#جبروت_الشيخ_هذال
علي الفتلاوي
#بارت٣
ﺍﺩﺭﻱ ﻣﺎﺗﺴﻮﺓ ﻟﭽﻦ ﺑﻌﺪﻙ ﻋﺰﻳﺰ
ﺍﺫﻛﺮ ﺳﻮﻳﻌﺎﺕ ﻣﻨﻚ ﺯﻳﻨﻪ
ﻛﻮﻥ ﺗﺮﻫﻢ ﭼﺎ ﻧﺴﻴﺘﻚ ﻣﻦ ﺯﻣﺎﻥ
ﻻﭼﻦ ﺍﻟﻴﺎﺧﺬ ﻣﭽﺎﻧﻚ ﻭﻳﻨﻪ ? 💔
،،،،،،،،،،،،،،،،،،،،،،،،،،،،،،،،،،،،،،،
ﻗﺼﺔ ﺟﺒﺮﻭﺕ ﺍﻟﺸﻴﺦ ﻫﺬﺍﻝ
ﻟﻠﻜﺎﺗﺐ ﻋﻠﻲ ﺍﻟﻔﺘﻼﻭﻱ
ﺻﺒﺤﻜﻢ ﺍﻟﻠﻪ ﺑﺎﻟﺨﻴﺮ ﻳﺒﻌﺪ ﺍﻟﻀﻠﻊ ﺍﻟﻤﺎﻳﻨﺸﻠﻊ ✋
ﺍﻟﻴﻮﻡ ﺍﻟﺒﺎﺭﺕ ﻏﺒﺎﺷﻲ 😂
ﻏﻮﺍﻟﻲ ﺣﺎﺑﺐ ﺍﻃﻠﺐ ﻣﻨﻜﻢ ﻃﻠﺐ ﻭﺍﺩﺭﻱ ﻣﺎﺗﻔﺸﻠﻮﻧﻲ
ﺍﻟﻘﺼﺔ ﺍﺣﺪﺍﺛﻬﺎ ﻛﻠﺶ ﺣﻠﻮﺓ ﻭﺗﺴﺘﺎﻫﻞ ﺗﺼﻌﺪ
ﻣﺎﺍﺭﻳﺪ ﺍﺿﻠﻤﻬﺎ ﻭﺍﻧﺰﻝ ﻛﻞ ﺍﻟﺒﺎﺭﺗﺎﺕ ﻭﺍﻟﻤﺸﺎﻫﺪﺍﺕ ﻗﻠﻴﻠﻪ
ﺍﺭﻳﺪﻛﻢ ﺗﺴﻮﻟﻬﺎ ﺩﻋﻢ ﻭﺗﺴﻮﻥ ﺗﺎﻛﺎﺕ ﺍﻟﻤﺘﺎﺑﻌﻴﻜﻢ ﺑﺎﻟﺒﺎﺭﺕ ﺍﻻﻭﻝ ﻳﺼﻮﺗﻮﻥ ﻟﻮ ﻣﺎﺩﻋﻤﻜﻢ ﻭﺗﺸﺠﻴﻌﻜﻢ ﻗﺼﺔ ﺍﺑﻮ ﺩﺭﻉ ﻣﺎﺗﺼﻌﺪ ﺍﺑﺪ ﻭﻫﻠﻤﺮﺓ ﻫﻢ ﻃﺎﻟﺐ ﻓﺰﻋﺘﻜﻢ ﺍﺩﺭﻱ ﻣﺎﺗﺮﺩﻭﻥ ﻃﻠﺒﻲ
ﻭﺍﻧﻪ ﺷﻌﻨﺪﻱ ﻏﻴﺮﻛﻢ ﻗﺎﺑﻞ ﺍﺣﺒﻞ ﺍﺟﻴﺐ ? 😁
ﻋﻠﺊ ﻓﻜﺮﺓ ﺍﻭﻝ ﻗﺼﺔ ﺗﻨﻜﺘﺐ ﺑﻬﻴﺞ ﻟﻬﺠﺔ ﻭﺑﻄﻮﺭ ﺍﻫﻞ ﺍﻟﺮﻳﻒ ﻳﻌﻨﻲ ﻣﻮ ﻋﻤﺎﺭﺓ ﻭﻻﺗﻜﺮﻳﺖ
ﻫﺎﻱ ﻟﻬﺠﺔ ﺍﻫﻠﻨﻪ ﺑﺎﻟﻌﺮﺏ ﻭﺑﻴﻦ ﻗﻮﺳﻴﻦ ﻟﻬﺠﺘﻲ ﻭﺣﮓ ﺍﻟﻌﺒﺎﺱ 😂😂
ﻳﻠﻪ ﻫﺴﻪ ﺗﺎﺑﻌﻮ ﻭﻟﺘﻨﺴﻮﻥ ﺍﻟﺘﺎﻛﺎﺕ ﺑﺎﻟﺒﺎﺭﺕ ﺍﻻﻭﻝ 😉
،،،،،،،،،،،،،،،،،،،،،،،،،،،،،،،،،،،،،
ﻫﻨﺪ،،ﺛﺎﻧﻲ ﻳﻮﻡ ﺍﻟﺼﺒﺢ ﭼﻨﻪ ﻧﺤﺶ ( ﻧﻘﻄﻒ ) ﺑﺎﻣﻴﻪ ﻣﻦ ﺣﺪﻳﻘﺘﻨﻪ
ﺍﺟﺖ ﺭﻭﺉ ﺑﻨﺖ ﻋﻤﻲ ﺣﻤﻴﺪ ﺍﺧﺖ ﺣﻴﺪﺭ ﺍﻟﻮﺳﻄﺎﻧﻴﻪ
ﻭﻫﺎﻱ ﻃﺒﻌﻬﺎ ﻏﺜﻴﺚ ﻛﻠﺶ ﻧﻔﺲ ﻃﺒﻊ ﺍﻣﻬﺎ ﺷﺎﻳﻔﻪ ﻧﻔﺴﻬﺎ ﻉ ﺍﻟﻌﺎﻟﻢ
ﻣﻦ ﺍﻟﺒﺪﺍﻳﺔ ﻣﺮﺕ ﻋﻤﻲ ﺣﻤﻴﺪ ﻣﺎﺭﺍﺩﺗﻨﻲ ﻝ ﺍﺑﻨﻬﺎ ﻭﺩﻭﻡ ﺗﺮﻳﺪﺓ ﻳﺎﺧﺬ ﻭﺣﺪﺓ ﻣﻦ ﺑﻨﺎﺕ ﺍﺧﻮﻫﺎ ﻋﺒﻨﻬﻦ ﻣﺜﻐﻔﺎﺕ ﻭﺩﺍﺭﺳﺎﺕ
ﺍﻫﻠﻬﺎ ﺍﺑﻐﺪﺍﺩ ﺍﺧﺬﻫﺎ ﻋﻤﻲ ﻣﻦ ﺟﺎﻥ ﻳﺪﺍﻭﻡ ﺑﺎﻟﺠﻴﺶ ﺑﻮﻛﺖ ﺍﻟﻨﻀﺎﻡ ﺍﻟﺴﺎﺑﻖ
ﺍﺑﺪ ﻣﺎﺗﺠﻲ ﻭﺍﺩﺵ ﺍﻟﺤﻮﺷﻨﻪ ﺑﺲ ﺑﺎﻻﻋﻴﺎﺩ ﻭﺍﻟﻤﻨﺎﺳﺒﺎﺕ ﺗﺠﻲ ﺩﻗﻴﻘﺘﻴﻦ ﻭﺗﺮﻭﺡ ﻃﺎﻳﺮﺓ ﻣﺎﺗﺤﺐ ﮔﻌﺪﺗﻨﻪ ﻭﻟﻮ ﻣﺎﻋﻤﻲ ﻳﺠﺒﺮﻫﺎ ﺗﺠﻲ ﺍﺗﺸﻮﻑ ﺍﻣﻪ ﺟﺎﻥ ﻣﺎﻭﺻﻠﺖ ﺩﺍﺭﻧﻪ ﺍﺑﺪ
