعالى معايا الحمام
فيروز طيب يلا عن اذنكم
وراحت جورى وفيروز الحمام
سيف بيبص ل جومانا وهيا مكسوفه جدا وباصه فى الارض
سيف
احم انتى هتفضلى ساكته كدا هو انا مدايقك
جومانا وبترفع وشها وبتبصله بعنيها الخضرا ال تجنن لا ابدا
سيف فى نفسه يلهوى هو فى كده وبعدين فاق لانها وطت وشها تانى فى الارض
سيف
انتى عايشه مع عمتى من زمان
جومانا
ايوه من ٥ سنين
يعنى انتم سفرتم هناك بعد ما بباكى اتوفى
جومانا لا انا اتولدت هناك مهو بابا كان شغال مع عمو احمد فى الشغل سوا ولما بابا اتوفى خالو احمد رفض انو يسبنا ننزل مصر وفضلنا عايشين معاه
سيف
بس انتى انسانه هاديه ورقيقه جدا
جومانا بكسوف
شكرا ده من زوقك
وهما بيتكلموا سيف سمع فيروز بتزعق ل شابين
سيف قام من مكانه يجرى فى ايه يا فيروز
الشاب الله اسمك يجنن زيك
والشاب التانى والقمر ده اسمه ايه
وبيشد جورى
جورى اتخصت
سيف
انت مجنون شيلك ايدك بدل مقطعهالك
الشاب انت مالك انت عارف بتكلم مين ملكش دعوه وغور من هنا المزتين دول يلزمونى
سيف مستحملش ونزل فيهم ضرب
الشاب انت مجنون والله ل عرفك انا مين وابن مين
سيف بزعيق انت انسان حقير ومتربتش اصلا
والناس ال فى المكان حاولوا يفصلوا بنهم بس الموضوع كبر وراحوا القسم
فى مقر المخابرات
رعد
عدى عملت ال قلتلك عليه امبارح
عدى
متقلقش ظبتهولك سويته على نار هاديه
رعد
طب يلا بينا نشوفه
وهما ريحله لقوا شريف خارج من عنده
رعد ببرود
كنت بتعمل جوه ايه
اشرف بتوتر كنت بستجوبه
رعد
القضيه دى تخصك اصلا ياريت ماشفكش هنا تانى
وسابه ودخل هو وعدى
رعد
انا مش مستريح ليه خالص
عدى
وانا كمان بدأت اصدق كلامك
رعد
هنشوف دلوقت ودخلو ل جاك
رعد ببرود
جاك اخبارك ايه
جاك
عاوز اكلم السفاره بتاعتى
رعد
انهو سفاره بظبط منا مش عرفلك بلد محدده
عدى وهو بيخبط على كتفه
هتتكلم على طول ولا تشوف كرم الضيافه بتاع المصرين زى امبارح
جاك
معنديش حاجه اقولها
عدى بص ل رعد واتاكدوا ان اشرف كله حاجه
رعد
شكل يا عدى واجب الضيافه امبارح معجبش جاك نزودهوله النهارده يمكن يلاقى بعدها حاجه يقولهالنا
جاك بخوف
انتم هتعملوا ايه
عدى بنظره رعب
لا متسألش لانك هتشوف بعينك خليها مفجأه بقا
وسبوه وخرجوا
عدى
عندك حق يا رعد الكلب ال جوه ده انا سبته امبارح على اخره وكان هيتكلم
رعد بنظره مكر
كله هيبان متقلقش وفجأه تلفونه رن
رعد
الو يا سيف فى حاجه
سيف
ايوه يا رعد انا فى القسم تعالى حالا
رعد
ليه فى ايه
سيف
لما تجى هتعرف تعالى بسرعه عشان البنات معايا
رعد
بنات مين
سيف
بنات عمتك خلص بسرعه
رعد
جايلك حالا
عدى
فى ايه يا رعد
رعد
سيف فى القسم هو بنات عمتى انا ريحله
عدى
استنى هاجى معاك
وراحوا الاتنين على القسم ودخلوا اوضه الظابط بكل ثقه لقى جورى بتعيط فى حضن فيروز وجومانا واقفه جنبهم وسيف واقف متبهدل وشابين واقفين باستفزاز
رعد
انا الرائد رعد الريدى وده الرائد عدى الزينى
الظابط
