الحلقه الاولى
فى مقر المخابرات
القائد :
رعد المهمه دى صعبه جدا ولازم تتنفذ بدقه والجاسوس ده لازم تجيبه حى لازم نعرف هو جاى مصر ليه والشبكه ال شغاله معاه الموضوع ده يكون سرى جدا يا رعد انت عارف ان فى خاين وسطينا ولازم نعرف هو مين
رعد:
تمام يا فندم متقلقش حضرتك العمليه دى هنفذها انا وعدى وهنجيبه النهارده باليل
القائد ؛
تمام يا رعد اتفضل انت على مكتبك وشوف هتعمل ايه انت وعدى
رعد ،
ادى التحيه العسكريه تمام يا فندم وراح على مكتبه
فى مكتب رعد اتصل على عدى
رعد
، عدى انت فين
عدى
، جاى فى الطريق فى حاجه
رعد
، ايوه مهمه جديده النهارده هنفذها
عدى
تمام ١٠ دقايق وهكون عندك
بيقفل رعد مع عدى وبيفكر فى خطه للقبض على الجاسوس وفجاه تلفونه رن
رعد
ايوه يا بابا
عثمان
ايوه يا رعد ينفع تجى دلوقتى
رعد
فى ايه يا بابا قلقتنى
عثمان
، عوزك تسافر معايا الامارات لعمتك
رعد
ليه حصل حاجه
عثمان
، جوز عمتك مات وانا لازم اروحلها عشان نخلص اجراءت سفره لانه هيندفن فى مصر وعمتك وولادها هيرجعوا معانا
رعد
البقاء لله بس مش هينفع اجى معاك عندى مهمه النهارده ومقدرش اسيب الشغل خلى سيف يروح معاك
عثمان
خلاص يا رعد هشوف سيف خلى بالك من نفسك
رعد ،
حاضر يا بابا لما توصل هناك كلمنى
قفل معاه والباب خبط ودخل
عدى
صباحوا يا باشا
رعد
اهو صباح تعالى
عدى
يا ساتر خير مالك مدخن على الصبح كده ليه
رعد مفيش مدايق شويه والمهمه صعبه وجوز عمتى اتوفى وبابا كان عاوزنى اسافر معاه
عدى
البقاء لله
رعد
الدوام لله خلينا فى الشغل
عدى
تمام خلينا فى الشغل ايه الاخبار وصل حاجه جديده عن جاك
رعد
ايوه قدرنا نحدد مكانه وهنقتحم النهارده وعوزين نجيبه حى
عدى بانفعال
حى ايه دى انا عوزه اقطعه
رعد
اهدى احنا لسه عوزين نعرف مين ال بيساعده من جوا الجهاز وايه ال عوزينه يعملوه الفتره ال جايه
عدى
ماشى المهم حطيت خطه للهجوم
رعد
ايوه بص احنا هنجهز الساعه ١٢ بليل هكون انا وانت واحمد واسامه ومحمود وانور ويوسف و٠٠٠
عدى
طب وشريف
رعد
بضيق شريف لا انا مش مرتحله من اخر عمليه لان اخر واحد عرف المعلومات وبعديها قدر جاك يهرب ومسكنهوش
عدى
عندك حق انا برضوا مش مرتحله
رعد
دلوقتى الخطه كلاتى انا هاخد المجموعه ال معايا وهننزل من فوق العماره وانت والمجموعه المعاك هتطلع من سلم العماره ال ورا انا وانت هندخل فى وقت واحد انا هدخل من الشباك انا والمجموعه ال معايا وانت من باب المطبخ وخاى بالك يا عدى لازم السرعه والدقه فى التنفيذ
دول ناس مدربه وممكن يدمروا المكان قبل ما نقبض عليهم
عدى
متقلقش احنا وحوش وهيشوفوا اسود ايام ان شاء الله
رعد
ان شاء الله ربنا معانا روح على مكتبك جهز نفسك وبلغ مجموعتك ومتقلهمش على المكان ال ريحين ليه فاهم
عدى
متقلقش كله هيكون تحت السيطره اسيبك اجهز نفسى ونتقابل بليل
رعد
تمام ربنا يوفقنا
فى الامارات فى فيلا صغيره
نجد سيدتان فى اواخر الاربعينات تبكين بشده
يرن جرس الباب والخادمه تفتح
عثمان
، مدام امينه موجوده
الخادمه ،
نقولها مين
عثمان
انا اخوها
الخادمه اتفضل حضرتك اسفه معرفش حضرتك
ودخل عثمان ووراه سيف
امينه اول ما شفته اترمت فى حضنه وبدموع عثمان شفت ال حصل احمد مات وسبنى