ﺭﻭﺉ،،ﺍﺷﻠﻮﻧﺞ ﺑﺖ ﻋﻤﻲ
ﻫﻨﺪ،،ﺍﻧﻲ ﻣﻨﮕﺒﻪ ﻣﺎﻃﺎﻟﻌﻪ ﺑﺲ ﻋﻴﻮﻧﻲ ﻭﻻﺑﺴﻪ ﭼﻔﻮﻑ ﺣﺘﺊ ﻣﺎﺍﻧﺪﭺ ﺑﻐﺼﻦ ﺍﻟﺒﺎﻣﻴﻪ
ﺭﻓﻌﺖ ﺭﺍﺳﻲ ﺳﻠﻤﺖ ﻋﻠﻴﻬﺎ ﻭﺭﺟﻌﺖ ﺩﻧﮕﺖ ﺍﻛﻤﻞ ﺍﻟﻠﻮﺡ ﺣﺶ
ﺭﻭﺉ،،،ﺗﺪﺭﻳﻦ ﻫﻨﻮﺩﺓ ﺍﻧﻲ ﺿﺎﻳﺠﺔ ﻻﻥ ﻣﺎﺭﺍﺡ ﺗﺼﻴﺮﻳﻦ ﻗﺴﻤﺔ ﺍﺧﻮﻳﻪ ﺣﻴﺪﺭ
ﺑﺲ ﻳﺎﻟﻠﻪ ﻣﻴﺨﺎﻟﻒ ﺣﻴﺪﺭ ﻣﺜﻘﻒ ﻭﻳﺮﻳﺪ ﻭﺣﺪﺓ ﻳﺘﺒﺎﻫﺎ ﺑﻴﻬﺎ ﮔﺪﺍﻡ ﺍﻟﻌﺎﻟﻢ ﺩﺍﺭﺳﻪ ﻭﻣﻦ ﻣﺴﺘﻮﺍﻩ ﺍﻟﻌﻠﻤﻲ
ﻫﻨﺪ،،ﺍﻋﺮﻓﻬﺎ ﺣﻴﻪ ﻭﺟﺎﻳﺔ ﺗﺘﺸﻤﺖ ﻣﺎﺍﻧﻄﻴﺘﻬﺎ ﻣﺠﺎﻝ ﺍﺗﻜﻤﻞ
ﺍﺳﻤﻌﻴﻨﻲ ﺯﻳﻦ ﺍﺭﻭﻳﻪ ( ﺭﻭﺉ ) ﻻ ﻳﻬﻤﻨﻲ ﺍﺧﻮﺝ ﻭﻻﻋﺸﺮﺓ ﻣﺜﻞ ﺍﺧﻮﺝ ﺗﺪﺭﻳﻦ ﻟﻴﺶ ?
ﻷﻥ ﺍﻟﻠﻪ ﻳﺤﺒﻨﻲ ﻣﺎﺻﺮﺕ ﻏﺴﻤﺘﺔ ﺣﺘﺊ ﻣﺎﺗﺬﻟﻴﻨﻲ ﺍﻧﺘﻲ ﻭﻏﻴﺮﺝ
ﻭﺧﻠﻴﻬﺎ ﺍﺑﺎﻟﻜﻢ ﺍﻧﻪ ﻓﺮﺣﺎﻧﻪ ﺍﻛﺜﺮ ﻣﻨﻜﻢ ﻻﻥ ﻣﺎﺍﺭﺍﺡ ﺍﺗﺰﻭﺝ ﺣﻮﻳﺪﺭ ﻻﻥ ﺣﻮﺷﻜﻢ ﻣﻠﻴﺎﻥ ﺣﻴﺎﻳﺔ ﺍﻣﺜﺎﻟﺞ
ﺭﻭﺉ،،ﺍﺣﺘﺮﻣﻲ ﻧﻔﺴﺞ ﻣﻨﻮ ﻗﺼﺪﺝ ﺣﻴﺎﻳﺔ ?
ﺍﻛﻴﺪ ﺍﺗﻘﺼﺪﻳﻦ ﺍﻣﻲ
ﻫﻨﺪ،،ﻭﺍﻟﻠﻪ ﺍﻟﻲ ﺑﻌﺒﻪ ﻃﻠﻲ ﻳﮕﻮﻡ ﻳﺪﮒ ﻫﻮﺭﻥ
ﻳﻠﻪ ﻭﻟﻲ ﻣﻨﺎ ﻋﻮﺩ ﺟﺎﻳﺔ ﺗﺘﺸﻤﺖ ﺍﻡ ﺍﻟﻮﺻﺦ ﺧﺎﻳﺒﻪ ﻃﻴﺮﺭﻱ ﺍﻧﺘﻲ ﻭﺍﺧﻮﺝ ﺍﻟﻤﺎﻳﻊ
ﺭﻭﺉ،،ﺧﻠﻲ ﻧﺸﻮﻑ ﻣﻨﻮ ﻳﺎﺧﺬﺝ ﺑﻌﺪ ﺭﺍﺡ ﺍﺗﻀﻠﻴﻦ ﻋﻠﺊ ﮔﻠﺐ ﻋﻤﻲ ﻣﺤﺪ ﻳﮕﻠﺐ ﺳﻠﻌﺘﺞ
ﻫﻨﺪ،،ﻭﺩﺍﻋﺘﺞ ﻳﻤﻜﻦ ﺍﻋﺮﺱ ﮔﺒﻞ ﺍﺧﻮﺝ ﻻﻥ ﺍﻟﻮﺍﺩﻡ ﻣﻦ ﺭﺍﺡ ﺗﺴﻤﻊ ﺍﻧﻪ ﺭﻓﻀﺖ ﺍﺧﻮﺝ ﺑﺰﺭ ﺍﻟﻨﺴﺘﻠﻪ ﺭﺍﺡ ﻳﺠﻮﻥ ﺭﻛﺾ ﺍﻟﺨﻄﺎﺑﺔ ﺑﺲ ﺍﻟﺮﺍﺡ ﻳﺠﻲ ﻳﺨﻄﺒﻨﻲ ﺍﻛﻴﺪ ﺯﻟﻤﺔ ﻳﻌﺘﻤﺪ ﺍﻋﻠﻴﻪ ﻣﻮ ﻣﺜﻞ ﺑﻌﺾ ﺍﻟﻨﺎﺱ
ﺭﻭﺉ،،ﺍﺻﺒﺮﺭﻱ ﻭﺍﻟﻠﻪ ﻝ ﺍﺧﻠﻲ ﺍﺑﻮﻱ ﻳﻄﻴﺢ ﺣﻀﺞ ﺣﻘﻴﺮﺓﺓﺓ
ﻫﻨﺪ،،ﺧﺎﻳﺒﻪ ﻟﺰﮔﺘﻴﻴﻲ ﻣﺎﺗﻮﻟﻴﻦ ﻻﺗﻀﻠﻴﻦ ﺍﺗﻨﺒﺤﻴﻦ ﻳﻤﻲ ﻛﺘﻠﺘﻨﻲ ﺍﻟﺸﻤﺲ ﺍﺭﺩ ﺍﻛﻤﻞ ﻭﺍﺩﺵ ﻟﻠﺤﻮﺵ
ﺭﺍﺣﺖ ﻭﺍﻟﺘﺮﺍﺏ ﻃﺎﻳﺮ ﻭﺭﺍﻫﺎ ﺍﻟﻤﻠﺤﺔ ﺍﻟﭽﻠﺤﺔ ﻋﻮﺩ ﺟﺎﻳﺔ ﺗﻐﻬﺮﻧﻲ
ﻟﻠﻀﻬﺮ ﻣﺤﺪ ﺑﻴﻦ ﻣﻨﻬﻢ ﻋﺮﻓﺘﻬﺎ ﻣﺎﺗﮕﺪﺭ ﺗﺤﺠﻲ ﺍﺗﺨﺎﻑ ﻣﻦ ﺍﺑﻮﻱ ﻻﻥ ﻋﻤﻲ ﺣﻤﻴﺪ ﻳﺮﺟﻒ ﻣﻦ ﻣﺮﺗﻪ ﻋﺒﺎﻟﻚ ﻫﻲ ﺭﺟﻠﻪ ﻣﻮﻫﻮ ﺭﺟﻠﻬﺎ ﺍﺗﮕﻠﻪ ﻳﻤﻨﻪ ﻳﺮﻭﺡ ﻳﻤﻨﻪ ﺍﺗﮕﻠﻪ ﻳﺴﺮﺓ ﻳﺮﻭﺡ ﻳﺴﺮﺓ ﻋﻮﺩ ﻫﻮ ﺍﻟﺠﺒﻴﺮ ﻭﺍﻟﺠﺒﻴﺮ ﺍﻟﻠﻪ
