فسَاد (مكتملة)

التشابتر العاشر

ارتاح لما شافها نايمه قرب وهزها بخفة

نجم: ديم ديومه

ديم فتحت عيونها بسرعه : سم؟

نجم شاف عيونه المنفوخة : تروشي والبسي مويولك وانزلي افطري معنا

ديم : مع مين

نجم : مروان

ديم : ما اشتهيت وماعاد ابي اداوم خلاص اكره المدرسة

نجم : افا

ديم نزلت دموعها بسرعه: امي راحت وانا ما شبعت منها

نجم تقطع قلبه اكثر وش تقول عنه وهي راحت بسببه

مسح دموعها وتكلم ، نجم : انتِ قوية ديم واصلًا اذا درستي بتركزين بدراستك وماعندك وقت تفكرين بشي ثاني يضغطك

ديم صاحت وحضنت نجم وتشاهق : ما ابي اداوم اليوم

نجم : طيب براحتك بتداومين الاسبوع الجاي ، تروشي والبسي وانزلي افطري طيب؟

ديم : ما اشتهيت بعدين باكل

نجم : لازم تاكلين وتقوين نفسك

اقنعها وهي هزت براسها

باس جبينها وطلع

مروان صاف الفطور على الطاولة : بتنزل ؟

اومئ نجم : ايه

مروان : اجلس طيب

* *

لامي وتليد من الصدمة خلاص وقفوا الشغل واغلقوه تمامًا وماعاد راح يفتحونه مره ثانيه من اللي صار

ومازالو متأثرين وبقوه

* *
مروان من سمع الخبر ترك كل شي ورجع

بس من شاف حال نجم وديم اخذ اجازة وقال لزوجته انه بيجلس معاهم لين يتحسنون

ونجم توه يكتشف غلطته

مروان يشوف الاثنين جالسين بالطاولة بس ولا واحد أكل منهم

مد لهم الاكل

مروان : سمّوا وكلوا

استوعب نجم للحظات ان ديم ما كلت بدا ياكل وناظرها عشان تاكل

ماكثروا من الاكل اكتفوا بكم من لقمه