الفصل 19
في صباح يوم جديد استيقظت مكة ونظرت في مكان فارس فلم تجده فنهضت الي الحمام واخذت شور ونزلت الي غرفة الطعام فوجدت فارس وحسام ورجل يبدو علية في العقد الخامس من عمره وامرأه في العقد الرابع
مكة :- صباح الخير
الجميع :- صباح النور
نهض فارس من مكانة ومسك يديها وقال ببتسامة فخر :- اقدملكم مكة مراتي
ثم شاور الي الرجل وقال :- ده عمي جمال يا مكة والد حسام ثم شاور علي المرأه وقال :-
- ودي ماما نبيله والدة حسام
رحبت بهم مكة واستشعرت بجو الاسرة
نبيله ببتسامة :- انتي في الشهر الكام يا مكة
مكة :- داخله علي التاني يا طنط
نبيله :- طنط اية بقة انتي تقوليلي يا ماما زي فارس
مكة ببتسامة :- حاضر يا ماما
فارس :- خلي بالك من مكة يا ماما مش هوصيكي ثم وجهه كلامة لحسام وقال :- يالا يا حسام عشان منتأخرشي
حسام :- اوك
رحل حسام وفارس
بينما قال جمال :- انا هطلع استريح من السفر
نبيله :- انا شوية وهحصلك
جمال :- اوك
ذهب جمال الي غرفته
بينما نهضت نبيله من مكانها وسحبت مكة من يديها الي الجنينة وقالت :- اقعدي هنا يا مكة عشان عوزاكي في موضوع
مكة بستغراب :- موضوع اية يا ماما نبيله
نبيله :- انا حاسة انك متخانقة انتي وفارس عشان باين من تصرفاتكوا
مكة بتوتر :- لا مش متخانقين ولا حاجة
نبيله :- علي فكرة يا مكة فارس بيحبك ومتقوليش عرفت ازاي لان باين في عينة انتي مشفتيش بيبوصلك ازاي
مكة بتوتر :- ا.ا..
قاطعتها نبيله :- بصي يا مكة متضيعيش حياتك من ايدك واتمسكي في فارس لانة بجد بيحبك ونفسة ترضي تسامحية
مكة بشك :- قصدك اية
نبيله بتوتر :- هه قصدي علي اي حاجة ضايقتك منة
ثم اكملت بتوتر :- انا هطلع استريح بقة من السفر وانتي فكري في كلامي
ذهبت نبيله الي غرفتها وتركت مكة متضاربه مع افكارها
…………………………………………………
في فيلة دكتور ناجي في غرفة همس تحديدا
مسكت همس الهاتف وضغطت علي عدة ازرار فجائها الرد سريعا
مكة :- وحشتيني اوي يا همس
همس بحزن :- لو كنت وحشتك بجد كنتي اتصلتي عشان تطمني علية
مكة بأسف :- انا اسفة والله يا همس بس انا بجد كنت تعبانة الفترة دي
همس ببتسامة :- ولا يهمك يا مكتي بس انا عندي خبر حلو ليكي
مكة :- وانا كمان عندي خبر ليكي
همس :- قولي انتي الاول
مكة ببتسامة :- هتبقي خالتوا يا همس
همس بسعادة :- بجد يا مكة انتي حامل
مكة :- ايوة حامل
همس :- هييه هبقي خالتوا
مكة :- وانتي بقة اية الخبر اللي كنتي هتقولية
همس بسعادة :- احنا حددنا معاد الفرح انا وحسام وبابا وكمان مهرة ومازن هيعملوا فرحهم معانا واحنا يا ستي معزومين انهاردة عندكوا في الفيلة عشان نتعرف علي اهل حسام
مكة بسعادة :- ربنا يتمم ليكوا علي خير يا حبيبتي
همس :- صحيح يا مكة ابقي كلمي مهرة اصلها زعلانة منك جدا
مكة :- خلاص يا همس اقفلي انتي دلوقتي وانا هكلمها
همس :- اوك سلام
قفلت مكة مع همس واتصلت علي مهرة وانتظرت الرد
…………………………………………………
في منزل مهرة
وجدت مهرة هاتفها يرن فضغطت علي زر الرد وقالت :-
- انا زعلانة بجد يا مكة
مكة ببتسامة :- انا اسفة والله بس كنت تعبانة شوية
مهرة بقلق :- تعبانة لية يا مكة حصلك حاجة
مكة :- لا انا كويسة يا حببتي بس ابني الشقي بقة تعبني شوية
مهرة بعدم فهم :- ابنك اية انا مش فاهمة حاجة
مكة :- شوفي يا ستي انا حامل في بيبي صغير خالص ولما يكبر هيقولك يا خالتوا
مهرة بسعادة :- بجد يا مكة الف الف مبروك يا حببتي
مكة :- الله يبارك فيكي يا قلبي
نسبهم بقة مع بعض
………...........................................