ﺍﻡ ﻫﻨﺪ،،ﻫﺎﻟﺔ ﻳﻤﻪ ﺻﻴﺤﻲ ﻟﺨﺘﺞ ﺍﺑﻮﺝ ﻳﺮﻳﺪﻫﺎ ﺑﺤﺠﺮﺓ ﺣﺒﻮﺑﺘﺞ
ﻫﺎﻟﻪ،ﺻﺎﺭ ﻳﻤﻪ
ﻫﻨﺪ،،ﮔﺎﻋﺪﺓ ﺍﻛﻨﺲ ﺑﺎﻟﻤﻀﻴﻒ ﻭﺩﺷﺖ ﺍﻋﻠﻴﻪ ﻫﺎﻟﻪ
ﻫﺎﻟﺔ،،ﮔﻮﻣﻲ ﺍﺑﻮﻱ ﻳﺮﻳﺪﺝ ﺑﻐﺮﻓﺔ ﺣﺒﻮﺑﺘﻲ
ﻫﻨﺪ،،ﺫﺑﻴﺖ ﺍﻟﻤﻜﻨﺎﺳﻪ ﻣﻦ ﺍﻳﺪﻱ
ﻳﺎﺳﺎﺗﺮ ﻳﺎﺭﺏ ﺷﻜﻮ ﺧﻴﺮ ﻣﺎﻋﺮﻓﺘﻲ ﺷﻴﺮﻳﺪ ﻣﻨﻲ
ﻫﺎﻟﻪ،،ﻭﺍﻧﻪ ﺷﻤﺪﺭﻳﻨﻲ ﺍﻣﻲ ﮔﺎﻟﺖ ﺍﻧﺪﻫﻴﻬﺎ
ﻫﻨﺪ،،ﮔﻤﺖ ﻭﻻﺯﻣﻪ ﮔﻠﺒﻲ ﻣﺪﺭﻱ ﻟﻴﺶ
ﺧﺎﻳﻔﻪ ﻫﺎﻟﻄﺎﺭﺵ ﻣﻦ ﻭﺭﺍﻩ ﻏﻤﺒﻠﻪ ﻋﺒﻦ ﺍﻋﺮﻑ ﺍﺑﻮﻱ ﺍﺫﺍ ﮔﻌﺪ ﻳﻢ ﺣﺒﻮﺑﺘﻲ ﺑﺤﺠﺮﺗﻬﺎ ﺍﻟﻲ ﺍﻋﺘﺒﺮﻫﺎ ﻣﻜﺎﻥ ﻟﻼﺟﺘﻤﺎﻋﺎﺕ ﻭﺍﻟﺘﺨﻄﻴﻄﺎﺕ ﺍﻟﺴﺮﻳﻪ ﺍﻛﻴﺪ ﻣﻦ ﻭﺭﺍﻩ ﻫﻠﺸﻲ ﺳﺎﻟﻔﻪ ﺟﺒﻴﺮﺓبيج قصص عراقيه حقيقيه من واقعنا.روعه الطائي
ﺩﺷﻴﺖ ﻋﻠﻴﻬﻢ ﻭﺍﺷﻮﻓﻠﻚ ﺣﺒﻮﺑﺘﻲ ﺍﻟﻮﺟﻪ ﻣﻨﻮﺭ ﺑﺎﻟﻀﺤﻜﻪ ﻭﺍﺑﻮﻱ ﻣﺪﻧﮓ ﻳﺨﻮﻁ ﺑﺎﺍﺳﺘﻜﺎﻥ ﺍﻟﺠﺎﻱ
ﻫﻨﺪ،،ﺧﻴﺮ ﺑﻮﻳﻪ ﻧﺪﻫﺘﻨﻲ ?
ﺍﻡ ﺣﻤﻴﺪ،،ﻫﻠﻪ ﺑﺒﻨﻴﺘﻲ ﺍﻛﻴﺪ ﻛﻞ ﺍﻟﺨﻴﺮ ﺗﻌﺎﻱ ﺍﮔﻌﺪﻱ
ﻫﻨﺪ،،ﺍﺑﮕﻠﺒﻲ ﺍﮔﻮﻝ ﻭﺍﻟﻠﻪ ﻳﺎﺣﺒﻮﺑﻪ ﺷﻜﻠﺞ ﻣﺎﻳﺒﺸﺮ ﺑﺎﻟﺨﻴﺮ ﺍﻟﻴﻮﻡ ﻃﺎﻟﻌﻪ ﺭﻭﻥ ﺳﺎﻳﺪ ﺍﺑﻨﻴﺘﻲ ﻭﺍﺩﻟﻌﻨﻲ ﻻ ﺍﻛﻴﺪ ﺍﻛﻮ ﺳﺎﻟﻔﻪ ﭼﺎﻳﺪﺓ
ﺭﺣﺖ ﮔﻌﺪﺕ ﻳﻤﻬﺎ ﻭﺍﻣﻲ ﺑﺼﻒ ﺍﺑﻮﻱ ﺣﺎﻃﻪ ﺍﺧﻮﻱ ﺑﺤﻀﻨﻬﺎ
ﺍﺑﻮ ﻫﻨﺪ،،ﺍﺳﻤﻌﻲ ﺑﻮﻳﻪ ﺍﻧﻪ ﺑﻴﻮﻡ ﻣﻦ ﺍﻻﻳﺎﻡ ﻣﻦ ﻋﻤﺞ ﺭﺍﺩ ﻳﺤﺠﺰﺝ ﻝ ﺍﺑﻨﻪ ﮔﺘﻠﻪ ﺗﻜﺒﺮ ﻭﻫﻲ ﺍﻟﺘﻐﺮﺭ ﺑﺲ ﻛﺎﻥ ﻣﺼﺮ ﻭﻫﻮ ﺍﺧﻮﻱ ﺍﻟﺠﺒﻴﺮ ﻣﺎﺭﺩﺕ ﺍﺭﺩﺓ ﻭﺍﻛﺴﺮ ﺧﺎﻃﺮﺓ
ﺑﺲ ﻣﻦ ﺍﺑﻨﻪ ﺭﻓﺾ ﻳﺘﻢ ﺍﻟﻌﺮﺱ ﻋﺮﻓﺖ ﻫﺬﺍ ﺧﻴﺨﺔ ﻭﺻﺎﻳﺮ ﺧﺮﺧﺎﺷﻪ ﺑﻴﺪ ﺍﻣﻪ ﻭﺍﻳﺮﻳﺪ ﻭﺣﺪﺓ ﻣﺘﻌﻠﻤﻪ
ﻭﺍﻧﻪ ﻳﺒﻮﻳﻪ ﺍﺭﻳﺪ ﺍﻧﻄﻴﺞ ﺍﻧﺘﻲ ﻭﺍﺧﻮﺍﺗﺞ ﺍﻟﺰﻟﻢ ﻳﻌﺘﻤﺪﻋﻠﻴﻬﻢ ﻳﺼﻮﻧﻮﺟﻦ ﻭﻳﻘﺪﺭﻭﺟﻦ ﻭﺍﻳﻜﻮﻧﻮﻥ ﮔﺪ ﺍﻟﻤﺴﻌﻮﻟﻴﻪ
ﻭﺍﻟﻴﻮﻡ ﻳﺒﻨﻴﺘﻲ ﺍﻧﻪ ﺍﻧﻄﻴﺘﺞ ﺍﻟﺰﻳﻦ ﺍﻟﺸﺎﺏ ﻭﺧﻴﺮ ﺍﻟﺮﺟﺎﻝ ﺍﻟﺸﻴﺦ ﻫﺬﺍﻝ
ﺍﻡ ﻫﻨﺪ،،ﻳﺎﺍﺍ ﺍﻟﺸﻴﺦ ﻫﺬﺍﻝ ?
