البارت 1
تململت بطلتنا فى فراشها بأنوثة طاغية لا تتصنعها ففتحت اعينها الشبيهة بورق أشجار الغابات الافريقيا و فركت اعينها بطفولة ثم وقفت و اغلقت المنبه ثم اتجهت الى خزانتها تخرج منشفة و چيبة قصيرة لونها ابيض تصل الى ما قبل ركبتيها و قميص انثوى لونه روز يصل الى نصف بطنها و معقود من الاسفل على هيئة "فيونكة" ، تأملت سلمى القميص و الچيبة و تذكرت ما حدث امس
فلاش باك..!
امس
فى منزل ملككان يجلسون الثلاث فتيات فى غرفة ملك تارة يمزحون و تارة يتحدثون عن الكلية و تارة اخرى يتحدثون عن عمل سلمى
ملك:وانتى عاملة ايه فى شغلك يا سلمى
سلمى:الحمدلله كله تمام الشركة ناقصلى مكتب واحد بس اخلصه انا و المهندسين و المطعم شبه خلص يعنىدنيا:هو انتى اللى بتحددى شكل و الوان الحاجات ولا صحاب الاماكن
سلمى:فى الشركة انا حطيت كل حاجة على مزاجى ماعدا المكتب اللى ناقص ده بتاع المدير هو هييجى بكرة يقولى هو عايز الالوان و التصاميم تبقا ازاى
دنيا: ايه ده هو مبيجيش الشركة وبكرة اول يوم ييجى فيه؟
سلمى:يا بت شركة الحداد دى ليها فروع كتير و الفرع اللى انا بجهزه ده جديد فـ المدير مجاش ولا مرة بس بكرة هييجى
ملك بحماس وهى تقف:يعنى المدير اول مرة ييجى الشركة بكرة يعنى لازم يشوفك صاروخ ارض جو عشان المزز اللى بيشتغلوا معاه
سلمى بسخرية:انتى مجنونة يا بنتى انا معرفش اسمه ولا عنده كام سنة و يمكن يكون متجوز كمان !
ملك وهى تلقى عليها الوسادة:اخرسى يا بومة المهم انا عندى طقم فاجر بمعنى الكلمة هديهولك تلبسيه
دنيا بضحك:فاجر!! يخربيت الفاظك
سلمى بإرهاق:بقولكو ايه انا تعبانة و عايزة اتخمد
دنيا بمرح:طب يلا ننزل بيتنا نتخمد يختى
ملك بحدة مصتنعة:استنو !! محدش هيتحرك من هنا قبل ما تاخدو الطقم
سلمى بضيق:هاتى الزفت يا اخرت صبرى
ابتسمت ملك و صفقت بحماس ثم جرت الى خزانتها تخرج القميص و الچيبة و عندما رأتهم دنيا اطلقت صفير عالى
سلمى بصدمة:ايه ده !!
ملك ببراءة مزيفة:ده طقم يا حبيبتى
سلمى بتهكم:شيفانى رقاصة قدامك
ملك بغضب مزيف وهى تقترب منها:بت بقولك ايه هتلبسى الطقم ده بكرة غصب عن عين اهلك
سلمى وهى تقرصها:هقصلك لسانك ده يوم ان شاء الله
دنيا بأبتسامة خبيثة:ما تدخلى الحمام قيسى
سلمى:و مين قال انى موافقة البس الطقم ده
أنت تقرأ
معذبتى بقلم /لوكى مصطفى ❤️
Romanceرواية رومانسية مرحة تمس الواقع و بالطبع يوجد بها بعض الخيال😁😍😂