#عشق_محرم
الحلقه العاشرة
وصل عامر للكافي درس سيارته و خش قعمز يفكر كيف يتصرف مع اماني وفجأه خطرت ف باله فكره طلع فونه واتصل ب
.......
عامر: الو
....: الو ..سلام عليكم
عامر: وعليكم السلام ..كيف الاخبار
.....: الحمدلله شن امورك انت
عامر: نبي خدمة ؟!
......: تفضل اكييد مايردك الا لسانك
عامر: الي بنقوله اسمعه بلحرف الواحد مانبي حد يعرف
.....: تم تفضل
عامر: حكاله...توا تعرفو بس مزال ياسمحات
~~€¥~~¥«≤~~~~
سمر ومحمد
سمر: شن صار ياقلبي ؟! كلمته
محمد: اهاا .بس خلينا نستنو يرد علينا
سمر: ياربي لو تطلع القضيه صعبة
محمد ضمها لي صدره: اوششش مش حاتكون صعبه خليك واثقه فيا
سمر: ولو واثقه فيك اكتر من روحي
محمد طلع دخانه: خليني نفهم قبل منه
سمر: اهو يرنلك احكي معاه بسرعه
محمد فتح الخط: ايوا
محامي: كيف حالك يامحمد
محمد: الحمدلله ولله شن امورك انت وشن اخبارك
محامي: تمام الحمدلله..اسمع فتحنا ملف القضيه
محمد شاف لي سمر: اهاا وشن صار
محامي: كل شي تمام ماتحتاجش وقت واجد..يعني بتنحل باذن لله
محمد: مشكور بارك الله فيك
محامي: ولو هادي خدمتي...اسمع
محمد: نعم
محامي: بنقولك خليك وراء عامر
محمد رفع حاجبه: كيف !!؟
محامي: ركز في كلامي تعرف ..خليك في شركه ودير بحث وراه
محمد حول سمر من حضنه وطلع للفيراندا
محمد: خير يافتحي شغلتني...شن صاير
فتحي: انت خليك داير بحث وراه وبس..ونصيحه اكسبه ليك لان خوك ماشي في سكه مش ليه بكل
محمد نفخ دخانه: تم فهمت عليك ..حانشوف باذن الله
فتحي: تمام
محمد: بارك الله فيك يافتحي ع وقفتك معاي..منور
فتحي: ولو انتو خوتي..هي سلام عليكم
محمد: وعليكم سلام...وسكر
سمر: شنو صار حبيبي
محمد مسح ع شعره: ولا شي..بس اطمني القضيه ماشيه تمام
سمر: قالك بيطلع
محمد: هكي ايام بلكتير لين يتسكر الملف
سمر: بس فيه شي صاير ..حولتني وطلعت
محمد: هههه موسوسه ..ماتخافيش مافيه شي..بس علاش ماقلتيليش
سمر: بتفكر ان عيلة مش تمام.فكرت حتى تخليني و
محمد: اوششش هبلة انتي تحسابي نفكر هكي
سمر: لا بس توقعت
محمد: كلمني قيس مبدري
سمر: اهاا واني امس كلمت ريم الحمدلله انهم متهنين
محمد: اهاا تحسيهم هكي..حبيبي حجزت في العياده
سمر فرحة: بجد
محمد: اهاا وعطيتها نتائج وقالتلي نمشو غدوة
سمر: انشاءلله خيرر ياااارب
محمد: لو مهما كانت نتيجه بنكونو مع بعض
سمر: اكيييد ومش حانتخلو على بعض
محمد: نحبك
سمر: نمووت فيك..ياروحي
~~~~€¥^~~~««~≤
ريم: عميمه تمشي معانه
فاطمه: لا يابنتي طريقكم زينه خودو راحتكم بروحكم
ريم: ولو ياعميمه..امشي معانه توا تكسدي
فاطمه: لالا...مرة تانيه
ريم ابتسمة: ع راحتك ..ناقصك شي تبي شي..؟!
فاطمه: الحمدلله.انتو مرتاحين يابنتي اني مرتاحه
ريم: الحمدلله.ربي يطوللنا بعمرك
فاطمه: وعمرك ويدوم هناكم ومحبتكم يارب
ريم تحشمت: اميين هيا يا بنات
لوكا: لومي بابا قالك هيا
فاطمه: عيب قوليلها ماما
لوكا: بابا يقوللها لومي ..وهيا تحبه
ريم تحشمة: هههه قولي ماما ..عطيني شنطة تالين
فاطمه: توا تعبكم خليها معايا..وصقع عليها
ريم: مدفيتها..توا تعبك ورايحه بكايه
فاطمه: بعد ماجيتي تعلقت بيك كانه تشم في حنان امها الله يرحمها
ريم: اهاا..الله يرحمها ..هيا نستاذنك..لوكا اركبي سيارة
لوكا: باي نينا
فاطمه: ههههه باي يافصعونه
YOU ARE READING
عشق محرم ( روايات ليبية )
Romanceللكاتبة : ميرو قصة عائلة ليبية تتعرض لإحداث تقلب حياتها ؟