ﺍﺑﻮ ﻫﻨﺪ،،ﺍﻱ ﻫﻮ
ﺍﻡ ﻫﻨﺪ،،ﻭﺍﺷﻠﻮﻥ ﺗﻨﻄﻴﻬﺎ ﺍﻟﻮﺍﺣﺪ ﻣﺘﺰﻭﺝ ﻭﻣﺮﺗﻪ ﻣﻴﺘﻪ ??
ﻫﻨﺪ،،ﺿﻠﻴﺖ ﻓﺎﺗﺤﻪ ﺣﻠﮕﻲ ﻣﺎﺍﻋﺮﻑ ﺷﺠﺎﻭﺏ ﺍﺑﻮﻱ ﻭﺍﻧﻮﺏ ﺻﺎﺭﺕ ﺍﻟﻤﻨﺎﻭﺭﺓ ﺑﻴﻦ ﺍﻣﻲ ﻭﺍﺑﻮﻱ ﻭﺍﺣﺪ ﻳﺤﻤﺪ ﺑﺎﻟﺸﻴﺦ ﻭﺍﻟﺜﺎﻧﻲ ﻳﺬﻣﺔ ﺍﻟﻲ ﻫﻲ ﺍﻣﻲ ﺗﺬﻡ ﺑﻲ ﻭﺍﺗﮕﻮﻝ ﺍﻟﻨﺎﺱ ﺗﺴﻮﻟﻒ ﺑﻲ ﻭﺑﻄﺒﻌﻪ ﺍﻟﺼﻌﺐ ﻭﻣﺮﺗﻪ ﻣﻴﺘﻪ ﺑﺎﺍﻳﺎﻡ ﺍﻟﺰﻭﺍﺝ ﺍﺣﺲ ﮔﻠﺒﻲ ﺍﻧﻘﺒﺾ
ﺭﺩﺕ ﺍﮔﻠﻪ ﺍﻧﻪ ﺭﺍﻓﻀﻪ ﺑﺲ ﺍﺑﻮﻱ ﺳﺒﻘﻨﻲ ﺑﺎﻟﺤﺠﻲ
ﺍﺑﻮ ﻫﻨﺪ،،ﺍﻧﻪ ﺍﻧﻄﻴﺘﺞ ﻳﺒﻮﻳﻪ ﻻﻥ ﻣﺎﺭﺩﺕ ﻣﺮﺕ ﻋﻤﺞ ﻭﺍﺑﻨﻬﺎ ﻭﺑﻨﺎﺗﻬﺎ ﻳﺘﺸﻤﺘﻦ ﺑﻴﺞ ﻭﻣﻦ ﻳﻮﻡ ﺍﻟﻲ ﺭﻓﻀﺞ ﺣﻮﻳﺪﺭ ﺣﻠﻔﺖ ﺍﻧﻄﻴﺞ ﺍﻟﺘﺎﺝ ﺭﺍﺳﻪ ﺍﻟﻲ ﻳﺴﻮﺍﻩ ﺑﻴﻦ ﺍﻟﺰﻟﻢ
ﻭﺍﻟﺸﻴﺦ ﻫﺬﺍﻝ ﺯﻟﻤﺔ ﻣﻦ ﺿﻬﺮ ﺯﻟﻤﺔ ﻋﻮﻓﺞ ﻣﻦ ﺣﺠﻲ ﺍﻣﺞ ﻣﺮﺗﻪ ﺍﻻﻭﻟﺊ ﻣﺎﺗﺖ ﺍﻟﻠﻪ ﻳﺮﺣﻤﻬﺎ ﻭﻣﺤﺪ ﻳﻌﺮﻑ ﺍﻟﺴﺒﺐ ﻛﻠﻤﻦ ﻋﻨﺪﺓ ﻏﺼﻪ ﻳﺤﺠﻴﻬﺎ ﺑﻜﻴﻔﻪ
ﻭﻫﺴﻪ ﻳﺎﺍﺑﻨﻴﺘﻲ ﺍﺭﻳﺪﺝ ﺍﺗﺮﻓﻌﻴﻦ ﺭﺍﺳﻲ ﺟﺪﺍﻣﻬﻢ ﻭﺟﺪﺍﻡ ﻋﻤﺞ ﻭﺍﺑﻨﻪ ﺍﺭﻳﺪﺓ ﻳﻌﺮﻑ ﺑﻨﺘﻲ ﺍﻟﻒ ﻣﻦ ﻳﺘﻤﻨﺎﻫﺎ ﻭﺍﻧﻮ ﻣﺎﻛﻮ ﺧﺴﺮﺍﻥ ﻏﻴﺮ ﺍﺑﻨﻪ
ﻻﺗﻔﺸﻠﻴﻨﻲ ﻳﺒﻮﻳﻪ ﺟﺪﺍﻡ ﺍﻟﺸﻴﺦ ﺍﻧﻪ ﺍﻧﻄﻴﺖ ﻛﻠﻤﺘﻲ ﻭﺍﻧﻪ ﻣﺘﺎﻛﺪ ﺭﺍﺡ ﺗﻨﺴﻌﺪﻳﻦ ﻋﻨﺪﺓ ﻭﺍﻟﻤﺜﻞ ﻳﮕﻮﻝ ﺍﺧﻄﺐ ﻟﺒﻨﺘﻚ ﻭﻋﻮﻑ ﺍﺑﻨﻚ ﻻﻥ ﺑﻬﺬﺍ ﺍﻟﻮﻛﺖ ﺍﺫﺍ ﺍﺗﺮﻳﺪ ﻣﺼﻠﺤﺔ ﺑﻨﺘﻚبيج قصص عراقيه حقيقيه من واقعنا.روعه الطائي
ﺍﻧﻄﻴﻬﺎ ﺍﻟﻮﺍﺣﺪ ﺧﻮﺵ ﺍﺩﻣﻲ ﻭﻳﺨﺎﻑ ﺍﻟﻠﻪ ﺑﻴﻬﺎ
ﻫﻨﺪ،،ﺍﺑﻮﻱ ﻳﺤﺠﻲ ﻭﺍﻧﻪ ﻣﺪﻧﮕﻪ ﺭﺍﺳﻲ ﺍﺳﺘﻤﻊ ﺍﻟﻜﻼﻣﻪ
ﻣﺎﺍﺩﺭﻱ ﻟﻴﺶ ﺣﺰﺕ ﺑﺨﺎﻃﺮﻱ ﻣﻦ ﺍﺑﻮﻱ ﺍﻧﻄﺎﻧﻲ ﺑﺪﻭﻥ ﻣﺎﻳﺎﺧﺬ ﻣﻮﺍﻓﻘﺘﻲ ﻭﻫﺎﻱ ﺛﺎﻧﻲ ﻣﺮﺓ ﻳﺴﻮﻳﻬﺎ ﻋﺒﺎﻟﻚ ﺯﺍﻳﺪﺓ ﻋﻨﺪﺓ ﻭﻛﻞ ﺍﺷﻮﻳﻪ ﻳﻨﻄﻴﻨﻲ ﺍﻟﻮﺍﺣﺪ
