#مياس_قلب_الشهم
للكاتبه #لبنى_الموسوي
البارت الاخير حبيت اسوي مفاجئه الكم وهذا هو سبب عدم تنزيلي للقصه البارحه لأن ممعقوله اكتب اكثر من ١٠٠٠٠ كلمه بيوم واحد / يومين بلا انقطاع وبالگوه يلا خلصته
وشكراً لـ لتجاوزو واتهموني بانواع الاتهامات اقدر لهفتكم للقصه لذالك ما ازعل منكم
سهره ممتعه ❤
_______________________
أسندي رأسكِ إلى ڪتفي ، و أنا أتڪفل بأوجاعكِ ، ، فـ نحـن معـاً الى نـهاية العـمر❤️...
صعدت فوگ فتحت الباب وجفلت بمكاني من شفت شهم واگف ديمشط ع الميز شكله هستوه طالع من الحمام
بس شافني ابتسم واجه باتجاهي
سحبني من ايدي وسد الباب لأن فصلت بشوفته حتى حركه مابيه اتحرك بعدمياس.. شوكت اجيت ؟!!
شهم.. الصبح
مياس.. يااا
لعد ليش ما گالولي وفوگاها منال ناصبه عليه والله شنو اصعدي نظفي غرفة شهم لأنشهم.. قاطعني : مياااس
مياس.. نعم
شهم.. احبچ
صفنت بوجها مصدومه .. باوعلي وابتسم خفت كلش منه ما اريد اكرر الشي الصار قبل اشهر وارجع احس بالذل من جديد
درت وجهي دا اطلع لزمني من ايدي وسحبني الحضنه
شهم.. وين رايحه ؟؟
مياس.. شتريد مني شهم !!
شهم.. دا اگلچ احبچ يولي
مياس.. اكيد مو بوعيك حالياً
كلها ساعات وتندم على هاي الكلمه وتجي تعتذر منيشهم.. ههههههه الله يطيح حظچ على هذا الرد
مياس.. لعد شـ تتوقع اجاوبك بعد كلشي صار
شهم.. مراح تنسين يعني
مياس.. مستحيل انسي شهم مستحيييل
صفن بوجهي .. شويه ودنگ ديبوسني دفعته ع السريع وطلعت من الغرفه ركض
اول ما نزلت صارت منال گدامي تضحك .. باوعتلها بطرف عيني ومشيت باتجاها
مياس.. منال عود ليش سويتي هيچ
منال.. هههه شسويت ؟!
مياس.. شنو تگولين شهم يومين ويجي وشنو اصعد للغرفه الگا بوجهي
منال.. ولچ وتالي وياچ
الرجال تعبان ليش تشلعين گلبه بزعلچ الماله داعيمياس.. ليش ومنو گلچ اني زعلانه ؟؟ هو !!!
منال.. حتى ابو محمد البگال البراس الشارع عرف بزعلچ ظلت عليه هههه
مياس.. شو ناصبه عليه انتي ؟! ترى اني ما زعلانه من فراغ
اخوچ غلط غلط چبير ولازم يتحمل نتيجته
أنت تقرأ
مياس قلب الشهم
Romanceمو أني التلوين ايدي مياس اِنتبهي لنفسچ زين قبل لا تحچين كلام تندمين عليه بعدين أني شهم ولچ تعرفين شنو يعني شهم لو لا احبتهُ بـ مراهقتها ونبذها بـ عقلهِ فـ هل تجمعهم نبضات القلب أم يكون للقدر رأي آخر ؟!!