حطو الوكال وقعمزو يتغدو
حليمه: خيرك لعند توا ماحملتي
غزلان ب غصه: الله اعلم
حليمه: بنشوف اصغار اوليدي قبل مانموت
فارس ب عصبيه:خيرك يا يام دوري ف الحس اني مراتي راضي بيها ومنبيش صغار
حليمه ب صوت عالى: ساحرتك اي ساحرتك قلت ل صباح ولدي ساحرته المسمومه ماصدقتش
قعدت غزلان تبكي وتشهق من بكي 💔ناض فارس وهوا متعفلق
فارس: نوضي البسي عبايتك نوضي وبطلى ابكاء
غزلان ب دموع: حاضر
حليمه : خايف ع زعلها
فارس ب قلت صبر: اني توا طالع ومعش خاشلك حوش لين اتعدلى مع غزلان راهي بنت ناس مش جيبها من شارع
جبد غزلان من يدها وطلع بيها للسياره ركبها ف كرسيها وركب وطول الطريق ماحكوش نص حرف لين وصلو للحوش
فارس: خشي دوشي بيش تهدي شويا
غزلان ب كسره:انشاءالله
خشت غزلان دوشت وطلعت لقت فارس مقعمز عTv قعمزت جنبه قرب وحضنها
فارس: معاش الى يزعلك متفكرش ف شى وراسي
غزلان: بس هيا معاها حق علاش لعند توا ماحملت
فارس: عادي كله ب يد ربي انسي الموضوع وانتِ بروحك ساده مش ناقصني فروخ اني
غزلان ب ضحكه: لا نبي بنوته نلعب معاها ونمشطلها شعرها😂
فارس: انشاءالله ربي يرزقنا
غزلان ب تفكير: ممكن طلب
فارس: انتِ تامري آمر💎
غزلان: نبي نمشي اندير تحليل ونشوف سبب علاش ماحملت
فارس: حاضر
غزلان : غدوه من صبح نمشو
فارس من اعيوني
غزلان ب تعب : اني تاعبه ب نرقد
فارس: اي خشي تريحي تعبتي اليوم
/////////////
تسريع الاحداث
ثاني يوم الصبح
ناضو فطرو وطلعو للعياده ودارو التحاليل وصبرو لين طلعت النتيجه وطلع عندها تكيسات وخذت علاج وقعدو 4 شهور ومفش اي بوادي حمل مشو ل عياده وحده ثانيه قالو انسداد ف الرحم وعالجو شهر ومفش فايده وكل دكتور يقول كلام وغزلان نفسيتها تعبت
فارس: خيرك رايحه هكي
غزلان ب دموع:نبي نحمل
فارس: كله ف يد ربي
غزلان: ونعم بالله
فارس:،شن رايك نمشو ل امك ف مصراته وتغيري جو
غزلان ب فرحه : اي مستحشتها هلبا
فارس: اي نوضي وتي حاجتك نطلعو اليوم ف ليل
نقزت غزلان ب فرحه وحضناته وخشت وتت دبشها وطلعو
غزلان: تكي ع حوش هلي ب نشوف خوتي قبل مانمشي
فارس: زعما واعيين توا
غزلان:اي واعيين يرقدو وخري
فارس: اي، أنزلى سريع سريع
غزلان: انشاءالله
نزلت وخشت ل حوش هلها وقالت ل بوها انها مسافره وودعت خوتها
اياد :مطوليش علينا باه
ريما ب دموع" ه نستاحشك
غزلان: مش ه نطول ومتولعوش الغاز برواحكم
ريما: حاضر
طلعت غزلان ودموعها ع خدودها ركبت للسياره وطلعو ، رنت عليها امها
سعاد: وين وصلتو توا
غزلان: قريب نخشو مصراته
سعاد : اني ورمزي نراجو فيكم عند ال..
غزلان: تمام
سكرت الخط ، وبعد ساعه خشو مصراته وتقابلت مع امها وراجل امها ومشو ل حوش راجل امها وقعدو معاهم
سعاد:اهي الدار هذي لك انتِ وراجلك
غزلان: اي ثقلنا عليكم
سعاد: بطلى هبال مهما صار انتِ بنتي ونبي راحتك
غزلان: ربي مايحرمني منك
ع خشت فارس
فارس: معلش ازعجتكم بس لانقني تاعب من الطريق وب نرقد
سعاد:اي اي خوذ راحتك وتنقصقكم حاجه قوليلي
غزلان:انشاءالله
طلعت سعاد ، قرب فارس وحضنها
فارس وهوا يبكي:انحبك وربي نحبك
غزلان ب صدمه: خيرك شن في
فارس : شى تاعب بس خليك معاي
زادت غزلان ضماته وقعدت تلعبله ع شعره لين رقد
ثاني يوم الصبح
فاقت غزلان لقت فارس يلبس
غزلان بصوت ناعس:وين ماشي من صبح
فارس: ب نمشي نحجز ف تذاكر
غزلان ب صدمه:دوبا امس جينا
فارس: اي، بس مرات يسكرو الحجز
وقرب وحضنها بقوه وباسها ع راسها
فارس:نحبك موت
غزلان: خيرك تقول ب تموت
فارس ب حرقه: مخيرنيش رد بالك من روحك
غزلان: حاضر حتى انت
فارس: ردي ارقدي ودفي روحك
غزلان: باه
وطلع فارس وردت غزلان رقدت ، بعد 3 ساعات ناضت غزلان وطلعت لقت امها وراجل امها مقعمزين
غزلان : صباح الخير
رمزي & سعاد: صباح النور
غزلان ب خوف: خيركم متنكدين
رمزي: انتِ مومنه ب الى كاتبه ربي صاح
غزلان وقلبها ب يطيح: اي ، شن في
رمزي:امسكي الاوراق اقري
خذت غزلان الورقه الاوله قرتها مصدقتش شافت للثانيه لقت مكتوب (درت هكي عشان نحبك متزعلش يانبضى) ويديها يرعشن قرت بس ماستوعبتش
غزلان بعدم تصديق: ه هدا شن شنن
سعاد ب حزن ع وضع بنتها: راجلك طلقك وسافر
طاحت غزلان من طولها وناضت سعاد تجري ورفعها رمزي وقعدو يفيقو فيها تنوض وترد ادوخ من الصدمه💔قعدو يقروا عليها ف قران
///////////
حليمه ب فرحه: اي كنت عارفه ه ينفك السحر وطلقها ومتجيبش ف صغار اصلا
صالحه بصدمه: تي علاش طلقها مشاءالله عليها
فارس ب هستيريا ودموع: عشان نحبها نحبها و ربي حبيتها
حليمه ب صدمه؛ كيف تحبها وطلقتها شن تحكي
فارس ب دموع زي الطفل: لان اني.
يتبع.......
ب قلم : منى المجبري
.،❤بقق لووف
YOU ARE READING
وجعي انا 💔 ( روايات ليبية )
Romanceللكاتبة : مني المجبري هل ممكن ان يأتر وجع علي حياتك . رواية من داخل المجتمع الليبي 🔥❓
حلقة 10🔥
Start from the beginning