ﻣﺎﮔﺪﺭﺕ ﺍﺣﺠﻲ ﺷﻲ ﻏﺼﻪ ﺍﺑﻠﻌﻮﻣﻲ ﺫﺑﺤﺘﻨﻲ ﺍﻧﻪ ﺑﻄﺒﻌﻲ ﻣﺎﺍﺳﻜﺖ ﻋﻦ ﺣﮕﻲ ﺍﻡ ﺍﻟﺴﺎﻥ ﻭﺍﺭﺍﺩﺩ ﺑﺲ ﻣﺎﮔﺪﺭﺕ ﺍﺗﻼﺳﻦ ﻟﻮ ﺍﺭﺍﺩﺩ ﺍﺑﻮﻱ ﻻﻥ ﻳﺒﻘﺔ ﺍﺑﻮﻱ ﻭﻃﺎﻋﺘﻪ ﻭﺭﺿﺎﻩ ﻣﻦ ﺭﺿﺎ ﺍﻟﻠﻪ
ﺍﺑﻮﻱ ﺍﺧﺬ ﻣﻦ ﺳﻜﻮﺗﻲ ﻣﻮﺍﻓﻐﻪ ( ﻣﻮﺍﻓﻘﻪ ) ﻧﻬﺾ ﺑﺎﺳﻨﻲ ﺑﺮﺍﺳﻲ ﻭﮔﺎﻝ ﺧﺎﺑﺮﻧﻲ ﺍﻟﺸﻴﺦ ﻣﮕﺼﺪ ﻭﺑﺎﭼﺮ ﺍﻟﻤﺸﻴﻪ ﻣﺎﻝ ﺍﻟﺰﻟﻢ ﻭﺍﻟﻴﻮﻡ ﺑﻠﻴﻞ ﺗﺠﻲ ﺍﻡ ﺍﻟﺸﻴﺦ ﺗﺸﻮﻓﺞ
ﺍﻡ ﻫﻨﺪ،،ﻟﻴﺶ ﻣﺴﺘﻌﺠﻠﻴﻦ ﻳﺎﺣﺎﻛﻢ ?
ﺍﺑﻮ ﻫﻨﺪ،،ﺍﻟﺸﻴﺦ ﻣﮕﺼﺪ ﻛﻠﺶ ﻣﺴﺘﻌﺠﻞ ﻭﻳﺮﻳﺪ ﺍﻟﻌﺮﺱ ﻳﺘﻢ ﺑﺬﻧﻲ ﺍﻻﻳﺎﻡ
ﻫﻨﺪ،،ﮔﻠﺒﻲ ﺍﻧﻘﺒﺾ ﺍﻛﺜﺮ ﻭﺍﻛﺜﺮ ﺍﺑﻮﻱ ﻃﻠﻊ ﻭﺍﻧﻪ ﺭﻛﻀﺖ ﺍﻟﻐﺮﻓﺘﻲ ﺩﺷﻴﺖ ﻭﻃﺒﮕﺖ ﺍﻟﺒﺎﺏ ﺣﻴﻞ ﺻﺮﺕ ﻣﺜﻞ ﺍﻟﻤﺨﺒﻠﻪ ﺍﺭﻭﺡ ﻣﻨﺎ ﻭﺍﺭﺩ ﻣﻨﺎ ﺭﺍﺳﻲ ﺍﻧﻔﺦ
ﻣﺎﺍﺭﻳﺪﺓ ﮔﻮﻟﻲ ﻣﺎﺍﺭﻳﺪﺓ ﻟﻴﺸﺸﺶ ﺍﻧﺨﺮﺳﺘﻲ ﻳﺤﻀﻴﻴﻲ
ﺻﺮﺕ ﺍﺣﺠﻲ ﻭﺍﺟﺎﻭﺏ ﺭﻭﺣﻲ
ﺩﺷﺖ ﺍﻣﻲ ﻳﻤﻲ ﻣﻦ ﺷﺎﻓﺘﻨﻲ ﺿﻠﺖ ﻓﺎﺗﺤﻪ ﺣﻠﻜﻬﺎ ﻭﺍﺗﻬﺰ ﺑﻴﺪﻫﺎ
ﺍﻡ ﻫﻨﺪ،،ﺍﺗﺴﻮﺩﻧﺖ ﺍﻟﺒﺖ ﻭﻟﺞ ﺍﺷﺒﻴﺠﺠﺞ ?
ﻫﻨﺪ،،ﻣﺎﺍﺭﻳﺪﺓ ﻳﻤﻤﻪ ﻣﺎﺍﺭﻳﺪﺓ ﻭﻣﺎﺍﺭﻳﺪ ﺍﻋﺮﺳﺴﺲ ﻫﻲ ﮔﻮﺓ ﺧﻮﻭ ﻣﻮ ﮔﻮﺓ
ﺍﻡ ﻫﻨﺪ،،ﻧﺼﻲ ﺣﺴﺞ ﻻﻳﺴﻤﻌﺞ ﺍﺑﻮﺝ ﻳﺬﺑﺤﺞ ﻭﻋﻠﻲ
ﻣﻮ ﺍﻧﺘﻲ ﺍﻟﺘﻜﺴﺮﻳﻦ ﺍﺣﺠﺎﻳﺘﻪ ﺟﺪﺍﺍﻡ ﺍﻟﺰﻟﻢ
ﻫﻨﺪ،،ﺟﺎﺍﺍ ﻭﺍﻧﻪ ﻳﻤﻤﻪ ﻣﺤﺪ ﻓﻜﺮ ﺑﻴﻪ ??
ﺟﺎﻱ ﻧﺤﺠﻲ ﺩﺷﺖ ﺣﺒﻮﺑﺘﻲ ﮔﻮﺓ ﺗﻤﺸﻲ ﺍﺷﺮﺕ ﻝ ﺍﻣﻲ ﺑﻤﻌﻨﺊ ﺍﺳﻜﺘﻲ ﻭﻃﻠﺒﺖ ﻣﻦ ﺍﻣﻲ ﺗﻄﻠﻊ
ﺍﻡ ﺣﻤﻴﺪ،،ﺍﺳﺘﻬﺪﻱ ﺑﺎﻟﺮﺣﻤﻦ ﺣﺒﻮﺑﻪ ﻭﺗﻌﺎﻱ ﺍﺣﺬﺍﻱ ( ﻳﻤﻲ )
ﻫﻨﺪ،،ﺍﺟﻴﺖ ﮔﻌﺪﺕ ﻳﻤﻬﺎ ﺑﺲ ﺍﻧﻪ ﺍﻓﻮﺭ ﻋﻠﺊ ﺳﺎﻋﻪ ﺍﻧﻔﺠﺮ
ﺍﻡ ﺣﻤﻴﺪ،،ﻟﻴﺶ ﻣﺎﺗﺮﺩﻱ ﺍﺑﻨﻴﺘﻲ ?