في قصر هارون الدجوي
هارون :- اسمع اللي هقولك علية يا علاء وتنفذة بالظبط عشان الشحنة تدخل البلد
علاء :- اوامرك يا باشا
هارون :- انت هتعمل ...............
اخد يشرح له خطتة
اما هي كانت تراقب كل شئ وتسمع كل حرف ومع ذلك كانت اذكي فقد صورتهم علي الهاتف بدون ان يراها احد
…………………………………………………
في قسم الشرطة
اتصلت نداء بفارس
نداء :- انا عندي معلومات جديدة يا فارس وعرفت مين الراس الكبيرة زي ما طلبت مني
فارس :- هقابلك بعد نص ساعه في مطعم .........
نداء :- اوك باي
انهي معاها المكالمة ولملم اشيائه وذهب
…………………………………………………
في قصر فارس المهدي
كانت تجلس علي الفراش بتعب كانت تشعر بألم شديد اسفل معدتها فتحاملت علي نفسها ونهضت من مكانها ولكن الالم اشتد اكثر فتأوهت بألم وهي تذرف الدموع من عينيها
اقتربت من الطاولة التي تتوسط الغرفة ومسكت الهاتف تحاول الاتصال بفارس
…………………………………………………
في مطعم راقي علي البحر
اعطت نداء الهاتف لفارس فشاهد فارس الفديو وقال بجدية :- انا هاخد الفديو ولو عرفتي حاجة جديدة يا ريت تبلغيني بيها
نداء :- اكيد اي جديد هبلغك بية انا نفسي اخلص من هارون زي زيك
فارس :- عندي طلب ويا ريت تقبلي تنفذية
نداء :- اتفضل
فارس :- في ورق صفقات مشبوهه وغسيل اموال تدين هارون الدجوي فأنا عاوزها لو تعرفي تجبيها
نداء بتوتر :- هحاول
رن هاتف فارس فمسك الهاتف ووجد مكة من تتصل فعقد حاجبية بقلق واجاب علي الهاتف
مكة بألم :- فارس الحقني
فارس بقلق :- مالك يا مكة
مكة بوجع :- الحقني يا فارس مش قادرة استحمل
فارس بخوف :- انا جاي حالا متخافيش
اغلق الهاتف ولملم اشياء واستأذن من نداء وذهب
………………………………………………….
في فيلة دكتور ناجي
ناجي :- خلصي يا همس هنتأخر علي الناس
همس :- دقيقة بس يا بابا
ناجي :- بس بسرعه يا همس عشان هنتأخر
جاءت وقالت بفرح :- انا جاهزة
ناجي :- اوك يالا بينا
همس :- يالا
…………………………………………………
وصل الفيلة بسرعه رهيبة وصعد بلهفة الي الغرفة فوجدها منكمشة علي نفسها تبكي بصمت وتأن وتضع يدها علي بطنها
اقترب منها بلهفة وقال بخوف :-
- مكة حبيبتي حصلك اية
مكة بدموع :- بطني وجعاني اوي يا فارس
مسك فارس يديها وحسها علي النهوض وحملها بين يدية وهي متشبسة فية بتعب
نزل من الغرفة وخرج من الفيلة وذهب الي السيارة
وضعها برفق وصعد هو ايضا ثم بدء القيادة بسرعه رهيبة
…………………………………………………
وصل ناجي وهمس الي فيلة فارس المهدي وفتحت لهم الدادة فاطمة
فاطمة :- اتفضلوا في الصالون وانا هقول جمال بية هو نبيله هانم انكم شرفتوا
ناجي :- اوك شكرا
…………………………………………………
في المستفي
الدكتورة سميرة :- عاملة اية دلوقتي يا مكة
مكة :- الحمد الله بقيت احسن من الاول
فارس بقلق :- هي كان مالها يا دكتورة
دكتورة سميرة :- هي كويسة بس بيحصل كدة ديما في اول شهور الحمل يعني متقلقشي يا فارس باشا المدام كويسة
تنهد براحة
فأكملت الطبيبة ببتسامة :- اية يا مكة مش عاوزة تشوفي البيبي
مكة بفرحة :- بجد ينفع اشوفة يا دكتورة
الدكتورة :- ايوة
وضعت الدكتورة سأئل لزج علي بطن مكة
وقالت :- بصي علي الشاشة كدة
نظرت هي وفارس علي الشاشة فرفعت الدكتورة سميرة الصوت فسمع فارس ومكة دقات قلبة
نزلت دموع مكة بفرحة اما فارس فأحس بأحساس غريب لم يشعر بية من قبل ونظر الي الشاشة بسعادة
مكة :- ممكن اعرف يا دكتورة اذا كان ولد ولا بنت
الطبيبة ببتسامة :- مش دلوقتي يا مكة لسا بدري لما تبقي في الرابع
