فادى وهو يضحك : عيب عليك وبرنامج Spy Ghost راح فين
خالد : ايوة لكن البرنامج ده لسة جديد
قاطعه فادى : والمخابرات جربته واحبطت محاولة السيطرة على سيناء من الجماعات المتطرفة قبل الثورة
وللان مصر ماأعلنتش عن الاختراع ده حفاظا على السرية التامة وعدم سرقته وكمان علشان الدول ماتخدش احتياطاتها
خالد : اوك تمام هبلغهم التعليمات الجديدة
ونظر فى ساعة يده وقال : انا لازم امشي دلوقتى
فادى : وانا كمان مش لازم نديم يلاحظ اى حاجة ووقت مايتم تحويل اتصالات نديم عندى هبلغك بالجديد
وانا هاجى ل أنس بكرة بالليل
وذهب كل منهم فى طريقه.....
***************
أما فى مصر
فى مكتب اللواء محسن
كان اللواء محسن قد انتهى من الاجتماع مع مديرى امن المحافظات لمناقشة بعض الاوضاع الامنية و لرفع درجة الطوارئ فى المحافظات تحسباً لأى هجمات ارهابية او تحركات للمنظمة
رن موبايل اللواء محسن برقم خاص (برايفت )
اللواء محسن : الو مساء الخير معاليك
المتصل : هتروح المكان ..... الساعة ......
معاك 10دقايق وتكون متحرك من مكتبك ...وقفل الخط
وبالفعل نفذ اللواء محسن المطلوب ووصل للمكان الذى أبلغه به المندوب
اللواء محسن : خير إحنا اتفاقنا إننا مانتقابلش الفترة دى يافندم
سيادة الرئيس : إلا إذا جد جديد ها إيه الموضوع
اللواء محسن بإندهاش : معقولة يافندم لحقت تعرف بالسرعة دى إن انا كنت هكلم حضرتك فعلا
سيادة الرئيس : يامحسن مش معنى إنى مشغول بالسياسة الخارجية لمصر وتحسين مكانتها بين الدول بعد اللي حصل الفترة اللى فاتت إنى اكون مش عارف إيه اللي بيحصل فى البلد
وإلا مااستحقش الكرسي اللي أنا قاعد عليه
اللواء محسن بتوتر : أسف يافندم انا مقصدش المعنى اللي وصل حضرتك
أنا كنت بعبر عن إعجابى الشديد بذكاء ودهاء معاليك يافندم
سيادة الرئيس : مش وقت تعبير خلينا فى المهم
اللواء محسن : رجالتنا لاحظوا الفترة الاخيرة وجود ناس بيشتغلوا لحساب الوزير .....
وبيحاولوا يلاقوا ديفيد بأى طريقة او اى خيط يوصلهم ليه
وكمان المنظمة مش ساكتين بعتوا رجالتهم مصر علشان يلاقوه وطبعا هما دخلوا مصر ك سائحين أجانب
لكن طبعا القائمة اللى فادى بعتهالنا بأسمائهم هى اللى ساعدتنا فى التعرف عليهم
سيادة الرئيس : وطبعا لو اتكشف موت فادى فى الوقت ده رد فعلهم هيكون عنيف جدا وهيحاولوا يردوا على كده بأى اعمال تخريبية
اللواء محسن : بالضبط يافندم علشان كده أنا من رأيى إننا نأخر المعلومة دى شوية علي الاقل لحد مافادى ونور يخلصوا مهمتهم برة مصر بهدوء
سيادة الرئيس : بالعكس هما لازم يعرفوها وهو ده التوقيت المناسب للمعلومة دى
اللواء محسن : اوامر معاليك يافندم لكن إسمحلي محتاج افهم وجهة نظر سيادتك إيه
لأننا كده زى اللي بيهيج عش دبابير علينا وخصوصا إن ولادنا هناك عندهم
YOU ARE READING
حياه بلا حياه
Romanceالمقدمة لم يكن يُدرك انه سوف يلقاها بعدما فقد الامل في العثور عليها ظناً منه انها ذهبت بلاعودة لم يكن يعرف انها أُجبرت علي ذلك للحفاظ علي حياته،وكانت صدمته عندما عرف انها لم تتزوج غيره كما كان يظن ،وانها حافظت علي عهدها معه،كم لعن الظروف التي جعلته...