ﻫﻨﺪ،،ﻣﺎﺍﺭﻳﺪﺓ ﺣﺒﻮﺑﻪ ﻣﺎﺳﻤﻌﺘﻲ ﺣﺠﻲ ﺍﻣﻲ ﺟﺒﻴﺮ ﻭﻣﺘﺰﻭﺝ ﻭﻣﺮﺗﻪ ﻣﻴﺘﻪ ﻭﺍﻧﻪ ﺑﻌﺪﻧﻲ ﺍﺯﻏﻴﺮﺓ ﻣﺎﻣﻜﺴﺮ ﺍﻟﺸﻴﺐ ﺑﺼﺪﺭﻱ ﺣﺘﺊ ﺗﺸﻤﺮﻭﻧﻲ ﻫﻴﺞ ﺷﻤﺮﺓ
ﺍﻡ ﺣﻤﻴﺪ،،ﻭﻣﻨﻮ ﺷﺎﻣﺮﺝ ﻳﻤﻪ ?
ﺍﺑﻮﺝ ﺍﻧﻄﺎﺝ ﻏﺴﻤﻪ ﺗﺤﻠﻢ ﺑﻴﻬﺎ ﻛﻞ ﺑﺖ
ﺍﻧﻄﺎﺝ ﺍﻟﺸﻴﺦ ﺍﺑﻦ ﺷﻴﻮﺥ ﺯﻟﻤﻪ ﺍﺑﻦ ﺍﺻﻮﻝ ﻭﻳﺨﺎﻑ ﺭﺑﻪ
ﻭﺍﻟﻨﺎﺱ ﺗﺤﻠﻒ ﺑﻜﺮﻣﻪ ﻭﺍﺧﻼﻏﻪ ( ﺍﺧﻼﻗﺔ )
ﻭﺍﺫﺍ ﺍﺗﮕﻮﻟﻴﻦ ﺟﺒﻴﺮ ﻓﺤﻼﺓ ﺍﻟﻤﺮﺓ ﻣﻦ ﺗﺎﺧﺬ ﺯﻟﻤﺔ ﺟﺒﻴﺮ ﻳﻔﻬﻤﻬﺎ ﻭﻳﺤﺘﻮﻳﻬﺎ ﻣﺎﺗﺎﺧﺬ ﺟﺎﻫﻞ ﻣﺜﻞ ﺍﺑﻦ ﻋﻤﺞ ﻭﺷﻮﻓﺖ ﻋﻴﻨﺞ ﺍﻟﺠﺎﻫﻞ ﺷﺴﻮﺓ ?
ﺻﻴﺮﻱ ﺳﺒﺎﻋﻴﻪ ﻭﻻﺗﻜﺴﺮﻳﻦ ﭼﻠﻤﺔ ﺍﺑﻮﺝ ﻭﺑﻴﻨﻲ ﺍﻟﻤﺮﺓ ﻋﻤﺞ ﺍﻧﺘﻲ ﺍﺧﺬﺗﻲ ﺍﻻﺣﺴﻦ ﻣﻦ ﺍﺑﻨﻬﺎ ﺑﻐﺎﻃﺎﺕ
ﺻﺢ ﻫﻮ ﺣﻔﻴﺪﻱ ﺣﺎﻟﻪ ﺣﺎﻟﺞ ﺑﺲ ﺍﻧﺘﻲ ﺗﺮﺑﻴﺔ ﺍﺑﻮﺝ ﻭﻫﻮ ﺗﺮﺑﻴﺔ ﺍﻣﻪ ﺷﺘﺮﺟﻪ ﻣﻨﻪ ?
ﮔﻮﻣﻲ ﺍﺳﺒﺤﻲ ﺣﺒﻮﺑﻪ ﻭﺍﻟﺒﺴﻴﻠﺞ ﺛﻮﻳﺐ ﺣﻠﻮ ﺣﺘﺊ ﻣﻦ ﺗﺠﻲ ﺍﻡ ﺍﻟﺸﻴﺦ ﺍﺗﺸﻮﻑ ﭼﻨﺘﻬﺎ ﺷﻤﻌﻪ ﻭﺩﺍﻭﻳﻪ ( ﺿﺎﻭﻳﻪ )
ﻫﻨﺪ،،ﻣﺎﺍﻋﺮﻑ ﺷﻨﻮ ﺍﺣﺠﻲ ﻭﺳﻜﻮﺗﻲ ﻛﺘﻠﻨﻲ ﻣﻦ ﺟﻬﺎ ﻣﺎﺍﺭﻳﺪﺓ ﻭﻣﻦ ﺟﻬﺎ ﺍﻟﺜﺎﻧﻴﻪ ﻣﺎﺍﺭﻳﺪ ﺍﻓﺸﻞ ﺍﺑﻮﻱ ﻭﺍﻛﺴﺮ ﺍﺣﺠﺎﻳﺘﻪ
ﺣﺒﻮﺑﺘﻲ ﺣﺒﺘﻨﻲ ﻭﻃﻠﻌﺖ ﺩﺷﻦ ﺍﻣﻲ ﻭﺍﺧﻮﺍﺗﻲ ﻳﻤﻲ ﺍﻣﻲ ﻫﻢ ﻣﺜﻠﻲ ﻣﻮﻛﻠﺶ ﻣﻐﺘﻨﻌﻪ ﺑﺎﻟﺴﺎﻟﻔﻪ ﺑﺲ ﻣﺎﺗﮕﺪﺭ ﺍﺗﺨﺎﻟﻒ ﺭﺃﻱ ﺍﺑﻮﻱ
ﮔﻤﺖ ﻋﻠﺊ ﺍﻋﺼﺎﺑﻲ ﺳﺒﺤﺖ ﺍﺷﻠﻮﻥ ﻣﺎﺟﺎﻥ ﻣﺸﻄﺖ ﻭﺿﻔﺮﺕ ﺷﻌﺮﻱبيج قصص عراقيه حقيقيه من واقعنا.روعه الطائي
ﻛﻠﺶ ﻃﻮﻳﻞ ﻭﺍﺻﻞ ﺍﻟﺮﻛﺒﺔ ﺭﺟﻠﻲ ﻭﻣﻦ ﺍﻣﺸﻂ ﻳﺘﻌﺒﻨﻲ ﻭﻳﻬﺪ ﺣﻴﻠﻲ
ﺭﺩﺕ ﺍﻟﻔﻪ ﻛﺒﺎﻳﺔ ﺑﺲ ﺣﺒﻮﺑﺘﻲ ﻣﺎﻏﺒﻠﺖ ﮔﺎﻟﺖ ﻋﻮﻓﻲ ﻫﻴﺞ . ﺍﺣﻠﺊ
ﻟﺒﺴﺖ ﺛﻮﺏ ﻧﻴﻠﻲ ﻣﺨﺼﺮ ﻣﻦ ﺟﻬﺔ ﺍﻟﺨﺼﺮ ﻭﺍﻟﺼﺪﺭ ﻭﻣﻦ ﺟﻮﺓ ﻣﻨﻔﻮﺵ ﻳﺴﻤﻮ ﺍﻛﻠﻮﺷﻪ
ﺣﻄﻴﺖ ﺍﺷﻮﻳﻪ ﻋﻄﺮ ﺣﺒﻮﺑﺘﻲ ﻃﻠﻌﺖ ﺩﻳﺮﻡ ﺭﺍﺩﺕ ﺗﻨﻄﻴﻨﻲ ﺍﻣﻲ ﮔﺎﻟﺖ ﺍﻧﻪ ﺍﻧﻄﻴﻬﺎ ﺣﻤﺮﺓ ﺳﺤﺮﻳﻪ ﺍﺗﺨﻠﻲ ﺍﺷﻮﻳﻪ ﻣﻨﻬﺎ
ﺣﺒﻮﺑﻪ ﺗﺮﺩﻳﻦ ﺍﺣﻂ ﻣﻦ ﺩﻳﺮﻣﺞ ??