مكة :- اوك
نهضت مكة وعدلت من ثيابها بينما قالت الطبيبة لفارس
الدكتورة :- ممكن تستني لحظة يا فارس باشا دقيقة وهرجع
فارس :- اوك
خرجت الطبيبة بينما اقترب فارس من مكة وطبع قبلة حانية علي جبهتها وقال ببتسامة حانية :- عاملة اية دلوقتي يا مكتي
ضغط علي كلمت مكتي ليخبرها انها ملكة فقط
مكة :- الحمد الله احسن
مسك يدها وقبلها برقة وقال بسعادة :-
- شوفتي البيبي يا مكة وسمعتي صوت قلبة
مكة بفرحة :- صوت نبضاتة كان جميل اوي يا فارس
قاطعهم دخول الطبيبة سميرة ببتسامة ومدت يدها بشريط لفارس
فارس :- اية دة
الدكتورة سميرة :- دي نسخة فديو من الصونار
اخذ منها الشريط بسعادة ثم شكرها واخذ مكة ورحل علي اتفاق بالعودة مرة اخري الاسبوع
…………………………………………………
في فيلة فارس المهدي
دخل حسام الفيلة وهو يهتف بسعادة
حسام :- ماما انتي فين يا ماما
نبيله :- تعالي يا حسام احنا في الصالون
دخل الصالون ورحب بناجي وهمس وجلس معهم
جمال :- معلشي يا دكتور ناجي بس انا بجد مش هقدر اسيب شغلي اكتر من اسبوع ولازم اسافر فأية رأيك يكون الفرح اخر الاسبوع بدل اخر الشهر
حسام بسعادة :- هو دة الكلام ولا بلاش يا بابا
جمال بتحذير :- حسام اتلم
حسام بخضوع :- اوك يا بابا
ناجي :- انا مش عارف اقولك اية بصراحة يا جمال بية انا فعلا كان لازم اقرب الفرح اكتر من كدة
نظرت له همس بدهشة
فأكمل هو :- بصراحة المستشفي اللي كنت شغال فيها بره محتجاني ولازم اسافر بس انا لازم اطمن علي بنتي
نظرت له همس بدموع ثم نهضت من مكانها وقالت بحزن :-
- هتسبني تاني يا بابا
ناجي :- يا حبيبتي انتي هيبقي معاكي حسام وانا كل شهرين هنزل زيارة عشان اشوفك
نهض حسام من مكانة ومسك يديها وقال بحب :- اية يا همستي انتي زعلانة عشان هتبقي معاية
همس بكسوف :- لا مش زعلانة انا زعلانة عشان بابا هيسافر وهيسبني
دخل في هذا الوقت مكة وفارس
فقال فارس بمرح :- اعمل الحاجات دي في مكان تاني يا حسام مش هنا
احمرت وجنتي همس وابتعدت عن حسام
حسام بضيق :- ده انت بارد يا فارس قطعت علية اللحظة
ضحك الجميع علي حسام بينما صعدت همس مع مكة الي غرفتها لتتجنب النظر لهم بينما ظلت العائلة تتفق علي الزفاف واخبروا مازن ايضا فحضر ليتفق معهم لكي يكون زفافة مع حسام
وبعد الانتهاء من الاتفاق والعشاء ذهب الجميع الي بيتة علي اتفاق ان يكون الزفاف اخر الاسبوع بدلا من اخر الشهر
…………………………………………………
في غرفة فارس ومكة
كانت مكة في الحمام بينما فارس يجلس علي فراشة يستمع الي دقات قلب طفلة وينظر الي شاشة الاب توب بسعادة
عندما خرجت مكة من الحمام وجدته مندمج بشدة في الجهاز وهو يري طفلة ويستمع الي دقاتة وهو مبتسم بسعادة
فرحت هي كثيرا واقتربت من الشاشة ونظرت لها بحب فنتبة هو لها فقفل الجهاز ومسك يديها بحب وقال بترجي :- مش هتسامحيني بردوا
نفضت يدة بشدة وقالت بضيق :- لا مش هسامحك
انهت كلامها واعطتة ظهرها واغمضت عينيها وذهبت في سبات عميق
اما هو فتنهد بضيق ونظر لها بحزن واعتدل في نومتة وذهب في سبات عميق هو ايضا
يتبع
أنت تقرأ
رواية البريئة والقاسي
Romanceالمقدمة هو قاسي ومتملك لايعرف الرحمة هي بريئه رأت جريمة بعينيها كانت السبب في ان تقع هي في شباكة كفريسة لحمايتها ولكن قسوتة تبقي الشئ الوحيد الذي لا يمكن حمايتها منة فهل قسوتة عندما تتحد ببرأتها ستفوز ام ستقع هي في براثن هذا القاسي الذي لا يعرف شئ...