عثمان بيحضنها وبيطبطب عليها ربنا يرحمه يا حبيبتى لازم تجمدى عشان خاطر البنات هما فين
امينه
فى اوضتهم بيعيطوا مش مصدقين ان بباهم خلاص مات
عثمان
ربنا يرحمه وانا زى والدهم تعالى يا سيف سلم على عمتك
سيف
بيحضنها البقاء لله يا عمتى
امينه
الدوام لله يا حبيبى كبرت يا سيف مشفتكش من ١٠ سنين
عثمان
اه فعلا ١٠ سنين انا كمان مشفتش البنات من ١٠ سنين زمانهم كبروا انا هطلع اشوفهم
امينه
طيب بس تعالى عزى حنان اخت احمد
عثمان
البقاء لله يا مدام حنان
حنان رغم دموعها وحزنها على أخوها وتقدم عمرها لكنها تختفظ بجمالها ورقتها
رفعت وشها وبهدوء الدوام لله يا عثمان بيه
عثمان اعجب بهدوءها وجمالها
عثمان
احم انا طالع للبنات روح يا سيف شوف الاجراءات وخلص كل الورق
سيف
حاضر يابابا بعد اذنكم
وطلع عثمان ل بنات اخته وخبط باب اوضتهم
فيروز بدموع ادخل
عثمان حبايبى
فيروز وعيونها حمرا من كتر العياط خالو واترمت فى حضنه بابا مات
عثمان
الله يرحمه يا بنتى انا زى بابا
جوريه ودموعها مغرقه وشها
ازيك يا خالو
عثمان
جورى حبيتى واخدها فى حضنه كبرتوا يا بنات مشفتكمش من ١٠ سنين
انا زى بابا وبيص على بنت قاعده على السرير وبتعيط جامد
مين دى
يا فيروز
فيروز
، دى جومانا بنت عمتو حنان
عثمان فى نفسه بسم الله ما شاء الله حلوه زى امها
وراح نحيتها وقعد جمبها وشدها لحصنه وطبطب عليها اهدى يا بنتى انا زى بباكى
جومانا
بدموع بابا مات وخاله حصلوا
عثمان
وانا هبقى مكانه يا حبيبتى اعتبرينى زى بباكى وخالو وصدقينى هتكونى عندى زى فيروز وجوريه
جومانا
تسلم يا عمو
ونزل عثمان يشوف سيف خلص الاجراءت عشان نزولهم مصر
بليل رعد وعدى جهزوا نفسهم وكل واحد بلغ مجموعته بالخطه وبداو الهجوم ودخل عدى ورعد الشقه فى نفس الوقت حسب الخطه وبدوء كان رعد بيقل اى حد بكسر رقبته او ضربه بسكينه وعدى كان بيعمل زيه عشان يقدروا يوصلو ل جاك ويهربش
وفعلا قدر رعد وعدى يوصلوا للاوضه ال مستخبى فيها
رعد خبط الاوضه برجله ولقا جاك قدامه وقعت يا ابن الكلب ده انا هوريك ايام سوده زى البلد ال انت جاى منها وبيخبطه بالقلم
وعدى بيكتفه وبيشده قوم يا زباله
جاك
انا عاوز اكلم السفاره بتاعتى
عدى سفارت ايه يا روح امك قدامى يا ابن الكلب لولا عوزينك حى لكنت قطعتك ورميتك لكلاب السكك وكانت هتقرف تاكل لحمك القزر
رعد
متقلقش هنعمل فيه كده بس بعد ما ناخد منه ال عوزينه اخت كل ال فى الشقه يا عدى
عدى كله تمام
فى مقر المخابرات فى اوضه القائد
رعد
تمام يا فندم جاك تحت فى اوضت العزل
وكل الاجهزه والورق ال فى المكان جبناه وفيهم قايمه الاغتيالات ال كانو هينفذوها
القائد
احسن يا وحوش كنت عارف انكم قد المهمه روحوا ارتاحوا عشان ده كان يوم صعب عليكوا عشان تقدروا تستجوبوه بكره
رعد وعدى
تمام يا فندم وبيخرجوا من الاوضه
شافوا شريف فى وشهم
شريف باستفزاز
اهلا ب الابطال
رعد بصله من فوق لتحت باستحقار ومردش
اما عدى ايوه يا شريف فى حاجه
شريف
عرفت انكم مسكتم جاك مش كنتم تقولولى اجى معاكم
رعد ولا كانه سمع حاجه يلا يا عدى
عدى
سلام يا شريف
شريف
بعد ما مشيو نهايتك على ايدى يا رعد وهاخد منك كل حاجه و٠٠٠٠٠٠
يتبع
معاد الحلقه الجايه يوم الخميس