ﺍﻡ ﺣﻤﻴﺪ،،ﺍﻱ ﻳﻤﻪ ﺍﺣﻠﺊ ﻭﻳﻐﻮﻱ ﺍﻟﺴﻨﻮﻥ، ( ﻳﻘﻮﻱ )
ﻫﻨﺪ،،ﺍﻱ ﺣﺒﻮﺑﻪ ﻣﻦ ﺍﻟﻘﻮﺓ ﻣﺎﻟﺘﻪ ﺷﺪﻳﺘﻲ ﻓﭻ
ﺍﻡ ﺣﻤﻴﺪ،،ﻭﺣﮓ ﻫﻮ ﺍﺑﻮ ﻓﺎﺿﻞ ﻟﻮ ﻣﺎﺗﺮﻳﺪ ﺗﺠﻲ ﺍﻟﻤﺮﺓ ﺍﺗﺸﻮﻑ ﻫﻠﭽﻬﺮﺓ ﺍﻟﻐﺒﺮﺓ ﻟﮕﻮﻡ ﺍﻧﻔﺸﻠﺞ ﺍﻋﻄﻮﺑﺞ ﻧﻔﺶ
ﻫﻨﺪ،،ﺍﺭﺗﺎﺣﻲ ﺣﺒﻮﺑﻪ ﻣﺎﺍﺣﻂ ﻻﺩﻳﺮﻡ ﻭﻻﺣﻤﺮﺓ ﻋﺠﺒﺘﻬﻢ ﺍﻫﻼ ﻭﺳﻬﻼ ﻣﺎﻋﺠﺒﺘﻬﻢ ﺑﻌﺪ ﺍﺣﺴﻦ ﻭﺍﻟﻠﻪ ﻭﻳﺎﻫﻢ
ﺍﻡ ﻫﻨﺪ،،ﻳﻤﻤﻪ ﻳﻤﻤﻤﻪ ﻣﻦ ﺍﻟﺴﺎﻧﺞ ﺍﻋﺮﻓﺞ ﻳﺮﺩﻭﺝ ﻋﻠﺊ ﮔﻠﺒﻲ ﻣﻦ ﻭﺭﺓ ﻫﻠﺴﺎﻥ ﻫﺬﺍ
ﻫﻨﺪ . ﻣﺎﺧﻠﻴﺖ ﻻﻛﺤﻠﻪ ﻭﻻﺣﻤﺮﺓ ﺑﻘﻴﺖ ﮔﺎﻋﺪﺓ ﻣﺒﻮﺯﺓ
ﺍﺟﺖ ﻫﺎﻟﺔ
ﻫﺎﻟﻪ،،ﮔﻮﻣﻦ ﻳﻤﻜﻦ ﺍﺟﻮ ﺍﺑﻮﻱ ﻃﻠﻊ ﻳﻔﺘﺢ ﺍﻟﺒﺎﺏ
ﻫﻨﺪ،،ﺣﺒﻮﺑﺘﻲ ﺭﺍﺣﺖ ﺍﻟﺤﺠﺮﺗﻬﺎ ﻭﺍﻣﻲ ﺭﺍﺣﺖ ﺗﺴﺘﻘﺒﻞ ﺍﻡ ﺍﻟﺸﻴﺦ
ﺍﺳﻤﻊ ﺻﻮﺕ ﻣﺴﺎﻟﻤﻬﻦ ﺍﺷﻮﻳﻪ ﻭﺍﺟﺖ ﻫﺪﻳﻞ
ﻫﺪﻳﻞ،،ﻫﻨﻮﺩﺓ ﮔﻮﻣﻲ ﺍﻣﻲ ﺍﺗﮕﻮﻝ ﺧﻞ ﺗﺠﻴﺐ ﻣﺎﻱ ﻭﺍﺗﺴﻮﻱ ﭼﺎﻱ ﻟﻠﻤﺮﺓ
ﻫﻨﺪ، ﻣﺎﺍﺗﺴﻮﻳﻦ ﺍﻧﺘﻲ ﻭﻫﺪﻳﻞ ﺍﺷﺒﻴﺠﻦ ﺍﻣﻜﺴﺮﺍﺕ ??
ﻫﺪﻳﻞ،،ﻫﻬﻬﻬﻬﻪ ﻣﺎﺟﺎﻳﻪ ﺍﻋﻠﻴﻨﻪ ﺟﺎﻳﺔ ﺍﻋﻠﻴﺞ ﺍﻧﺘﻲ ﻣﻦ ﻳﺠﻮﻥ ﻳﺨﻄﺒﻮﻧﻲ ﺣﺘﺊ ﻏﻮﺯﻱ ( ﻗﻮﺯﻱ ) ﺍﺳﻮﻳﻠﻬﻢ
ﻫﻨﺪ،،ﺑﮕﺪ ﺍﻟﻨﻌﻞ ﻭﻣﻔﻠﻔﻼﺕ ﻉ ﺍﻟﻌﺮﺱ
ﺭﺣﺖ ﻟﻠﻤﻄﺒﺦ ﻃﻠﻌﺖ ﻛﺎﺳﺎﺕ ﻣﺎﻱ ﺧﻠﻴﺖ ﺑﺎﻟﺼﻴﻨﻴﻪ ﻭﺭﺣﺖ ﺍﻟﺤﺠﺮﺓ ﺣﺒﻮﺑﺘﻲ ﮔﺎﻋﺪﺍﺕ ﺑﻴﻬﺎ
ﺍﻭﻝ ﻣﺎﺩﺧﻠﺖ ﺍﻟﻤﺮﺓ ﺭﻓﻌﺖ ﺭﺍﺳﻬﺎ ﺻﻠﺖ ﻋﻠﺊ ﻣﺤﻤﺪ
ﺍﻧﻲ ﻣﺎﻻﺑﺴﻪ ﺣﺠﺎﺏ ﻭﻣﻦ ﻗﺪﻣﺖ ﺍﻟﻤﺎﻱ ﻭﮔﻌﺪﺕ ﺿﻔﻴﺮﺗﻲ ﻣﻤﺪﻭﺩﺓ ﻭﺭﺓ ﺿﻬﺮﻱ ﺍﻟﻤﺮﺓ ﺍﺗﺒﺎﻭﻉ ﻭﺍﺗﺼﻠﻲ ﻋﻠﺊ ﻣﺤﻤﺪ
ﺍﻣﺒﻴﻨﻪ ﻓﻘﻴﺮﺓ ﻭﺍﺭﻳﺤﻴﻪ ﻭﺣﺠﻴﻬﺎ ﻛﻠﻪ ﺑﺎﻟﻤﺜﺎﻗﻴﻞ
ﺍﻡ ﻫﺬﺍﻝ،،ﻳﺎﺻﻼﺗﻚ ﻳﺎﻣﺤﻤﺪ ﮔﻤﺮ ﺍﺑﻨﻴﺘﻲ ﺍﻟﻠﻪ ﻳﺤﻔﻀﺞ ﺍﻟﺸﺒﺎﺑﺞ
ﺍﻡ ﻫﻨﺪ،،ﺗﺴﻠﻤﻴﻦ ﺣﺠﻴﻪ ﻭﺯﺍﺭﺗﻨﻪ ﺍﻟﺒﺮﻛﻪ
ﻫﻨﺪ،،ﺑﺪﻥ ﻳﺘﺒﺎﺩﻟﻦ ﺍﻟﺤﺪﻳﺚ ﺑﻴﻨﻬﻦ ﺍﻟﺘﻔﺘﺘﻠﻲ ﺍﻡ ﺍﻟﺸﻴﺦ ﻭﺣﺠﺖ
ﺍﻡ ﻫﺬﺍﻝ، ،ﻳﻤﺔ ﺟﻬﺰﻱ ﺭﻭﺣﺞ ﺑﺎﺟﺮ ﺍﻧﺸﺎﺀﺍﻟﻠﻪ ﻧﻌﻘﺪ ﻳﻢ ﺍﻟﺴﻴﺪ
ﻫﻨﺪ،ﺍﻟﺪﻣﻌﻪ ﺑﻄﺮﻑ ﻋﻴﻨﻲ ﻭﺍﻣﻲ ﺗﺨﺰﺭ ﺑﻴﻪ ﻣﺨﺎﺯﺭ ﻭﺍﺗﺎﺷﺮ ﻋﻠﺊ ﺣﻠﮕﻬﺎ ﺑﻤﻌﻨﺊ ﺍﺑﺘﺴﻤﻲ
ﺭﺳﻤﺖ ﺍﺑﺘﺴﺎﻣﻪ ﺍﺻﻐﻴﺮﺓ ﻣﻦ ﻭﺭﺓ ﺧﺸﻤﻲ ﺑﺲ ﺭﺻﻌﺎﺗﻲ ﺑﺴﺮﻋﻪ ﻳﺒﻴﻨﻦ ﻷﻥ ﺑﺎﺭﺯﺍﺕ
ﺍﻡ ﻫﺬﺍﻝ، ،ﻳﺎﺍﺍﺍ ﻋﺪﻫﺎ ﺭﺻﻌﺎﺕ ??
