نهوه عباس(عشقي نهوتي)

قبل الأخير

اماني ياسر
نهوه عباس(عشقي نهوتي)
مساء الخير .. لعيونكم نزلت البارت تدللون
رجائاً بلا تجاوز❤️

...
يوجعني گلبي من احس بعازتك 💔
...

طلع ابوي من جوه سمع صوت عباس
اريد اگول هلو بابا .. ضربني راشدي
باوع لعباس وگال
-منين ما اجيتوا رجعوا...

صاروا بيناتنا حسين وحيدر لزمت خدي ودرت وجهي
ماگدرت اباوعلهم استحيت..

-عمييي شني القصة

صاح بصوت عالي
-اسسسسكككتت، منين ما جبتها رجعهااا
مفتح بيت د*** هنااااا ؟؟
كل هالزلم ما وگفوا بعينكم انتَ وياهاااا..ماخذها وياك ورايح
بيا قانون ويا شرع هاااا؟؟؟
مافكرت يصير عليكم قدر طريق منيه هذا وكلشي بي لو صايرة
عليكم مصيبة انه ساعتها شگول للناس هااااا؟؟؟
اخذها ابن عمها تغير جوووو؟؟؟
تعقد عليهااااا هناك بدون علمنا ولا وكيل شسمها هااي
حاچيني شسمهااا؟؟

يصيح بصوت عالي راد يلزمني وگف عباس گدامي
واني مغطية وجهي وصوتي شهگاتي عالي..

-عمي بس اسمع خليني احچ

-گتلك اسكتتتتت
اخوي ماعنده بس ولد واحد واسمة هادي انتَ بعد ماكووو
متبري منك ولا اريد اعرفك بعد وهاااااي هاااي الچلبة خليها تنفعك
تركض وراها يمنة ويسرة دشبع منهاا هسه ..
بعد ماعندي بنات ماعندييييي...

عافنه وطلع وهوه يگول ماعندي بنات ماعندي
گعدت بالگاع دنگ حسين گومني
وعباس واگف بمكانه مصدوم ما يحچي

كالتله امي وهيه تبچي
-اخذها وياك يمة اخذها هسه

طلعني وصعدت بالسيارة رجع جاب الجهال وصعد
اخذنا للبيت من شفته انوب زدت بالبچي .. والجهال يبچون هم

فتح الباب ودخل الغراض ورجع نزلهم فتحلي الباب حتى انزل
هزيت راسي بلا...

-دنزلي يا يابه هسه انزلي شوفي شصار بحالچ
سحبني من ايدي ونزلني فتح الباب ودخلت..

فتح باب المطبخ ودخلنه للصالة گعدت على التخم وعيوني
مااشوف بيهاا الجهال استغربوا المكان بس يبچون وهوه
احتار يسكت منو؟؟

دخلت مرة هادي سلمت عليها گالت عمتي تريدكم
رحنه عليها شافتني اخذتني بحضنها واني ماصدگت
ووين يلة سكتت گالت

-مايصير هيچ يايمة هذا انتَ العاقل الچبير هيچ تسوي

-يمة انه ما غلطت ومتقصد اعقد هناك انه تقصدت اخذها
لان اعرف هنا والكل يمنا ماراح نتفاهم ولا نوصل لحل