اهلا يا فندم حضرتك غانى على التعريف نورتونا
رعد
فى ايه بظبط
الظابط الشابين دول اتعرضوا ل سيف اخو حضرتك والبنات ال كانت معاه
الشباب
انتم مش عارفين احنا ولاد مين
رعد بصلهم برعب
لا مش عوزين نعرف
رعد قام من مكانه وراح ناحيت البنات
الكلاب دول عملوا ايه
فيروز
انا وجورى كنا خارجين من الحمام فى المطعم ووقفوا اتعرضولنا والبنى ادم ال هناك ده شد جورى من طرحتها ومسك ايديها
رعد
جورى بصلى
رفعت جورى وشها من حضن اختها فى الوقت ده شافها عدى ومقدرش يرفع عينه من عليها ورغم دموعها ال مغرقه وشها وعينها الحمرا ولكنها كانت محتفظه بجمالها وعيونها العسلى وكأن نهر العسل فى عينيها
عدى فى الوقت ده حس انو ادايق لما شافها كده ميعرفش ليه وحس انو اتخنق
رعد
انتى كويسه
جورى ايوه
رعد طب اهدى وهجيلك حقك
كل ده وفيروز بتبصله بانبهار حست فى نبره صوته الحنيه ال بيدريها
عدى
مستحملش شحنت الغضب ال جواه وقام على الشاب ال شد جورى وفضل يضرب فيه
رعد حاول يبعده عنه استنى يا عدى ده حسابهم هيبقى تقيل اوى عشان يقربوا ل حاجه تخص رعد الريدى
الشاب
انت مجنون متعرفش انا ابن مين
رعد لفله وبكل قوته خبطه قلم والبنات اتخضت من شكل رعد ال قلب وبقا فعلا رعد والشاب وقع على الارض من قلم رعد رعد ميل عليه وبصوت يدب الرعب بداخله انا مستنى تعرفنى انت ابن مين يا روح امك
رعد بص لظابط اعمل محضر بكل ال حصل ودول حسابهم معايا انا
الظابط حاضر يا فندم
عدى منزلش عينه من على جورى وكان فيها مغنطيس بيشده مس قادر يبعد عنيه من عليها
فيروز كانت بتبص على رعد بكل اعجاب وانبهار بشخصيته القويه المخيفه احيانا وسرحانه فيه وفجأه بيرفع رعد عينه بيبص عليهم لقى فيروز بتبصله وتلاقت عيونهم تانى رعد بصلها وشده الهدوء والبراءه ال فى عيونها بس هز دماغه وبعد عنيه عنها شطانه جواه بيقوله متتخدعش فى البراءه دى تانى ده كله تمثيل كلهم زى بعض
فاق على صوت الظابط بيقول
كده المخضر تمام اتفضلوا امضوا
مضى سيف وجورى وجومانا وجه عن فيروز والظابط بيبصلها جامد تعالى يا انسه فيروز امضى
رعد اخد باله وحس انو ادايق من نظره الظابط ليها وبزعيق يلا يا سيف خد البنات روحهم وانا وعدى هنخلص الموضوع ده
سيف
ماشى يلا بنا
وفعلا مشى سيف والبنات على الفيلا
واول نا وصلوا وشفتهم امينه واتخصت من منظرهم ايه ال حصل
سيف
اطمنى يا عمتى محصلش حاجه
عثمان
حصل ايه يا سيف وايه ال بهدلك كده
سيف
ممكن تهدوا وانا هحكلكم كل حاجه
وحكى سيف ال حصلهم بظبط
عثمان
يعنى رعد لسه فى الاقسم
سيف
ايوه بيخلص الموضوع
عثمان
طب الحمد الله عدت على خير يلا اطلعوا غيروا وانزلوا اقعدوا معانا لحد رعد ما يجى ونعرف ال حصل
سيف
ماشى يا بابا
وطلعوا كل واحد على واضته وغيروا ونزلوا يستنوا رعد
وبعد شويه رعد جه
عثمان حمدالله على السلامه يابنى
رعد الله يسلمك يا بابا
عثمان طمنى ايه ال حصل فى القسم
رعد ال حصل ٠٠٠٠٠٠٠٠
يتبع
مستنيه رايكم لو مش عجباكم هوقفها