ﻫﻨﺪ،،ﺭﻓﻌﺖ ﺭﺍﺳﻲ ﻟﻠﻤﺮﺓ ﻋﺒﺎﻟﻚ ﺍﻭﻝ ﻣﺮﺓ ﺍﺗﺸﻮﻑ ﻭﺍﺣﺪ ﻋﻨﺪﺓ ﺭﺻﻌﻪ ﺑﺨﺪﺓبيج قصص عراقيه حقيقيه من واقعنا.روعه الطائي
ﺍﻡ ﻫﺬﺍﻝ،،ﺍﺑﻦ ﺣﻤﺎﻱ ﻛﺮﻳﻢ ﺍﻟﻠﻪ ﻳﺮﺣﻤﻪ ﺍﺳﻤﻪ ﺳﺎﻟﻢ ﻭﻋﻨﺪﺓ ﺍﺑﻨﻴﻪ ﻋﻤﺮﻫﺎ ﺧﻤﺲ ﺳﻨﻮﺍﺕ ﻣﺜﻠﺞ ﻋﺪﻫﺎ ﺭﺻﻌﺎﺕ ﻭﻫﺬﺍﻝ ﺍﻳﻤﻮﺕ ﻋﻠﻴﻬﺎ ﻛﻞ ﻣﺎﺗﺠﻲ ﻭﻳﻪ ﺍﺑﻮﻫﺎ ﻳﻀﻞ ﻳﺒﻮﺱ ﺑﺨﺪﻫﺎ ﻳﺤﺐ ﺭﺻﻌﺎﺗﻬﺎ
ﻫﻨﺪ،،ﺍﻟﻤﺮﺓ ﺣﺠﺘﻬﺎ ﺑﺼﻮﺭﺓ ﻋﺎﺩﻳﻪ ﺑﺲ ﺍﻧﻪ ﻭﺟﻬﻲ ﺍﻧﻄﻌﻦ ﺍﺣﻤﺮ ﻣﻦ ﺍﻟﻔﺸﻠﻪ ﺍﺗﻨﻮﻉ ﺍﻟﺤﺒﻮﺑﺘﻲ ﻭﺟﻬﺎ ﻣﻮ ﺭﺍﺣﻪ ﺗﻬﺰ ﺑﺮﺍﺳﻬﺎ ﻣﺴﺘﺎﻧﺴﻪ ﺑﻜﻼﻡ ﺍﻡ ﺍﻟﺸﻴﺦ ﻣﺪﺭﻱ ﺫﻛﺮﺕ ﺍﻳﺎﻣﻬﺎ ﻫﻲ ﻭﺟﺪﻱ ﻭﺻﺎﺭﺕ ﺗﻮﺯﻉ ﺍﺑﺘﺴﺎﻣﺎﺕ ﻭﺣﺪﻫﺎ
ﮔﻤﺖ ﺟﺒﺘﻠﻬﺎ ﺍﻟﺠﺎﻱ ﻗﺒﻞ ﻣﺎﺗﻨﺰﻝ ﺍﻟﻤﺮﺓ ﻉ ﺍﻟﺘﺮﺍﺑﻲ ﺍﻛﺜﺮ ﻭﺍﻛﺜﺮ
ﺻﺎﺭ ﻋﻨﺪﻱ ﻓﻀﻮﻝ ﺍﺳﻤﻊ ﻛﻼﻣﻬﻢ ﺑﺎﻟﻤﻀﻴﻒ ﺷﻴﺤﺠﻮﻥ
ﺣﻄﻴﺖ ﺷﺎﻟﻲ ﻋﻠﺊ ﺭﺍﺳﻲ ﻭﻃﻠﻌﺖ
ﺑﺎﺏ ﺍﻟﻤﻀﻴﻒ ﺻﺎﻳﺮ ﺍﺑﺼﻒ ﺑﺎﺏ ﺍﻟﺤﻮﺵ ﻷﻥ ﺍﻟﻤﻀﻴﻒ ﺧﺎﺭﺝ ﺍﻟﺒﻴﺖ
ﻣﺪﻳﺖ ﺭﺍﺳﻲ ﻣﻦ ﺍﻟﺒﺎﺏ ﺍﺳﻤﻊ ﻛﻼﻡ ﺑﺲ ﻣﻮﻛﻠﺶ ﺍﺭﻛﺰ ﮔﻠﺖ ﺩﺍﻣﻬﻢ ﺟﻮﺓ ﮔﺎﻋﺪﻳﻦ ﺧﻞ ﺍﺗﻘﺮﺏ ﺷﻮﻳﻪ ﻳﻢ ﺍﻟﺒﺎﺏ ﺑﻠﻜﺖ ﻳﺼﻴﺮ ﺷﻲ ﻭﺗﺨﺮﺏ ﺍﻟﺴﺎﻟﻔﻪ
ﺻﺮﺕ ﺍﻣﺸﻲ ﻋﻠﺊ ﻛﻴﻒ ﺍﺗﺨﺘﻞ ﻭﺻﻠﺖ ﻳﻢ ﺑﺎﺏ ﺍﻟﻤﻀﻴﻒ ﻭﻣﺪﻳﺖ ﺯﺭﺩﻭﻣﻲ ﺍﺗﺼﻨﺖ
ﻣﺎﺣﺴﻴﺖ ﻏﻴﺮ ﻭﺍﺣﺪ ﻭﺍﺭﻱ
ﻫﺬﺍﻝ،،ﺍﺣﻤﻢ ﺍﺣﻤﻢ
ﻳﺘﺘﺘﺘﺘﺘﺘﺘﺘﺒﻊ
أنت تقرأ
جبروت الشيخ هذال
Romance#جبروت_الشيخ_هذال عاد معنا الكاتب علي الفتلاوي وقصه جديده ان شاء الله تعجبكم كقصصه السابقات القصة حقيقية وباللهجة الريفية
